24/05/2026
🌟 دقيقة تخاطب مع طفلك – الحلقة الرابعة 🌟
"بص صاحبك أشطر منك ازاي "…
أكبر غلط ممكن نعمله مع الطفل اننا نقارنه بغيره 🤦🏻♀️
" بص صاحبك بيتكلم أحسن منك "
" أختك كانت أشطر منك ف سنك "
" بنت خالته بتتكلم أحسن منه"
"اللي في سنه بيعرف يعمل كذا وكذا "
"أخوه مكانش كده"
الكلام ده ممكن يضايق الطفل ويقلل ثقته ف نفسه من غير ما نحس 🥲
المقارنة مش بتشجع الطفل زي ما ناس كتير فاكرة
المقارنة بتخليه يحس إنه دايمًا أقل من غيره ... 🫠
كل طفل ليه سرعته وليه طريقته في التعلم والتطور
في طفل يتكلم بدري
وطفل يركز أسرع
وطفل ياخد وقت أطول شوية … وده طبيعي جدًا 🤓
يعني مش لازم يبقا زي حموكشه بن عمه
ولا بطه بنت خالته 💆🏻♀️
المهم يعني بدل ما تقارني طفلك بغيره
شوفي هو نفسه اتقدم ف ايه :
بقى يفهم أكتر !
كلامه زاد !
تركيزه اتحسن !
بقى يتفاعل أكتر !
هي دي المقارنة الصح
📌 معلومة اليوم:
شجعي طفلك … لأن الطفل اللي واثق في نفسه بيتعلم أسرع بكتير من الطفل اللي دايمًا حاسس إنه أقل من غيره ..💆🏻♀️
بس كدا
دمتم بخير 🙂↔️
01097585763
