Kids Planet Academy

لغه عربيه
حرف ال ت

English sessions ♥️
Letter t

English sessions ♥️
Craft
Letter O

Montessori 💗

Circle time 💗
English

Circle time 💗
Arabic time

Circle time 💗
Arabic time ...

من أهم العوامل اللي بتبني نفسية الطفل وتوازنه الداخلي.. وجود الأب
مش وجود شكلي، ولا سلطة أو أوامر، لكن حضور مليان حب واهتمام ووقت حقيقي.

الطفل اللي يحس إن أبوه قريب منه، بيحضنه، بيسمعه، وبيشارك تفاصيله..
بيكبر وهو واثق من نفسه، حاسس إن في ظهر وسند.

الأب هو أول صورة للرجولة قدّام ابنه،
وأول إحساس بالأمان في قلب بنته.
طريقته في الكلام، ردود أفعاله، حنانه واحتواؤه..
كلها دروس بتتشبّع جوا الطفل من غير ما يقول كلمة.

أحيانًا الأب مش محتاج يعمل إنجاز كبير علشان يسيب أثر،
يكفي وقت بسيط، لعب صادق، حضن، أو مجرد وجود حاضر ومحب.
لأن الطفل مش بيفتكر عدد الساعات..
هو بيفتكر الإحساس اللي كان حاسه وهو جنبك.

مشاركة الأب في حياة أولاده بتخلق جوّاهم توازن نفسي حقيقي،
تخلّيهم يحبّوا نفسهم صح، ويتعاملوا مع الدنيا من مكان مليان أمان وثقة.

ولكل أب:
طفلك مش محتاجك تكون "الأب المثالي"…
هو محتاجك تكون الأب الحاضر.
يسمع، يحتوي، يحب، ويطمن.

خليك السند اللي يرجعوله،
وخلي حضورك عادة مش لحظة عابرة…
لأن الذكريات اللي بتتبني من اللحظات الصغيرة النهاردة
هي اللي هتعيش معاهم طول العمر. ❤️

هو ليه مهم أعرف نمط تعلم ابنى ؟🧠

يا جماعة، احنا كلنا مختلفين، وده شيء طبيعي.
زي ما في ألوان وأذواق مختلفة، في كمان طرق مختلفة بنتعلم بيها.
وده شيء أولادنا ورثوه مننا. علشان كده، لما بنقعد مع ولادنا في المذاكرة، مش كل الطرق تنفع مع كل الأطفال.
لازم نفهم النمط التعليمي بتاع كل طفل 👇

أنماط التعلم الأساسية 3 أنواع:
👁 الطفل البصري
👂 الطفل السمعي
💪 الطفل الحركي

تعالوا نفهم كل نوع وإزاي نتعامل معاه.

👁 النوع الأول: الطفل "البصري" (بيحب يشوف)

ده الطفل اللي عينه هي مدخله الأساسي للمعلومة.
بيحب الصور، والألوان، والشكل. بيتذكر الوجوه والأماكن بسهولة.
غالباً هتلاقيه بيحب الرسم والتلوين 🎨

إزاي تذاكر معاه؟

خرائط ذهنية (مايند ماب) 🌿 سهله جدا و بتساعد على الحفظ و زيادة التركيز في نفس الوقت

استخدم ألوان وهاي لايت مختلفة

بطاقات مصورة (Flashcards)

حول المعلومات لرسومات بسيطة

فيديوهات تعليمية مليانة صور

إيه اللي نتجنبه؟

التلقين والكلام الطويل

الشرح الأبيض والأسود

إنك تقوله “اقرأ وافهم” من غير ترتيب بصري

👂 النوع التاني: الطفل "السمعي" (بيحب يسمع)

ده الطفل اللي أذنه هي سلاحه 🎧
بيتعلم بالكلام والمناقشة، وبيحب يحكي القصص، وكلامه مع نفسه جزء من تركيزه.

إزاي تذاكر معاه؟

ناقشه في الدرس نقطة نقطة

سجله بصوتك او صوت المدرس اللى بيحبه الدرس يسمعه بعدين

حول المعلومات لأغاني أو إيقاعات

خليه هو يشرحلك الدرس بنفسه

سيبه يقرأ بصوت عالي

تجنب معاه:

الصمت التام

الاعتماد على الكتابة بس

مقاطعته وهو بيتكلم

💪 النوع التالت: الطفل "الحركي" (مش بيسكت في مكانه)

ده الطفل اللي جسمه كله وسيلة للتعلم، وبيتعلم بالحركة 👣
بيحب اللمس والتجريب ومش بيقعد أكتر من 5 دقايق على الكرسي!

إزاي تذاكر معاه؟

اعمل تجارب عملية 🧪

استخدم مكعبات ومجسمات

اربط المعلومة بحركة أو لعبة

خليه يذاكر على فترات قصيرة

استخدم سبورة يكتب ويمسح عليها

تجنب معاه:

إجباره على الجلوس الطويل

توبيخه علشان مش بيسكت