B.Business Kids

بعد المدرسة، المشهد ده بيتكرر في بيوت كتير

الطفل يخلص يومه الدراسي وبيدخل في دايرة تانية:
يا إما شارع، يا إما موبايل، والوقت بيعدي بسلاسه من غير ما نحس بيه.

اللعب في حد ذاته مش مشكلة، ولا عمره كان مشكلة
إحنا نفسنا كنا بنلعب، بس اللعب وقتها كان فيه تجربة،
وفيه احتكاك، وفيه غلط بنتعلم منه من غير ما حد يقولنا.

المشكلة بتبدأ لما اللعب يبقى مجرد وسيلة علشان نرتاح من الدوشة ونعدي الوقت، من غير هدف، ولا اختيار، ولا أي إحساس بالنتيجة فـ الطفل يلعب، ويغلط، والموضوع يعدي، فما يحصلش تعلم حقيقي من الغلط نفسه ....

وده مش لأن الطفل وحش،
لكن لأن محدش عرفه إن اللعب ممكن يبقى أداة تربية، مش مجرد تسلية
اللعب اللي فيه اختيار، وفيه مسؤولية بسيطة، وفيه نتيجة، بيغير طريقة تفكير الطفل من غير ضغط ولا شدة.

فـ السؤال اللي محتاجين نسأله بوضوح هو:
-> هل نوع اللعب اللي ولادنا عايشينه دلوقتي
بيجهزهم للحياة؟ ولا بس بيساعد اليوم يعدي؟

فكر فيها شويه 🙏

..........
الصفحة دي معمولة علشان نفتح الأسئلة دي ونشارك أفكار وتجارب واقعية، بعيدة عن التنظير، وقريبة من بيوتنا وولادنا.

لو الموضوع ده يهمك، تابع الصفحة، واكتبلي رأيك:
ابنك بيقضي وقته إزاي بعد المدرسة؟

#تعليم #حياه #مدرسه #تربيه

إحنا ليه بدأنا الفكرة دي ⁉️

الفكرة ببساطة إن في فجوة كبيرة بين اللي ولادنا بيتعلموه وبين اللي الحياة محتاجاه منهم فعلا.

المدرسة بتعلم بس مش دايما بتجهز اولادنا للحياه ...
و اطفال كتير مش فاهمة يعني إيه فلوس و مش متعودة تختار وبتخاف من الغلط ومستنية دايما حد يقولها تعمل إيه ... وده مش ذنبهم.

علشان كده ظهرت فكرة B.Business Kids
مش كنشاط تعليمي تقليدي ولا كورس ولا حصص زيادة.

إحنا بنشتغل على حاجة أعمق من كده بكتير وهي (طريقة التفكير)
هدفنا إن الطفل فيها :
✅ يفهم الفلوس بتيجي إزاي
✅ يعرف الفرق بين دخل ومصروف
✅ يجرب و يتحمل نتيجة اختياره
✅ يغلط ويتعلم من غير خوف

••وده من خلال :
✅ التجربة
✅ اللعب
✅ مواقف قريبة من حياته

الفرق بين اللي بنعمله وأي نشاط تعليمي تقليدي
إننا ما بنقولش للطفل الصح إيه
–> بنسيبه يجرّب
–> وبنخليه يشوف النتيجة بنفسه
و في الآخر إحنا مش بنطلع تجار صغار ولا بنضغط على طفل يبقى حاجة إحنا بنبني طفل-> فاهم و مسؤول وعارف يفكر قبل ما يختار او يصرف جنيه في الهوا

دي مش فكرة كاملة ولسه بتتجرب وبنسمع ونتعلم كل يوم لكن اللي متأكدين منه إن ولادنا يستاهلوا فرصة و يتعلموا يعني ايه الحياة بدري بدري… بطريقة صح.

اتشرفت بيكم ونتمني الفكره تكون عند حسن ظنكم 💚