نحو طفولة طبيعية

ربوا أولادكم على فكرة إن الفسح والنوادي والرحلات والالعاب و الاكل بره البيت ... كل دي حاجات ثانوية (رغم أهميتها طبعا للصحة النفسية) ..و بتتعمل وقت المقدرة وعلى سبيل الترويح عن النفس والتحفيز والمكآفاءات ...وانها مش واجب عليكم ولا حاجة .. وإنهم يشكروكم على ده ... وانهم لازم يعرفوا ان في ناس كتير عايشين في ظروف أصعب منهم مهما كانت إمكانياتكم بسيطة.... واننا نحمد ربنا دايما على النعم المتاحة.

وانه لما حد فيهم يكون عاوز يطلب حاجة ... يطلبها وهو عارف انها مش واجب عليكم .
وانه يراعي ظروف البيت.. وانه مايزعلش ومايحسش بالظلم لو طلبه إترفض.

وان في سن معين لازم يبتدي الابن يحوّش من مصروفه .. وفي مرحلة تانية يتعود يشتغل في الاجازة عشان يجيب فلوس يدلع بيها نفسه .

عشان ما تلاقيش فجأة إن ابنك بقى شحط ولسه بيحس بالظلم وبيحسسك بالتقصير لما ماتدهوش فلوس يروح يلعب بيها بلاي ستيشن مع صحابه

بشكل شخصي..انا معّود الولاد انهم يروحوا رحلة واحدة في السنة مع المدرسة ... وانها مايتوقعوش انهم يروحوا كل رحلة بتعملها المدرسة .. وبساعدهم إنهم ممكن يلاقوا أصحابهم بيروحوا رحلة وهم مش فيها.. او صحابهم عندهم حاجة مش عندنا ومن غير ما يتأزموا نفسيا.. وانهم يرضوا بالامكانيات المتاحة .

وان زي ما بحاول أوسع عليهم في أيام السعة ... إنهم لازم يكونوا راضيين وقنوعيين بالمتاح في الأيام اللي الوضع عندنا متأزم

طبعا لازم نحاول نشبعهم خروج وفسح ونوادي واكل بره وهدوم حلوة (على قد إمكانياتنا) .. وده مهم جدا للصحة النفسية ... لكن برضه مهم ولادنا يتعلموا تحمل المسئولية والامتنان ومراعاة الظروف... وخصوصا في الأوضاع الصعبة االي احنا فيها

بسبب التهاون في المعنى ده....اعرف كذا شاب مقتنع ان ابوه المفروض يجوّزه وكمان يساعده في مصاريف البيت بعد الجواز ... وساخط على ابوه لو ماحققش توقعاته في الموضوع ده .

التهاون في المعنى ده بيخلق جيل أناني غير متحمل للمسئولية ... جيل عنده شعور دائم بالاستحقاق .... جيل هش ومتأزم نفسيا لما مايلاقيش كل حاجة هو عاوزها... وساخط دايما عليكم ... ومش راضي باللي في ايديه



محمد فتحي

سؤال 1 من تحدي التربية

لو طفل عنده 4 سنين رمى نفسه على الأرض في السوبر ماركت عشان عايز لعبة… أول رد فعل صح يكون إيه؟

A) أزعق له وأجبره يقوم فورا
B) أضربه علشان عرضني لإحراج كبير ويتعلم ميعملش كدا تاني
C) أتجاهل السلوك وأكلمه بعد ما يهدى
D) أشتري له اللعبة عشان يسكت ونعدي الموقف وبعدين أبقى أفهمه غلطه

⬇️ اكتب حرف الإجابة في التعليقات
وما تقرأش الردود قبل ما تجاوب 😉
إن شاء الله بكرة ننزل التحليل ونشوف مين كان صح 👌

يارب دوما سبب في فرحتكم بأطفالكم وأطفالنا الجمال⁦♥️⁩..

