اللجنة العلمية - اتحاد طلاب زراعة الإسكندرية

" ابحث انت عن المعرفة ، فالمعرفة لا تبحث عن أحد "
-اناتول فرانس

لذلك تعلن " اللجنة العلمية - اتحاد طلاب كليه الزراعة" عن اقامة ورشة كيف تكون باحث How to be" a researcher" بالتعاون مع "لجنة الأسر بإتحاد طلاب كلية الزراعة "
و تتناول الورشة جميع اساسيات مهارة البحث العلمي و كتابة المحتوي العلمي
-تقام الورشة online و تبدأ من يوم السبت القادم ♥

- كل اللي عليك انك تلحق تسجل ف الفورم لأن الاعداد محدودة 👇
https://docs.google.com/forms/d/e/1FAIpQLSfdZxQeQ5L3850gk2Dm0fDxoJonXAwLV-hazNmeUPbyVCnTrQ/viewform?usp=sf_link

- و تابعونا الفترة اللي جاية علشان باقي الفاصيل...

تحت رعاية
ا.د/ محمد بهى الدين " عميد الكليه "
ا.د/ احمد محمد مهدي " وكيل الكليه للشؤن التعليم والطلاب "
د/ حماد عزاز " مستشار لجنة الأسر "
د/ مصطفي الدقاق "مستشار اللجنة العلمية"
ا/ علاء خميس " رئيس رعاية الشباب "
ا/ شريف ابو ضاهر " مشرف لجنة الأسر "
ا/مني سليم "مشرف اللجنة العلمية"
- سالي الملاح "امين مساعد اللجنة العلمية"
- فادي الصوري "امين اللجنة العلمية"
- أية احمد "امين مساعد الأسر"
- محمد رمضان " امين لجنة الأسر"
- سمير محمود "نائب رئيس الاتحاد"
- مهاب الملاح "رئيس اتحاد الطلاب"

تعلن اللجنة العلمية باتحاد طلاب الكلية عن فتح طلب الانضمام للفريق البحثي التابع للجنة للموسم الثاني.

- جانب من أعمال الفريق البحثي خلال العام الماضي:-
١- العمل على مشروع Drive 012 وكان الهدف منه تجميع المحتوى الأكاديمي لطلاب الفرقة الأولى والثانية بمختلف فئاتها في ملف Drive موحد وتم العمل على المشروع من طلاب في الفريق البحثي.
٢- تقديم ورشتين بعنوان Presentation , Research Skills وتم تحضيرها وعرضها عن طريق طلاب في الفريق البحثي.
٣- إنشاء برنامج لتبسيط العلوم بعنوان "السكشن" وتم عرض الحلقة الأولى منه بعنوان "ميدتيرم نص الملعب" وتم العمل على البرنامج من خلال طلاب الفريق البحثي.
٤- كتابة بعض المقالات عن مواضيع مختلفة مثل مثلث برمودا و العادات.
٥- شارك مجموعة من طلاب الفريق في المؤتمر الطلابي الرابع الخاص بالكلية وحصل العديد من الطلاب على مراكز متقدمة في المسابقات الخاصة بالمؤتمر.
٦- شارك مجموعة من طلاب الفريق في ورشة عمل عن البحث العلمي تابعة للجنة العلمية باتحاد طلاب كلية الصيدلة.
٧- شارك مجموعة من طلاب الفريق في مسابقة دوري المعلومات ومسابقة بحث بعنوان كيفية مواجهة الزيادة السكانية في مصر التابعة للجنة العلمية العليا باتحاد طلاب الجامعة.
٨- شارك مجموعة من طلاب الفريق في دورة Basic life support والتي تعد أهم أركان الإسعافات الأولية First aid management بالتعاون مع جهاز السلامة والصحة المهنية بكلية الطب وهي دورة تم تنظيمها من خلال اللجنة العلمية العليا باتحاد طلاب الجامعة.
٩-شارك مجموعة من طلاب الفريق في مؤتمر أعرف اتحادك تحت تنظيم اتحاد طلاب كلية طب الأسنان و الصيدلة والطب البشري.
١٠- شارك مجموعة من طلاب الفريق في مسابقات علمية إبتكارية مختلفة تابعة لنادي علوم الجامعة.

