Alfa Team

مساء الخير ياباشمهندسين
شهر 8 بدأ وما أدراكم ماهو شهر 8 😂 شهر بسنة زى مااحنا عارفين يعنى .. ومش عاوزينة يعدى بالساهل كده
أول الكورسات معانا هو كورسات طاقة متجددة (طاقة شمسية + طاقة رياح )
الكورسات دى بالأخص للطلبة اللى داخلين على ليفل الوحش سنة ثالثة :D واللى وصلوا لليفل الاخير سنة رابعة
طبعا واللى مهتم ممكن يبدأ فيها
دى لينكات الكورسات :
- كورس طاقة متجددة ل د. محمد أبو الطيب .. ناس كتير شكرت فى الكورس ده وبيبدأ معاك من الأول خالص فى أساسيات الطاقة الشمسية
https://goo.gl/zmMuED
------------------------------------------------------
- كورس طاقة شمسية ع اليوتيوب ومترجم بالإنجليزى متقدم من جامعة فى هولندا
https://goo.gl/y76UGJ
نفس الكورس ده هاتلاقيه على إداراك ومترجم بالعربى لو حد عاوز يتابعه من هناك https://goo.gl/z4VRWz
---------------------------------------------------
- كورس طاقة رياح
https://goo.gl/KdCYRj
---------------------------------------------------------
دى playlist لافكار مشاريع طاقة متجددة hand made
https://goo.gl/VarUZe
هانحاول نتابع ان شاء الله لو توفر كورسات تانية للطاقة وننزل باللينكات بتاعتها
البوست الجاى هاننزل بمجال كورسات تانى ان شاء الله
#تابعونا

Renewable Energy Video Course - YouTube

مساء الخير ياباشمهندسن :D
طولنا الغيبة شوية المرادى بس رجعنا والحمد لله ..
رجعنا مع الناس اللى اتخرجت وناقشت المشاريع ونقولهم مبروووك فلتوا من الشاليموه خلاص 😂
وكان من أهم الأخبار السعيدة وهى فريق Mansoura motorsport واللى الحمد لله وبالتوفيق من ربنا وعزيمتهم قدروا يوصلوا للمكان الللى هما فيه دلوقتى ويمثلوا جامعة المنصورة كلها 😁😍
بالتوفيق ليهم ان شاء الله .
...............
نرجع لكهربا بقى اللى لا نافعين فيها دراسة ولا أجازة مرحموين منها 😅
إن شاء الله الفتره الجاية هانحاول نوفر لينكات لكورسات أون لاين فى القسم وممكن نعمل جروب لكل كورس يشتغلوه الناس سوا ويبقى فى حلقات نقاش متواصله مابينهم أو اللى عنده كورس ممكن يرفع اللينك بتاعه ويفيد غيره .. واللى لسه متابعش الحاجات الحلوة اللى هنا فى جروب اسمه HOW.TO.BE.PROFESSIONAL.ENGINEERS
ودا اللينك بتاعه https://www.facebook.com/groups/425721790876111/
عامل مجموعة كورسايت اونلاين لناس متخصصين تطوعوا يشرحوها زى كورسات حماية وتمديدات وطاقة شمية وغيرها ودا هاتلاقوه فى البوست المثبت فى الجروب بالمواعيد إن شاء الله .
بالتوفيق ياشباب
إنها الأجازة فحاولوا ماتطلعوش منها غير وإنتوا مزودين طوبة فى الأساس الأجازة مش بس للنوم 😂

كان متاح لينا ربع ساعة عشان ندخل ال Technical inspection test
وكان فيه part مهم ناقص فالعربية ومن غيره مش هنقدر نعديه تماما واقرب مكان عشان نشتريه بيبعد عن المسابقة ساعتين.
فريقنا بدأ يدور على كانز ولمها من على الأرض ولحمها وعمل المنظر اللى فالصورة ده و بيأدى نفس الوظيفة بتاعت ال part اللى ناقص وان هو بيتم فيه التخلص من زيت الماتور الزياده بطريقة غير مباشرة عن طريق تكثيفه بدل ما يخرج للجو ويكون بسعة 1 لتر.

وعدينا ال Test بنجاح والحكام كانوا مبهورين بالحل السريع ده :D

مرحب شهر الصوم

اليوم المنتظر من السنة للسنة 😍

يوم الهندسة المصري ٢٠١٧ .. قريبًا.
تابعونا لتفاصيل أكثر الأيام القادمة.
Egyptian Engineering Day 2017 .. Soon!
Stay tuned for more details.

