فريق فكرة و ابداع

🌙🤍

دادة عزة
اول وش بنشوفه واحنا داخلين المدرسة واخر وش بيودعنا واحنا ماشيين أحيانا بنسأل نفسنا الست دى بتصحى امتى وبتروح امتى عمرنا ما قلقنا واحنا قاعدين في المدرسة والوقت تأخر عشان دادة عزة موجودة وحتخللى بالها مننا عارفنا بالاسم وعارفة أهالينا وأهالينا نفسهم مطمنين عشان هي موجودة وعنيها علينا بجد هي ام لينا كلنا عين بتحرس وقلب بيحب
شكرا من القلب لدادة عزة حدوتة حلوة في بدر

فريق فكرة و ابداع يهنئكم بحلول شهر رمضان المبارك ونسأل الله سبحانه وتعالى أن يجعله شهر خيرٍ وبركة، وأن يعيننا على صيامه وقيامه على الوجه الذي يرضيه عنا ويتقبله منا
وكل عام وأنتم بخير. 🌙🕌

❤️هالة صيام❤️
مدرسة لغة عربية...وكيلة المدرسة
دا الكلام الرسمي بس اللى بيفضل حاجات اكبر وأهم اللى بيفضل أدب مس هالة ابتسامتها الحلوة مساعدتها للكل جدعنتها وصدقها إحساسها الصادق وعطائها الكبير مس هالة كانت فعلا هالة ..هالة نور وحب وعطاء كنا نحب نتكلم معاها ونسمع لها وناخد بمشورتها ..وكانت ذات ثقافة ودين حتى اللى اختلفوا معاها احترموها وعرفوا قيمتها بعد رحيلها ..كانت صاحبة فكرة أنا كنت في بدر وهي اللى سعت أن يكون فيه تجمع لخريجي بدر
هالة صيام عنوان جميل لكتاب أوله حب واخره حب بيقول بكل صراحة ان المناصب براقة بس مش هي الجواب الجواب كان قلب هالة
هالة صيام❤️❤️🌹

سامح زهران
مش مجرد مدرس علوم دا كان أخ للكل الكبير والصغير ..شخصية قوية والكل بيحبه .إنسان كريم وشهم
ممكن تكون الأجيال الجديدة متعرفهوش ودا واجبنا نعرف الصغير مين كان وعمل ايه
محدش بيرحل ولا بيفارق الكل حاضر وموجود في بدر ومستر سامح زهران حدوتة جميلة من حواديت بدر
ربنا يرحمه ويبارك في أسرته الجميلة ❤️❤️🌹

ا. عصام مش مجرد أمين مخزن أو مسؤول صيانة دا حدوتة كبيرة كل حاجة بتبتدي عنده هو
من أول باب المدرسة لغاية الفصول اول واحد بيجي المدرسة واخر واحد بيروح عمره ما قال لحد لا ودايما جاهز بالحل بيشتغل كل حاجة عشان المدرسه. بدر بيه حاجة تانية
هو صورة بدر الجميلة♥️♥️

أم هاشم
الابتسامة الجميلة والقلب الطيب والنية الصافية مش مجرد عاملة في المدرسة دى أم للكل نلاقيها في وقت فراغها ماسكة المصحف وبتقرا منه وقبل ما تمشي لازم تصلي ..بركة مدرستنا وخيرها الحقيقي...ومن أجمل صور بدر♥️🌹🌹

لما بدأنا فريق فكرة وإبداع لم نبدأ من فراغ كنا موجودين فعلا كنا أصلا فريق المكتبة وكانت مس امل الشاعر هي مؤسسة الفريق كل اللى حضرها بعرف يعني ايه أمل الشاعر يعنى طاقة حب كبيرة للصغير والكبير كاتمة الاسرار الكل كلنا كنا ندخل المكتبة عشانها عشان نشوفها علمت الكل صغير وكبير يعني ايه عطاء كانت المكتبة خلية نحل شغل ندوات ومناظرات وحصص واجمل فقرة في حفلة المدرسة كانت هي اللى عملها لا كانت أمينة مكتبة عادية ولا مجرد مدرسة . وكل سنة كانت تجمعنا ونروح معهد الأورام ونتبرع . مشيتها . صوتها.. عينيها كل حاجة فيها بتلمع لها هيبة حتى في قعدتها
أمل الشاعر صنعت جزء كبير من تاريخ بدر .. المكتبة يعني أمل الشاعر.... الشعر والالقاء يعني أمل الشاعر...والنهاردة ذكراها
لا نسينا ولا حننسى
للحبيبة للفكرة الخالدة الف سلام لأمي التانية كل مرحبة ونور❤️🌹

عم جمال مش مجرد فرد امن بيحمينا و لا حتي راجل واقف علي باب المدرسه ده ابونا كلنا بيزعل على زعلنا بيفرحلنا في نجاحنا ويسلام بقا لو تشوفوه في كل تكريم للطلبه بيبقا طاير من الفرحه عم جمال فرد من عيله مدرسه بدر بنحترمه و بنقدره و بنروحله لو حصلنا مشكله وبيحبنا زي ما بنحبو طبعا ما هو زي ابونا كلنا ربنا يطولنا في عمره❤️❤️🌹