- لينك الانضمام الخاص بالفريق :-
https://forms.gle/E1bBBURCuos558UX9

تعلن اللجنة العلمية - اتحاد طلاب جامعة الإسكندرية عن تنظيم دورة Basic life support والتي تعد أهم أركان الإسعافات الأولية First aid management بالتعاون مع جهاز السلامة والصحة المهنية بكلية الطب وبالتنسيق مع اتحاد طلاب كلية الطب ، على أن تقام الدورة بمعمل المهارات الطبية Skill lab بكلية الطب بنهاية شهر أغسطس الجاري.
على من يرغب فى التسجيل بالدورة ، ملئ الفورم الملحقة أولاً ثم استلام الدعوة الخاصة بها من مكتب إدارة اتحاد طلاب الجامعة برعاية شباب الجامعة بدءًا من يوم الاثنين ١٥ أغسطس ، علماً بأنه لن يتم استلام الدعوة إلا بعد التسجيل مسبقاً فى الفورم الملحقة ، ولن يتم حضور الدورة إلا بالدعوة الخاصة بها وسيتم تسليم شهادات بعد إنتهاء الدورة.

-فورم التسجيل الخاص بالدورة:-
https://docs.google.com/forms/d/1JnzZv5j37gjVLDvOSOPr-ZUtC98PeZn-hGgqhVH3nZU/viewform?edit_requested=true

⚠️| "مخ الإنسان يمكن تدريبه كأى عضله بالجسم"
جملة قالها العالم الألمانى لاس شفابه رئيس قسم علم النفس بجامعة هامبورغ وضحت أن فى مناطق فى مخ الإنسان ممكن أنها تكبر لو قدرنا ندربها زى العضلات اللى فى جسمنا بالضبط ، قال كمان أن مخ الإنسان من الممكن أن يصدأ فى حالة لو كان إستخدامه بمعدل محدود بمعنى ان المعلومات مش هتختفى من الذاكرة ولكن أننا نفضل فترة كبيرة مش بنستدعيها ده معناه أن هيكون صعب اننا نوصل ليها.

مجموعة من الباحثين راقبوا سائقى الأجرة فى لندن وظهر أن الذاكرة المكانية عندهم مخزنه صور الأماكن اللى بيتم الوصول ليها بشكل مستمر ولما عملوا رسم مخ ظهر ان المناطق دى من المخ كبيرة مقارنه بالمناطق التانية اللى موجودة فى المخ ، ده بيأكد جمله لاس شفابه أن تدريب المخ على أشياء معتادة ومتكررة بشكل يومى أو لفترة طويلة يقدر يكبر المناطق دى فى المخ ونقدر نقوم بالمهام دى بدون وعى مننا أو تفكير لمجرد بس اننا اتعودنا عليها.

كمان فى دراسات بتقول ان 95% من حياتنا اليومية تعتبر عادات بتحصل بشكل غير واعى أمثلة كتير ملهاش حصر على العادات اللى في يومنا سلبية أو إيجابية أو حتى عادية ملهاش تأثير كبير في حياتنا وصحتنا زى نور الأوضة اللى بتولعه أول ماتدخل الاوضة ولو لقتها متولعه أصلا هطفيها مع انك قاصد أن النور يكون شغال بس دماغك خلاص حفظت أن لما بوصل للمكان ده لازم ادوس على الكوبس بغض النظر عن أن هو شغال أو مطفي هي حاجه خلاص بقيت بتخرج بشكل غير واعى مننا.

