13/09/2024
ازاي تتعاملي مع طفلك 👦🏻👧🏻 وتعاقبيه لما يغلط بدون ضرب او زعيق ❌🤔 ؟!
1️⃣ لو الطفل بيتنطط ويزعق 😫 و عامل هيصة
تجاهليه 🤷🏻♀️ واول ما يهدي .. كافئيه بحاجه هو بيحبها بشكل واضح عشان قعد.
2️⃣ الخصام
وسيلة فعالة جدا كعقاب بس بشكل كامل ( ما عدا الضروريات اللي الطفل ميقدرش يعملها لوحده زي الاكل او الشرب او علاج ) بشرط يكون لفترة محددة ما تقلش مهما حصل ✅
3️⃣ الضرب أمام اي حد حتى لو أمام اخواته ممنوع ❌❌
نتايجها مش بتظهر غير متأخر لما يطلع طفل معندوش ثقة في نفسه وشخصيته ضعيفة جدا 😔
4️⃣ الام الهادية اللى بتعاقب بهدوء ومن غير نرفزة هى ام شخصيتها قوية مع اطفالها وبيعملوا حساب لزعلها ✅ و الام اللى بتزعق كتير دى ام كوميدية جدا لاطفالها بيتعمدو يغلطو عشان تقعد تزعق .. يعنى زعيقك دا كله هما بيعتبروه مكافئة.
5️⃣ بلاش حكاية لما بابا ييجي هقوله ❌❌ ... ما تعمليش من بابا بعبع يخاف منه الاطفال لانه غالبا جاى من شغله مش شايف اصلا .. وكمان انتى كدا بتضعفي شخصيتك مع اطفالك لانهم بيعملو حساب لباباهم وانتى لا.
6️⃣ لو هددتى ابنك بعقاب لازم تنفذيه ولو وعدتيهم بمكافأة لازم تقدميها دى و خلى عندك قايمة بالحاجات اللى ابنك بيحبها سواء حلويات 🍭 🍬 او لعب 🧸 واستخدميها كمكافأة وقت التصرف الصح و كعقاب بمنعها عنه وقت ما يتصرف غلط.
7️⃣ هزرى والعبي مع اطفالك كتير عشان وقت ما حد يغلط يبقي منعه من الهزار واللعب معاكى عقاب مؤلم ليه.
8️⃣ ممنوع معايرة الطفل بحاجه غلط عملها امام حد ❌❌ ماتلوميش الا نفسك بعدها لما يبدأ يطلع اسرار البيت كلها بره.
9️⃣ لازم تخليه يصلح الحاجه اللى بوظها او يرتب الحاجه اللى لخبطها لازم.
🔟 لو قال كلام مستفز اثناء العقاب اعملى نفسك مش سامعاه لانه بيحاول يخلق مشكلة جديدة يهرب بيها من العقاب.
