26/09/2025
الخطوه الاولي في تأسيس اللغه العربية
ازاي الطفل يتعلم الحرف :-
1️⃣ بياخد الحرف وبعرف شكله واسمه بالفصحي
2️⃣ تاني حاجه ممكن نحكي له قصه عن الحرف
3️⃣ يميز بين الحروف بمعني نديله حرف الجديد جمب الحروف القديمه وهو يميز الجديد منها
4️⃣ مبيخدش حرف غير لما يكون عارف الي قبله كويس
نظام الحصه : الحصه من 30-40 دقيقة
1️⃣ اول حاجه بنتكلم مع الطفل عن حاجات بالحرف حوالين المكان زي ك كرسي
2️⃣ تاني حاجه الطفل بياخد الحرف
3️⃣ الطفل بياخد الحرف ويلونه نحكي له قصه صغيره عليه
نظام الواجب: مش كتير صفحتين وش بعض بس
1️⃣ برسم للطفل الحرف وهو يلون
2️⃣ بيكتب الحرف في البيت عمود او اتنين بالكثير
3️⃣ يوصل الحرف مع موضعه او كلمات
4️⃣ يضع دائره علي الحرف مع حروف وفي كلمات
مثال :- حصه اخدت ٤٥ دقيقه
1️⃣النهارده حناخد حرف الفاء طلعت ليها كروت للحرف زي فم فراشه فأر وهي تقول الاسم
2️⃣ تم الاملاء والحروف الخطا كتبها نص سطر واتملا مره اخري وقرا اسم الحرف
3️⃣ رسمت له حرف الفاء وهو لونه وقلته عن اسمه وزي ايه
4️⃣ حكينا قصه قصيره ان الفراشه والفأر ضاع منهم حرف الفاء وقعدوا يدورا عليه ساعدهم الفيل وفي النهايه وجدوه عند فم التمساح
5️⃣ غنينا
انا حرف الفاء انا حرف الفاء
بتكتب ب ٣ اشكال
اول نص اخر اول نص اخر
حتعرف تكتبني يا شاطر يلا نحاول
فاء فاء حرف الفاء
فاء فراشه فاء فم
🍀 الطفل الصغير مش بيعرف يكتب في اغلب الوقت فبراحه عليه شويه طول ما بنكتب بنحاول معاه وتشجيعه شاطر دي حلوه اوي
لا ممكن تعمل زي دي
في احسن يلا نحاول مره كمان
🍀 الطفل احيانا عنده مبالغه زي حرف الفاء هنا الرقبه قد الزرافه ساعتها نعمل ايه ؟
الحل انه نقول له ان الرقبه ممكن تصغر شويه وان الفاء بيحب رقبته الصغيرة
🍀 بالنسبه للكراسات ودا من طبيعه شغلي عن نفسي بعمل ٣ كراسات
1 الحصه
2 للواجب
3 للتسميع
وبخلي الحصه عندي وبجهز الحرف الجديد فيها وبسيب اول صفحه فاضيه لو في حرف كتبه غلط او مش عارفه
