أُنس الذات Ons El zatلايف كوتش إيناس علام

  • Home
  • Egypt
  • Giza
  • أُنس الذات Ons El zatلايف كوتش إيناس علام

أُنس الذات Ons El zatلايف كوتش إيناس علام Contact information, map and directions, contact form, opening hours, services, ratings, photos, videos and announcements from أُنس الذات Ons El zatلايف كوتش إيناس علام, 6 October City, Giza.

"أمِّيًا من لا يقرأ نفسه"
أساعد السيدات (30–50) يفهموا نفسهم، ينظموا مشاعرهم، ويتحرروا من الأفكار المعيقة
كوتشينج | شفاء الطفل الداخلي | PEAT
📩 واتساب: 01140977106

⬇️يمكن ديه رسالتك النهارده 💌،لما تحسي إن طاقتك خلصتوإن الحاجات اللي كنتِ بتعمليها بسهولة .بقت تقيلة على قلبك،بتصحى الصبح...
22/07/2026

⬇️يمكن ديه رسالتك النهارده 💌

،لما تحسي إن طاقتك خلصت
وإن الحاجات اللي كنتِ بتعمليها بسهولة
.بقت تقيلة على قلبك،

بتصحى الصبح وحاسة إنك مش قادرة تفتحى عينيك، وكل حاجة حتى الصغيرة، بقت محتاجة مجهود كبير

مش عارفة تكملي
ومش عارفة توقفى

لو ارتحتي، ضميرك يأنبك وتحسي إنك مقصرة
ولو كملتي، بتتعبي و تستنزفى أكتر
و أخرتها ايه؟

اللى بيحصل مش لإنك كسولة
ولا ضعيفة
ولا حتى مقصرة

يمكن جسمك بيحاول يوصلك رسالة
"كفاية... اسمعيني، أنا تعبت"

خلي عندك الشجاعة إنك تسمعي صوت جسمك،
والتراحم إنك تستجيبي له،
والحكمة إنك تفرغي مشاعرك وأفكارك، وتدي لنفسك فرصة تستعيدى طاقتك

خدي نفس عميق
وقفي شوية
وقولي لنفسك

"أنا مهمة، وراحتي مش رفاهية". راحتي ضرورة علشان أعرف أكمل

اسمعي لجسمك قبل ما يضطر يعلّي صوته أكتر
يا ترى الرسالة ليكى ؟






#الشجاعة

كلنا بنغلط لأن ديه طبيعة البشر ، بس مش كلنا بنعتذر عن غلطنا"الاعتذار:مش مجرد كلمة "آسفالاعتذار له معانى أعمق بكتيرياترى...
20/07/2026

كلنا بنغلط لأن ديه طبيعة البشر ، بس مش كلنا بنعتذر عن غلطنا
"الاعتذار:مش مجرد كلمة "آسف
الاعتذار له معانى أعمق بكتير
ياترى طريقة فى الاعتذار بتوصل الأسف الحقيقى؟

كل واحد بيعتذر بطريقته ،بس ساعات الطريقة ديه بتزود وجع اللى انت غلطت فى حقه

"في ناس بتكابر، وتقول: "أنا ما غلطتش
وفي ناس بتتصرف كأن ما حصلش حاجة، وتكمل عادي

وفي ناس بتعتذر بس مع الاعتذار بتذكر ألف مبرر لغلطها
"ما كنتش أقصد" ،"كنت مضغوط" ،"الظروف كلها ضدى " ،
"انت السبب " ،"إنت حساس زيادة" ،"الموضوع ما يستاهلش"............
وهنا الهدف الحقيقي من الاعتذار أنه يبرئ نفسه،مش أنه يداوى الوجع أو يعترف بيه ،وللأسف ده بيوجع أكتر

"يمكن المجروح مش مهم عنده كلمة "آسف
هو عايز يحس
"أنك شايف وجعه"
"أنك فاهم إن اللي حصل أذاه"
"أنك متحمل مسؤولية غلطك"
"و "هتشتغل إنك ما تكررش ده تاني

الاعتذار الحقيقي هو اعتراف بتأثير أفعالك
على الشخص اللي قدامك و تحمل المسؤولية

ولما يتحول الاعتذار لجدال مين الصح ومين الغلط، أو محاولة لإثبات حسن النية، الجرح بيزيد مش بيلم

كل العلاقات فيها أخطاء المهم ازاى بمحل الأخطاء،
ازاى بنتعامل مع المشاكل

الاعتذار الحقيقى بيشعرنا بالأمان فى العلاقة و القيمة.
فنقدر نصلح و نكمل
ايه اكتر حاجة لمستك ،فى انتظار مشاركتك فى الكومنتات



#الاعتذار

10/07/2026

اتكلمنا فى البوستين السابقين عن مباراة مصر والأرجنتين، وإزاى سيناريو الماتش ممكن يمثل Trigger (مثير نفسى) يحرك مشاعر قوية ومستمرة عند بعض الناس، واتكلمنا كمان نتعامل إزاى لو كانت المشاعر دى مرتبطة بجروح أو خبرات قديمة.
https://www.facebook.com/share/v/1HNTdo3ZYU/
لكن... فى نقطة مهمة جدًا.