مساء الخير يا شباب اخبار الفسيخ والرنجه ايه 😂😂😂 والروايح الى مش بتروح لمدة سنة قدام 😷😷
البوست الى فات اتكلمنا عن تانى توصيلة اساسيه من توصيلات الميكرو وهيا دائرة إعادة التشغيل وشوفنا توصيلتها
النهارده هنتكلم عن اخر توصيلة والاخيرة معانا فى التوصيلات الاساسيه وهيا توصيلة دائرة توليد نبضات الساعه والتوصيلة عبارة عن بلورة من الكرستال بوصلها بالطرفين رقم 13 و 14 الى هما osc1 و osc2 فى الميكرو بعرف الاطراف دى قولنا عن طريق datasheet او لو مش معايا بعرفها عن طريق بيبقى فيه فى Ic كيرف او نقطه داخله لجوا كدا من فوق فى الic بعد الاطراف 1 ،2 ، 3 وهكذا من على الشمال الكيرف دا
بس يستحسن ان يبقى معايا datasheet لأى Ic او اى حاجه انا بستخدمها فى المشروع
نكمل بوصل الكريستال دى بمكثفين فايدة الكريستال دى انها زى قلب الانسان بمثابة القلب النابض للميكرو من غيرها الميكرو ملوش اى لازمه ومش هينفذ اى تعليمة لان فى كل نبضة من النبضات دى ممكن ينفذ ملايين التعليمات الى ينفذها او المطلوبه منه
كمان بعض انواع الميكرو بيبقى فيها نوعين من الكرستال نوع داخلى بيبقى موجود اصلا فى stracture الداخلى للميكرو ونوع خارجى الى احنا بنتكلم عنه دلوقتى الى بنوصل معاه مكثفات وسلوك على الطرفين الى اتكلمت عنهم .
البوست الجاى هنشوف رسمه فيها ال3 توصيلات مع بعض فى رسمه واحده .

‬

البوست الى فات شوفنا توصيلة اساسية من توصيلات الميكرو 🙋
وقولنا ان هما ٣ توصيلات اساسيه قبل ما استخدم الميكرو فى اى حاجه انا عايزها
هذكركوا بس المره الى فاتت شوفنا توصيلة ال power supply
هاتلاقوها فى البوست ده : https://goo.gl/gN4Ut1
النهارده هنشوف دائرة اعادة التشغيل 🌀
و دى عبارة عن دايرة بسيطه بوصلها بال pin رقم واحد الى اسمها MCLR والدايرة دى عبارة عن مفتاح ومقاومه 10k بوصل المفتاح بالأرضى مباشرة والمقاومه على جهد التغذية وبوصل سلك بين المفتاح والمقاومه للpin بحيث لما اضغط على المفتاح يعمل عملية reset يعنى بيصفر جميع المخارج ويبدأ البرنامج التنفيذى من البداية تانى
زر ال reset دا 👌زى زر ال restart فى الكمبيوتر لما بضغط عليه بيعمل اعادة تشغيل للجهاز مرة تانيه ويكنسل اى حاجه هوا كان شغال عليها
اما بالنسبة للمقاومه الى بستخدمها لمنع حدوث دائرة قصر عند توصيل الارضى للطرف MCLR لما اضغط على المفتاح
‬

مساء الخير ياباشمهندسين 😄
لكل الناس اللى سجلت فى كورس الماتلاب
إن شاء الله أول معاد للكورس هايكون يوم الثلاثاء الساعة 3
فى Triago Coworking Space
العنوان : شارع الاشقر المتفرع من المشايه قدام بيبو لاند من المشايه من تحت و قدام مستشفى الكلى من المشايه من فوق
اللى عاوز يسجل فى الكورس دا لينك التسجيل : https://goo.gl/owxaGH

بنكمل معاكوا كورس الميكرو اللى كنا بدأناه
نظرا للميد تيرم الذى كانت تمر به البلاد 😢
نكمل ان شاء الله زى ما كنا ماشين المره الى فاتت او البوست الى فات وتقدروا تقرأوه من هنا : https://goo.gl/18qu79
اتكلمنا عن العوامل الى بتخلينى اقدر اختار الميكرو بتاعى
النهارده هنتكلم عن مميزات الميكرو 16F877A ودى فى
1_اول حاجه ان الميكرو دا عبارة عن IC ليها 40 طرف بقدر استخدم 33 منها كأطراف دخل او خرج.
2_ال IC دى فى وحدة معالجة مركزيه cpu عالية الأداء
3_ذاكرة برنامج فلاش بسعة 8k
4_ذاكرة RAM بسعة 368 بايت
5_ذاكرة EEPROM بسعة 256 بايت
6_محول تماثلى /رقمى بدقة 10 بت
كمان هنتكلم عن التوصيلات الأساسيه للميكرو 16F877A
وهنشوف اول توصيلة من التوصيلات الأساسيه للميكرو كنترولر
علشان الميكرو يشتغل كويس لازم اول حاجه اوصله ب 3 دوائر رئيسيه
هنشوف منهم النهارده دائرة وهما 3 دوائر بسيطه جدا
الدائرة الاولى هيا دائرة مصدر القدرة power supply
قبل ما استخدم الميكرو فى اى حاجه او ابرمجه لازم اوصل ال 3 توصيلات دى فيه
البوست الجاى هنزل باقى الدوائر ودايرة شامله التلانه مع بعض
‪ ‬

ازيكو 😄
طبعا بما إننا هانبقى كهربائيين قد الدنيا 😌😌 وفاضيين بقى من بعد الميد وكده
تعرفوا ايه عن ال line tester أو مفك الإختبار زى ما نعرف وايه طريقه عمله ؟
وبالمرة بقى هى ليه البطارية بتتشحن Dc مش Ac ؟
---------------------
بنفكركوا تانى بكورس الماتلاب للى عاوز يسجل فيه دى الفورم : https://goo.gl/owxaGH
ودا لينك البوست بالتفاصيل : https://goo.gl/Qk5gII

