59 Chemistry Al Azhar Cairo

سكاشن النهاردة كانت ولا أروع ♡

هنكمل كلامنا يا شباب عن مجالاتنا في الكلية.
هنتكلم عن مجال الكيمياء الحيوية👇
الكيمياء الحيوية بتدرس التفاعلات الكيميائية اللي بتحصل جوه جسم الكائنات الحية.
بمعنى أبسط التخصص ده بيدرس إزاي الخلايا بتشتغل وإزاي الجسم بيكوّن البروتينات والإنزيمات والهرمونات وإيه اللي بيحصل في الجسم أثناء الأمراض.
📚 طبيعة الدراسة في الكيمياء الحيوية
في التخصص ده هتدرس مواد مهمة جدًا زي:
🧬 البروتينات والإنزيمات
🧬 الأحماض النووية DNA & RNA
🧬 التمثيل الغذائي (Metabolism)
🧬 الكيمياء الحيوية الطبية
🧬 البيولوجيا الجزيئية (Molecular Biology)
وكمان هيكون فيه شغل عملي في المعامل وتحاليل بيولوجية وكيميائية باستخدام أجهزة حديثة. 🔬
💼 مجالات العمل بعد التخرج
خريج الكيمياء الحيوية قدامه فرص شغل كتير زي مثلًا:
🧪 المعامل الطبية ومعامل التحاليل
💊 شركات الأدوية
🧬 شركات التكنولوجيا الحيوية (Biotechnology)
🏥 المراكز البحثية والطبية
🧴 شركات مستحضرات التجميل
🌍 فرص السفر والعمل بالخارج
التخصص ده مطلوب بره مصر وممكن تشتغل في:
✈️ شركات الأدوية
✈️ مراكز الأبحاث الطبية
✈️ معامل التحاليل
✈️ أو تكمل ماجستير ودكتوراه
والخلاصة ان انت لو مهتم تعرف إيه اللي بيحصل جوه جسم الإنسان على المستوى الكيميائي وبتحب مجالات الطب والأبحاث والتحاليل فـ الكيمياء الحيوية تعتبر الإختيار المناسب ليك 💪🧬

السلام عليكم ورحمة الله وبركاتة.
هنبدأ نتكلم معاكم يا شباب عن مجالاتنا في الكلية
بما إننا خلاص قربنا من ختام السنة الأولى في كلية العلوم والمرحلة الجاية هيكون فيها اختيار التخصص حبينا نبدأ معاكم سلسلة بوستات نتكلم فيها عن التخصصات الموجودة في قسم الكيمياء علشان كل واحد يبقى فاهم المجال اللي ممكن يدخله.
🧪 وأول تخصص هنتكلم عنه هو: الكيمياء الخاصة
الكيمياء الخاصة من التخصصات القوية جدًا في قسم الكيمياء وبيعتمد بشكل كبير على الفهم العميق
للكيمياء + الشغل العملي في المعامل 🔬
📚 طبيعة الدراسة في الكيمياء الخاصة
في التخصص ده هتدرس فروع مهمة جدًا
في الكيمياء زي:
⚗️ الكيمياء العضوية
⚗️ الكيمياء غير العضوية
⚗️ الكيمياء الفيزيائية
⚗️ الكيمياء التحليلية
وكمان هيكون فيه شغل عملي وتجارب في المعامل بشكل كبير وده بيكسبك خبرة كويسة في استخدام الأجهزة والتحليل الكيميائي 🧫
طب نشتغل إيه بعد ما نتخرج؟
خريج الكيمياء الخاصة قدامه مجالات كتير يقدر يشتغل فيها زي مثلًا:
🏭 شركات البترول والبتروكيماويات
💊 شركات الأدوية
🧫 المعامل التحليلية ومعامل الجودة
🏭 المصانع الكيميائية
🧴 مصانع مستحضرات التجميل والمنظفات
🔬 مراكز الأبحاث
طب والسفر بره؟
الكيمياء من التخصصات المطلوبة عالميًا فممكن تشتغل بره في:
✈️ شركات الأدوية
✈️ شركات البترول
✈️ المعامل البحثية
أو تكمل ماجستير ودكتوراه في جامعات بره مصر.
والخلاصة:
لو أنت بتحب الكيمياء والتجارب المعملية وعايز مجال يفتحلك فرص شغل كتير فـ الكيمياء الخاصة تعتبر اختيار قوي جدًا 💪🧪

بعد ما تخلص سنة أولى علوم كيمياء الرحلة الحقيقية بتبدأ كل طالب كيمياء فينا بييجي عليه وقت ويختار الطريق اللي هيكمل فيه مستقبله العلمي.
فـ السؤال هنا:
حابب تتخصص في إيه بعد سنة أولى؟
🧪 كيمياء خاصة
🏭 كيمياء تطبيقية
🧬 كيمياء حيوية
كل تخصص فيهم ليه مجاله وفرصه في البحث العلمي والصناعة والتطوير.
💬 اكتب في التعليقات التخصص اللي نفسك تدخله وليه اخترته؟
خلينا نشوف ميول دفعة أولى علوم كيمياء لجامعة الأزهر بالقاهرة رايحة أكتر ناحية أنهي تخصص 👇

لأجل أننا مسلمون وتعظيم شعائر الله فريضة
كل عام وأنتم بخير ")) ❤

الدُّفعة 59 علوم كيمياء (الفرقة الأولي) – جامعة الأزهر بالقاهرة فاضل كام يوم ونقفل فاينال الترم الأول بإذن الله الأربع الجاي نهاية مرحلة وبداية حلم عدت أيام صعبة بس بالتوكل على الله ثم الاجتهاد كان توفيق ربنا محالفنا في كل خطوة ربنا يكلّل تعبنا جميعا بالنجاح والتوفيق إن شاء الله ياأحباب ")) ♥