مستر هيثم بريك

31/07/2026

وما توفيقي إلا بالله ❤️

السنة اللي فاتت والسنادي كانوا مليانين كرم من ربنا ❤️
وقدرت بفضله أحقق أكتر بكتير من اللي كنت بتمناه.

لكن بالنسبة لي، النجاح مش بس إن الطالب يجيب درجة كبيرة...

النجاح الحقيقي إنك تاخد طالب كان بيكره الدراسات، وتخليه يحب المادة ويثق في نفسه ويقدر يقفلها. ❤️🔥

وده بفضل ربنا أولًا، ثم تعبنا واجتهادنا مع بعض.

📚 البداية من اول الاسبوع بإذن الله.

مع مستر هيثم بريك هتلاقي:

✅ شرح مبسط قائم على الفهم والاستنتاج... مش الحفظ وخلاص.
✅ مراجعات مستمرة عشان المعلومة تفضل ثابتة.
✅ اختبارات بعد كل وحدة لمعرفة مستوى الطالب أول بأول.
✅ تكريم وتحفيز للطلاب المتفوقين.
✅ متابعة مستمرة مع ولي الأمر لمتابعة مستوى ابنه.
✅ حلول واستراتيجيات خاصة للطلاب اللي عندهم ضعف في الفهم أو التركيز.
✅ مراجعات مكثفة قبل الامتحانات للاستعداد الكامل.

مش هدفنا إنك تحفظ الدراسات...
هدفنا إنك تفهمها، تحبها، وتدخل الامتحان وإنت واثق من نفسك. ❤️🔥
📞 للتواصل والحجز واتس 01278366873

مستر هيثم بريك
مدرس التاريخ والدراسات الاجتماعية ✌️

28/07/2026

ازاى تختار المدرس اللي تاخد عنده درس ❗📚👨‍🏫

اختار المدرس اللى بتحبه وبتفهم منه مش المشهور.. 💡❤️

لو بتاخد عند مدرس بتفهم منه ✅ أفضل من إنك تاخد فى المادة أكتر من درس وتضيع وقتك 🕒❌

جرب مدرسين كتير في أول شهر 🔄 واللي ترتاح لشرحه اثبت عنده لآخر السنة 🎯

أما تختار مدرس تروح عنده، سيبك من كلمة "كله بيروح عنده" 🙄 الجملة دي ضيعت مستقبل ناس كتير 😢

اختار المدرس اللي تحس إنه حابب مهنته أو مادته ❤️‍🔥، ساعتها شرحه هيكون من قلبه وبضمير ✅

متسيبش نقطة مش فاهمها ❓ غير لما تسأل عليها، انت بتدفع فلوس💸، لازم تاخد حقك كامل 💯

استشير مدرسك في أي حاجة تقابلك تخص الدراسة 📘، وابعد عن زمايلك 🤷‍♂️ لأنهم معندهمش الخبرة الكافية

دخولك ثانوي يعني إن ليك هدف 🎯، أوعى تكون كالقطيع 🐑
أي حد بيدخل ثانوي، إنما مش أي حد بيكون مميز 🌟

اتقِ الله في أهلك 🙏، واعرف إنهم بيصرفوا عليك من تعبهم 💔، لو مش ناوي تكون راجل 💪 من البداية… بلاش

الثانوي لو مافيش صحبة كويسة تدفعك للتفوق 🔝، يبقى تمشي لوحدك أفضل 🚶‍♂️

ربنا يوفقكم جميعا ويحقق أحلامكم ❤️🌟🌱

26/07/2026

🚨 لو مستني تبدأ في تانية ثانوي... يبقى أنت متأخر بالفعل!

البكالوريا مش بتبدأ في تانية ثانوي...
البكالوريا بتبدأ من أول قرار أخدته بعد الشهادة الإعدادية.

🎯 تالتة إعدادي هي المرحلة اللي بتتعلم فيها أساسيات التفكير وربط الأحداث.
🎯 أولى ثانوي هي المرحلة اللي بتبني فيها شخصيتك الدراسية وتتعلم إزاي تفهم التاريخ مش تحفظه.

ولما توصل تانية ثانوي...
هتلاقي ناس بتجري علشان تلحق المنهج، وناس تانية ماشية بثبات لأنها اتأسست صح.

