05/08/2023
يا ايها الماميز الجميلة
التاسيس اهم من المنهج
كتابه البراجراف مش بدايتها سنه رابعة خااالص
الأساسيات المفروض بتكون من قبل كده
اول حاجه
١. التأكيد على ال
language mechanics
وطريقه الكتابه وعلامات الترقيم وترك مسافات بين الكلمات داخل الجمله الواحدة.
٢. التدرج مع الاولاد من البسيط للمركب: بمعنى اننا نبدأ نعلم الاولاد كتابه جمله بسيطه من ٣ كلمات ثم تعليمهم كيفيه عمل elaboration و extend
للجمله من خلال اضافه بعض الكلمات مثال
I eat apples.
دى جمله بسيطة مثلا
الاولاد اخدوا بعض الصفات فنعلمهم يحطوا صفه قبل الاسم مثلا
I eat green apples.
او يحطوا ظرف فى اخر الجمله مثلا
I eat green apples every week.
وهكذا.
ممكن حضرتك تديهم جمل بسيطة وتدربيهم علي انهم يعملوا extend وتديهم واجب عليه.
٣. نيجى بقي للمستوى الثانى وهو مستوى البراجراف
لازم نعلمهم كيفيه بناء البراجراف من الاول كده
كل براجراف لازم يكون فيه جمله موضوع topic sentense اللى هى فيها الفكرة العامة عن الموضوع
يعنى لو هنتكلم عن ال Camels مثلا يبقى ال topic sentense بتاعتك ممكن تكون
Camels are animals.
وجمله او اتنين body او support ودى الجمل اللى بتوصف جمله الموضوع وبتعمل flow للافكار
ممكن يكونوا
They live in the desert.
They eat plants.
وبعد كده جمله Conclusion ودى ممكن تكون رأى الكاتب فى الموضوع مثلا
They are useful animals.
دى كده ابسط صيغه وطريقه لكتابه البراجراف
ولازم تعرفى الولاد وتسأليهم عن
ال topic sentense
و ال body
و ال Conclusion
وتطلبي منهم يحددوهم فى البراجرافات بتاعتهم لحد ما يتعودوا
بعد كده مع اكتساب الاولاد مفردات وتراكيب لغويه بيتحسن آدائهم فى الكتابه
ويفضل انى احفظ الاولاد عبارات chunks مش مفردات منفصلة
علشان ده بيفيدهم اكتر فى التعبير اللفظي والكتابي
بالتوفيق ان شاء الله