كلماتكم بتكون حافز ودافع قوي لينا وبتهون علينا كتيــــر من التعب والإرهاق والضغط..⁦♥️⁩

💪

مركز نحو طفوله طبيعيه لذوي الاحتياجات الخاصة
فرع دمياط الجديدة وفرع تفتيش كفر سعد

يطلب التوظيف لخريجات كليات (تربية، آداب، وخدمة اجتماعية)
يشترط التفرغ التام

للتواصل يرجي ارسال
الاسم
المؤهل وتاريخه
رقم للتواصل
عنوان السكن

على رسائل الصفحة أو الواتس اب
للأرقام الآتية:
010 21811610
01094420113
01021811610
مواعيد الإتصال
من الأحد للخميس
من ٩ صباحاً حتي ٣عصرا

مركز نحو طفوله طبيعيه لذوي الاحتياجات الخاصة
فرع دمياط الجديدة وفرع تفتيش كفر سعد

يطلب التوظيف لخريجات كليات (تربية - اداب)
يشترط التفرغ التام

للتواصل يرجي ارسال
الاسم
المؤهل وتاريخه
رقم للتواصل
عنوان السكن

علي الواتس اب
للأرقام الآتية:

010 21811610
01094420113
01021811610
مواعيد الإتصال
من الأحد للخميس
من ٩ صباحاً حتي ٣عصرا

مركز نحو طفوله طبيعيه لذوي الاحتياجات الخاصة
فرع دمياط الجديدة وفرع تفتيش كفر سعد

يطلب التوظيف لخريجات كليات (تربية - اداب)
يشترط التفرغ التام

للتواصل يرجي ارسال
الاسم
المؤهل وتاريخه
رقم للتواصل
عنوان السكن

على رسائل الصفحة أو الواتس اب
للأرقام الآتية:
010 21811610
01094420113

01021811610
مواعيد الإتصال
من الأحد للخميس
من ٩ صباحاً حتي ٣عصرا

سبق واتكلمت قبل كدا عن فيلم لا يزال للآن هو المفضل بالنسبالي والأقرب لقلبي..
ولحسن الحظ عملوا ليه جزء تاني كمان ⁦😍
فيلم:
😇inside out 2😇

حقيقي من أمتع أفلام الأنيميشن اللي شوفتها.. فيلم جميل جداً في توصيل المعاني والمشاعر والأفكار وحقيقي بيأثر في سلوك الشخص الكبير قبل الصغير..

عملنا مراجعة للجزء الأول وهسيبلكوا لينك مراجعته في الكومنتات..
واستكمالاً يللا نشوف الجزء التاني العظمة دا بيقول ايه😍

🎥 مبدئياً قصة الجزئين بتدور حوالين نفس الفكرة..
طفلة صغيرة عايشة وسط أسرتها.. الفيلم كله بيدور حوالين المشاعر اللي بتحس بيها في كل موقف بيقابلها..
ومدى تأثير المشاعر دي على حياتها وتصرفاتها وشخصيتها بشكل عام..
من خلال تجسيد المشاعر على هيئة كرتون وبتكون شخصيات الكرتون دي (المشاعر) هي أبطال الفيلم..

1️⃣ الجزء الأول كان جايب الطفلة وهي صغيرة ومعاها مشاعر (الفرح- الغضب- الحزن- الاشمئزاز- الخوف).

2️⃣ الجزء التاني جايب الطفلة وهي عندها 13 سنة وبادءة تدخل مرحلة المراهقة بمجموعة مشاعر جديدة زي (التوتر- الغيرة- الاحراج- الملل- الحنين).

الفيلم مليان حقيقي كمية أفكار للنقاش مع الطفل رهيبة.. وخلوني أستبدل كلمة الطفل بكلمة #المراهق هنا.. لإن الفيلم أنسب للمراهق عن الطفل..

⁦♦️⁩ من الأفكار الجميلة جداً الموجودة في الفيلم فكرة (جوهر الشخصية)..
وهنا كان بيتكلم عن المواقف اللي بتشكل قناعات جوَّه كل واحد فينا، وقناعة مع قناعة مع قناعة لما بيتجمعوا كلهم مع بعض بيكَوِّنوا حاجة اسمها جوهر الشخصية.. ودي اللي بتتحكم في سلوكك ونمط حياتك بشكل عام..

