16/08/2022
نصيحة لوجه الله لطلبة أولى ثانوي
بصوا يا شباب قبل لما أتكلم على النظام الجديد أحب أقول لحضرتك إن لازم طريقة مذاكرتك تختلف تماما عن مذاكرتك في السنين الماضية
بسبب بسيط وهو عدد المواد اللي عند حضرتك
حضرتك عندك
عربي- انجليزي لغة أولى -لغة تانية -رياضيات -فيزيا -كيمياء
احياء -تاريخ -جعرافية -فلسفة
دين
كمبيوتر
مادة المواطنة
فزي لما حضرتك شايف عدد المواد عامل إزاي ,لو لسة حضرتك مذاكرتك بالنظام القديم اللي هو بحل كل الاسئلة واعتمد على إني شفت السؤال ده قبل كده واسترجعو في الامتحان عن طريق إني حلل الكتاب الخارجي قبل كده , حضرتك مستحيل تلحق تعمل ده في كل المواد
وعشان اريحك مفيش طالب على مستوى جمهرية مصر العربية يقدر يعمل ده
طيب إيه الحل ؟
قبل منقول ألحل أحب أوضح لحضرتك نقطة مهمة جدا وهي أهم نقطة
وهي هدف أولى ثانوي , هدف أولى ثانوي بمنتهى البساطة هو إن حضرتك تعرف إنت عايز تخش ادبي ولا علمي بس كده
وفي ناس عندها اجابة السؤال ده ومحضرة نفسها , إنت بتدرس كل حاجة في أولى ثانوي وبتشوف ميولك , أنا خلاص عرفت ميولي يبقى نيجي بقى لطريقة المذاكرة
أنا مثلا عايز اخش علمي يبقى هركز جدا في مواد التأسيس وهي العربي والمواد اللغات والرياضيات طبعا
ببساطة أنا هفاضل مواد عن مواد واتبحر في المواد دي وافهمة كويس جدا وأحِل عليها كتير بحيث إني أكون متأسس فيها كويس جدا , وباقي المواد هذاكرها برده بس مش زي المواد الرئيسية اللي أنا إن شاء الله هتكون تخصصي بعد كده
طلبة كتير للاسف من كتر تراكم المواد عليها وعدد الدروس بيجيلها احباط , أنا عايز أقولك خليك متفائل وطالما إنت عرفت ميولك من أولى ثانوي إنت كده عديت نص الطريق النص التاني إنك تطلع متأسس صح والمواد اللي إنت بس مجرد إنت ضيف عليها ذكرها بحيث إنك تنجح فيها وحاول تستمتع بيها
طيب أذاكر ازاي ؟ نفس طريقه مذاكرتك قبل كده ، حل كتير ، كل لما تحب اكتر مداركك هتوسع و تبتدئ حتي لو واجهت سؤال مشفتهوش قبل كده تقول ده شبه السؤال الفلاني
وبالنسبة لموضوع صعوبة الاسئلة , هو الراجل يا شباب في جزء من الامتحان مقصود بيه يكون في اسئلة إنت مشفتهاش قبل كده , ولا أنا حتى كمدرس شفتها قبل كده بحيث إنك تكون مش متدرب عليها ويشوف طريقة تفكيرك فيها , هو عايز يقيس ده , ولكن هي اسئلة في المنهج
فتلخيصا لكلامي , اعرف إنت عايز إيه , غير طريقة مذاكرتك بمعني انك تفاضل مواد علي مواد علشان تلحق , خلي هدفك إنك تطلع متأسس في المواد اللي هتكون تخصصك بعد كده
وبأسف على الاطالة