دى من العادات البسيطه اللى ملهاش تأثير ف حياتنا ولكن عادة
لكن طبعاً كم الأبحاث اللى اتعملت فى موضوع دراسة سلوك الدماغ الإنسان لا تعد ولا تحصر ومن ضمنهم باحثين عملوا تجارب على فأر ووضعوه فى متاهه واخر المتاهه كان فيه قطعة شيكولاته وكانوا بيختبروا سلوكه ونشاط مخه وكانو بيخبطوا خبطه معينة ويفتحوا السكة للفأر ، فى البداية المخ بيفضل نشط جدا بيحاول يتحرك ويشم كل جزء حوليه وياخد وقت لغاية ما يوصل لمكان قطعة الشيكولاته ، تم تكرار التجربة دى على فترات كتير مع نفس الفأر وكان بيلاحظ كل مره الوقت بيقل ونشاط المخ بيقل كمان لغاية ما وصل أن الفأر حفظ الطريق كان بمجرد ما يسمع الخبطة والبوابة تتفتح بيتحرك مباشرة اتجاه قطعة الشيكولاته وقدروا يلاحظوا ان المخ فى الوقت ده بينشط فى بداية سماع الخبطة وفتح البوابة ثم معدل النشاط يقل ثم النشاط يزيد تانى بمجرد قرب الوصول لقطعة الشيكولاتة وقدرا يستنتجوا أنعقل الكائن الحى يجمع بعض الذكريات التى تكون متكررة وبشكل روتينى ويخزنها فى مكان فى الدماغ تسمى (العقد القاعدية) والجزء ده من الذكريات بيصنفها الدماغ على أنها عادات.

السؤال هنا هو ازاى أقدر اكتسب عادة مفيدة وابطل عادة سلبية؟
هرمون الدوبامين المعروف عند البعض (بهرمون السعادة) هو هرمون تحفيزى بيبدء يفرزه الجسم لما يحس أنه عنده رغبة لنتيجة معينة عاوز يحققها فينتهى الأمر بالشعور بالسعادة لكن
ايه علاقة هرمون الدوبامين بانى أبني عادة أو ابطلها؟

التدخين مثال ، لو انت شخص مدخن مجرد رؤيتك لشخص بيدخن أو مكان انت متعود تدخن فيه أو صحاب متعود تدخن معاهم أو كوباية الشاى اللى بتحب تشربها مع السيجارة عقلك بيفرز الدوبامين عشان عارف أن فى نهاية الأمر هيشعر بالسعادة بسبب النيكوتين وكده نقدر نقول عشان أقدر ابنى عادة محتاجين حاجتين مهمين أول حاجه هي لمبة او مفتاح عشان تبدء بالعادة دى يعنى مكان معين،ترتيب للمكتب اللى هتقعد عليه أو مشروب بتحبه المهم شئ مجرد ما تعمله مخك يبدء يفهم ان دى لحظه بدء العادة تاني حاجه هي المكافأة لازم تكافأ نفسك بحاجه انت بتحبها زى حلقة من مسلسلك المفضل او هواية بتحب تعملها حتى لو قطعة شيكولاته زى تجربة الفأر كده المهم ان مخك يكون عارف أن مع انتهاء العادة دى هيحصل على شئ هيسببله السعادة ، نفس الشئ لو عاوز تطبل عادة سلبية هتعمل العكس هتمنع الاشارة اللى بتخلى مخك يفرز الدوبامين عشان يهيئه ف النهاية للشعور بالسعادة وطبعا اهم شئ فى أى حاجه هو الإستمرار.

✍️ وافتكر أن "الطريقة الصحيحة لتبدأ هي أن تتوقف عن الحديث وتبدأ الآن" - والت ديزنى.

كتب بواسطة:مروة عبدالصبور - عضو الفريق البحثي التابع للجنة العلمية.

⚠️| نهاية ورشتي Research and Presentation Skills المقدمة من اللجنة العلمية يوم السبت ١٤ مايو ويوم الإثنين ١٦ مايو بمدرج ٥ ومدرج ٦ بالكلية.

