Foundation Scientific Academy

ولادنا هما المنتج لمصنعنا

زى مابنربيهم ونعودهم بيطلعو ويكبرو على الاساس ده، لو اتعودوا يحكوا معانا من وهما صغيرين هيكبروا حابين الكلام والحكاوى معانا اما لو اتعودوا على كتمان مواقفهم ومشاعرهم هيكبروا مفيش تواصل بينا وفجأة هنكتشف بلاوى عنهم واحنا مش واخدين بالنا.

عشان كدة مهم اوى نتكلم مع ولادنا من صغرهم وبلاش ننتقدهم، بلاش تخلى ابنك او بنتك يندمو انهم اتكلموا معاك واوعى تخليهم يحسو انك سبب فى اى اذى نفسى ليهم لمجرد انهم اتكلموا معاك.

🔥ابنى تواصل صحى مع اولادك من وهما صغيرين تحصد علاقة قوية معاهم وهما كبار

⬅️ ازاى تطورى مهارات طفلك اللغوية ؟ ➡️

أمهات كتييير جداااا بتشتكي إن أولادهم بيتأخروا في الكلام .

👈هنتكلم عن اهم النقاط لتحسين اللغة :

✅1. أن يتم لفت انتباه الطفل قبل الكلام معه (ده بيزود مهارات الانتباه السمعي)

✅2. وانتى بتتكلمى معاه بصيله عشان يشوف تعبيرات وجهك عشان يفهم معناها وحاولي إنك تربطي بين اللى بتقوليه وبين تعبيرات وجهك ( ده بيزود مهارات الانتباه البصري).

✅3. خليه يشوف اللى بتقصديه بأنك تربطى مابين اللى بتقوليه واللى بتعمليه
مثلاً وانتى بتفتحى الباب بصى ليه واقوليلوا أنا بفتح الباب .
(ده بيزود مهارة الذاكرة البصرية ويساعده علي الفهم والحفظ)

✅4. سمي كل شيء باسمه كأن تقولي "هات الكباية بدلًا من هات (ده)"
(ده بيساعد علي زيادة الحصيلة اللغوية).

✅5. تفاعلي معه لما يتكلم عشان يعرف أن الكلام هو وسيلة اتصال ..
ولما يتكلم لازم تستجيبي له ويبقي فيه رد فعل منك
( ده بيزود المهارات اللغوية و توظيف اللغة ).

✅6. بلاش تلبي كل طلباته من غير ما يتكلم
الافضل تسأليه انت عايز ايه؟

بلاش تسأليه "عايز تاكل ؟ عايز تشرب؟

الافضل هو إللي يقول عايز أكل .. عايز أشرب
(كده بتدربيه علي اللغة التعبيرية)

✅7. اسمعى طفلك بتركيز وتفاعلي معاه حتى لو كان بيتكلم بطريقة غريبة ، كده هتزودى من ثقته بنفسه
( ده بيحفز الطفل علي استخدام اللغة بصفة عامة في التواصل مع الآخرين وزياده ثقته بنفسه إنه يعيد المحاولة ويطور من لغته )

✅8. اقرئي له القصص كتير ، واوصفي ليه كل الصور الموجودة بأسمائها ( ده بيدربه علي استخدام الذاكرة السمعية والبصرية في نفس الوقت).

✅9. اديله وقت أنه يفكر عشان يرد وبصي له استنيه يتكلم لأن الطفل بيحتاج لوقت أطول للتفكير والرد على السؤال اللى سمعه
( ده بيزود مهارات التداعي السمعي).

✅10.بلاش تسأليه أسأله كتير اعملى حوار مع طفلك أفضل واديله مساحة أنه يقدر يعبر ويتكلم .

Fun day
👮‍♀️👨‍🍳👨‍🏫👨‍🔬
After school🎒
Red class🔴🔴

♥️

Jobs ♥️

Fun day

Hello December 👋 🎄🎁
ديسمبر شهر الهدايا والعروض والمفاجأت
سانتا كلوز بتاعنا 🎅جايبلكم خصم 3 أيام علي مشتركين شهر ديسمبر
يلا بسرعة نستفيد بالهدية 🎁

Funday 😍
Jobs 👩‍🏫🧑‍✈️👨‍🔬👨‍🍳

Home work
After school 🎒🏫
Red class ❤️

التربية
هي إن الطفل بيختبر ويعرف العالم
من خلال والديه،
فلو مثلا أهله بيخوفوه وقت خطأه ويضربوه كمان
يشوف إن العالم قاسي عليه وصعب،
(عشان كده منهي عن الجمع بين عقوبتين على الطفل).

لما بيتخض بعد ما يكسّر حاجة ثم تحضنه،
جهازه العصبي بيتظبط إن كل حاجة بتعدي
رد فعل مخه على الأمور الصعبة بيكون أهدى.
(عشان كده مطلوب تهدي الطفل لحظة فزعه)

لما توعده بهدية إن أنجز شيء ثم تخلف وعدك،
نظام المكافأة عنده بيتلخبط وبيبقى عاوز دوبامين معظم الوقت ومن غير هدف واضح.
عشان كده مفيش حاجة إسمها ينفع تكذب على الطفل،

لما يغلط وتقعد معاه تعذره ثمّ تفّهمه الصح من الغلط،
بيشوف إنه مفهوم ومتقدر مشاعره.
(عشان كده مهم تكون واعي بمشاعر طفلك)

لما كل ما يعوز حاجة تديهاله،
بيفتكر إن العالم ملزم دايما يلبي رغباته.

ولما تمنعه من كل شيء خوفا عليه،
بيبقى خايف وقلقان طول الوقت إنه يتقدم في أي خطوة.

(وعشان كده التوازن مطلوب بين إنه يجرب وبين إنه يتحمل مسؤولية أفعاله ونفسه)

وعشان كده زمان قالوا
إن رؤية الشخص لـ الإله له علاقة كبيرة بصورة والديه.

وأنا أجزم وأتيقن،
إن رؤية العالم كله مصدرها الوالدين.