Esraa Raafat El Qersh "Education & community "

إمتى نكون بنأذي ولادنا وإحنا فاكرين إننا بنحميهم؟
لما: – نمنعهم يغلطوا
– نختار عنهم دايمًا
– نخوّفهم من الدنيا
– أو نحل كل مشاكلهم
نفتكر إننا بنحميهم
لكن الحقيقة إننا
بنسحب منهم الثقة
والقدرة
والتجربة.
الطفل محتاج يقع
علشان يعرف يقوم
مش علشان نسيبه
لكن علشان نكون جنبه.

❌️في حاجات كتير غلط بنعملها مع ولادنا
❗️ومش بنسميها غلط…
☝️علشان اتربينا عليها.
🚫اتربينا إن:
😥– العياط ضعف
🤫– السكوت أدب
🙈🙊🙉– الطاعة تربية
😟– والخوف احترام
💔فكبرنا
👌وبقينا بنكرر نفس الأسلوب
وإحنا فاكرين إننا “أحسن من أهلنا”.
💯بس الحقيقة؟
في سلوكيات كتير بنزرعها في ولادنا
وبنستغرب لما نشوف نتيجتها بعد سنين.
🗣الطفل اللي ماكانش مسموح له يعبر
.بيكبر وهو مش عارف يتكلم عن مشاعره.
🗣والطفل اللي اتربى على الخوف
.بيكبر وهو مطيع'بس مهزوز من جوه.
🚫مش كل اللي اتربينا عليه صح.
🚫ومش كل اللي ورثناه لازم نورثه.
✋️التربية مش إننا نطلع نسخة “مؤدبة”
🗣التربية إننا نطلع إنسان
.فاهم نفسه'وواثق فيها'وعارف يحميها.
🙏خليكي انتي واعيه.....
📌 السؤال الحقيقي:
إحنا بنربي ولادنا…
ولا بنعيد تربية نفسنا قدامهم؟
💬وانتي كمان قوليلي إيه أكتر حاجة اتربيتِ عليها
وحاسّة إنها مأثرة عليك لحد دلوقتي؟

🗣مش كل سلوك محتاج حل…
أحيانًا بيكون محتاج فهم.
مش كل طفل بيعاند علشان يتعاقب
ومش كل طفل هادي علشان نسيبه
ومش كل طفل بيزعق علشان “نوقفه عند حده”
أحيانًا:
العصبية = خوف
العناد = محاولة دفاع
الانسحاب = تعب
كثرة الأسئلة = قلق مش شقاوة
لما بنجري ورا “الحل السريع”
بنفوّت الرسالة اللي السلوك جاي يقولها.
الطفل مش محتاج دايمًا: ❌ تصحيح
❌ عقاب
❌ مقارنة
هو محتاج: ✔ حد يسمعه
✔ حد يفهمه
✔ حد يفسر له اللي جواه
الفهم مش معناه تسييب
لكن معناه نعرف نتعامل صح.
📌 اسألي نفسك قبل ما تعملي أي رد فعل:
“السلوك ده جاي يقول إيه؟”

🔥 طفل حساس… ولا مدلّل؟

إزاي نفرّق؟ وإزاي نتصرف صح؟

كتير من الأهل أول ما الطفل يعيّط أو يتأثر بسرعة يقولوا:
«ده بيتدلع »
لكن علم النفس بيقول إن في فرق كبير جدًا بين الحساسية والدلع.

👶 أولًا: الطفل الحساس

الطفل الحساس:

مشاعره قوية

بيتأثر بالكلام والنبرة

بيحس قبل ما يفهم

ممكن يعيّط من كلمة أو نظرة

❗ ده مش ضعف
دي طبيعة عصبية ونفسية مختلفة، وغالبًا الأطفال الحساسين: ✔ أذكى عاطفيًا
✔ متعاطفين مع غيرهم
✔ مبدعين
✔ عندهم خيال واسع

لكنهم محتاجين:

احتواء

لغة هادية

أمان مش سخرية

👶 ثانيًا: الطفل المدلّل

الطفل المدلّل:

تعوّد كل طلباته تتنفذ

بيغضب لو اتقاله “لأ”

بيرفض القواعد

بيستخدم العياط للسيطرة

❗ الدلع مش طبيعة…
الدلع أسلوب تربية اتكرر.

