Generations Academy

نشاط التطابق للاطفال يقوي التركيز والذاكرة البصرية، ويطورمهارات التمييز البصري واللغوي.

‏TikTok · قران 🤍 ‏99.9K من تسجيلات الإعجاب، 3487 من التعليقات. "دعاء ليله الاسراء والمعراج 27 رجب”

🌌🐎 قصة: الإسراء والمعراج (رحلة فوق السحاب)
قبل الرحلة دي، النبي (صلى الله عليه وسلم) كان بيمر بأصعب أيام حياته.
زوجته وحبيبته (السيدة خديجة) ماتت، وعمه اللي كان بيحميه (أبو طالب) مات. وأهل الطائف ضربوه بالحجارة وطردوه.
النبي كان حزين جداً ومهموم. 😔
فربنا أراد إنه يكرمه ويفرحه، ويقوله: "لو أهل الأرض ضايقوك، فأهل السماء بيحبوك وبيستنوا لقاءك". ❤️
بالليل، والنبي نايم في مكة (عند الكعبة)، جاله الملاك جبريل (عليه السلام).
ومعاه دابة (حيوان) عجيبة اسمها "البُراق". 🐎⚡
البراق ده لونه أبيض، وشكله جميل، وسريع جداً لدرجة إنه بيحط رجله عند "منتهى بصره" (يعني الخطوة الواحدة بتاعته بتوصل لآخر مكان عينه شايفاه!).
النبي ركب البراق، وفي ثواني كان وصل "المسجد الأقصى" في فلسطين (القدس).
هناك حصلت مفاجأة عظيمة..
النبي لقى كل الأنبياء (إبراهيم، موسى، عيسى، وكلهم) مستنيينه!
ووقف النبي (صلى الله عليه وسلم) إمام بيهم وصلى بيهم كلهم. (وده معناه إنه هو سيد الأنبياء وخاتمهم). 🕌☝️
وبعد الصلاة، بدأت الرحلة السماوية. جبريل خد النبي وطلعوا لفوق.. للسماء! ☁️🚀
السماء الأولى: خبطوا، فالملايكة فتحت، ولقى سيدنا آدم (أبو البشر) ورحب بيه: "مرحباً بالابن الصالح والنبي الصالح".
السماء الثانية: قابل سيدنا عيسى ويحيى.
السماء الثالثة: قابل سيدنا يوسف (اللي أوتي شطر الجمال).
السماء الرابعة: قابل سيدنا إدريس.
السماء الخامسة: قابل سيدنا هارون.
السماء السادسة: قابل سيدنا موسى.
السماء السابعة: قابل سيدنا إبراهيم (جد الأنبياء)، وكان ساند ضهره على "البيت المعمور" (كعبة أهل السماء اللي بيدخلها كل يوم 70 ألف ملاك).

النبي وصل لمكان عالي جداً اسمه "سدرة المنتهى" (شجرة عظيمة وجميلة، أوراقها كبيرة وألوانها مفيش زيها في الدنيا).
وهناك، ربنا كلم النبي (من غير واسطة) وفرض عليه "الصلاة". 🎁
في الأول ربنا أمر بـ 50 صلاة في اليوم.
النبي وهو نازل، قابل سيدنا موسى، فسيدنا موسى (بخربته مع بني إسرائيل) قاله: "يا محمد، أمتك مش هتقدر تصلي 50 مرة، ارجع لربك واسأله التخفيف".
النبي فضل يرجع لربنا ويطلب التخفيف، وسيدنا موسى ينصحه يرجع تاني..
لحد ما بقت 5 صلوات بس في العمل، ولكن بأجر 50 صلاة في الميزان! ✨🕋
النبي رجع مكة في نفس الليلة قبل الفجر!
الصبح، النبي حكى للناس اللي حصل.
الكفار (أبو جهل وأصحابه) قعدوا يضحكوا ويقولوا: "إزاي تروح فلسطين وتطلع السماء وترجع في ليلة واحدة؟ إحنا بنسافر لها شهر بالجمال!".
وراحوا يجروا لـ أبو بكر عشان يفتنوه ويخلوه يكذب النبي.
قالوا له: "صاحبك بيقول كذا وكذا..".
أبو بكر رد رده الخالد:
"إن كان قال فقد صَدَق" ✅
(لو هو قال كدة يبقى صح، أنا بصدقه في خبر السماء، مش هصدقه في دي؟).
وعشان كدة اتسمى "أبو بكر الصِّدِّيق".
🌟 نتعلم إيه من القصة دي؟
مكانة الصلاة: الصلاة دي "هدية" غالية أوي، دي العبادة الوحيدة اللي اتفرضت فوق في السماء مش في الأرض. عشان كدة لازم نحافظ عليها لأنها صلتنا بربنا.
بعد العسر يسر: لما النبي حزن وصبر، ربنا عوضه برحلة مفيش حد شافها غيره.
الصداقة الحقيقية: صاحبك الحقيقي هو اللي يصدقك ويدافع عنك لما الناس تكذبك، زي سيدنا أبو بكر.