✅ مفهوم حقيقي صعب إن ولي الأمر بسهولة يقدر يوصله لابنه المراهق (وبالمناسبة أولياء أمور كتير بيغفلوا إنهم يلفتوا نظر ابنهم للمفهوم دا)..

لكن الفيلم بيوصله للمراهق بمنتهى السلاسة..
بيوصله بطريقة تخلي الأب والأم بعدها قادرين يتكلموا مع ابنهم في المفهوم دا ويقوموه ويشجعوه يغرس قيم جميلة وقناعات محترمة علشان الهدف النهائي اللي هو (تكوين جوهر الشخصية)..

⁦♦️⁩ الفكرة التانيه المؤثرة اللي ناقشها الفيلم.. هي فكرة ان كل إنسان فينا جواه قناعة بتأثر على تفكيره وتصرفاته..
والفيلم جسدها من خلال الأصوات اللي بتتردد جوانا.. زي مثلا (أنا لطيفة- أنا قوية- أنا فاشلة) وهكذا من أصوات تكرارها بيأثر على سلوكياتنا وتصرفاتنا بشكل عام..

✅ فكرة حقيقي تخلي كل واحد فينا يخلي باله من أثر الكلمة اللي بيقولها للآخر.. والكلمة اللي بتطلع من كل أم وأب لابنهم.. لإنها مش بتكون كلمة وخلاص.. التكرار هيحولها لقناعة سواء بالإيجاب أو بالسلب..

⁦♦️⁩ الفيلم اتكلم عن فكرة جميلة أوي ومحتاجينها احنا الكبار قبل الصغيرين والله.. ألا وهي (الذكريات الحلوة نخليها والوحشة نرميها)
مبدأ لو عيشنا بيه هنبقى عُمَد😂

✅ ودي بصراحة دعوة صريحة للتعايش وفكرة خلاص اللي حصل حصل.. منقعدش نعيد ونزيد في الحُزن..
نتعلم منه ونتناساه لحد ما ننساه فعلاً ويتنقل لخانة الذكريات ومعدش يكون ليه تأثير سلبي ولا يفضل يزن على تفكيرنا ويسبب مشاعر حزن طول الوقت بدون داعي..

⁦♦️⁩ من الأفكار اللي بتدور في نفس الفلك في الفيلم.. فكرة ان لو عايزين نبقى مبسوطين نوقف الأفكار اللي بتوترنا فوراً.. لأن التوتر لما بيزيد عن الحد بيشل التفكير فعلاً

✅ ودي جزئية أساسية في الاضطرابات النفسية..
وهي ان الشخص بيسيب نفسه حرفياً فريسة لسيل من الأفكار اللي بتسبب ضغط بشع عليه.. وبتسببله توتر رهيب من المستقبل المجهول..
مبدأ برده لو طبقناه هيفرق كتير جدا في صحتنا النفسية وياسلام لو علمناه لأولادنا واكتسبوه فعلا👌

⁦♦️⁩ (خليها تعيط.. العياط بيريح القلب)
جملة اتقالت في الفيلم وحبيتها جدآ..
مش عارفة ليه الناس لما تيجي تعبر عن مشاعرها وتعيط.. يقوم الشخص اللي قدامها كنوع من التعاطف يقولها بس متعيطيش😂

ما تسيبوا الناس تعبر بالعياط يا جماعة.. إيه المشكلة!!
للأسف كتير جدا بسمع أمهات وأبهات يقولوا لأولادهم.. متعيااااااطش.. ويقولوا للولد الصغير لسه.. متعيطش.. مفيش رجالة بتعيط..

