My school

زمن المدارس الجميل

- احنا اللي كنا بنلبس المريلة Uniform واحنا رايحين الحكومي ..

- كنا بنستأذن علشان نبري القلم برة الفصل ..

- وكنا في عز الخناقة نقول : اوعي ترمي الشنطة دي فيها كتاب دين ..

- احنا اللى كنا بنقول حضرتك للمدرس ونهابه ونعمله الف حساب كنا بنروح المدرسه لحد قبل الامتحان بيوم

-احنا اللي شوفنا التليفزيون وهو بيقفل ... ششششششش

- احنا اللي ماكناش نعرف ان في حاجة اسمها سياسة .. غير يوم الجمعة في أنباء وأراء ..

- احنا اللي كسبنا 5 كيموكونو ورا بعضهم ..

- احنا اللى كنا بنخاف نعدى ادام حجرة مدير المدرسة

- مكانش في غير قناتين اولي وتانية .. واهلي وزمالك .. وبوجي وطمطم .. وونيس ومايسة .. وماما نجوي وبقلظ .. وتوم وجيري ..و هرقليز وزينا

- احنا اللي كنا بناخد جنيه جديد يوم العيد .ونفضل نصرف فيه مايخلصش .

- احنا الجيل اللي كان بيخاف لو حد قاله عيب .. وبيقول آسف لو غلط ..

- احنا الجيل اللي شاف شارع بحاله بيعمل كحك العيد مع بعضه .. وعيلة كاملة قاعدة تاكل مع بعضها .

- احنا بتوع الشمعدان والسامبا وسنجام والكاراتيه ولايز والعسلية وكوتش اميجو اللي بينور والفانوس ابو شمعة والبيبس ابو ربع جنيه والنمر المقنع وكابتن ماجد صاحب اطول جون في التاريخ (3 حلقات).

- احنا الجيل اللي عاصرنا قرنين وحضرنا الالفية ..

- احنا الجيل اللي كانت لمته تفرح , وفرحته طالعة من القلب ..

- احنا الجيل اللي دلوقتي لسه موجود وعايش بالذكريات دى .. تحياتى لاجمل جيل .. جيل العظماء ♥️♥️

اهلا بكل الماميز والاولاد
يارب اقدر أسعدكم واقدم لكم اللى بتتمنوه وينفعكم دائما