Game Development Academy

خلص الجام
وخلص الاعلان عن الفايزين في الجام
وشكرنا كل الناس اللي لولا حضورهم ومشاركتهم الجام مكنش هيطلع كده
فاضل نشكر الفريق اللي كان ورا ترتيب كل ده؟
شكراً لتيم الاكاديمي على جام نتمنى يكون مختلف ليكم زي ما كان مختلف لينا
كل اللي شفتوه اغلبه مكنش هيحصل لولا مساعدة أ.ماجد رمسيس وأ.محمد إمام زمايلنا في المعهد والمسؤولين عن ال PR و م.علاء رشدي من TSU

كما مينفعش منقولش انه التيم ايام الجام مكنش الstaff بس لأ كان معانا Volunteers من الطلبة كانوا بيساعدونا بقلبهم بجد لانه كان فارق معاهم الجام يطلع حلو (مش هحكيلكم على انه في كتير منهم جم ساعدوا وهم حتى مكنوش متطوعين 🤫)

كل جام وانتوا طيبين 🥳🎈

كلكم شفتوا الposters وال illustrations بتوع الجام صح؟
دول كانوا في كل حته! البوستر الكبير واللي كان عند بوابة المسرح ده غير ال Xbanners والstickers وال postcards
وده طبعاً ميخليناش ننسى الديزاينز بتاعت السوشيال ميديا وال presentation layout
كل ده بقى كان مجهود Dai Ashraf هي اللي كانت مسؤولة عن كل التفاصيل دي (نسينا نقول كمان ان هي اللي رسمت الفريم بتاع صور ال photobooth والستيكر اللي كان ملزوق عليها وطبعاً الايكونز بتوع الويب سايت 🙆🏻‍♀️)
فشكراً لضي ولضيفة شرف كل الillustrations يوكي وهي قطة ضي ✨️❤️

من اول يوم في الجام واحنا بنشارك معاكم صور، فيديوهات وreels عن الجام
والبوست ده فرصة اننا نشكر المسؤولين عن كل العظمة دي!
تسلم إيد عبدالرحمن إسماعيل على كم الصور اللي صورتها 🥳✨️
وشكر جامد وكبير لعبدالله أمجد على الفيديوهات والريلز اللي نزلت وهتنزل 🙏🏻✨️
مجهودكم خلانا عملنا تغطية كااملة للجام ولا مهرجان الجونة
وبصراحة لولاكم مكنش الجام انتشر بالشكل ده على سوشيال ميديا والبوست ده مجرد محاولة بسيطة لشكركم

Abdelrhman Ismaeil on Instagram:
https://www.instagram.com/abdelrhmanismaiel?igsh=MTM4dnF1N3E1YnN3Mw%3D%3D&utm_source=qr
Abdullah Amgad on Instagram:
https://www.instagram.com/abdullahamgad?igsh=MXRid3FwczBqdDA5dg==

يومين الجام كانوا ايام مليانة talks جديدة ومتنوعة
وده مكنش هيحصل لولا مشاركة ال speakers معانا في الجام وإيمانهم بقيمة مشاركتهم معانا وعلشان كده لازم نشكرهم ✨️
(قريب كل ال talks دي هتبقى متاحة اونلاين وهننزل بوستات مخصوص نعلن زي ال panel بتاعت مروان إمام ونجيب ولينا 🤫)
في يوم الافتتاح كان معانا كلمة من د.هبة صالح رئيسة معهد تكنولوجيا المعلومات ترحيب بكل الحضور وتشجيع ليهم وعلينا على الاهتمام بالنوع ده من الايفنتات
خلونا الاول نشكر ضيوفنا اللي شاركوا معانا اونلاين لانه رغم جداولهم الزحمة إلا انهم اهتموا يكونوا معانا في الجام:
-David I. García from Epic Games:
كان معانا يوم الافتتاح وكلمنا عن Epic Ecosystems وجاوب على اغلب الاسئلة اللي كانت شغالة بالكم ✨️
-Sho Sato from IGDA Incubation SIG Group:
اللي كلمنا عن ازاي الألعاب هي لغة تواصل مشتركة حول العالم وازاي الألعاب بتوصل افكار وممكن تغير مصاير شعوب 🥳
-Danar Kayfi:
اتكلم معانا عن ازاي تعمل لعبة حلوة وإيه الخلطة السحرية لده 🙏🏻
نتكلم بقى كمان عن ضيوفنا اللي شرفونا في المعهد ونبدأ Khaled Kifah اللي شاركنا ب talk عن "Uses of a game engine in Film & TV production" ده غير انه فرجنا على جزء من شغله في الافلام والمسلسلات
كمان شارك معانا Ahmed Yousry Community Manager from Bandai Namco ب talk جريئة عن ايه مشاكل صناعة الألعاب في مصر؟ والعنوان ده فتح باب واسع للاسئلة وشارك معانا في الرد عليها بشكل ارتجالي Walid Khairy Co-Founder / Game Executive at 2024 Studios لان كان معانا سؤال له علاقة بالستوديوهات في مصر
ده غير الtalk اللي قدمتها لينا Noha El-Gendi عن ال Localization ودورها في شركة Tencent