جبتوا الكلام دا منين يا اخوانا؟
مين فهمكوا بس ان التوجيه دا فيه احتواء أو تقوية للي قدامك؟

✅ اتعاطفوا مع ولادكوا.. وخليكوا مصدر الأمان ليهم.. وخلوهم يعبروا عن مشاعرهم بالعياط عادي..
دا مُفيد.. مش مضر إطلاقاً..
هو لما يعيط هيهدى ونبدأ نفتح مع بعض فرصة ومجال أوسع للنقاش والفهم والحل بعدها ان شاء الله⁦♥️⁩

⁦♦️⁩ الفيلم اتكلم عن فكرة ان كل المشاعر ضرورية للشخص..
يعني مفيش حد هيبقى مبسوط على طول ولا العكس..
ولو حد المشاعر اللي مسيطره عليه على طول هي الفرح مثلا.. حياته مش هتكون سَوية..
لازم كل المشاعر تتناوب على (جهاز التحكم) داخل العقل علشان يحصل توازن في التفكير واتخاذ القرارات..

✅ الفكرة دي بتدي حق للمراهق انه ميحسش بالذنب لما يلاقي نفسه حزين أو متوتر أو خايف..
لإني أعرف ناس بتحس بالذنب لمجرد بس إنها حست بالحزن أو بالخوف!!
وحاطين نفسهم طول الوقت في زون إنهم لازم يكونوا أقوياء وجامدين ومبيتهزوش!!

فالفيلم بيشاور على الجزئية دي وبيديك الحق في إنك تفرح وتحزن وتغضب وتتوتر وهكذا.. كل المشاعر مهمة جدا لتوازن الشخصية..

⁦♦️⁩ كنا بندرس في الكلية إيه الفرق بين الخوف والقلق.. وكنا طلبة جامعات ومكناش عارفين نفرق بين المفهوم الحقيقي للمشاعر..
الفيلم بيفرَّقلك بين الخوف والقلق بمنتهى السلاسة وبتجسيد جميل..
فإن المراهق يقدر يسمي مشاعره مظبوط ويفرق بينها في سن صغير.. دا شيء ممتاز وصحي نفسياً جداً..

⁦♦️⁩ الفيلم اتكلم عن فكرة ظاهرة وواضحة جدا ويمكن أول حاجة المراهقين بيبتدوا يعملوها..
وهي إنه بيميل للانضمام لأي جماعة وعلشان يكسب ودهم يبدأ يقلدهم بشكل أعمى..

✅ فكرة ممتااازة الحقيقة ومجال جميل جداً للفت انتباه ابننا ليه ومشاهد تخليه ياخد باله من تصرفاته.. ويسأل نفسه يا ترى هو عمل الموقف دا كام مرة؟ وكام مرة انتهج سلوك مش سلوكه ومش راضي عنه.. بس علشان يكسب وِد ورِضا اللي حواليه؟؟

⁦♦️⁩ الفيلم نَوِّه لفكرة ان لما المراهق يصاحب الأكبر منه.. والصراع اللي المراهق بيحسه ساعتها.. وان دا طبعا مش اختيار مُفضَّل خالص.. وبيخلي فيه عبء على المراهق طول الوقت بإنه عايز يبقى زي الكبار بس مش عارف ولا حاسس ولا فاهم تصرفاتهم..
فالأفضل خليك مع اللي في سنك واللي زيك ومتستعجلش واكبر مع اللي شبهك وحده وحده⁦♥️⁩

⁦♦️⁩ من أحلى وأجمل وأمتع المشاهد بالنسبالي.. في نهاية الفيلم لما اتناولوا فكرة
(احنا بنحبها كلها كدا على بعضها)
بيحبوا بطلة الفيلم بكل مشاعرها وكل توترها وكل خوفها وفرحها وغضبها و و و..

✅ ودي دعوة صريحة ومباشرة لتقبل نفسنا وتقبل ولادنا بل كمان ان نغرس جواهم دا..

(احنا بنحبكوا كلكوا على بعضكوا) بكل تقلباتكوا اللي من حقكوا.. وحقكوا علينا الاحتواء والنصيحة لحين ما نعدي فترة المراهقة دي بسلام..

🟡 فيه أفكار كتير كمان لسه في الفيلم، بس خلونا نكتفي بهذا القدر ونروح لجزئية مهمة.. وهي:-
إيه الأفكار السلبية اللي في الفيلم⁦‼️⁩⁦‼️⁩

خَلُّوني هنا مقولش أفكار سلبية.. لان هي مشاهد ضرورية في الفيلم علشان توصل الفكرة.. وبما إن اللي هيتفرج مراهق فخلونا نتأكد بس من إنه رافض الأفكار دي وننوُّه على إنها غلط وإنها حرام ولا تجوز ومرفوضة..

