AHD Academy أكاديمية عهد

09/09/2022

08/09/2022

العلم نور، جملة اتقالت كتير وحقيقتها بتبان لما تلاقي شخص بيقدر يساعد غيره بعلمه.
ولان تعليم الغير من الاعمال اللي ربنا خلاها صدقة جارية بنقولك دايما ماتبخلش بعلمك وساعد غيرك بيه
اليوم العالمي لمحو الأمية.

07/09/2022

الاستراتيجية والخطة، كلمتين دايما بيجوا مع بعض بس الحقيقة ان الكلمتين مش نفس المعني.
الاستراتيجية هي اللي بتكون الاول، بيكون الشخص المسئول في اي شركة او مؤسسة بيشوف الاستراتيجية للمدي الطويل اللي المنشأة هتمشي عليها. كأنه بيرسم خطوات كتير علشان يوصل لهدف معين.
الخطة هي اللي بتكون تاني شيء لانها بتكون حل او مجموعة حلول لمشكلة محددة او صراع معين بتواجه الشركة علي المدي القصير.
لو اتكلمنا علي فريق الكرة كمثال، المدير الفني بيشوف الاستراتيجية الاصح انه يبدأ مشوار من اول ماتش لحد اخر البطولة (علي المدي الطويل).
لكن لو في ماتش محدد صعب يكسبوه بيبدأ يحط خطة يحل بيها ازمة الماتش ده (علي المدي القصير).
الفرق بينهم نقدر نلخصه في ان الاستراتيجية بترسم بيها وجهتك والخطة بتشوف بيها طريقة ازاي تمشي للوجهة دي.
بس غير المصطلحين دول في مصطلح تالت مرتبط بيهم وهو السياسة.
سياسة الشركة او المؤسسة بيكون المقصود بيها القواعد اللي بتحدد كل شيء تابع للمؤسسة بيحصل فيها.
تقدر تقول عليها مبادئ للشغل، القواعد والمبادئ دي هي اللي بتنظم الشغل علشان تقدر المنشأة توصل لهدفها اللي الاستراتيجية كانت موجودة ليه.
بس الاستراتيجية دي ممكن تتعدل ف يوم وليلة حسب ما اي شيء جديد بيحصل، عكس السياسة للشركة اللي بتكون ثابتة وموحدة في كل الادارات.

06/09/2022

لو الكلية مش ملزمة بانها تعرفك كل حاجة وهتكمل باقي طريقك بتدور عالمعلومة، فاحنا ملزمين.
ملزمين اننا نساعدك تطور من نفسك وتكون/ى افضل من امبارح.
لان AHD Academy بتقدملك كورسات في مجالات كتيرة علشان تقدر/ى تكون/ى دايما شخص بيطور من نفسه.
ابعتوا لنا رسالة عن اي كورس عايزين تسألوا عنه وتابعوا بوستاتنا دايما.

