Sunrise academy

الحضن… هو السحر الذي يملؤك داخل قلب الطفل.
هو الذي يبدد وحشة الحياة، والخوف والحزن.
هو التعبير عن الحب والحنان والاهتمام بدون أي كلمة.
هو أكثر من الكثير بكثير

احضن أطفالك وأخبرهم كم تحبهم 🌷

طفلك اللي في الحضانة أي تغيير في حالته النفسيه لازم تعرفي سببه وتلاقي سبب حقيقي للتغيير ده
مش لسه هتقولي قلبي متوغوش أو باين كده في حاجه غلط!
لأ هو في حاجه غلط طالما طفلك متغير
⚠️ لو خايف وقلقان
⚠️ ساكت بدل ما كان بيتكلم
⚠️ جسمه فيه كدمات
⚠️ بيتعور بشكل مستمر
⚠️ لازق فيكي بعد ما كان بيروح وهو مبسوط
⚠️ بيعيط الصبح وهو رايح وتسأليه ليه يسكت
⚠️ أي صوت عالي بيخضّه وبيخوفه
⚠️ بيستخبى كتير في البيت
⚠️ بيقعد لوحده ومنكمش
⚠️ بيتهته في الكلام
⚠️ بيقرقض في ضوافره
⚠️ بيمصمص في هدومه
⚠️ بيعمل بيبي على نفسه بالليل أو وهو صاحي بعد ما كان كويس
⚠️ رجع يحط صباعه في الفم تاني بعد ما كبر على المرحله دي
⚠️ بقا عنيف وبيضرب اخواته أو بيضربك أو حتى بيضرب عرايسه وهو بيلعب وبيعنّفهم أي علامة من العلامات دي معناها ان في حاجه غلط بتحصل في الحضانه وان الطفل بيتعرض لأذى جسدي أو نفسي أو ضغط شديد
سواء من الكبار أو الأطفال اللي معاه
ومعناها برضه إنه متوديش طفلك الحضانه دي
واجب عليها تتحرى كويس جداً عن الحضانه وتسأل عنها وعن أصحابها
وآخد بالي كويس أوي من جسمه وانا بغيرله وادور في جسمه كويس عن أي كدمه او علامه 😪
اسمعوا ولادكم دردشو معاهم واسمعوا ولاحظوا الحاجات اللي بيقولوها بين السطور
اللي بيتعمل في الطفل وهو صغير بياخد وقت كبير على ما يتشافى منه وأثره بيبقا كبير على حياته
فلازم نتحرك لما نلاقي أي حاجه غلط ومنستناش
اللهم بارك في اولادنا واجعلهم ذخرا لنا في الدنيا والاخرة