13/02/2026
كتير مننا وهو بيتكلم عن ولاده يقول:
“العيال اتغيرت مبقتش مش زي زمان ومش بتسمع الكلام”.
بس لو وقفنا لحظة وفكرنا شويه
هنلاقي إن المشكلة مش في العيال قد ما هي في الطريق اللي ماشيين فيه...👌
الطفل دلوقتي قدامه اختيارات كتير، بس مفيش توجيه حقيقي
شارع مفتوح، موبايل دايما في إيده، ويوم بيخلص من غير ما يحس إنه عمل حاجة ليها معنى.
زمان الطفل كان بيتعلم وهو عايش حياته -> بيغلط، بيتحاسب، وبيفهم
دلوقتي إحنا بنحاول نحميه زيادة فنمنع عنه التجربة نفسها.
فلما يكبر شوية ونستغرب ليه مش عارف يشيل مسؤولية، أو ليه مستني حد دايما يقوله يعمل إيه والسبب غالبا مش قلة تربية ولكن السبب إن مفيش تدريب على الاختيار 🤚
الطفل مش محتاج أوامر أكثر ولا شدة زيادة
على قد ما هو محتاج مساحة صغيرة يجرب فيها ويغلط فيها، ويشوف نتيجة غلطه، من غير خوف.
السؤال اللي يستاهل نفكر فيه:
هل إحنا سايبين ولادنا تايهة؟ ولا إحنا خايفين نسيبهم يجربوا؟
لو عندك طفل في البيت و الكلام ده لمس حاجة جواك، خليك متابع… لسه في كلام كتير مهم.
تابع الصفحة، لأن اللي جاي هيفيدك و يخليك تفكر شوية.
واكتبلي رأيك -> إيه أكتر حاجة مقلقاك على ابنك دلوقتي؟
#تعليم #تربيه #بزنس #فلوس
