نهى حسين بونبوناية سلوكية

مطلوب 7 أمهات عندهم اطفال من عمر يوم ل 12 سنه
يحضروا معايا كورس كيف تربين طفلا سويا في واثق من نفسه
ويكون عندهم المشكلات التاليه مع ولادهم ( خصم الحجز المبكر قرب ينتهي )
عند ... زن ... عصبية
نوبات غضب
صريخ
عدم سمعان الكلام
بيعملوا عكس اللي بتقولي عليه
مافيش روتين واضح ليومهم
مافيش استجابة لكلامك
جربتي كل حاجه عقاب ... مكافآت... مافيش فايدة

تمام انطبقت عليكي المواصفات

تحضرى معايا ليه
علشان الكورس مفيد جدا وعملي وواقعي وقابل للتطبيق
علشان أنا بشتغل من قلبي مع الأمهات ف ان شاء الله هاتستفيدى
الكورس 6 اسابيع فوق 10 ساعات تعلم ف وقت كافي
عدد امهات صغير ف تقدرى تسألي وتتواصلي

فاضل تلحقي خصم الحجز المبكر اللي قرب يخلص يوم السبت اخر يوم ف ان شاء الله تكوني معانا

وتغيرى علاقتك بولادك للاحسن
اه في امل طبعا

مستنياكي اكتبي جاهزة في التعليقات علشان نبعتلك التفاصيل

ابني مش بيعمل أي حاجة غير بالتهديد أو سحب الأجهزة

قبل ما نفكر في العقاب
تعالي نجاوب على ٤ أسئلة

هل يومه فيه روتين واضح نسبيًا؟

المسؤوليات اللي مش متعاون إنه يعملها... مين بيعملها بداله في النهاية؟

إيه الحاجات اللي بيحبها فعلًا؟

هل للأجهزة وقت محدد وواضح؟

ابدئي من هنا

✅ اختاري مهمة أو مهمتين مناسبتين لسنه وكوني واضحة إن دي مسؤوليته وابدا ما تعمليهاش مكانه

✅ وقفي تماما أنك تعملي مهامه بداله

✅ اعملي روتين بسيط وواضح لليوم

✅ اكتشفي ايه اللي بيحبه

✨ قولي لي
إيه الحاجة اللي هتوقفي تعمليها بدل ابنك

وإيه أول مسؤولية هتبدئي تدربيه عليها؟

عايزة اقولك كمان ان المسؤوليه من المهارات اللي هانشتغل عليها سوا في كورس كيف تربين طفلا سويا اللي هايبدأ كمان
اسبوع ان شاء الله وخصم الحجز المبكر هايخلص كمان أيام

افتكرى هو مش كسلان هو محتاج تدريب علي المسؤولية

من الحاجات اللي فرقت معايا انهاردة التلوين 🎨

كنت مضغوطة جدا وكنت بلون مع ابني وكملت بعد لما نام

كأمهات مثقلات بالمسؤوليات ساعات بنفضل نجري طول اليوم بين البيت واحباب الله والشغل والطلبات وننسى إن إحنا كمان محتاجين نراعى نفسنا
ناخد وقت مش سكرولينج ... لا وقت عارفين نعمل في ايه

وأنا بلون ما كنتش بحاول أهرب من مشاكلي... كنت بحاول أساعد نفسي .... علشان أهدى وابقي احسن

مش شرط تلوين
ممكن يكون مشي
قراءة كام صفحة من كتاب
قعدة لوحدك مع كوب شاي

قوليلي اكتر حاجه بتساعدك تخرجي من الضغط اليومي

بتعملي ايه من ال ٤ حاجات دى مع ولادك
١) اللوم
٢) النقد
٣) المقارنة
٤) التقليل من الطفل ( الازدراء )

اه. ... احيانا كل اللي ولادك بيكون عايزينه انهم يسمعوا عن نفسهم جملة زى

حلو اوى ..... انتي متميزة في النقطة دى
ايه الجمال ده.... ماشاء الله
عملتي مجهود كبير في الموضوع ده
حاسه ب اتقان في الجزء ده