📚 التاريخ مش مادة حفظ...
التاريخ طريقة تفكير، وتحليل، وربط بين الأحداث، وده اللي بنشتغل عليه من أول يوم.

لو هدفك تدخل البكالوريا وأنت واثق من نفسك...
ابدأ صح من البداية، ومتستناش لحد ما يبقى الوقت فات.

مستر هيثم بريك
مدرس التاريخ

📲 للحجز والاستفسار عبر واتساب:
01278366873
العنوان شارع 10 اول يمين امام الأندلس.

25/07/2026

✌️

25/07/2026

التاريخ له ذاكرة... والذاكرة لا تنسى أصحاب المواقف العظيمة. 🇪🇬👑

24/07/2026

اولي ثانوي 🧑‍🏫

23/07/2026

ليلة 22 يوليو 52؛ وصلت معلومات للملك فاروق إن قوات من الجيش هتتحرك خلال ساعات، وتحديدًا الساعة 2 فجر 23 يوليو، للسيطرة على الدولة.
⬇️

الملك كان موجود في قصر المنتزه في إسكندرية، ومعاه مراته وولاده، فعمل اتصال مع رئيس الديوان وبلغه باللي عرفه.

وبعدها.. رئيس الديوان طلع على وزارة الحربية.

ولما وصل شاف تحركات عسكرية غريبة.. فاتصل بالملك وقاله: "المكان مليان ضباط وعساكر المفروض ميبقوش هنا".

وقبل ما يكمل كلامه حصل ضرب نار والخط اتقطع..

فاروق ابتدى يحس بالقلق، وبعد دقايق البحرية المصرية بعتت بارجة لمرسى قصر المنتزه عشان تحمي العائلة الملكية..

والساعة 3 الفجر ظهرت مقاتلة حربية فوق القصر..

وفي اللحظة دي البارجة وجهت مدافعها ناحية المقاتلة الحربية، من غير ما تضرب نار زي ما أمر الملك، فاختفت فورًا..

وحكى الملك فاروق عن اللحظات الصعبة دي وقال:
"أدركت أنني يجب أن أرحل من قصر المنتزه الذي هو هدف مثالي من الجو…

إذا كنت سأُقـ..تل فأردت أن أُقـ..تل في قلب الإسكندرية.. حيث يستطيع شعبي أن يرى العلم المصري الملكي على قصري.
ولا أريد أي إشاعات بعد موتي أنني انـ.تـ.حرت".

وفعلًا.. قرر يخاطر بحياته وحياة أسرته، وخرج من قصر المنتزه، وطلع على قصر رأس التين، رغم حظر التجوال والقوات المنتشرة في الشوارع..

وهناك لقى عدد كبير من الضباط موجودين عشان يحموه..
وبعد كام ساعة وصلت فرقة سودانية كاملة.

وقوات البحرية بعتت إشارة من ميناء الإسكندرية بتطلب الإذن بالاشتباك.. لكن الملك رفض!

وبرضه الحرس الملكي جتله أوامر بعدم الرد!

أما طلب الاشتباك التالت فجه من وحدات في الجيش مؤيدة للملك..
وكان الأمر عدم الاشتباك!

وبعد 23 يوليو.. الملك فاروق اتسأل:
ليه رفضت تدي أمر بالقتال؟

فقال:
"من الصعب أن تعطي الأوامر بإطلاق النيران على رجال يرتدون زي جيش بلادك".

المهم..
الملك وعدد كبير من العسكريين استقروا في قصر رأس التين..
والصبح وصلت مجموعة من الضباط الأحرار وابتدوا يضربوا نار.. والرصاص وصل لمكان وجود فاروق وزوجته وولاده..

وبيقول الملك:
"وجهت مسدسي نحو أحد الضباط… وأنا حاصل على شهادة الرواد السويسرية الدولية في الرماية.. ولكني لم أستطع أن أجعل نفسي أقـ..تله، وأطلقت على القدم..
لقد كان عملًا مقززًا، ولم أحصل على أي متعة في فعله".

وبعد شوية حصلت هدنة مؤقتة.. والمقربين من الملك طلبوا منه يتصل بالإنجليز عشان يساعدوه لكن رفض..

أما السبب.. فبيقول فاروق:
"قررت ألا أفعل.. حقيقي أن لهم قوات قريبة وتستطيع أن تتدخل مباشرة لكنني لم أفعلة".