ليه الماتلاب مهم ؟
بص ياسيدى ..
الماتلاب ده عامل زى صاحبك الرخم اللى ما بتصدق تخلص منه فى سنة يقوم يطلعلك فى الثانية 😄
من أول أولى بتبدأ تتعرف عليه ويحصل تاتش بسيط ما بينكوا فى شوية حسابات معادلات وضرب مصفوفات وهكذا
حبه بحبه تبدأ تتقرب منه فى ثانية وترسم بيه منحنيات وتعمل بيه مشاريع صغيرة زى آله حاسبة مثلا .
فى ثالثة بقى بيبدأ يبان على حقيقته 😒 لما بيكون مفروض عليك ولازم تشتغل بيه .. ودا بيظهر فى مواد زى الكنترول والباور الكترونكس
فى الكنترول ممكن يحلك المسأله من بابها ويطلعلك رسمتها ويظبط وتأكد حلك منه
فى الباور بتعمل بيه تصميم للدوائراللى بتطلب منك ودا فى الجزء الخاص بال simulink
لحد ما توصل ل ليفل الوحش 💪فى سنة رابعة وتبدأ تشتغل فى المشروع
واللى سأل فعلا هايعرف ان الماتلاب جزء اساسى من المشاريع لان معظم المشاريع بتعتمد بشكل اساسى على البرمجة .
دا غير انه مطلوب فى سوق العمل فى أماكن كتير وبشكل أساسى فى ال CV بتاعك
لو عاوز تتعلم ماتلاب صح وتريح دماغك من صاحبك الرخم ده طول السنين الجاية يبقى تسجل معانا فى الفورم دى : https://goo.gl/owxaGH
والتفاصل الباقية هاتلاقيها فى البوست ده : https://goo.gl/Qk5gII

طبعا بعد أسبوع الميد اللى بروح الفاينال 😂😂
أى شئ يُقال بعد كل ما قيل فى ورقة الإجابة 😔.. ولكن لسه فى أمل 😆
#المفاجأه 😄
طبعا كلنا عارفين ان الكليه مش بتقدم المحتوى العلمى الكامل بالشكل اللى يفيدنا وبالتالى لازم نشتغل على نفسنا بجانب الدراسة وعشان كده قررنا نعلن عن واحد من أهم كورسات أقسام كتير زى كهربا واتصالات وغيرهم وهو #الماتلاب .. مين هو الماتلاب ده ؟ 😓
الماتلاب ياسيدى برنامج معمول عشان يساعد فى حساب العمليات الحسابية والعمليات على المصفوفات .. دا غير انه بيستخدم فى رسم منحنيات وحل معادلات ودا الجانب اللى بيحتاج منك كود بشكل أساسى .. وكذلك برمجة روبوتات وحاجات تانية كتير كده
الجانب الثانى هو ال Simulink ودا طبعا من أهم العمليات المتاحة من البرنامج انك تقدر تصمم الدائرة بتاعتك عليه سواء كهربية او الكترونية وتختبر الخرج وشكل الموجة وهكذا .
كورس الماتلاب مستخدم بشكل كبير جدا فى الدراسة فى أقسم كتير .. ومطلوب جدا فى سوق العمل لأى مهندس فى أى قسم مش كهربا بس زى اتصالات وميكاترونكس وميكانيكا وغيره
ده فيديو تعريفى للماتلاب على موقع البرنامج الرسمى : http://goo.gl/X3JAnJ
الكورس عبارة عن 10 سيشنات وقتها من 3 إلى 4 ساعات
والمكان هايكون فى Triago Coworking Space
سعر كل سيشن هايكون 20 جنية إن شاء الله .
محتوى الكورس : بالنسبة لجزء البرمجة
- مقدمة عن الماتلاب والعمليات الحسابية على المصفوفات والمتجهات
- البرمجة باستخدام لغة الماتلاب
- حل المعادلات الخطية باستخدام الماتلاب
- الرسم باستخدام الماتلاب
- تطبيقات عاملة على البرمجة بالماتلاب
أما جزء ال simulink :
- التعرف على أساسيات ال simulink فى النظم الكهربية باستخدام الماتلاب
- تحليل الأنظمة والنماذج الجزئية
- تمثيل الدوائرالكهربية
- تمثيل دوائر الكترونيات القوى
- تمثيل الألات الكهربية
ودا لينك الفورم للتسجيل : https://goo.gl/owxaGH
.

مبرووووك البراءة 😂😂
خلص الميد بسلاطاته بباباغنوجة وحلينا وحدقنا وعملنا فى الورقة اللى ميتعملش الحمد لله 😂😂
ننسى اللى فات وعلى رأى اللى قال .. وبكرا اللى جاى أحلى 😆 عندنا فاينال نعوض فيه 😂
عندنا ليكوا مفاجأه صغيرة هانعلن عنها كمان شوية .. #تابعونا