16/08/2026
الأمهات في الحضانة.. حكاية تانية 😂❤️
كنت فاكرة إن البنات ألطف الكائنات، لحد ما فتحنا الحضانة وبقيت أتعامل مع الأمهات! 😂
وعرفت إن علاقة الأم بالحضانة شبه علاقة الحماة بمرات ابنها…
مهما طمنتيها إن كل حاجة تمام، هتفضل مقتنعة إن ابنها أكيد مش بيحكي وإن «في حاجة مستخبية»! 😂
وبعد التجربة، اكتشفت إن أولياء الأمور أنواع:
١. الأم القلقة 🔍
تفتش وراكي وتربط الأحداث ببعض… وفي الآخر تكتشفي إنها بس محتاجة تطمن على ابنها. ❤️
٢. الأم المستعجلة ⏰
عايزة كل حاجة بسرعة… سواء مستعجلة على الانصراف أو مستعجلة على النتيجة!
«هو ابني لسه ما بقاش بيقرأ؟»
يا حبيبتي ده لسه بقاله شهر! 😂
٣. الأم المتسلطة 😅
عندها سيناريو معين لازم يمشي بالحرف، وأي حاجة تعطل السيناريو = مشكلة عالمية!
٤. الأم الحساسة 💔
كل شوية تحس إنها مقصرة، وتحتاج حد يقولها:
«اطمني… ابنك مستفيد ومبسوط، وإنتِ بتعملي اللي تقدري عليه.»
٥. الـDrama Queen 😂
ودي بتبان من أول انترفيو… وكل موقف عندها ممكن يتحول لمسلسل ٣٠ حلقة! 😅
٦. الأم الكمالية ✨
بتعمل كل حاجة بأفضل شكل، فبتتوقع من كل اللي حواليها نفس المستوى… وأي تقصير صغير بيضايقها جدًا.
٧. وأجملهم… الأم المتعاطفة ❤️
فاهمة دورها، مقدّرة تعب الحضانة، وأهم حاجة عندها إن ابنها يكون مبسوط وآمن.
ودي فعلًا اللي بنحب نكمل عشانها. ❤️
وفي النهاية…
زي ما مش كل الحموات شريرة، مش كل مرات الابن عسل! 😂❤️
وربنا يصلّح الحال بين الأم والحضانة…
ويخلّي العلاقة بينهم دايمًا في مصلحة العريس…
أقصد الطفل! 😂❤️
