Noha Zahra

مطب مُفاجئ!

حياتنا مليانه بأحداث مُفاجأة، مافيش فيها حاجة ماشيه بالمسطرة، مهما عملت حسابك وتخيلت إنك مخطط لكل حاجة مظبوط بتلاقي الدنيا فجأة خدتك في مسار تاني..
الدنيا بتتشقلب برسالة أو مكالمة تليفون أو تعب مُفاجئ أو حدث مش مترتبله أو إبتلاء ربنا مُصطفيك فيه..

وعشان تهدى وترتاح محتاج تبطّل تقاوح قدام كل تغيّر إقبل الدنيا على وضعها..
التغيّر هو القانون الوحيد في الحدوتة، يوم فوق، يوم تحت، لحظة فرح، ولحظة وجع… كل شيء بيتبدل قال تعالى: {وَتِلْكَ ٱلْأَيَّامُ نُدَاوِلُهَا بَيْنَ ٱلنَّاسِ}

يعني ببساطةالدنيا مش هتمشي على مزاجك، وكل ما قاومت قدام كل مطب ورفضت هتعطل كتير قوي ومش هتقدر تغير الواقع برده!

لما الألم يزورك والدنيا تتشقلب حواليك ، عندك حلّين:
🔹 يا إما تقاوح قدامها وأنت مكسور، فتكسرك أكتر.
🔹 يا إما تستقبل الأقدار بقلب راضي وصابر، فيهون الابتلاء ويعدّي من غير ما يكسّرك!

يقول الإمام :
"البلايا ضيوف، فأحسن قراها حتى ترحل إلى بلاد الجزاء مادحة لا قادحة .. فلولا البلايا، لوردنا القيامة مفاليس، ولو فتحت لك أستار الغيب لأحببت حزنك، ولو رأيت كيف يغرف للصابر غرفاً من الثواب، لانتشى قلبك وتلذذت بكل وخزة ألم"

تقبّل الألم وإتعلّم الدرس عشان يأدي فيك رسالته ويخلص..
من أتقَنَ الصَّبر لن تَكسِرهُ الحياة...

#سِكّة_السَّلامة

فرجه قريب..

لما تكون على مشارف اليأس، أخدت بالأسباب وعملت كل اللي عليك وبذلت كل وِسعك في شغل أو مع أهلك أو في علاقة صداقة ولقيت النتيجة أذية وألم وإستهزاء وغدر..
إفتكر دعاء سيدنا نوح (فدعا رَبَهُ أَنَّى مَغلوبٌ فانتصر)

خلاص عملت كل اللي تقدر عليه، تعبت وجبت آخرك، مغلوب.. مابقتش لقيلها حلّ ولا مخرج!
والدنيا غلبتك بالأقدار أغلبها انت بالدُعاء..

وإنتظر النصر والفرج والعِزة من الله
الدعاء سلاح المغلوب.. والنصر وعدّ!

ربّك أغرق الكرة الأرضية كلها بدعوة سيدنا نوح (فَفَتَحْنَا أَبْوَابَ السَّمَاءِ بِمَاءٍ مُّنْهَمِرٍ * وَفَجَّرْنَا الْأَرْضَ عُيُونًا فَالْتَقَى الْمَاءُ عَلَىٰ أَمْرٍ قَدْ قُدِرَ)

لو عندك يقين مش بس هتاخد الإجابة لدعائك ده الكون كله ممكن يتغير لنُصرتك..

(تَجۡرِی بِأَعۡیُنِنَا جَزَاۤءࣰ لِّمَن كَانَ كُفِرَ)
جَزَاۤءࣰ لِّمَن كَانَ كُفِرَ : أَي جَعلنا ذلكَ ثوابًا وجزاءً لِنُوح على صبره على أَذَى قَوْمِهِ وَهُوَ الْمَكْفُورُ بِهِ..

مش هما ماحسوش بقيمة وجودك وأساءوا ليك وظلموك ربّك هيرفع عنك الظلم وهينجيك ويبدّل كل ما حولك ليخدم نُصرتك..

هي بتمشي كده سعيت، وعملت اللي عليك واستعنت بالله، وصبرت على البلاء، ودعيت بيقين.. مُعادلة الفرج مضمونة!..