زي مثلا:-
❌ مشهد البطلة لما صحت من النوم وردت على مامتها بأسلوب كله عصبية ونرفزة.
❌ ‏مشهد لما البطلة راحت مكتب الكابتن بتاعتها وفتحت الدفتر الخاص بيها واطَّلعت على اللي الكابتن كاتباه عنها (تجسس).
❌ ‏بعض الكلمات في الفيلم بما إنه فيلم مراهقين زي كراش والتنويه عن مشاعر الحب وهكذا.

أفكار هيحصل نقاش عنها أكيد ودا اللي هقولكوا عليه كمان شويه..

⁦⬅️⁩ الجزئية اللي بتنتظروها بقى:-
الفيلم مناسب الأطفال⁦‼️⁩⁦‼️⁩

❌ قولا واحدا الفيلم غير مناسب للأطفال اللي أقل من 10 سنين.. مش هيفهموا فيه أفكار كتير ومش هتقدروا تناقشوهم في كل تفصيلة في الفيلم.

⁦✔️⁩ الأطفال اللي داخلين على 11 سنه.. الفيلم هيكون مناسب ليهم ولكن زي ما متفقين مبيقعدوش لسه يتفرجوا لوحدهم..
لازم هتكوني جنبه وهو بيتفرج..
وركزي في المشاهد.. وركزي في الأفكار اللي نبهتك ليها خلال البوست علشان لازم يحصل نقاش معاهم بعد الفيلم..

ولو فيه أي فرصة للنقاش خلال الفيلم متفوتيهاش.. بس خلي بالك لان أحداث الفيلم سريعة وكمية أفكار كتيرة.. فمتفصليهوش علشان ميضايقش.. لان المراهق غير الطفل طبعا 😅

🟠🟠 بعد الفيلم بقى اتناقشي مع ابنك في شوية أفكار وأسئلة.. وممكن نقدمها بشكل لطيف المرة دي.. من خلال لعبة مثلا:-

هنجيب شوية كروت، ونكتب عليهم أسئلة حوالين الفيلم.. وكل واحد يسحب كارت ويجاوب على السؤال اللي فيه.. سواء بقى المراهق أو الأم أو الأب وهكذا😍..

⁦⁉️⁩⁦⁉️⁩ ودي عينة من الأسئلة اللي ممكن تتكتب على الكروت⁦👇👇👇

⁦🗝️⁩ عمرك غيرت من نفسك قبل كدا علشان حد يقبلك؟
⁦🗝️⁩ ‏لو كنت مكان رايلي (البطلة).. كنت هتتصرف ازاي؟
⁦🗝️⁩ ‏ايه المشاعر اللي مسيطرة عليك الفترة دي؟ أو بلغة الفيلم (إيه المشاعر اللي قاعدة على جهاز التحكم بتاعك الفترة دي)؟
⁦🗝️⁩ ‏تحب الناس تشوف جَوهرك ازاي؟ وليه؟
⁦🗝️⁩ ‏ايه أكتر جملة بتتكرر في ذهنك عن نفسك الفترة دي؟ وليه؟
⁦🗝️⁩ ‏تحب الناس تشوفك ازاي؟ وليه؟
⁦🗝️⁩ ‏إيه المشاعر اللي كانت موجودة على جهاز التحكم بتاعك النهارده؟
⁦🗝️⁩ امتى آخر مرة حسيت بقلق؟ ليه؟ اتخطيته ازاي؟
⁦🗝️⁩ إيه أكتى مشهد عجبك في الفيلم؟
⁦🗝️⁩ كنت شايف نهاية أفضل للفيلم؟ إيه هي؟
⁦🗝️⁩ ‏تفتكر لو مشاعر الفرح هي اللي كانت متحكمة طول الوقت.. كان إيه اللي حصل؟
⁦🗝️⁩ ‏لو كنت في يوم زعلان ومش حابب تحكي الوقتي.. تحب اتعامل معاك ازاي؟
⁦🗝️⁩ ‏امتى بتحس انك مش واثق في نفسك؟ بتتصرف ازاي ساعتها؟

حرفيا كمية أسئلة لو فضلت أقول فيها مش هتخلص.. أسئلة رااائعة هتخليكي تشوفي ابنك واللي حواليكي بطريقة جديدة وبفكر جديد حقيقي..

