Eman Wafik - English Trainer

من كام سنة، خسرت شركة Rogers Communications ملايين الدولارات قدّام المحكمة…
مش علشان خسارة في الشغل، ولا نصب، ولا قرار غلط.

السبب؟ جملة واحدة في العقد اتفهمت غلط.
العقد كان طويل والجملة مكتوبة بطريقة تحتمل أكتر من معنى، والطرف التاني استغل ده قانونيًا، والمحكمة حكمت ضد Rogers.

تخيّل!
شركة كبيرة وناجحة، وبرغم كل ده… خسرت ملايين بسبب سوء فهم جملة واحدة مكتوبة
بالإنجليزي.

الموضوع مش ذكاء ولا خبرة ولا فلوس، الموضوع كان لغة.
قد إيه بتعرف تقرا صح، تفهم صح، وتتكلم صح… ده ممكن يحميك من خسائر كبيرة أو مواقف صعبة.

تعلم الإنجليزي—خصوصًا المحادثة والفهم—مش كماليات…
ده أمان بيقويك ويخليك واقف ثابت قدام أي ورق أو عقد أو موقف.
خد الخطوة… واحنا معاك خطوة بخطوة 💪

في سنة 1953، واحد اسمه “Henry Molaison” دخل عملية جراحية بسيطة في المخ علشان يعالجوا نوبات الصرع اللي عنده.
العملية نجحت فعلاً… لكنه لما فاق، اكتشف حاجة أغرب من الخيال:
بقى يعيش كل يوم كأنه أول مرة يشوف فيه الدنيا.
كان يقدر يتكلم ويتفاعل، بس ما يقدرش يكوّن ذكريات جديدة.
يتكلم معاك 5 دقايق، وبعدها يسألك: “إحنا اتقابلنا قبل كده؟”

اللي بيذاكر إنجليزي من غير ممارسة، بيعيش نفس المأساة دي بس بطريقة تانية.
بيحفظ، ينسى، يبدأ من الأول… دايرة مش بتنتهي.

لكن في كورس المحادثة معانا
مش هنسيبلك فرصة تنسى.
لأنك مش لوحدك — معاك مدربك الخاص اللي هيتابعك خطوة بخطوة،
وهيخليك تتكلم بثقة… وتفضل فاكر كل كلمة بتدرسها 💪🏻🔥

ستيف جوبز.. والدرس اللي أهم من أبل 🍎

قبل ما يبقى أغنى وأشهر واحد في وادي السيليكون،
ستيف جوبز كان طالب عادي جدًا… بس عنده مشكلة صغيرة:
الجامعة مكلفة، وهو مش شايف أي معنى في المواد اللي بيدرسها 😅

في يوم صحى الصبح وقال لنفسه:

"ليه أضيع وقتي في حاجات مش بحبها؟"
وساب الجامعة 👋

الكل افتكره بيضيع مستقبله،
بس هو استغل الوقت ده في حضور كورسات بسيطة على مزاجه،
زي calligraphy (فن الخط).
درسها بس لأنه كان شايفها “جميلة”!

بعدها بسنين، لما بدأ يصمم أول كمبيوتر من شركة أبل،
اكتشف إن الدروس اللي أخدها في الخط هي السبب
إن كل أجهزة أبل كان فيها أجمل خطوط في العالم ✨

الفكرة؟
مش لازم تمشي ورا النظام،
امشي ورا اللي يخليك تتطور فعلاً.

ونفس الحكاية مع الإنجليزي 💬
مش لازم تذاكر قواعد وكتب مملة،
ابدأ تتكلم، عيش اللغة، وخلي مدرسك يصححك خطوة بخطوة،
زي ما ستيف اتعلم اللي بيحبه… بس بطريقته.

ابدأ كورس المحادثة دلوقتي،
ومين عارف؟ يمكن تكون أنت “الستيف جوبز” بتاع لغتك 😉
📩 ابعتلنا رسالة وابدأ أول خطوة للطلاقة.

عمرك سألت نفسك ليه بتفهم إنجليزي بس بتتلخبط لما تتكلم؟ 🤔

لأنك بتفكر بالعربي وبتترجم كلمة بكلمة 😅🚫

لو مثلاً عايز تقول “مخنوق من الشغل”
هتفضل تفكر ازاي تترجم كلمه "مخنوق"، لكن بدل ما تترجم حرفي، فكر توصل المعني الحقيقي انك متضايق او مضغوط،
فبالانجليزي هتقول:
👉 I’m fed up with work.
Or
👉 Work is stressing me out.

لو عايز تتكلم طبيعي زي الـnative،
احجز دلوقتي في كورس المحادثة 💬🔥

🐟 Have you ever felt like a fish out of water?
يعني عمرك حسّيت إنك في مكان مش على طبيعتك؟ أو وسط ناس مش شبهك؟

التعبير ده بيتقال لما تكون في موقف جديد أو غريب عنك، ومش حاسس إنك مرتاح أو فاهم كل اللي بيحصل حواليك 😅

🧠 مثال:

When I started my first job, I felt like a fish out of water.
(لما بدأت أول شغل ليا، كنت حاسس إني تايه ومش في مكاني.)

💬 قولنا في الكومنت ⬇️
إمتى حسّيت إنك "Fish out of water"؟ 😄

كل كلمة من كلامكم بتأكدلنا إننا ماشيين في الاتجاه الصح 💪❤
شكرًا لكل حد شارك تجربته، وشكرا أكتر لثقتكم فينا وفي الكورس. اللي جاي أحسن بإذن الله ✌🏻