النـُّـور

باب الحجز لسه مفتوح في دورة سورة المائدة💗
الدورة عبارة عن (تصحيح تلاوة- حفظ رُبع في الإسبوع- تربيط- تفسير مُبسط للآيات💗🌱

لو حابّة تحجزي مكان ليكي في الدورة اكتبي تم في الكومنتات وهيتم الرد عليكي في أقرب وقت🌱🍒

العدد المُتبقي في الدورة محدود جدًا✋

ُور

للتفاصيل والحجز اكتبي تم في الكومنتات وهيتم الرد عليكي🤍

ُور

-يعني هو ممكن يجي يوم وسورة البقرة بالنسبالي تبقى زي الفاتِحة بالظبط؟ حفظاها عن ظهر قلب ومش بخطأ فيها؟ وبسردها بسهولة في جلسة واحدة وبكل سلاسة؟

=أيوة♥️

-ازاي!!!

= لما تتعاملي معاها زي ما بتتعاملي مع الفاتِحة كده.. (يوميًا معاكي)

بعد حفظك ليها.. بتبدأ مرحلة التكرار الكتير والتثبيت

والتكرار ده بتعمليه مش عشوائي.. (العشوائية مع القرآن متنفعش!)

بتحضّري تودو ليست صغننة قمورة وتكتبي فيها مهام يومك وبعد مهمة أذكار الصباح ما تقوليها بيجي ورد التكرار علطول.. يبقى بداية يومك أذكار الصباح ثم ورد القرآن♥️

بتقعدي وتخلي أدامك المصحف ولكن مش فتحاه.. تبدأي الاستعاذة والبسلمة وبعدين تسردي على الغايب اقرأي الفاتحة وابدأي بسم الله.. البقرة، وانتي بتسردي افتحي ريكورد لإن ده اللي هترجعيله بعد ما تخلصي وتشوفي أخطائك فين

تسردي غيبًا لحد ما تقفي وتبقي مش عارفة تكملي (كل ده انتي مفتحتيش المصحف لسه) احنا دلوقتي بنعمل فلترة لدماغك وبنشوف مخك مخزن أد ايه من السورة..

هعتبر انك سردتي رُبعين ووقفتي مش عارفة تكملي

تفتحي مصحفك وتعلّمي علامة صغيرة بالقلم الرصاص على الموضِع اللي وقفتي فيه.. أو تكتبيه في نوت صغننة

كده انتي عملتي إيه؟ كده انتي عرفتي ان أول ربعين معاكي حلوين واهتمامنا دلوقتي هيبقى بالربع رقم (٣) اللي اسمه أتأمرون الناس

------------------🌱

هتفتحي تفسير الربع الثالث وتقرأي تفسير وتسمعي تربيط..
افتحي يوتيوب واكتبي تربيط سورة البقرة للمعلمة أميرة يسري.. واسمعي تربيط الربع الثالث

انتي حاليًا بتثبتي الربع الأول بالتفسير ثم التربيط

ثم التكرار.. خدي أخر آية من الربع الثاني وابدأي بيها
. عشان تربيطي بين الربعين

وابدأي كرري أول تلت آيات.. تكرار لحد ما تحسي ان التلاوة أحسن والحفظ أثبت..

بنعمل كده في الربع كله.

وبعدين تجبيه كله سرد وتعملي ريكورد..

الريكورد الأول هتلاقي فيه أخطاء.. إما في التلاوة أو الحفظ او الحركات..

(بالتأكيد عندك نوت بوك خاصة بالملاحظات)🤷 - أوعي يكون معندكيش!!

-النوت دي هتكتبي فيها ملاحظات الريكورد الأول للربع الثالث
تكتبي الخطأ واحد كذا.. الخطأ اثنين كذا...

-افتحي مصحفك وبصي الأول على الأخطاء وهي دي اللي هتبدأي تثبتيها دلوقتي بالتكرار.. تقرأي قبلها آية وبعدها آية كذا مرة لحد ما تحسي انهم ثبتوا

-اعملي ريكورد رقم ٢ بنفس الطريقة بتاعت أول مرة..