وهتعلم ابنك أو بنتك يتكلموا معاكي ويفتحولك قلبهم.. 💚
هتقضوا وقت جميل سوا.. وولادك هيحسوا انك من تفكيرهم ومشاركاهم اهتماماتهم وقريبين من بعض..
وخصوصا لما تجاوبي انتي كمان على أسئلة..

اتمنى مشاهدة ممتعة للكبار والمراهقين.. ⁦♥️⁩

والنصيحة الثابته في كل بوست.. بالله عليكي وابنك بيتفرج فَضِّي نفسك واقعدي معاه ومتسيبيهوش مُتلقي من الشاشة فقط.. لازم يحصل تفاعل ونقاش طول الوقت علشان ناخد أكتر جانب إيجابي من المشاهدة ان شاء الله🤍

اللي عايز اللينك يقولي في الكومنتات👇👇

ودمتم بخير 💚

تابعوا سلسلة الأفلام دي على هاشتاج 💚

..
من أحد الترشيحات اللي جتلي أشوفها فيلم
"The sea beast"

شكل بوستر الفيلم شجعني بصراحة..

بالنسبالي وَحش أحمر كبير قدامه راجل وطفل صغير في شكل مُطَمئن يعني..
وانا بحب الأفلام اللي من النوعية اللي فيها علاقة صداقة بتنشأ بين البشر والوحوش ومعرفش ليه😂

المهم.. الفيلم خيالي بس أكشنه أكتر من حياتي😅

الفيلم عبارة عن صيادين على سفينة كبيرة.. مُهمتهم انهم بيصطادوا وحوش البحر..

وبيفتخروا باصطيادهم للوحوش دي وانهم بيحموا البشر من أذاهم وكدا..

فالوحش البطل هنا اللي عليه العين وهيموتوا ويصطادوه كان اسمه "العاصف الأحمر"..

فتظهر بنوته صغيره "سمراء الوجه وذات شعر كيرلي" وتاخدها الشجاعة والحماسة وهوب تنط في قلب السفينة مع الصيادين وتعيش معاهم مغامرة اصطياد العاصف الأحمر..

وهتدور أحداث الفيلم بقى بين الطفلة والصياد والوحش..

🎯 طيب ايه الملاحظات بقى اللي طلعت بيها⁦‼️⁩

✅ الفيلم فيه فكرة حبيتها بصراحة.. ألا وهي ان مش كل الأساطير أو الحكايات اللي مدونة في التاريخ بتكون صح.. وان ساعات كتير الحقيقه بتكون مختلفة عن الأقاويل اللي بتنتقل من جيل لجيل.. وهيثبتوا دا فعلا في الآخر..

✨ ودي تخلينا نقول لأطفالنا ان مش كل اللي تسمعه تصدقه.. ولازم تعمل عقلك وتخليه هو يوزن الأمور وخصوصا لو حكاوي منقولة بدون دليل ولا علم..

✅ البنوته البطله سمراء الوجه.. بحب أوي لما يجيبوا الأبطال سُمر وشعرهم كيرلي 👧🏾

✨ ودا نستفيد منه جدا مع أطفالنا اللي بيضايقوا من لونهم أو شعرهم.. بإنهم يشوفوا أبطال فيلم ويتأثروا بيه ويكون البطل شبهّم،
ونلعب كتير أوي على الجزئية دي..
‏وشوف جميل وحبيته ازاي؟ وشوف كل الناس بتحبه وشايفاه بطل ازاي؟ شوف لونه مفرقش معاهم ازاي؟ شوف كل اللي بيعلقوا عليه تصرفاته وبس..
و هكذا بقى من تعليقات ضمنية غير مباشرة لو الطفل هيتحسس من الكلام المباشر...