إدعي، واستبشر، وافتكر دائمًا إن فرجه قريب.. 🤍

#سِكّة_السَّلامة

مشكلتك مش فيك…
لكن في الطريقة اللي اتعلمت بيها تفهم نفسك 💭
كتير مننا:
مش فاهم مشاعره
بيكرر نفس المشاكل في علاقاته
بيحاول يتغير… لكن بيرجع لنفس النقطة
وهنا بييجي دوري

أنا علا عبد العليم
قبل أي أدوار مهنية… إنسانة بتتعلم كل يوم من رحلتها 🤍
زوجة وأم لأربع أطفال…
متخصصة في:
💼 الإرشاد الأسري والتربوي والدعم النفسي
💼 العلاقات الزوجية وإدارة المشاعر
بشتغل من خلال دمج أكثر من مدرسة علاجية ونفسية، منها:
✔ العلاج المعرفي السلوكي (CBT)
✔ العلاج الجدلي السلوكي (DBT)
✔ علم النفس الإيجابي (Positive Psychology)
📌 بصفتي:
• Psychological Support Practitioner
• CBT & DBT Practitioner
• Positive Psychology Practitioner
• Family & Relationship Coach
وكمان:
✔ مدربة تربية إيجابية معتمدة
✔ معالج سلوكي
✔ عضوة بالمؤسسة الأمريكية للتربية الإيجابية
✔ عضوة بالتربية الإيجابية العربية
🎓 خريجة أكاديمية زاد للعلوم الشرعية
📖 وطالبة علم شرعي بالبناء المنهجي
🌿 فلسفتي في العمل
مش بقدم نصايح…
لكن بساعدك تفهم نفسك، وتغيّر من جواك
لأن التغيير الحقيقي مش بيبدأ من السلوك…
لكن من الوعي
وكل إنسان ليه رحلة خاصة…
مش لازم تكون مثالية… لكن مهم تكون واعية 🤍

🛎 الخدمات:
جلسات نفسية
استشارات تربوية و زوجية
جلسات كوتشينج
خطط تعديل سلوك
كورسات وبرامج تدريبية
محتوى توعوي عملي

التغيير مش بيبدأ لما تقرأ…
بيبدأ لما تقرر تشتغل على نفسك 🤍

شكرًا من القلب 🤍
لكل الحضور اليوم في المحاضرة #المجانية السادسة بعنوان :
"وليتك تسلم "
بناقش فيها إزاي نتعامل مع أذى الناس والإساءات اللي بنتعرضلها..

سعدنا بتفاعلكم جدًا، ومنتظرين أسئلتكم اللي تحبوا يتجاوب عليها في المحاضرات القادمة 👌🤍

📌 وللي حابب يرجع للمحاضرة أو ما لحقش يحضر:
تم رفعها على جروب التليجرام،
واللينك في أول كومنت 👇

📌 مستنيينكم الأسبوع الجاي بإذن الله
في لقاء أعمق… ووعي أقرب لقلبك.

وجودكم بيفرق 🤍

ِحراب_النفس
#سِكّة_السَّلامة

يحدث الآن 🤍

ِحراب_النفس
📌 المحاضرة السادسة
محاضرة مجانية بنتكلم فيها
إزاي نتجنب أذى الناس ؟ وإزاي اتجاوز الإساءات اللي حصلت في حقي؟
شكرًا لكل المهتمين والحاضرين 😍

#سِكّة_السَّلامة

ساعتين ونبدأ.. ⌛

محاضرة مجانية بعنوان :
إزاي اتجنب أذى الناس؟ واتجاوز إساءات حصلت في حقي؟

📌 النهاردة الساعة 11 صباحًا
على Zoom
لينك جروب التليجرام اللي عليه كل التفاصيل الخاصة بالمحاضرات المجانية في أول كومنت 📩

نلقاكم على خير 🤍

ِحراب_النفس
#سِكّة_السَّلامة

عدوان بشري

أصعب ابتلاء هيمر عليك، سببه الناس.
وأقسى حقيقة في الدنيا.. إن أغلب معاناة الناس من الناس.