ووقت الهدنة.. وصل علي ماهر باشا رئيس الوزراء لقصر رأس التين وقابل الملك فاروق وقاله:

"يريدون تنازلك عن العرش لنجلك بحلول 12 ظهرًا ويجب أن تغادر مصر بحلول 6 مساءً".

ورد الملك بشكل فوري:

"مستعد أوقّع حالًا.. لكني أشترط شرطين؛
الأول أن تكون أوراق التنازل رسمية ودستورية.. والثاني أن يسمحوا للمخلصين من قواتي الذين يرغبون أن يعطوني التشريفة العسكرية الكاملة وأنا أرحل".

وفي وثيقة التنازل عن العرش كتب:

"إن نقطة دم مصرية أثمن عندي من كل عروش الدنيا.. والرحيل فورًا أهون على قلبي من سفك دماء مصرية حفاظًا على منصبي".

والساعة 6 و20 دقيقة مساء يوم 26 يوليو 1952؛ الملك فاروق ساب مصر على اليخت الملكي "المحروسة".

والرئيس محمد نجيب حكى في مذكراته وقال:
"جئت متأخرًا لوداع الملك بسبب ازدحام الطريق… وكان اليخت الملكي المحروسة في عرض البحر… فأخذت لنشًا حربيًا وصعدت للمحروسة وكان الملك ينتظرني.

أديت له التحية فرد عليها، ثم قلت للملك:
(لعلك تذكر أنني كنتُ الضابط الوحيد الذي قدم استقالته من الجيش احتجاجًا على حادث 4 فبراير 1942)، فرد الملك: (نعم أذكر)، وقلتُ له: (حينئذٍ كنت مستعدًا أن أُضحي برزقي وبرقبتي في سبيلك، ولكن اليوم أنا نفسي أقف على رأس الجيش ضدك)".

فرد فاروق:
"الجيش ليس ملكي وإنما ملك مصر.. ومصر وطني.. وإذا كان الجيش قد رأى أن في نزولي عن العرش ما يُحقق لمصر الخير، فإني أتمنى لها هذا".

ربنا يرحم الجميع 🤲

22/07/2026

لحاقاً بالتربية والتعليم
الأزهر يقرر تطبيق نظام البكالوريا على طلابه بداية من العام القادم

16/07/2026

📚✨ مستعدين نستقبل سنة جديدة مليانة نجاح وتفوق! ✨📚

السنة الجديدة بدأت... وإحنا جاهزين نقدم لطلابنا أفضل شرح، وأقوى متابعة، ومراجعات هتفرق معاكم من أول يوم.

في التاريخ والدراسات الاجتماعية، هدفنا إن كل طالب يبدأ صح ويحقق أعلى النتائج بإذن الله.

🚀 مستعدين نبدأ رحلة نجاح جديدة... والمفاجآت لسه جاية!

13/07/2026

"اللهم إني مقبل على أيام تحتاج توفيقك، فاجعل أولها تساهيل وآخرها فرح، وما خشيت أن يكون صعباً فهونه، وما خشيته أن يكون عسيراً فاجعله سهلاً،

🌍📚 التاريخ حكاية... والجغرافيا رحلة... والدراسات الاجتماعية فهم للحياة من حولنا 📚🌍
يُسعد سنتر التميز التعليمي أن يقدم لكم
⭐ الأستاذ هيثم بريك 📖 معلم الدراسات الاجتماعية والتاريخ للمرحلتين الابتدائية والإعدادية
مع أسلوب تعليمي متميز يحول المادة إلى تجربة ممتعة وسهلة الفهم، ويجعل الطالب أكثر قدرة على الاستيعاب والتفوق وتحقيق أعلى الدرجات.
✅ شرح مبسط بأساليب حديثة ✅ تبسيط الخرائط والمفاهيم الجغرافية ✅ ربط الأحداث التاريخية بطريقة شيقة ✅ مراجعات واختبارات دورية ✅ متابعة مستمرة لمستوى الطلاب
📍 العنوان: أبوحمص – شارع 10 – أول شارع يمين أمام شركة الأندلس
📞 للحجز والاستفسار: 01029748908
🚀 لا تجعل الدراسات مادة للحفظ فقط... تعلمها بالفهم واستمتع بالتفوق.
الأماكن محدودة والأولوية لأسبقية الحجز.