🧠 الفرق الجوهري

الحساس بيتألم
المدلّل بيطالب

الحساس محتاج فهم
المدلّل محتاج حدود

👩‍👧‍👦 نتصرف إزاي؟

🔹 لو طفل حساس:

اسمعيه

سمّي له مشاعره

علميه يعبر بالكلام

🔹 لو طفل مدلّل:

ثبّتي القواعد

ما ترجعيش في قرارك بسبب العياط

كافئي السلوك الصح مش الصراخ

⚠️ الغلط الشائع

أكبر خطأ إننا نعامل الطفل الحساس على إنه مدلّل…
ساعتها:

ثقته بنفسه بتتهز

وبيكبر وهو حاسس إن مشاعره غلط

برأيك… طفلك حساس ولا مدلّل؟
ولا الاتنين حسب الموقف؟

🔥 ليه ولادنا بيكرروا نفس غلطاتنا… رغم إننا مش عايزين كده؟

✍️> كتير من الآباء بيستغربوا:
«إزاي ابني بيغلط نفس الغلطة اللي أنا عملتها زمان؟»

الحقيقة إن الطفل مش بيتربى بالكلام…
هو بيتربى باللي بيشوفه ويحسه ويعيشه.

🔹 الطفل بيتعلم من:

طريقة تعاملنا مع الغضب

رد فعلنا وقت الخلاف

سكوتنا أو خوفنا

حتى أخطائنا اللي فاكرين إنها “عدّت”

علشان كده:

اللي اتربى على الكبت… غالبًا هيكبر مكبوت

اللي شاف عنف… ممكن يعيده

واللي عاش من غير أمان… هيخاف يغامر

السؤال الأهم مش: ابني عمل إيه؟
السؤال الحقيقي: هو اتعلم ده منين؟

👇 قولي رأيك
هل عمرك حسّيتي إن ابنك بيعمل حاجة شبهك وإنتِ صغيرة؟

“المقارنة بين الأطفال وتأثيرها على شخصية الطفل مدى الحياة"

ليه بنقارن طفل بطفل؟
"شوف ابن خالتك"، "بصي أختك بتعمل إيه"…

يمكن تكون جملة عادية بالنسبة للكبار، لكنها ممكن تفضل وجع في نفس الطفل طول عمره!

🔹 المقارنة بتكسر الثقة
🔹 بتحسس الطفل إنه أقل
🔹 وبتزود الغيرة
🔹 وبتخليه يشك في نفسه

طفلك مش نسخة من حد… ولا لازم يكون زي حد.
كل طفل له طريقة نمو مختلفة، وله قدراته الخاصة.

خلونا نشجع بدل ما نقارن 🧡

هل اتقارنتم وإنتو صغيرين؟ أثر عليكم؟

🔥 “هل التربية الصح معناها طفل مطيع؟ ولا طفل عنده شخصية؟”

👈 كتير من الأهل يفتكروا إن الطفل الكويس هو اللي يسمع الكلام ويسكت ومش بيجادل…
لكن الحقيقة إن الطاعة الزايدة ممكن تكون خطر، وتطلع طفل…

❌ بيخاف يقول رأيه
❌ ما بيعرفش يدافع عن نفسه
❌ بينفذ بغض النظر صح ولا غلط

والصحة النفسية الحديثة بقت تقول إن الهدف مش “السمع والطاعة”
الهدف إن الطفل يبقى:
✔ واعي
✔ يفكر
✔ يقول رأيه
✔ يحمي نفسه
✔ يعرف يقول “لأ”