- تتقدم اللجنة العلمية بخالص الشكر لروان صالح ورنا راضي مقدمين ورشة Presentation Skills وعماد الدين عبدالمنعم وندى يحيى وزياد جميل مقدمين ورشة Research Skills كما تتقدم اللجنة بخالص الشكر لإدارة الكلية ورعاية الشباب بالكلية.

أمين مساعد اللجنة: فادي حسين الصوري.
أمين اللجنة: أسامة أحمد فاروق.
نائب رئيس الاتحاد: مهاب الملاح.
رئيس الاتحاد: صالح إيهاب.

⚠️ | ايه هو البحث العلمي ومين اللي بيعمله وإزاي تقرأ الورقة البحثية ، وايه هي خطوات كتابة الورقة البحثية وياترا ايه هي المصادر اللي ممكن ابحث فيها عن المعلومة؟ هنعرف إجابة الأسئلة دي بكره في تاني ورشة بعنوان Research Skills هيقدمها:
- زياد جميل مسؤول في الفريق البحثي التابع للجنة العلمية عن جزء Research Skills.
- عماد الدين عبد المنعم عضو الفريق البحثي التابع للجنة العلمية.
- ندى يحيى عضو الفريق البحثي التابع للجنة العلمية.

مستنينكم بكره الساعة ٢ ونص في مدرج ٦ في الكلية 🔜❤️

⚠️| صور من فعاليات ورشة Presentation Skills التابعة للجنة العلمية التي أقيمت اليوم بمدرج ٥ بالكلية وتم تقديم موضوعين الموضوع الأول بعنوان Self Confidence والموضوع الثاني بعنوان Body Language وقدم الورشة روان صالح ورنا راضي طلاب بالفريق البحثي التابع للجنة. ✅✨

⚠️ الثقة بالنفس ولغة الجسد عاملين مهمين في العرض اللي بتقدمه وعلشان كده هنتكلم عنهم بكره بالتفصيل في ورشة هيقدمها:
- روان صالح: مسؤول الفريق البحثي عن جزء مهارات العرض و مدرب لجنة بناء القدرات بمنصة تيد العالمية.
- رنا راضي: عضو الفريق البحثي باللجنة العلمية ومتدربة ضمن برنامج مهارات العرض التابع للفريق البحثي الخاص باللجنة العلمية.

جانب من مشاركة طلاب الفريق البحثي التابع للجنة العلمية باتحاد طلاب الكلية في برنامج LYM وتم تقديم عرض بعنوان "الماضي يعيد نفسه" من الطالبين :
- مهاب سامي عمران.
- روضة رمضان محمد.
وتم تدريب الطلاب على العرض بواسطة الطالبة روان صالح.
- قام بالبحث وكتابة المحتوى الطالبين :
- أيمن خميس.
- رحمة سلامة.
وتم مراجعة المحتوى والمصادر بواسطة الطالب زياد جميل.

- تتقدم اللجنة العلمية بالشكر لبرنامج الـ LYM و الأستاذ الدكتور صلاح سليمان والطالب أحمد عاطف مقرر أسرة جرين صفوة على الاستضافة ❤️✨

مثلث الشيطان✨🤔

ياترا ليه الحاجات بتختفي في مثلث برمودا ؟!
مثلث برمودا معروف بإسم "مثلث الشيطان" وهو منطقة جغرافية على شكل مثلث متساوي الأضلاع (نحو 1500 كيلومتر في كل ضلع) ومساحته حوالي مليون كيلومتر مربع، ومكانه في المحيط الأطلسي بين برمودا، وبورتوريكو، وفورت لودرديل (فلوريدا)، ويعتبر شقيق مثلث التنين.

ليه اتسمى بمثلث برمودا؟
نسبة لجزر برمودا اللى مكونه من حوالي 300 جزیرة.