كمان كان معانا 2 Panel Discussions:
-Digitopia panel ودي استضفنا فيها الفائزين بالمراكز الاولى في المسابقة وكلمونا اكتر عن تجربتهم فشكراً ل Mahmoud ELaboudy, Khaled Elsayed Zakaria و Merna Tarek
-The Egyptian Gaming Market Panel: ودي اللي كان معانا فيها مروان امام، Ahmed Najeeb و لينا الأنصاري! ودردشنا كتييير عن التحديات وافكار متناقشتش قبل كده خصوصاً حاجات ليها علاقة بال marketing
تقدروا تشوفوها دلوقتي على يوتيوب:
https://youtu.be/2RP1_dwnPnk?si=f9UaLwHnMAI3mXjJ

واخيراً وليس اخراً كان معانا workshop تقريباً اول مرة تتعمل وكانت عن ال Game Writing قدمها لينا احمد السيد وكانت تسخين لطيف قبل اعلان الثييم

شكراً لكل الناس اللي شاركت معانا بمنتهى الحب والتفاني🙏🏻✨️

الجام كان مليااان جيمز
تخيلوا 64!
متفوتوش فرصة تجربوهم كلهم من ال Jam Page
https://itch.io/jam/egypt-game-jam-2026/entries
امبسطنا بوجودكم كلكم معانا وتسلم إيدكم على مستوى الألعاب الجامد ده 🥳✨️

على قد فرحتنا بالجام وبفرحتكم بيه
على قد ما احنا فرحانين وفخورين بطلاب المنحة السنة دي اللي قدروا وفي وقت قصير من دراستهم في المنحة انهم يكبسوا المراكز التانية والثالثة:
لعبة قعدة دومنة كسبت المركز التاني Best Game Overall
متفوتوش تجربة دومنة مخالفة خااالص عن اللي عارفينها:
https://abdelrhman-mostafa.itch.io/a3dt-domino

Inkme مش لعبة قد ما هي interactive experience راهن بيها التيم انهم يشتغلوا ب kinect رغم كونه صعب ومعقد
وايه كانت النتيجة؟ انهم كسبوا المركز التاني Best Game-Original Art!
تجربة متتفوتش:
https://nopoint.itch.io/inkme

ده غير لعبة Who Am I اللي قدرت ببساطة تحجز المركز الثالث ل Best Game-Original Art باستايلها الجميل
https://sohilalaasar.itch.io/whoami

واخيراً تاني احسن لعبة VR هي لعبة Blank Again واللي بجد لازم تتجرب لو عندكم نظارة VR
https://3obad.itch.io/blank-again

شكراً لطلابنا حبايبنا اللي دايماً بيفرحونا بشغلهم 🥳✨️
متنسوش تدوهم فيدباك..وكمان تشجعووهم 😉🫶🏻