ماذا لو كان ألمنا و وجعلنا مش سببه الماضى ،لكن سببه مواقف بنعيشها دلوقتى فى الحاضر،
مثلا ظلم فى الشغل
علاقة فيها تلاعب أو إساءة
بيئة حقنا بيضيع فيها كل يوم.

فى الحالة دى، مش المطلوب إنك تتعاملى مع المشاعر جواكى بس، لكن هتحتاجى ترسسمى حدود و تأخدى قرارات تساعدك تحمى نفسك.

ممكن تسألى نفسك :
هل المشاعر ديه بتفكرنى بحاجة قديمة ولا أنا عايشها كل يوم؟

لو كان جرح قديم، هيحتاج احتواء، وفهم، وتعافى.

أما لو كان ظلم مستمر، فهو هيحتاج قرارات و رد فعل زى
رسم حدود.
الدفاع عن حقك.
تغيير الواقع على قدر المستطاع.
وأحيانًا اتخاذ قرار صعب بالابتعاد عن علاقة أو مكان مؤذٍ اذا كان ده الأنسب والأصلح ليكى.

تفريغ المشاعر مهم، لكن مش كفاية يوقف الظلم.

و تغيير الواقع مش كفاية يشافى جرح قديم.

مهم تفرقى بين:
جرح قديم بيتنشط... فيحتاج تعافي.
وظلم حقيقى مستمر فيحتاج موقف وقرار.
علشان تتعاملى مع كل واحد بالشكل المناسب له.

و أحيانا يكون موقف
عايشاه حاليا لكن له علاقة بالماضى ،
هنا مهم نشافى الماضى و ناخد رد فعل لحماية نفسنا فى الحاضر.



09/07/2026

فى البوست السابق
اتكلمنا إن بعض الناس مشاعرهم بعد مباراة مصر والأرجنتين كانت عميقة و مستمرة ، لأن المباراة عملت
Trigger (مثير نفسى)
لمس مشاعر موجودة بالفعل

(لو ما قرتيش البوست الأول، ارجعى له من هنا🔽)

https://www.facebook.com/share/p/18qceqQEYk/

طيب نعمل إيه لما يحصل لنا
Trigger

أولًا: احمدى ربنا إن المشاعر ظهرت
عارفة ليه؟
، لأن المشاعر المكبوتة لما تبقى متخزنة جوانا ممكن تضرنا نفسيا وجسديا و سلوكيا

المثير Trigger
مش عدو
أوقات بيبقى رسالة بتقولك
"إن فى جزء جواكى محتاج يتشاف ويتفهم ويتشافى"

ثانيًا: سمّى مشاعرك
اسألى نفسك
أنا حاسة بإيه بالظبط؟
ظلم؟
قهر؟
ضعف؟
خوف؟
عار؟
غيظ؟
غضب؟
خذلان؟

غالبًا المشاعر بتكون متعددة و متداخلة، وأول ما نبدأ نسميها، حدتها بتقل، لأن المخ بيبدأ يفهم اللى بيحصل بدل ما يغرق فى الشعور

حاولى تفتكرى الموقف والشخص اللى سبب لك المشاعر ديه
لو حتى مش عارفة الشخص أو الموقف اللى بدأ منه الشعور،
سمّى المشاعر اللى حاساها دلوقتى

ثالثًا: اسمحى للمشاعر تاخد وقتها
لاحظى
الإحساس ده موجود فين فى جسمك؟

فى صدرك؟
فى زورك؟
فى معدتك؟

خدى نفس عميق، ومتقاوميش المشاعر، ولا تحكمى عليها

اسمحى لها إنها تمر فى سلام

رابعًا: اسألى نفسك

إيه الرسالة اللى المشاعر دى جاية تقولها؟

هل محتاجة أحط حدود؟
هل محتاجة أدافع عن حقى؟
هل محتاجة ابعد عن حاجة بتستنزفنى؟

أنا مثلًا، لما افتكرت موقف الثانوية العامة اللى حكيت عنه فى البوست السابق، كانت الرسالة بالنسبالى واضحة

"عليَّا السعى، و النتيجة بايد الله"

