faculty of education al-fayoum university

.
الـ attendance في الجامعة مش حضور وغياب
ده اختبار بقاء
يا إما تصحى بدري وتروح وانت ميت
يا إما تغيب وتضيع درجات
وفي الحالتين… انت خسران.

الكلية بتحاول تقنعك إنك بتتعلم
بس الحقيقة إنك بتتعلم حاجة واحدة بس:
إزاي تنجز شغل شهر في ليلة
وإزاي تفتح PDF لأول مرة قبل الامتحان بساعتين
وساعات… بتعدي فعلاً.

داخل تربية تقول أنا قدّها
طالع منها تقول يا رب سترها 🙃

📣 تحذير رسمي لطلبة الثانوية العامة اللي بيقولوا:
"إن شاء الله هدخل تربية، نفسي أطلع مدرس محترم!"

استنى يا كابتن، قبل ما تحلم بالطباشير والسبورة،
تعالى نعرفك على شوية مفاجآت جامعية:

هتحضر 8 صباحًا وانت صاحي 8 وربع

هتسمع كلمة "بحث" أكتر من كلمة "صباح الخير"

هتكتشف إن نتيجة الترم بتطلع في موسم حصاد القمح

هتعرف يعني إيه تدريس مصغر يخليك تعيد حساباتك في الحياة

وهتذوق مرارة حاجة اسمها "النقد" اللي مالوش أي نقد غير عليك أنت

. لو لسه مصمم تدخل تربية بعد ده كله…
يبقى إحنا مستنيينك، لأنك واضح إنك واخد الموضوع بروحك فعلاً


#تربية

🔴 هام وعاجل | بيان رسمي بخصوص النتيجة

"نحيط علم طلابنا الأعزاء أن النتيجة… مش هتظهر. لا النهارده ولا بكرة، ولا في أي وقت قريب. الحقيقة إحنا نفسنا بندور عليها معاكم، ولو حد لقاها يبعتلنا عشان نطمن بس.

نشكركم على صبركم، وندعوكم للتركيز على أهم شيء حاليًا: تقبل الواقع. 😌"