من أشهر حوادث مثلث برمودا الغواصة أطلانطا الحادث ده في سنة 1880 لما اختفت الغواصة أطلانطا في منطقة مثلث برمودا وعلى متنها 290 فردا، ورغم استمرار البحث عن أقوى قطع الأسطول البحري البريطاني لمدة شهر محدش وصله،
الغريب في الموضوع ان مش بس الاختفاء بيحصل لسفن وغواصات لا ده کمان لطائرات !!

سنة 1945م تحديداً يوم 5 ديسمبر فقدت الرحلة 19 خمس طائرات قاذفة من طراز (TBF Avengers) مع 14 طيار وفي نفس اليوم فقدت طائرة من طراز (PBM Mariner) رقم 59225 وعلى متنها 13 طيارا ودي كانت طالعة في رحله بحث عن الطائرات اللي فقدت !!

طيب ياترا ايه هي الأسباب؟
تعددت الأسباب والآراء حول سر الإختفاء في مثلث برمودا فيه اللي رجح أنها بسبب قوة غير مرئية وفي المجموعة اللي بيؤمنوا بوجود كائنات فضائية قالو أنها هي المسؤولة عن إختفاء الطائرات والسفن وخصوصاً الركاب وفى اللى بيقول أن عرش إبليس فى المكان ده ومفيش أي دليل يثبت صحه الكلام ده.

طب تعالو نشوف الأسباب من ناحية الجانب العلمي ، العلماء اكتشفوا وجود كميات مهولة من هيدرات الميثان تنبعث من قاع المحيط بتركيزات مرتفعة واثبتوا بالتجارب أن فقاعات الميثان تقدر تغرق سفينة بالكامل لأن الغاز بيختلط مع الماء بنسبة كبيرة وده بيخلي كثافة المياه تقل وده بيكون ظاهرة المياة الرغوية ودي ماتقدرش تشيل حمل السفن فبتغرق السفن بالإضافة أن علماء من جامعه النرويج اكتشفوا أن السبب هو غاز الميثان حسب تقرير نشروه في مجلة العلوم والمستقبل اكدوا فيه انهم شاهدوا منطقة في روسيا فيها شقوق عديدة في الارض الحفره دي بتتفتح بشكل مفاجئ من غير أي إنذار فبتطلق كمية ضخمة من غاز الميثان وتكون الحفرة اللى قطرها حوالى ٥٠٠ متر متخيلين معايا ٥٠٠متر ؟!
انفجارات بالحجم ده تقدر توصل لارتفاعات شاهقة فى الجو وتؤثر على حركه الطائرات مش بس السفن إزاي؟

بص يا سيدي غاز الميثان أخف وزن من الهواء ولو وجد بكثافة عالية بيرتفع بسرعة خارقة إلى ارتفاعات بعيدة وده هيسبب حدوث خلل في محركات الطائرة وفي راداراتها ويكون التأثير كبير بحيث أنها تسقط ، سبب تاني منطقى إلى حد ما وهي أن المثلث عبارة عن منطقه ظروفها الجويه متقلبة وده سبب رئيسي للي بتتعرضله هتقولى ايه الظروف اللى بتتعرضلها ؟!

المنطقة دي بتتعرض لعواصف استوائية وهي عواصف قويه جداّ بتحصل في المياه الاستوائية ودي موجودة كتير في منطقه برمودا والعواصف دي حرفياً بتمرجح أي سفينة لأ وكمان في بعض العلماء عندهم شك أن المنطقه دي فيها مجال مغناطيسي بيأثر على حركة البوصلة وعلى سلوك الأجهزة ودي اسباب كفيلة ياصديقى أنها تخلي منطقه برمودا منطقه صعبة جداً في الملاحه الجوية أو البحرية

وبكده نكون عرفنا ولو معلومات بسيطة عن سبب الإختفاء فى مثلث برمودا وبس أتمنى تكونوا استفدتوا واستنونا في مقالات تانية قريب...

كتب بواسطة: آية سيد - عضو الفريق البحثي التابع للجنة.