01/09/2013
واحد عمره ما كلم بنات فحياتة
اتعرف علي بنت معاه في السكشن
بس كانت علاقة زماله مش أكتر
الكلام كله كان عالفيس و عمرنا ما اتكلمنا في الحقيقة مع اني محبتهاش ولا العكس . يمكن علشان كنت بحترمها و لسا بحتمها لحد دلوقت
المهم. خلصت محاضرة و لقيت واحد بيقولي ممكن أكلمك فموضوع
قالي انه بيحبها و قالي انو يعرف اختها و كلام من هذا القبيل
قالي لو انت بتحب .. ترضي اني أكلم اللي انت بتحبها ؟
قالي احنا متخانقين بس انا سايبها شوية علشان الجو يهدي
قالي انا اسف لإحراجك بس الناس اصحابي قالولي انك بتحبها و بتكلمها عالنت و كدا و ذكر اسماء معينة
انا زعلت و قولت دي مجرد علاقة زمالة إزاي يقولوا عليا كدا
عرفت ان دا مش بيضرني دا بيضر البنت دي و بيطلع عليها اشاعات و كدا غلط
روحتو مسحتها من الاصدقاء الفيس بس ممسحتاش من عقلي
قضيت وقت سعيد بمعرفتها و بعتلها رسالة اعتذار
زعلت اوي بس كان لازم امسحها من الاصدقاء علشان الولاد بدأوا يطلعوا اشاعات و الولد اللي بيحبها دا انا صدقتوا لسبب
انا لقيتوا فعلا عامل صداقة عالفيس مع اختها و عامل معاها كمان و كان بيكلمها و بيكلم اختها لأني أخترقته
لقيتها بتسألني ليه مسحتني ؟
مكنتش عايز اقولها ليه فكذبت عليها
و عارف انها عارفة اني كذبت
حبيت ابعتلك اعتذاري لأني كذبت عليكي .
انا اتغيرت دلوقتي و أكتسبت خبرة واسعة و بطلت كذب
انا اتغيرت و بدأت أمارس هوايات جديدة زي القراءة و عرفت عن نفسي أكتر و عارف انها نسيت دلوقتي و تخطت الامر لكني لسا زعلان لأني كذبت
دلوقتي كل حاجة اتغيرت ... انا اتغيرت تغيير جذري و بتمنلها كل يوم افتكرها انها تكون مبسوطة لأني عارف انها انسانة كويسة و أتمنالها كل خير
شكرا >>>>......