اعلننا عن الجوايز
بس لازم ينزل بوست مخصوص لل Sponsors بتوع الجوايز 🥳✨
شكراً ل DGtizers و XPPen اللي قدموا Vouchers بقيمة 40 ألف جنية موزعة على الفايزين بجايزة Best Game Overall و Best Game-Original Art على منتجات XPpen! 🏆
ده غير7 coupons خصم بقيمة 15% لكل الفايزين بجايزة Best VR Game و Best Cinematic Video على اي منتج من منتجات XPpen
نتمنى تكون الجايزة دي حافز ليهم يقدموا دايماً شغل اجمد 🙏🏻

اعلننا عن الجوايز
بس لازم ينزل بوست مخصوص لل Sponsors بتوع الجوايز 🥳✨
شكراً ل Nayzak Animation School اللي قدموا 13 كورس مجاناً لكل الفائزين في ال4 فئات يختارهم الفائزين من مجموعة كورسات Game Art & Cinematics 🏆
نتمنى تكون الجايزة دي حافز ليهم يقدموا دايماً شغل اجمد 🙏🏻

اي نعم الجام خلص...بس مش كل حاجة بتخلص بتبقى فاتت!
وعلشاااان كده قررنا نشارك معاكم اكتر panel تفاعلتوا معاها 🥳✨
متفوتوش (تاني) ال Panel Discussion اللي ناقشنا فيها كلام كتير عن مجال الألعاب، نبدأ منين ومنين بيودي لفين؟
فتحنا مواضيع زي الuse of IPs, Product placement، القرصنة وازاي تفرض هويتك في اللعبة من غير ما تحط الأهرامات والنيل!
ده غير فقرة الأسئلة 🙆🏻‍♀️
هتلاقوها كاملة هنا على الyoutube channel:
https://youtu.be/2RP1_dwnPnk

خلص الجام
وخلص الاعلان عن الفائزين في الجام
بس مخلصناش شكر لكل الناس اللي ساهمت الجام ده يطلع بالشكل ده!
لازم نشكر ال mentors اللي كانوا معاكم على ديسكورد طول فترة الجام!
Youssef Mostafa Game Design mentor-اللي كانوا موجودين في المسرح اي مرة اتقال فيها اسم يوسف اكيد سقفوا دلوقتي 😂😂
Muhammed Yehia Game Art mentor
Mohamed Nady Unreal Art mentor
Karim Haddad Senior Unity Technical Art mentor
Amjad Mohamed Game Programming mentor
وطبعاً شكر خااص لكل ال jury members اللي لعبوا وقيموا 64 مشروع بين 2D,3D,VR Games غير ال Cinematic videos واللي احتاج منكم اكتر من 6 ساعات علشان تقيموا كل تفصيلة ده غير ال Feedback اللي اهتميتوا تقيدموه للمشاركين وكان فعلاً مفيد ✨
Ahmed Yousry Community Manager at Bandai Namco
Mohamed Ismail Hafez Managing Director at Limbic Entertainment
Noha El-Gendi Senior Concept Artist at Tencent
Osama El Sharkawy CEO Merse company
Youssef Kamal Unreal Authorized Instructor & CG Supervisor

وقتكم ومجهودكم وخلاصكم كان باين جداً وأثر على مستوى (وللأسف عدد) المشاركات اللي قدمها الjammers🥳
كل جام وانتوا طيبيين

وأخيراً Best Game Overall 👏🏻✨️

مبسوطين جدًا نعلن إن جائزة Best Game Overall في Egypt Game Jam 2026 راحـت لـ “IPSE” من Abdallah Sherif, Sleem Elkhodary, Mohab Khaled & Youstina Mitcho! 🥳

شكر كبير لـ Nayzak Animation School على تقديم 4 كورسات مجانية من منهج Game Art & Cinematics 🎓
وكمان DGtizers & XP-Pen قدموا لكل فائز voucher بقيمة 5k على منتجات XP-Pen ✨

شكر خاص جدًا للjury members الرائعين: Mohamed Ismail Hafez, Ahmed Yousry, Noha El-Gendi, Osama El Sharkawy & Youssef Kamal على توجيهاتهم، feedback المفصل، والتفاني في دعم كل المشاركين 🙏🏻

متنسوش تجربوا اللعبة:
https://youstinamitsho.itch.io/ipse

ألف مبروك لفريق IPSE! إبداعكم، الـ gameplay، والابتكار فعلاً مميز جدًا