وأخيرًا

لو لقيتى إن المشاعر قوية جدًا، أو متكررة، أو مش قادرة تتخطّيها رغم محاولاتك، فطلب المساعدة من متخصص خطوة مهمة، لأنه هيساعدك تفهمى المشاعر وتتعاملى معاها بطريقة صح

لكن هل كل
Trigger
معناه إنه جرح قديم؟

الإجابة: لأ

وده موضوع البوست الجاى
لأن أوقات المشكلة مش فى الماضى أصلًا... لكن فى ظلم لسه مستمر لحد النهارده




مباراة مصر والأرجنتين فى كأس العالم 2026 نتيجة المباراة و تفاصيلها بتأكد ان منتخبنا اتعرض لتحكيم ظالم، كثير من المتخصصين...
08/07/2026

مباراة مصر والأرجنتين فى كأس العالم 2026

نتيجة المباراة و تفاصيلها بتأكد ان منتخبنا اتعرض لتحكيم ظالم، كثير من المتخصصين والمحللين الأجانب أكدوا ظلم منتخبنا.

ومن الطبيعى جدًا إن جماهيرنا تشعر بالغضب، والظلم، والحزن

شدة المشاعر وعمقها كانت مختلف جدًا من شخص للتانى

فى ناس حسّت بـ

- إحساس شديد بالظلم أو الإهانة
- عجز أو قهر قديم كأنه بيصحى من جديد
- انفعال شديد مستمر بعد انتهاء المباراة

ليه؟

لأن المباراة بالنسبة لبعض الناس كانت بمثابة
Trigger (مثير نفسى)

المشاعر خرجت مضاعفة، مش بسبب المباراة بس، لكن لأنها لمست مشاعر قديمة أو حتى مشاعر حالية مرتبطة بمواقف تانية فى حياتهم
أنا مثلًا، أول حاجة افتكرتها كانت إحساسى بالظلم فى
الثانوية العامة رغم مرور 31
سنة، لأنى كنت من الدفعة المزدوجة
وفجأة لقيت ذكريات ومواقف تانية فى حياتى بأفتكرها مع نفس المشاعر

ممكن حد يحس مشاعر علاقة كان فيها تلاعب أو إساءة
وحد يفتكر موقف فى شغله اتحرم فيه من حقه
وحد يفتكر إنه طول عمره حاسس إنه مش متشاف، أو مش قادر يدافع عن نفسه ،كل واحد حسب اللى هيتأثر بيه

ده معناه إن الحدث واحد، لكن الجذر النفسى اللى لمسه عند كل شخص مختلف

ممكن ناس يحصل لها Trigger
بدرجات مختلفة و ممكن ناس ما يحصلش أصلا .

لكن لو كنت واحد من اللى الماتش حرك فيهم مشاعر قوية مستمرة

اسأل نفسك
أنا حسيت بالإحساس ده قبل كده
مع مين و أيه الموقف؟

اجابتك على السؤال ده ممكن تساعدك تحرر من مشاعر تقيلة

وفى البوست الجاى هنتكلم عن
طيب لو اكتشفت إن الماتش كان فعلا مثير نفسي .. أتعامل معاه إزاى؟





مبروووك فوزنا على استراليا 🇪🇬و كل الامنيات الطيبة فى مباراتنا مع الأرجنتين من فرحة الفوز إلى ترقب المباراة القادمةبعد ف...
04/07/2026

مبروووك فوزنا على استراليا 🇪🇬
و كل الامنيات الطيبة فى مباراتنا مع الأرجنتين

من فرحة الفوز إلى ترقب المباراة القادمة
بعد فوز مصر على أستراليا🎆

لقيت نفسي عايشة كوكتيل مشاعر مع بعض
حب و فخر و انتماء وفرح و امتنان
لله و لفريقنا وبعثتنا
أمل في اللي جاي و توتر من المباراة القادمة
وخوف من النتيجة

كل المشاعر ديه ممكن تعشيها مع بعض في نفس اللحظة
إحنا مش بنعيش شعور واحد ،
إحنا بنعيش مجموعة من المشاعر،
وكل شعور له رسالته

الفرحة بتقول: استمتعى باللحظة
الفخر بيقول: قدّرى الإنجاز
الامتنان بيقول: اشكرى النعم
الأمل بيقول: لسه فيه خير جاي
أما التوتر والخوف فبيكشفوا قد إيه الموضوع مهم بالنسبة لنا، ومطلوب نسعى ونكمل

مفيش مشاعر "صح" ومشاعر "غلط"... كل المشاعر إنسانية، والمهم إننا نفهمها، مش نحاربها
نعيشها مش نقاومها