ماتنسوش تصلوا على النبي صلى الله عليه وسلم ❤️

🛑 يا مامي.. خدي بالك!
إنتِ ممكن تكوني بتزرعي الأنانية والطمع في ابنك
وإنتِ فاكرة إنك بتعملي كده من باب الحب 😶‍🌫️💔

🍫 المشهد المشهور في بيوت كتير:
إديتي ابنك عصير / شوكولاتة / بسكوت
وبعدين جبتي لنفسك نفس الحاجة
هو بص في اللي في إيدك وقال:
👉 “عايز ده!”

فتقولي:
“حرام… ده عيل صغير”
وتدي له اللي في إيدك
حتى لو كنتي لسه ما دوقتيش 😌

❌ إنتِ كده مش طيبة
❌ ولا أم مثالية
❌ ولا بتحتويه

🛑 إنتِ كده بتعلّميه سلوك خطر من غير ما تحسي

⚠️ ليه السلوك ده خطير؟

الطفل لما:
• ياخد اللي في إيده
• ويطلب اللي في إيد غيره
• ويتعود إن الطلب دايمًا بيتحقق

بيترسخ في دماغه إن:
👉 “اللي مع غيري من حقي”

وساعتها هيعمل إيه؟
1️⃣ يا إما يعافر ويشد
2️⃣ يا إما يعيط ويزن
3️⃣ يا إما يتعلم إن الصوت العالي والضغط بيجيب نتيجة

📌 ودي مش فطرة
دي سلوك مكتسب

🧠 علميًا بقى (مش رأي شخصي):

🔬 دراسات علم النفس السلوكي بتقول:
إن الطفل في أول 5 سنين
لسه بيتعلم:
• معنى الملكية
• معنى الدور
• معنى الانتظار
• معنى إن في حدود

❌ لما الأم أو الأب يتنازلوا دايمًا:
الطفل ما بيتعلمش الإشباع المتأخر
وده أساس مهم جدًا لبناء:
• ضبط النفس
• احترام الآخر
• تقبّل الرفض

📉 الأطفال اللي ما اتعلموش ده بدري:
بيكبروا:
• أنانيين
• مش بيعرفوا يستنوا
• شايفين نفسهم أحق من غيرهم

🧩 موقف واقعي تاني:

👦 في زيارة عند حد
الطفل يشوف لعبة مش بتاعته
يمد إيده
الأم تقول:
“سيبهاله عشان ما يزعلش”

🛑 كده إنتِ بتقولي له من غير كلام:
✔ خد
✔ ما تستأذنش
✔ مشاعرك أهم من حدود غيرك

💔 الصدمة؟

الطفل ده لما يكبر:
• يضايق لو حد قاله لأ
• يستغرب الرفض
• يحس الدنيا ظالماه
• يدخل في صراعات مع صحابه وزمايله

مش لأنه وحش
لكن لأنه اتربى إن مفيش لأ

✅ التصرف الصح إيه؟

✨ لما يطلب اللي في إيدك:
قولي بهدوء:

“ده بتاع ماما، وانت عندك بتاعك”

✨ لو زعل:
• ما تزعيقش
• ما تكسريش
• وما تديش اللي في إيدك

✨ احضنيه وقولي:

“فاهمة إنك عايزه… بس مش كل حاجة نحبها تبقى لينا”

📌 كده إنتِ:
✔ علمتيه الرضا
✔ علمتيه الحدود
✔ علمتيه احترام الملكية

🌱 بدائل ذكية:

✔ اقترحي تشارُك بالاتفاق مش بالإجبار
✔ حددي وقت: “بعد ما أخلص”
✔ امدحي لما يقبل:
“برافو عليك إنك رضيت”

🧠 افتكري دايمًا:
الحب الحقيقي مش في التنازل
الحب الحقيقي في التربية

مش كل عياط يتسكت
ومش كل طلب يتنفذ
ومش كل ش**ة تبقى حق

🔥 البوست ده هيزعل ناس…
بس لو وعّى أم واحدة
يبقى عمل اللي عليه 👌

لو متفقة أو مختلفة
سيبي رأيك في كومنت

٨ خطوات لغرس معنى الحسنات في شهر رجب 🌙💰

اليوم سنجعل معنى الأشهر الحُرم والحسنات ينبت في قلب أطفالنا
مثل بذرة صغيرة 🌱💰

👏🏻 الخطوة الأولى:
~ نبدأ بسؤال بسيط يشد انتباه الطفل!
"في أوقات ربنا بيحبها أكتر من غيرها؟”
“زي ما في يوم مميز عندك…
ربنا عزوجل كمان له أوقات مميزة..
تفتكر ايه هي ..!😊

👏🏻 الخطوة الثانية:
~ جهّزي تقويم ورقي بسيط 📅
أو ارسموا 12 دائرة على ورقة..

~ قولي بحماس
دي شهور السنة الهجرية …
بس في منهم شهور مخصوصة
عند ربنا عزوجل 🌙🤍

👏🏻 الخطوة الثالثة:
~ علّميه إن في أربع شهور مميزة
🌙 رجب
🌙 ذو القعدة
🌙 ذو الحجة
🌙 المحرم

~اسمهم:
الأشهر الحُرم
قال الله تعالى ..
"إن عدة الشهور عند الله اثنا عشر شهراً في كتاب الله يوم خلق السموات والأرض منها أربعة حرم ذلك الدين القيم فلا تظلموا فيهن أنفسكم"

👏🏻 الخطوة الرابعة:
~ جهّزي زرعة صغيرة 🌱
أو حتى كوباية بلاستيك فيها تربة
~ قولي له:
“القلب زي الزرعة…🤍🌱
في أوقات محتاجين نرعاه فيها أكتر

~ واسأليه:
“ينفع نكسّر إناء الزرعة؟”
سيقول: لا ❌

~قولي:
“عشان كده…في الأشهر الحُرم
نحافظ على قلبنا أكتر” 🤍🌱

👏🏻 الخطوة الخامسة:
~ الآن نربط بمعنى الحَسنات💰
اسأليه:
“إيه الحاجات اللي تفرّح قلبك؟”
ثم قولي:
“كل حاجة حلوة نعملها أو نقولها
وربنا يرضى عنها اسمها حَسنة” 💰

💰الحَسنة هي كل شيء
نقدر نقوله أو نقدر نعمله
يكون حلو ومفيد و بيرضي الله عزوجل

💰الحَسنة جمعها حَسنااات
يعني أعمااااال و أقواااال
كلها جيدة ومفيدة
يعني خير كتيييير ..