في مُعادلة البشر هتستوعب حقيقة إن مش كل عدوات البشر منطقية أو مبررة..
هتقابل نظرة غل وكره في عيون ناس ماشفوش منك غير كل خير..
هتقابل ناس تكرهك بلا سبب، وتؤذيك بلا حق، وتستغل طيبتك كأنها ضعف...

وفي اللي هيحوّل أسرارك لسلاح، لمجرد إنك وثقت فيه زيادة.
وخلي بالك إن مش كل اللي أذاك كان عايز يكسب، بعضهم كان بس عايز يشوفك بتخسر..

النفوس دي غابة..
واللي يدخلها بقلب مكشوف زيادة، بيطلع منها مجروح بزيادة..
والنجاة مش بالقسوة،
النجاة إنك تبقى واعي، وحدودك واضحة..

وهنا بيبدأ التحدي الحقيقي، إنك تصبر قدام أذى مالوش منطق..

الصبر هنا مش إنك تكون قليل الحيلة أو تقبل الإهانة، الصبر هو إنك تترفع وتحافظ على نضافة قلبك، حتى لو اللي حواليك غرقانين في سوادهم.

وعلشان كده، الصبر على أذى البشر مش صبر عادي، ده أصعب اختبار للنفس
شرح النقطة دي بعبقرية لما فرق بين آيتين:
"و نجد مثل هذه الدقة الشديدة في آيتين متشابهتين عن الصبر تفترق الواحدة عن الأخرى في حرف اللام ..
- يقول لقمان لولده :
(( وَاصْبِرْ عَلَىٰ مَا أَصَابَكَ ۖ إِنَّ ذَٰلِكَ مِنْ عَزْمِ الْأُمُورِ ))
- وفي آية أخرى عن الصبر نقرأ :
(( وَلَمَن صَبَرَ وَغَفَرَ إِنَّ ذَٰلِكَ لَمِنْ عَزْمِ الْأُمُورِ))

الصبر في الأولى "من عزم الأمور" وفي الثانية " لمن عزم الأمور".. وسر التوكيد باللام في الثانية أنه صبر #مُضاعف ، لأنه صبر على لك فيه غريم ، وأنت مطالب فيه بالصبر و المغفرة وهو أمر #أشد على النفس من الصبر على القضاء الإلهي الذي لا حيلة فيه !! "..

التدافع ده حاصل مش عشان يغيّرك، لكن عشان يصنعك.
فلو خرجت منه لسه نضيف..
يبقى أنت نجحت، حتى لو اتوجعت

وخلي بالك أذاهم اختبار،
بس اللي هتكونه بعد الأذى.. قرار.

#سِكّة_السَّلامة

دفع أذى!

أحيانًا الوجع اللي انت عايشه ،والوشوش اللي بانت على حقيقتها، والصدمة اللي خدتها في أقرب الناس ليك مابتكونش جايه تكسرك دي جاية تقوّيك وتفتح عينيك وتورّيك الدنيا بشكل مُختلف..
كانت ضرورية عشان تكشفلك اللي جوه القلوب وتعرّفك مين ناسك ومين اللي قلبهم مليان حقد وغل وقلوبهم سوده وبيتمنولك الشرّ
في #مقولة حلوة قوي بتقول "‏بعض الخيبات كانت ضروريّة وإلا كنت ستظل مخدوعًا و أنت تعتقد أن كل من حولك سند"!

مش كل شرّ شُفته كان لعنة، ومش كل وجع مَرّ عليك كان خسارة..
أحيانًا ربنا بيكشفلك القلوب في لحظة وجع، عشان ما تعيشش باقي عمرك في خداع..

سيدنا #يوسف لو ماكنش إتعرض لإن إخواته يرموه في البئر ويشوف أذاهم له بعينيه يمكن كان عاش عمره كله بيأذوه وبيكيدوله وبيضربوه من ضهره وهو مش عارف ولا قادر يمسك دليل..

كما قال (ولعل ثقبًا أصاب قلبك جعله الله لك عينًا تبصر بها الحقيقة)

الوجع عامل زي كشاف النور والابتلاء غربال بيوريك نفسك والدنيا والناس بشكل مُختلف، بيكشفلك القلوب، وبيعلّمك درس من دروس الدُنيا كان ضروري لخطواتك اللي جايه..