وبصراحه احنا كمان ك امهات بيكون نفسنا نتشاف ... نتسمع ... بتحس بتعبنا

جزء من الرحلة التربوية اداة تحفه اسمها التشجيع مش اى تشجيع ده ب استخدام نقاط القوة كمان

اللي هانتعلم مع بعض ازاى نطبقه مع نفسنا ومع ولادنا في
كورس كيف تربين طفلا سويا اللي هايبدأ خلال أيام

اكتبي كورس علشان نبعتلك التفاصيل

وقبلها احب اقولك ان ربنا شايف مجهودك وتعبك يا ست الأمهات يسلم تعبك مستنياكي في الكورس

الرحلة بدأت من طفلة عادية... عادية فعلًا شكلًا ومضمونًا
لكنها كانت مجتهدة

يمكن تعرفيني انهاردة كأخصائية تربوية ...
لكن الرحلة ما بدأتش من هنا....

كنت بفكر أشتغل من وأنا في إعدادي وفعلاً اشتغلت مع بداية الجامعة

أول شغلانة كانت سكرتيرة في جيم مرتبي وقتها كان 140 جنيه في الشهر وبشتغل من 5 العصر لـ 11 بالليل

وفي الإجازات كنت بشتغل في الكامبات الصيفية وكان اسمها وقتها "النادي الصيفي"

وبعدين اشتغلت في حضانات كتير جدًا... فعلاً
كتير جدًا

اشتغلت مع مئات الأطفال،واتعلمت منهم قد ما اتعلموا مني

وبعدها بسنين وأنا عندي حوالي 25 سنة كان عندي حضانة بفرعين وأنا اللي بديرهم

وبعدها بدأت رحلة الماجستير

وبدأت رحلة القراءة والمذاكرة والتعلم والتعمق أكتر في التربية الإيجابية
وبدأت رحلة التواصل مع الأمهات
وبعدين جاءت رحلة الأمومة نفسها... الرحلة اللي غيرت حاجات كتير جوايا

وربنا أنعم عليا بفارس. أسأل الله أن يجعله من الصالحين المصلحين وينفع به الإسلام والمسلمين

وبعدها بدأت رحلة الكتابة
ودلوقتي بفضل الله ليا كتابين في التربية
📚 كيف تربين طفلًا سويًا
📚 ما لا تعرفينه عن طفلك

وفي نفس الوقت كانت رحلة الدراسة والاعتمادات المهنية من ICF والجمعية الأمريكية وجامعة عين شمس

ودلوقتي وأنا بقرب أكمل 20 سنة شغل بفضل الله...
عايزة أقولكم أنا هنا ليه

👈 أنا هنا علشان أساعد كل أم تحب أمومتها أكتر
👈علشان تفهم سلوكيات أولادها بدل ما تحتار قدامها
👈علشان تبني في عمارة العلاقة بينا وبينهم بكرم ربنا الحب والمودة والرحمة
👈أنا هنا علشان أقولك نتِ مش لوحدك في الرحلة
👈وأقولك كمان المثالية فخ... هيتعب أعصابك ويخليكي تحسي إنك مقصرة طول الوقت
إحنا هنا على الأرض... مش في الكوكب المثالي

مؤمنة إن التربية محتاجة علم... ومحتاجة صحبة... ومحتاجة دعم

وبدعي ربنا أن يكون كل حرف بقوله يوصل لقلبك وعقلك ويساعدك في رحلتك مع أولادك

وفي الآخر عايزة منكم حاجتين

لو حضرتِى معايا كورس أو ورشة أو استشارة تربوية ... شوفتي فيديو وفرق معاكي اكتبي تجربتك بكل صدق

ولو هاتوصفى الصفحة هنا بكلمة واحدة... هتكون إيه؟ ❤️