👏🏻 الخطوة السادسة:
~ طبّقوا عمليًا 🧹🫶
خلّيه يعمل عمل بسيط:
ترتيب – مساعدة – كلمة طيبة

~ ثم قولي بفرح:
“كده زرعنا حَسنة وسقينا القلب” 🌱

👏🏻 الخطوة السابعة:
~ مهم جدًا ❌
عرفي ابنك ما نرسمش شكل الحسنات
و الحسنات ولا نلونها أبيض وأسود

✔️ فقط نقول:
الحسنات
= أشياء تنظّف القلب
وتخلّيه قوي وجميل

السيئات
= أشياء مُلوثة و مُفسدة

👏🏻 الخطوة الثامنة:
~عرفيه ان كل أجر لأي عمل بيكون مُضاعف في شهر رجب لأنه شهر حُرم
و كمان
أي عمل سيء أجره مضاعف في شهر رجب

~ اسأليه في النهاية:
“تحب قلبك يبقى شكله إيه
قبل رمضان🌙🌱🤍!؟"

~ذكريه ان شهر رجب…
شهر نزرع فيه🌱🌱
علشان نقطف في رمضان🌙🤍

💰بهذه الطريقة..
~الطفل فهم معنى الشهر الحُرم
~وفهم معنى الحسنات وعاش
المفهوم
شهر رجب فرصة ذهبية
لتهيئة القلب الصغير
قبل شعبان ورمضان

18 ديسمبر اليوم العالمي للغة العربية لغة الضاد🥰
نحتفي بلغةٍ ليست مجرد حروفٍ وكلمات، بل هُويةٌ وتاريخ، وروحٌ تنبض بالجمال والبيان
لغةُ الضاد، التي وسعت القرآن، واحتضنت الشعر، ودوّنت حضارةً امتدت عبر القرون
هي لغتنا التي نعبر بها عن مشاعرنا، ونحفظ بها تراثنا، ونصون بها هويتنا مهما تغيّرت الأزمنة
كل عام ولغتنا العربية بخير، باقيةً، أصيلةً، شامخة

👶 أولادنا ساعات بيتصرفوا كأن الدنيا لازم تمشي على مزاجهم:
اللعبة ضاعت؟ 😭 كارثة!
صاحبتها بطّلت تكلمها؟ 😤 نهاية العالم!
مشوار اتلغى؟ 😒 “إنتوا خربتوا حياتي!”

وهنا ييجي دورنا… نعلّمهم مهارة اسمها:
✨ “فن الاستغناء” ✨

إزاي بقى؟

1️⃣ اللعبة مش رجعة:
ابنك لو قعد يولول عشان الكورة ضاعت، قولي له:
"فيه حاجات بتروح ومش بترجع… والمصيبة مش في الكورة، المصيبة إنك متتعلمش تحافظ."

2️⃣ مش كل الناس بتكمل:
بنتك لو صاحبتها عملت متنشنه منها ومش بتكلمها ، قولي لها:
"فيه ناس وجودهم لطيف… بس غيابهم ألطَف!" 😅

3️⃣ الرغبة غير الاحتياج:
هو عايز آيس كريم 🥶؟ آه، بس هل محتاجه عشان يعيش؟
تعالي نعلّمه يقول: “نفسي” من غير ما يتحوّل لـ "لو ماجبتوش هموت!"

4️⃣ الاستغناء قوة مش قسوة:
اللي يعرف يعيش من غير اللي بيحبّه… هو اللي فعلاً قوي من جوّه 💪.

💬 جُمل سريعة علّقيها على باب أوضته:

"مش كل اللي نفسي فيه لازم يكون عندي."

"اللي يسيبني… ربنا يعوضني."

"أنا مش ضعيف لو قلت لأ."

🎯 النتيجة؟
ابنك/بنتك هيبقوا عارفين يعيشوا في دنيا مش كاملة… من غير ما يبقوا معقدين ولا متطلبين زيادة.ويتعودو ينزلوا بسقف طموحاتهم الأوڤر اللي بتفسد عليهم متعه الإحساس بالنعم اللي عندهم👌

نصائح تربوية👌
يجب تجنب إهانة الطفل وخاصة أمام الآخرين؛ وعدم احتقار أفكاره وتشجيعه على المشاركة؛ ويجب أيضاً إعطاؤه قدره وإشعاره بأهميته.لتنشئته طفل سوي قادر ع التعامل مع الأخرين😍✔️