دلوقتى... إحنا بين فرحة الفوز، وترقب مباراة مصر والأرجنتين.يلا نستمتع بالفرحة...
ونستقبل القادم بالأمل و الدعاء بالفوز
و منتخبنا باذن الله مكمل
🇪🇬❤️

انتى كمان عندك كوكتيل مشاعر ؟ يا ترى ايه هى ؟




#اﻟﻤﺸﺎﻋﺮ

03/07/2026

النهاردة ماتش مصر و استراليا في كأس العالم
خالص الدعوات لمنتخبنا بالفوز الساحق 🇪🇬

لاحظتِ إننا بنقول
" هنلعب النهاردة"
"و"يا رب نكسب
! 😀مع إن اللي في الملعب هو المنتخب، مش إحنا

و فى الماتش بنعيش كل المشاعر مع كل تفصيلة:
توتر، حماس، فرحة، واحتفال
حتى لو الكورة مش من اهتماماتنا

ايه السبب ورا اهتمامنا المفاجئ؟
السبب اشباع احتياج الانتماء

الانتماء واحد من الاحتياجات النفسية الأساسية،كلنا محتاجين نحس إننا جزء من حاجة أكبر ، حاجة تدينا إحساس بالهوية، وتخلينا نقول تلقائيًا: "احنا

علشان كده بنعيش كل لحظة في الماتش،
وكأن إحنا اللى بنلعب مش المنتخب

يا ترى🤔
:احساس الانتماء في حياتك موجود
مع أسرتك؟ و لا أصحابك؟ ولا شغلك؟
ولا لسه بتدوري على المكان👀
والناس اللي تشبعي معاهم
احتياج الانتماء؟

أتمنى لكم مشاهدة ممتعة
مليانه مشاعر انتماء ،
وسط ملايين المصريين، وسط عيلتنا الكبيرة 🇪🇬
لايف كوتش إيناس علام



#مباراةمصروأوكرانيا

01/07/2026

بعد ما عرفنا إن الإنكار بيحمينا مؤقتًا،و مش بيحل المشكلة
https://www.facebook.com/share/r/1DwJqLAShs/

تعالي نتعلم سوا بخطوات بسيطة ازاى تبدأي تواجهي بدل ما تهربي

ابدئي بالفضول بدل لوم نفسك، واسألي 👀

أنا حاسة بإيه ؟ ★
إيه الحقيقة اللي مش عايزة أشوفها؟ ★
إيه اللي مخوفني من انى أعترف بيها؟★

اسمحي لنفسك انك تواجهى بالتدريج خطوة خطوة👣

شاركي مشاعرك ومخاوفك مع شخص بتثقي فيه✍🏻
أو اكتبيها.
لأن المشاعر اللي بنسميها ونعترف بيها.
بيخف تأثيرها علينا شوية بشوية

صدقك مع نفسك هو أول خطوة للتعافي🤍
الوعى هو إنك تشوفي الحقيقة زي ما هي،
مش زي ما نفسك تكون

قوليلي: إيه الحاجة اللي حاسة إنها بتوجعك❓
لكن لسه مأجلة الاعتراف بيها؟




#الانكار3

30/06/2026

الإنكار بيحميكي من إيه 🤔؟
اتكلمنا في البوست اللي فات عن:
✔️ إيه هو الإنكار؟
✔️ وإزاي تعرفي إنك بتستخدميه؟
https://www.facebook.com/share/r/1BPo1zRf6X/

بس يا ترى 🤔... الإنكار بيحميكي من إيه؟
في الغالب، الإنكار بيكون محاولة من عقلك
: إنه يحميكي من مشاعر مؤلمة زى
الخوف من الألم
التغيير
فقدان شخص أو علاقة
الشعور بالضعف أو الفشل
مواجهة حقيقة لسه مش مستعدة تتقبليها

وده طبيعي... لأن العقل ساعات بيختار يحمينا من الوجع
حتى لو كان ده حل مؤقت

بس الحقيقة بتفضل موجودة، سواء اعترفتي بيها أو أنكرتيها. واللي بتتجنبيه النهارده، غالبًا بترجعى تواجههيه بكرة

طب... تتعاملي مع الإنكار إزاي؟
تابعى البوست الجاى هأقولك




#انكار2

Address

6 October City
Giza

Opening Hours

Monday 9am - 5pm
Tuesday 9am - 5pm
Wednesday 9am - 5pm
Thursday 9am - 5pm
Sunday 9am - 5pm

Telephone

+201140977106

Website

Alerts

Be the first to know and let us send you an email when أُنس الذات Ons El zatلايف كوتش إيناس علام posts news and promotions. Your email address will not be used for any other purpose, and you can unsubscribe at any time.

Contact The School

Send a message to أُنس الذات Ons El zatلايف كوتش إيناس علام:

Shortcuts

Share