اخصائيه تخاطب معتمده من جامعه عين شمس
في البداية كانت مجرد أصوات وكلمات بسيطة زي بابا وماما… ودلوقتي بنقول مع بعض الألوان وجمل بسيطة:
فلفل أخضر 🫑
فراولة أحمر 🍓
موز أصفر 🍌
خطوة صغيرة… لكن تقدم كبير
:
#تخاطب
كان بيقول زفاره بدل زرافة 🦒
وده كان نوع من الإبدال في النطق، والحمد لله قدرنا نعمل تصحيح للنطق ومع التدريب بقى يقولها صح 👏
خطوة صغيرة لكن بتفرق جدًا في تطور كلام الأطفال ❤️
#الإبدال #تخاطب #زراف
تخيلوا طفل ماكانش بيتكلم…
وبعد فترة جلسات بقى يجاوب على الأسئلة عن المهن 👏
الفرق مش بس جلسة تخاطب…
الفرق في الاستمرار والتدريب.
كل كلمة بيقولها الطفل
هي خطوة كبيرة في حياته ❤️
لو عندكم طفل متأخر في الكلام
ابدأوا بدري… الفرق بيظهر
#تخاطب
#اطفال
لما الطفل يبدأ يكوّن جملة لأول مرة…
اعرف إننا بدأنا نفتح باب الكلام 🗣️✨
فخورين بيه جدًا 👏
#تخاطب
#اطفال
تكنيك بسيط… بس فرق جدًا 👌✨
مش أي حد بيشتغل على صوت الفاء بالطريقة دي 😉
استخدمت المنديل عشان يشوف الهوا وهو خارج وهو بيقول “فففف” 💨
لما المنديل يطير… يبقى الفاء صح 👏
حولنا الصوت من محاولة مش واضحة… لـ “فهد” مظبوطة 💙
أوقات الأفكار البسيطة هي اللي بتعمل أقوى نتيجة ✨
ويمكن دي مش طريقة منتشرة… بس فعالة جدًا 👌
#تخاطب
ده اسمه إبدال صوتي 👂
لما الطفل يبدّل حرف بحرف تاني علشان مش عارف يطلع الصوت صح.
اشتغلنا على مخرج حرف الج وتثبيته في الكلمات لحد ما بقى واضح وقوي 💪💬
#تخاطب
#أطفال
تدليكات عضلات النطق حوالين الشفايف والخدود من جوه بتفرق جدًا في وضوح الحروف 👄
لما العضلات تبقى أقوى وأوعى 👇
✔️ مخارج الحروف تبقى أوضح
✔️ صوت الحرف يطلع مضبوط
✔️ نقلل اللدغات
✔️ نساعد الطفل يثبت حروف زي (ب – م – ف – و) وكمان الحروف اللي محتاجة تحكم في الخدود والهواء
قبل ما نستنى الكلمة تطلع صح…
لازم نجهز العضلة اللي هتقولها 💪✨
#تخاطب
#موانا
التنفس البطني اول طريق للعلاج التهتهه👌🗣
✔ تنظيم النفس (ياخد نفس عميق من البطن مش من الصدر)
✔ تحفيز بصري بالأرنب عشان يشوف النفس قدامه ويتحكم فيه 🐰
✔ شدّ قبضة الإيد مع الشهيق ثم إرخائها مع الزفير
شدّ الإيد مش حركة عشوائية ✋
ده جزء من تفريغ التوتر العضلي، وزيادة الوعي بالجسم.
لما النفس ينتظم
والجسم يهدى
الاندفاع في الكلام يقل
والطلاقة تتحسن تدريجيًا 💙
#تخاطب #اطفال
من ددو لـ جدو 💪✨
أول مرة نطلع حرف الج بعد ما عدلنا لدغة الك…
مش مجرد حرف بيتنطق، دي نقلة في مخارج الصوت وثقة أكبر 👏🔥
#تخاطب
#لدغه
#أطفال
#تخاطب #تأتأه #تخاطب