💬 تحبوا ولادكم يكونوا مطيعين؟ ولا مستقلين؟

🗣في ظل اخبار التحرش الجنسي بالأطفال الي توجع القلب الفتره دي
💔والي خلت كل ام تتخيل اولادها مكان الاطفال دي
💯هقولك علي شويه حاجات مبدئيه تفهميها لولادك
👌 علشان يقدروا يحموا نفسهم وهما بعيد عنك
🚫متغصبيش ابنك يسلم علي حد وهو مش عايز
⛔️وماتقوليش لابنك أدى بوسه لعمو او لطنط
🚫متخليش إبنك يقعد علي رجل حد
🤚احترمي مشاعره اما يقول لأ مش عايز
👌علشان مايخافش يقول لأ بره
💯كلمه لأ مهمه جدااا
🤚لازم يتعلم يقول لأ لأي تصرف مش عاجبه
🤚لأي حاجه مش عايز يعملها
🤚لأي لمسه مريحتهوش
🗣يقول لأ بصوت عالي ومسموع وبكل ثقه
🙏اوعي تبوسي ابنك او بنتك من بوقهم علشان ميحسوش ان ده العادي
💌 اجسامهم دي ملكهم هما بس وتخصهم هما بس
🤌وصدقيني انا مش بحبكها ولا بعقدها
👍 بس لازم يعرفو ان المكان ده ممنوع اللمس
☝️ زيه زي المناطق الخاصه بالظبط والمناطق الخاصه دي هي المناطق اللي بيغطيها المايوه
💫اتكلموا مع ولادكم كتير واسمعوهم كويس بكل هدوء علشان يحبوا الكلام معاكو ويحكوا اول بأول وتقدروا تلحقوا لا قدر الله اي حاجه وحشه قبل ماتحصل
🤔ايوا قبل ما تحصل وده لان المتحرش مش بيقدم علي الفعل ده مره واحده كده لأ ده بيجي بالتدريج
يعني يبدأ يتكلم مع الضحيه يبدأ يهزر معاه يبدء يقعد جنبه بعدين حضن بعدين.....
❤️اعملي ال عليكي وربنا يحفظ كل أولادنا يا رب
🙏وقبل كل ده استودعي أولادك لربنا وادعيلهم كتير

🤫علمني ابنك يحفظ أسرار البيت 🤫
👌لما ابنك بيطلع سر البيت لحد بره بيبقي غالبا عايز يحس انه محط انتباه وإعجاب
❓️طيب ازاي تعلميه ميعملش كده او تعالجي المشكله دي ازاي
🤔تعالي اقولك
👌اول حاجه حاولي تفهمي سبب إفشاء الأسرار وتعالجيه
💯زي مثلا لو هو فعلا بيعمل كده لحصوله علي انتباه الآخرين ليه زودي اهتمامك بيه جدااا
✋️فهميه ان إفشاء أسرار البيت حاجه غير مستحبه ومش صح وفي حاجات تانيه كتير تقدر تجذب انتباه الآخرين ليه
🗣اتكلمي معاه وعرفيه ان الأمور العائليه ال بتحصل في البيت ليها خصوصيه ومينفعش حد يعرفها حتي لو كان صديق أو قريب
💫وأهم حاجه القدوه (الوالدين قدوه للطفل) الطفل بيقلد الوالدين
🤫 علشان كده لازم يلتزموا بعدم إفشاء أسرار الغير أمام أطفالهم
⛔️عدم استخدام العنف والنقد واللوم المستمر لحل المشكله لان ده هيزيد من المشكله
👍لكن ممكن تعبري عن رفضك لتصرفاته بأنك مثلا تمنعي الكلام معاه لفتره معينه وغيري ف الأسلوب كل مره زي انك مثلا تزيدي المده
📖ممكن تحكيله قصص وحواديت عن غرس مفهوم الخصوصيه والامانه وعدم الكذب وعدم إفشاء أسرار البيت

🗣🗣🗣لو انتي ام عصبيه مع ولادك
👌👌حاجتين لازم تاخدي بالك منهم كويس جداااا
⛔️اولا مهما حصل اوعي يناموا زعلانين
⛔️ثانيا مهما حصل اوعي يروحوا المدرسه زعلانين
🙏لو قدرتي تعملي كده هتكون بدايه ممتازه ليكي كأم علشان تهدي مع ولادك
👍وليهم هما كمان علشان تأثير عصبيتك عليهم ميكونش كبير
👌👌علشان دول اهم وقتين في يوم الطفل بيفضل فاكرهم ومعلمين في ذاكرته وفي نفسيته❓️ وممكن الوقت ال في النص ميبقاش فاكره اصلا
💔ابنك بيتحامي فيك حتي وانتي بتضربيه وتزعقيله
❤️انت الأمان لأولادك متخذليهومش

🗣👌كبري ابنك في عيونه قبل ما تكبريه في عيون الناس...

💯تعرفي ان نص ساعه قبل نوم طفلك ممكن تغير كل تفاصيل يومه
🗣لو انت اتعصبتي كتير في يوم علي طفلك ومقدرتيش تتحكمي ف نفسك
🛌💎🙏تعالي قبل النوم بنص ساعه بالكتير وخديه في حضنك واتكلموا مع بعض بهدوء وهزروا واضحكوا وممكن كمان تعتذري له عن ال حصل
❤️متجلديش نفسك انتي مش أم وحشه ولا قاسيه انتي بس مضغوطه