-أخطائك هتكون يا إمّا مبقتش موجودة يا إمّا قلت عن أول ريكورد.. وتكتبيها في النوت وبعد ما تسمعي الريكورد وتعرفي أخطائك تفتحي مصحفك وتكرري الأخطاء من المصحف

-افتحي ريكورد رقم ٣ وابدأي سرد الربع الثالث ولكن ابدأي من أخر آية في الربع رقم ٢ (للربط بين الأربع)

-أظن هنا مش هتلاقي أخطاء والربع ثبت معاكي♥️
ولو لقيتي اعملي الحركة دي لحد ما تطلعي كل أخطائك وتكرريها وتبدأي سرد.. حرفيًا هتلاقي الربع بقى زي الفاتحة♥️

- بنعمل كده في كل اربع سورة البقرة.. لحد ما هتكون محفوظة تبارك الله عن ظهر قلب♥️
ُور
#فَاطِمه

الحمد لله🤗🤍
من أجمل ما يسعدنا أن نرى أثر القرآن في قلوب طالباتنا، ونسأل الله أن يجعلنا عند حسن الظن دائمًا، وأن يبارك في كل معلمة وطالبة كانت سببًا في هذا الخير. 🌷"

اللهم بارك.. تم فتح باب الحجز لدورة جديدة وجزء جديد😃💗 (جزء الذاريات) 🌱 الدورة عبارة عن:
(تصحيح تلاوة- مراجعة خلال الدورة للجزء- تربيط وتفسير مُبسط)

وفي أخر الدورة اللي حابة تسرد الجزء كامل في جلسة واحدة بيكون متاح .. وكمان بيتم عمل شهادة إنجاز للي سردت الجزء كامل🌸

-للحجز والاستفسار اكتبي تم وهيوصلك كل التفاصيل او ابعتي رسالة خاص💌😃💗

العدد محدود جدًا عشان نقدر نهتم بكل طالبة..

ُور

مُذاكرة القرآن طريقة مهمة للتثبيت والتوضيح والمُعايشة💗

طالبة من طالباتي الأحباء على قلبي🌸

لقيتها في يوم بعتالي بتقولي يا مُعلمة انا حاسة اني متأخرة وعمري ما سردت سورة كبيرة في جلسة واحدة وماشاء الله على حضرتك و و و..

(ملحوظة)
هي لسه في بداية الطريق ولسه يادوب بتبدأ تثبت حفظ سورة كبيرة.. يعني حفظتها ولكن لسه في مرحلة التثبيت ليها

قلتلها يا قلب مُعلمتك لتكوني فاكرة اني سردت سورة كبيرة في جلسة واحدة بعد حفظي ليها مباشرةً كده! 🫠

قالتلي يعني لأ؟

قلتلها لأ طبعاااا🤭

وفاجئتها بمثال سورة النساء وإني سردتها في جلسة واحدة ولكن بعد حفظي ليها حرفيًا مدة كبيرة بعد سنين من التكرار فيها ومن الفتور واقع واقوم واجبها تاني واثبت واقرأ تفسير وليلة كبيرة، وطُرق حفظ كتير وتخطيط ومراجعة.. عشان اقدر اسردها في الأخر.

مشكلتنا اننا بنبدأ دايمًا بعقلية المثالية!

عقلية المثالية دي اللي بتوقفك في نص الطريق وقبله كمان!

ابدأي دايمًا وانتي مفتقرة إلى الله.
يارب انا مش عارفة ولا قادرة ولا فاهمة بس انت يارب اللي هتعلمني وتفهمني وتعينّي اكمل.. من غيرك يارب مش هعرف اكمل حاجة!

"صدقيني وقتها بس هتنجحي بحول الله وقوته.. لإن الحقيقة احنا ملناش حول لينا ولا قوة.. كله بتيسير وتوفيق الله"

#فَاطِمه
ُور

السلام عليكم🩷 تم فتح باب الحجز لدورة سورة آل عمران (العدد قليل جدًا)
ومتاح أماكن قليلة جدًا في دورة سورة النساء🩷

لو حابة تحجزي اكتبي تم وهيتم الرد عليكي برقم واتساب للتواصل🩷 - الاستفسار واتساب فقط.

#فَاطِمه
ُور

القرآن بيغير أصحابه من غير ما يحسوا♡

ما شاء الله تبارك الله، كل آية حفظتوها هي خطوة نور قربتكم لهدفكم🤍🩷🌸🌱

ُور