ماتزعلش على اللي بان على حقيقته، اِحمد ربنا إنه كشفه لك المستخبي قبل ما تتوجع أكتر.
الدنيا بتعلّم، بس الشاطر هو اللي يتعلم ويقوم، مش اللي يقع ويفضل يلوم.

إصبر وإفتكر الإبتلاء ده دفع أذى، مش كسرة قلب..

#سِكّة_السَّلامة

#منصّة_إنسان

طيبة وسند ونور 🤍

Nahla Mousalam

شخصية طيبة وجدعة..
أمان وسند لكل حد محتاج، وقلبها حاضر دايمًا للناس 🤍

رحلتها بدأت من جوّا،
سعي لاكتشاف النور وسط ظلام النفس…
وبعدين امتد للي حواليها، علشان تساعدهم يشوفوا نورهم هم كمان.

اختارت طريق
كخطوة في رحلتها، تكمّل بيها فهمها وتوسّع أثرها في الدوائر القريبة والبعيدة.

شغفها التعليم،
واكتشاف الفطرة السليمة في النفوس،
وسعيها دايمًا إنها تسيب أثر طيب خالص لوجه الله 🤍
شخصية صادقة، وجودها أمان، وأثرها نور 🤍

👏🤍

صاحبة وعي وعمق 🤍

Heba Yahia

باحثة عن المعنى، بدأت رحلتها من الداخل، علشان تغيّر بصدق قبل ما تؤثّر في غيرها.

بتشوف في الألم فرصة للفهم،
وتقدر تحوّله من عبء.. لرسالة فيها نور 🤍

اختارت دراسة كورس تطبيقات
علشان تفهم نفسها بعمق، وتبسط المعرفة في أدوات تساعد غيرها في رحلتهم.

شغفها فهم ما وراء المشاعر،
وتحويل كل تجربة لوعي حقيقي يُحس ويُعاش.

مؤمنة إن كل تجربة ليها معنى، وإن أول خطوة للتغيّر.. هي الفهم

شخصية مميّزة، بتحوّل الرحلة لوعي يعيش جواها وفي قلوب اللي حواليها🤍

👏🤍

خيانة الطيبة..

من أبشع أنواع الأذى، مش اللي يكسر فيك نقطة ضعفك، لكن اللي يدخل لك من أجمل حاجة فيك.. ويحوّلها لباب يستنزفك.

يعرف إنك كريم..فيستنزفك.
رحيم.. فيبتز عاطفتك.
متسامح.. فيتجاوز حدوده معاك ويهدر حقك.
جدع.. فيحمّل عليك ويستغلك.
طيب.. فيزوّد عليك لحد ما تتسحب منك طاقتك كلها.

الوجع هنا مختلف، لأن اللي بتتأذى بسببه مش نقطة ضعف فيك،
اللي بيؤذيك.. هو أحسن ما فيك.

العيب مش إنك كويس، العيب إنك سايب غيرك يستغلك..
وأبلغ وصف قول #الحلاج :
"وحين علموا أن فيك من عفو يوسف ، رموك في البئر كثيراً"
حتى العفو محتاج حزم، وإلا انقلب ضعفًا يُستغل.

كما قال #المتنبي (من الحِلم أن تستعمل الجهل دونه.. إذا اتّسعت في الحِلم طُرُقُ المظالِمِ)
أحياناً، الحكمة تقتضي أن تُظهر وجهاً حازماً ليظل حلمك مصاناً..

واللي بيستغل صفاتك، مش محتاج توقفه بس،
محتاج كمان تعيد تعريف نفسك قدامه.

خليه يشوف إن.. كرمك له حدود.
ورحمتك لها وعي.
وتسامحك مش تصريح مفتوح.
وجدعنتك مش استنزاف دائم.
وطيبتك.. مش ضعف.

أنت مش مطالب تغيّر قلبك، انت مطالب توزنها عشان ماتتفاجأش انك خسرت أحلى ما فيك عشان بقى سلاح ضدك..
لأن أقسى أذى ممكن تعرض نفسك له،
إنك تسيب حد يستهلك نعمة ربنا فيك
لحد ما تكرهها في نفسك.

وأخطر خسارة إنك تتعلّم القسوة،
بس علشان ناس ما تستاهلش طيبتك.

#سِكّة_السَّلامة