NextGen HR

تدريب الموارد البشرية من الصفر للاحترافيه — بخصم 50% لفترة محدودة

حابب تبدأ في مجال الـ *HR* بس مش عارف منين؟
أو شغّال فعلاً وعايز تكون *شريك استراتيجي* وتاخد الدور الحقيقي للموارد البشرية داخل المؤسسة؟

دلوقتي جه وقتك 👇🔥

*🎓 برنامج تدريبي شامل من الأساسيات حتى مستوى الاحتراف*
هتتعلم خلاله خطوة بخطوة:

* مفهوم الموارد البشرية ودورها الحقيقي داخل أي شركة
* *كيفية عمل الهيكل التنظيمي* وتوصيف الوظائف
* *استراتيجيات الاستقطاب والاختيار* Interviewing Skills
* *إعداد خطط التدريب والتطوير* وتقييم أثرها
* أساسيات *الـ Compensation & Benefits*
* دور HR كشريك استراتيجي داخل الإدارة العليا
*💡 محتوى عملي + قوالب جاهزة + تطبيقات حقيقية من السوق*

*🎁 بخصم 50% فقط!*
الخصم متاح *لعدد محدود* من المشتركين.

---

*📍 التدريب أونلاين / بث مباشر + تسجيلات للمراجعة*
*📄 شهادة معتمدة* من اكاديميه الشرق الاوسط للتدريب والتطوير
*👤 مناسب للمبتدئين وحديثي التخرج والمهتمين بتغيير مسارهم*

---

*📩 احجز مكانك الآن*
أرسل كلمة: *“HR”* في الرسائل

---
المدربه/مريم هشام..
مدرب دولي معتمد ..
دبلوم اداره الموارد البشريه..

*✨ اختار أن تبدأ… باقي الرحلة أنا معاكِ.*

🖋 بقلم مريم
مدرب دولي معتمد في الموارد البشرية

كل موظف ليه بداية في الشركة… وليه كمان نهاية خدمة، بس المهم تكون بشكل قانوني ومحترم 💼⚖
تعالوا نعرف أهم أسباب إنهاء الخدمة 👇

🔹 الاستقالة: الموظف بيقدّم طلب رسمي وينهي خدمته بعد فترة الإخطار.
🔹 انتهاء العقد: في حالة العقود محددة المدة.
🔹 الفصل التأديبي: لو حصلت مخالفة جسيمة وثبتت بالتحقيق.
🔹 بلوغ سن المعاش: وده بيكون حسب سن التقاعد المحدد بالقانون.
🔹 العجز أو الوفاة: لا قدر الله، دي حالات بتُنهي علاقة العمل تلقائيًا.

وما ننساش إن إنهاء الخدمة مش نهاية العلاقة الإنسانية…
الاحترام في الوداع بيفضَل علامة حلوة في سِجل كل شركة وإنسان 🤝✨

🖋 بقلم مريم
مدرب دولي معتمد في الموارد البشرية

الجزاءات التأديبية من الحاجات اللي لازم موظف شئون العاملين يفهمها كويس جدًا ⚖
لأن أي خطأ في تطبيقها ممكن يسبب مشكلة قانونية للشركة.

أشهر أنواع الجزاءات حسب قانون العمل المصري 🇪🇬:
🔹 الإنذار: أول خطوة لتصحيح السلوك.
🔹 الخصم من الأجر: لازم يكون في حدود القانون ومش بشكل عشوائي.
🔹 الحرمان من الحوافز أو الترقية.
🔹 الفصل من العمل: وده آخر حل، ولازم يكون له أسباب قوية ومستندات تثبت المخالفة.

والأهم من كل ده:
🟢 لازم يكون فيه تحقيق عادل قبل تطبيق أي جزاء.

الهدف مش العقاب… الهدف الانضباط والعدالة في بيئة العمل 💼⚖

🖋 بقلم مريم
مدرب دولي معتمد في الموارد البشرية

نظام الحضور والانصراف من أكتر الحاجات الحساسة في شغل شئون العاملين 👀
لأنه مرتبط مباشرة بالمرتب والخصومات.

أهم النقاط 👇
🔹 لازم يكون فيه وسيلة دقيقة لتسجيل الحضور (بصمة – كارت – سجل يدوي).
🔹 التأخير بيخصم منه حسب سياسة الشركة، وممكن يتخصم كمان من الحوافز.
🔹 الغياب بدون إذن بيُخصم منه يوم كامل، وممكن يتحسب غياب بدون مرتب.
🔹 لازم يكون فيه شفافية وعدل في تطبيق النظام على الكل بدون استثناء.

النظام مش للرقابة، لكن للانضباط 💼⏰
عشان الشغل يمشي بسلاسة والكل ياخد حقه كامل.

🖋 بقلم مريم
مدرب دولي معتمد في الموارد البشرية

من أكتر الأسئلة اللي بتتكرر في الشغل:
"أنا ليّا كام يوم إجازة؟" 😅
فخلينا نوضح أنواع الإجازات حسب قانون العمل المصري 🇪🇬

🔹 الإجازة السنوية: 21 يوم في السنة، وبتزيد لـ 30 يوم بعد 10 سنين خدمة أو لو سنك فوق 50.
🔹 إجازة مرضية: حسب تقرير التأمين الصحي، وممكن تكون مدفوعة جزئيًا أو كليًا.
🔹 إجازة عارضة: 6 أيام في السنة تُحسب من الإجازة السنوية.
🔹 إجازة وضع للسيدات: 3 شهور بأجر كامل، مرتين طول فترة الخدمة.
🔹 إجازات رسمية: زي الأعياد والمناسبات اللي بتحددها الدولة.