06/09/2022

في 2003 جه عالم بريطاني اسمه (ريتشارد وايسمان) اتكلم في كتابه (عامل الحظ) ان الشخص المحظوظ بيعمل خطوات محددة علشان يجيله الحظ، ازاي؟
حقك تستغرب، بس هو شرح كلامه بان الحظ ليه مباديء هتمشي عليها هتكون محظوظ. الخطوات دي كتاب (ان تكون نفسك) قالها وشرحها.
طب ايه هي المباديء دي؟
1. الاعتقاد الايجابي، طول ما بتفكر في ايجابية هتجذب حواليك كل شيء ايجابي. التفاؤل هيأثر عليك بالايجابية وتلاقي كل اللي نفسك فيه، والتشاؤم هيأثر فيك بالسلب وبالتالي هتلاقي كل شيء سلبي.
2. المرونة، انك تحاول توصل لهدفك بكل الطرق وماتفضلش في طريق واحد صعب او مش هيوصلك. اعمل خطة واتنين وتلاتة يوصلوك لهدفك، فلو وقفت في سكة في سكك تانية تقدر تمشي فيها.
3. التعرض لفرص اكتر، انك تخرج من دايرتك وتحاول تشوف فرص اكتر تزود من احتمال انك تلاقي الحظ السعيد اللي نفسك فيه.
4. تحويل النحس للحظ، وهي انك تبص للموضوع من وجهة مختلفة هتلاقي انك محظوظ، زي قصة الملك اللي لما اتصاب كان ده حظ سعيد ليه انه ماتقدمش قربان للالهة لجماعة اخدته بالقوة.
5. كن ناجح تكن محظوظا، لان النجاح بجيب نجاح والشغل بيجيب شغل. انت لو ناجح في شغلك ناس تانية هتحاول تتعاون معاك في شراكة مثلا او استشاراتك لشركات نفس مجال شغلك وخلافه.
6. الحدس، والحدس ده من الحاجات المهمة وناس بتتميز بانها تعرف الفرص واحساسها بيكون صحيح من غير مبررات.
قولنا انت بتعمل ايه من الـ6 خطوات دي علشان تكون محظوظ؟

05/09/2022

الحقيقة والنظرية والفرضية، 3 كلمات لقينا بينهم خلط قولنا لازم نتكلم عنهم هنا.
الحقيقة هي شيء موجود بالفعل ومش محتاج نقاش.
لكن النظرية هي طريقة من طرق عرض الحلول، فلو عندك مشكلة بتعرضلها نظريات جايز تحقيقها يحل المشكلة بس، اهم ميزة ليها انها مثبوت صحتها ومعروف نتيجتها.
طيب والفرضية؟
الفرضية هي شيء خيالي عايزين نحققه، مثلا عندي افتراض بيقول لو حركت الازارة دي ممكن تقع ده مش حقيقة موجودة ولا نظرية بحطها واشوف نتايجها ده اسمه افتراض يمكن يحصل ويمكن لا.
لكن، هل الحقيقة كانت في وقت معين فرضية لحد ما تم تأكيدها؟ ايوه.
(ألفريد فيغنر) هو العالم اللي اتكلم عن حقيقة موجودة حاليا كانت بالنسباله فرضية افترضها وفكر فيها وحاول يثبت صحتها وبقت نظرية الانجراف القاري.
العالم فيغنر هو اللي لاحظ التشابه الكبير بين نهاية قارة افريقيا وقارة أمريكا الجنوبية وقال (فرضية) ان القارات في يوم من الايام كانت قارة واحدة كبيرة وانفصلت. فيغنر لقي وثائق علمية كتير بتأكد وجود تطابق في أحافير نباتات وحيوانات كانت على جانبين المحيط الاطلنطي وده اللي شجعه يدور اكتر وفرضيته بقت نظرية ليها اثبات.
وقتها كان كلامه جنون واتهاجم من كل علماء الجيولوجيا في وقته، لكن بعد وفاته وفي الستينات تم اثبات صحة نظريته وبقت حقيقة مؤكدة واساس علمي.

03/09/2022

هل النجاح بيحقق السعادة ولا العكس؟
كل الناس شايفة انك لو ناجح هتكون مبسوط، طيب لو انت مبسوط مش هتحقق النجاح اللي عايزه؟
زي ما نيوتن قال الجسم الساكن بيفضل ساكن طالما مافيش قوة خارجية اثرت ليه، في كتاب (ان تكون نفسك) الكاتب قال ان الفاشل هيفضل فاشل طالما مافيش قوة خارجية اثرت عليه بردو.
طيب ايه هي القوة اللي بتحركنا للنجاح؟ الكاتب قالنا علي 3 محركات دايما موجودين عند كل شخص ناجح قابله:
1. الخوف من الفشل
2. الرغبة في هدف معين (شخص عنده شغف)
3. الاستمتاع بالطريق
الكاتب قال انهم موجودين عند كل شخص ناجح بطرق متفاوتة بس لازم كل القوي دي تكون موجودة مع بعض، يعني انت لازم تخاف من الفشل في انك توصل لهدف محدد لكن الخوف لوحده الدائم من الفشل هيتعبك، ووجود هدف يخليك تكمل الطريق مش كافي لو انت هتمشيله الطريق وانت تعبان. لازم تستمتع بالرحلة لان وصولك لهدفك من غير ما تكون مستمتع بمجهودك هيضيع عليك فرحتك لما تنجح.