✅ في الفيلم رساله قوية بتتكلم عن الرغبة في "ان يعم السلام ويكون فيه وقفه حقيقية لتوقيف الحروب"

✨ ودي طبعا جزئية جميلة تفتح عقول أطفالنا عن نبذة كدا عن اللي بيحصل من نزاعات لا تنتهي في العالم، ويكون مدخل لطيف لأن يحصلهم توعية وتثقيف في الجزئية دي وكل طفل طبعا على حسب قدراته وفهمه للأحداث..

⛔ نتكلم عن النقاط اللي محبتهاش ومقدرتش أتقبلها بصراحة للأطفال:

❌ ملحوظة مهمه على البطلة.. انهم جايبينها جريئة أوي على انها بنت.. وكمان أسلوبها وطريقتها في الكلام كان فيها قدر من الجرأة

وفي بعض الأحيان كان أسلوبها في الكلام محبتوش ولا احب ولا اطيق اسمع طفل بيتكلم مع حد كبير بالشكل دا...

❌ ⁦الفيلم الغالب عليه الأكشن والنزاعات بين الوحوش والصيادين وهكذا.. وانا بصراحة مش بحب ارشح اي أكشن للأطفال بالرغم من معرفتي بمدى حب الأطفال الولاد بالذات للأكشن.. وبييجوا يطبقوه معانا كوبي وباست الحمد لله 😅

❌ اتكررت أكتر من مره في الفيلم ان الصيادين الأبطال محاربي الوحوش بيشربوا خمور وبيحتفلوا من خلال الشرب ومش مشهد مثلا وخلاص.. لا دي اتكررت ممكن في ٣ أو ٤ مشاهد خلال الفيلم..

⁦👨‍👩‍👧‍👦⁩⁦ أيوه يعني في الآخر نتفرج على الفيلم مع الأطفال ولا بلاش⁦‼️⁩

- والله عن نفسي مقعّدش طفل بريء صغير كيوت جنبي يتفرج على كمية الأكشن والخبط والرزع والرماح وضرب النار دا كله 😅

- لو طفلك كبير وعدى مرحلة التقليد الصرف للي بيشوفه من غير فهم.. وبقى بيوزن الأمور كدا ويقدر ينتقد معاك الصح من الغلط..
ممكن يشوف الفيلم بس وانتي جنبه وبنعلق سوا على اللي بيحصل وبننتقد ونتناقش وهكذا..

💡وكمان هيكون لذيذ أوي في نهاية الفيلم لو تعملوا تقييم للفيلم سوا وتقوليله قولي إيه أكتر حاجة حبيتها؟
طيب ايه اكتر حاجه محبتهاش؟
ايه اللي أثر فيك؟
ايه اللي مقتنعتش بيه؟
لو مكان المخرج كنت تحب تغير إيه في مجرى الأحداث ؟
ايه أكتر لقطه انتبهت ليها؟

وهكذا من أسئلة هتفتح عقل الطفل..
هتعمله مرونه في التفكير..
هتخليه عنده رأي بل الأهم انه يعرف يعبر عن الرأي..
هتعلمه انه ميكونش متلقي صامت فقط.. لا دا انا متلقي فعال وبتناقش وبنتقد وبعبر
هتكشفلك شخصية وطريقة تفكير طفلك

اتمنى مشاهده ممتعه للكبار اللي فيلم بالمواصفات دي يستهووه 🥰

والنصيحة الثابته في كل بوست.. بالله عليكي وابنك بيتفرج فَضِّي نفسك واقعدي معاه ومتسيبيهوش مُتلقي من الشاشة فقط.. لازم يحصل تفاعل ونقاش طول الوقت علشان ناخد أكتر جانب إيجابي من المشاهدة ان شاء الله🤍

هسيبلكوا لينك للفيلم في أول كومنت 👇

ودمتم بخير 💚
تابعوا سلسلة الأفلام دي على هاشتاج 💚