اعرف حقك وخطط وقتك صح، لأن الإجازة مش رفاهية… دي استراحة محارب 💼🌿

🖋 بقلم مريم
مدرب دولي معتمد في الموارد البشرية

من الحاجات اللي لازم موظف شئون العاملين يعرفها كويس هي أنواع العقود
لأن كل نوع ليه طريقة مختلفة في التعامل.
أشهر الأنواع:
🔹 عقد محدد المدة: بيكون له بداية ونهاية واضحة، وبينتهي تلقائي بانتهاء مدته.
🔹 عقد غير محدد المدة: مفتوح، مفيش نهاية محددة، ولازم إخطار قبل إنهاؤه.
🔹 عقد تدريب أو تحت الاختبار: بيكون لفترة مؤقتة لتقييم أداء الموظف قبل التثبيت.

كل عقد له حقوق وواجبات، فلازم نقرأ البنود كويس قبل التوقيع 💼📄
فاهم العقد = ضامن حقك وحق الشركة ✅

🖋 بقلم مريم
مدرب دولي معتمد في الموارد البشرية

كتير بيسألوا: ملف الموظف لازم يحتوي على إيه؟
ده من أساسيات شغل شئون العاملين، ولازم يكون كامل ومتحدّث دايمًا.
أهم الأوراق اللي لازم تكون فيه:
🔹 صورة البطاقة الشخصية.
🔹 شهادة المؤهل الدراسي.
🔹 شهادة الميلاد.
🔹 الموقف من التجنيد (للذكور).
🔹 صور شخصية حديثة.
🔹 عقد العمل.
🔹 كعب العمل والتأمينات الاجتماعية.

وما تنساش تضيف أي ورق جديد مع الوقت زي الترقيات أو الجزاءات أو الإجازات.
ملف الموظف هو تاريخه داخل الشركة، فاحرص إنه دايمًا يكون كامل ومنظّم

🖋 بقلم مريم
مدرب دولي معتمد في الموارد البشرية

فيه أخطاء بسيطة في شئون العاملين ممكن تعمل مشاكل كبيرة للشركة
زي إيه؟
🔹 نسيان تحديث ملفات الموظفين أو التأمينات.
🔹 أخطاء في حساب المرتبات أو الخصومات.
🔹 تجاهل تسجيل الإجازات أو الغياب.
🔹 تأخير تسليم العقود أو القرارات الإدارية.

كل غلطة من دول ممكن تكلف الشركة فلوس… أو سمعة!
علشان كده دايمًا خليك منظم ودقيق، لأن التفاصيل الصغيرة هي اللي بتفرّق 💼✅

🖋 بقلم مريم
مدرب دولي معتمد في الموارد البشرية

عايز تبقى موظف شئون عاملين ناجح؟ 👀
الموضوع مش حفظ قوانين بس، فيه شوية مهارات لازم تكون عندك:
🔹 التركيز والدقة في الشغل عشان كل رقم وورقة بيفرقوا.
🔹 السرية لأنك بتتعامل مع بيانات حساسة.
🔹 الصبر وحُسن التعامل مع الموظفين.
🔹 الإلمام بالقوانين خصوصًا قانون العمل والتأمينات.

يعني باختصار…
شئون العاملين مش مجرد أوراق، دي أمانة ومسؤولية 💼✨

🖋 بقلم مريم
مدرب دولي معتمد في الموارد البشرية

ناس كتير بتخلط بين "شئون العاملين" و"الموارد البشرية"
بس الحقيقة إن فيه فرق واضح بينهم:
🔹 شئون العاملين: شغل إداري روتيني، زي المرتبات، التأمينات، الإجازات، والحضور والانصراف.
🔹 الموارد البشرية (HR): بيركّز أكتر على تطوير الناس، التدريب، التوظيف، وتحفيز الموظفين.

يعني باختصار…
شئون العاملين بتهتم بالورق، والـ HR بيهتم بالبني آدمين

🖋 بقلم مريم
مدرب دولي معتمد في الموارد البشرية

كتير بيسألوا: يعني إيه "شئون عاملين"؟
ببساطة، هي القسم اللي بيهتم بكل حاجة تخص الموظف من أول ما يدخل الشركة لحد ما يمشي منها.
من التعيين والمرتبات والتأمينات، لحد الإجازات والاستقالات.
يعني باختصار… شئون العاملين هما حلقة الوصل بين الموظف والإدارة

🖋 بقلم مريم
مدرب دولي معتمد في الموارد البشرية

"قررت أشارككم سلسلة بوستات بسيطة ومختصرة في مجال الموارد البشرية.
هنفهم مع بعض الـ HR بشكل سهل ومن الحياة اليومية، بعيد عن الكلام المعقّد.
استنوني بمعلومة جديدة ممكن تفرق في شغلك أو طريقك المهني 💼

Call now to connect with business.