01/09/2022

زي ما سلطان قال، سبتمبر جانا وفرحنا به علشان هيبدأ معاه الحجز لـ round جديدة من كورساتنا
• محامي الشركات
• الايصال الالكتروني
• دراسة الجدوى
• تحليل مالي
• محامي الشركات (الجودة في تأسيس الشركات)
• Google Ads
• Personnel and Payroll

تقدر تعرف اكتر عن اي كورس عايزه، ابعتلنا رسالة علي الصفحة بسؤالك وهنرد عليك.

31/08/2022

«افترض معي أنك تقرأ إعلانا للعمل بأية وظيفة، ما الذي حتما ستراه في شروط القبول؟
إنه (العمل تحت الضغط). سواء كنت تستطيع العمل مضغوطا أم لا فحتما أنت تلجأ لكتابة تلك الجملة في ركن المهارات بسيرتك الذاتية، ولكن ما مفعول ذلك الشعور عليك؟»
اعرف تأثير الضغط في الشغل والطريقة الصحيحة للتعامل معاه من مقالنا الجديد علي موقعنا من اللينك ده : https://bit.ly/3TsaCaX

30/08/2022

الفرق بين المهارات العملية والمهارات الشخصية
دايما بنكتب في الCV مهارات كتير بس ايه المهارات الشخصية والمهارات العملية؟
المهارات الشخصية هي المهارات الاجتماعية وصفات الشخص نفسه زي
• التواصل
• الصبر
• تعرف تقنع غيرك وتعبر عن رأيك
• تعرف تحل المشكلات
• العمل الجماعي
• تعرف تدير وقتك
• تقدر تكون قائد
• الابداع
• تعرف تاخد قرار
• تعرف تتعامل مع كذا مهمة في نفس الوقت
وفي اكتر، باختصار هي صفاتك وصعب تتقاس او يكون ليها اثبات.
على عكس المهارات الشخصية، المهارات العملية بتتقاس وبتتعلمها وهي بكون قدراتك انك بتعرف حاجات كتير زي
1. تعرف لغة محددة
2. بتفهم في استخدام الـComputer
3. معاك شهادة تبع مجال محدد
4. درجتك الدراسية
5. مهارات تابعة لمجالك
وهي بتحتاج وقت ومجهود وتدريب وممارسة علشان تقدر تتقنها وده سبب انها بتكون مهمة وقيمة.

29/08/2022

«منذ بدأ التطور للإنسان وهو يفكر بخلق كيان مشابه له لتسهيل كل عملية يقوم بها، بدأت سلسلة الابتكار هذه بأجهزة كثيرة كالسيارة لسهولة الحركة والهاتف للتواصل والحاسوب لأداء مختلف المهمات لتصل بالتفكير في إنسان آخر مشابه له ولكن آليا.
فكر الكثير بالإنسان الآلي وبحلم صنعه وراح الأدباء والمؤلفون يحيكون قصصا عنهم في الأفلام والروايات، حتى تم إنشاء ما يعرف بالذكاء الاصطناعي.
من (Siri) و(Google Assistant) وكل تطبيق به (AI) لنصل لمواقع وتطبيقات خاصة لعمل مهمات بمجرد إعطائها بعض الكلمات لمعرفة ما تريد.»
اعرف دور الانسان هيتأثر بوجود الذكاء الاصطناعي في حياتنا ولا لا من مقالنا الجديد علي موقعنا من اللينك ده :https://bit.ly/3QWX5qa