Montessori Kids Nursery & Preschool

نشاط تصنيف وفرز البقوليات🌿
في أجواء مليئة بالمتعة والتعلم، قام أطفالنا بنشاط عملي لتصنيف وفرز أنواع مختلفة من البقوليات، حيث تعلموا التمييز بين الأصناف المختلفة ووضع كل نوع في المكان المناسب.

أهداف النشاط:
• تنمية مهارة التصنيف والمقارنة.
• تعزيز التركيز والانتباه.
• تطوير مهارات التفكير المنطقي وحل المشكلات.
• دعم التآزر البصري-اليدوي من خلال التفاعل المباشر مع المواد.

أهمية النشاط:
يساعد هذا النوع من الأنشطة الحسية الأطفال على التعلم من خلال التجربة، مما يعزز الفهم ويجعل التعلم أكثر متعة وفاعلية، كما يربط الطفل بين المعلومات النظرية والتطبيق العملي.

توصيات:
• تشجيع الطفل على ممارسة أنشطة الفرز في المنزل باستخدام أشياء بسيطة.
• دعم الطفل بالكلام الإيجابي أثناء التعلم.
• تكرار الأنشطة الحسية لتعزيز الفهم والثبات المعرفي.

نؤمن أن التعلم من خلال اللعب هو الطريق الأفضل لبناء طفل مبدع وواثق 🌺

استراتيجيات التعامل مع (سلوكيات الأطفال + أمثلة ردود)
الحمد لله أطفالنا في الحضانة سلوكياتهم كويسة، وهدفنا تعميم السلوك الإيجابي وتثبيته بشكل يومي👌

1. عند مشاركة الطفل
✔️ إيجابي: “برافو إنك شاركت أصحابك 👏”
❌ سلبي: “مش ينفع تمسك الحاجة لوحدك، شارك أصحابك”

2. عند الترتيب
✔️ “عجبني إنك رتبت لعبك لوحدك”
❌ “لا لازم تلم اللعب دلوقتي”

3. عند الضرب
✔️ “إحنا مش بنضرب، قول أنا زعلان”
❌ “عيب! متضربش كده!”

4. عند الصراخ
✔️ “اتكلم بهدوء وأنا هسمعك”
❌ “بلاش دوشة!”

5. عند العند
✔️ “تحب تبدأ بالألوان ولا البازل؟”
❌ “لا، هتعمل اللي بقولك عليه”

6. عند البكاء بدون سبب واضح
✔️ “أنا فاهمة إنك زعلان، قولّي مالك”
❌ “بتعيط ليه بس؟ مفيش حاجة!”

7. عند تنفيذ التعليمات
✔️ “برافو إنك سمعت الكلام من أول مرة”
❌ “أخيرًا سمعت الكلام!”

8. عند الفوضى
✔️ “يلا نرتب سوا”
❌ “المكان بقى زبالة!”

9. عند رفض الأكل/النشاط
✔️ “جرب بس لقمة/دقيقة وبعد كده قرر”
❌ “لازم تاكل غصب عنك”

10. عند الكذب
✔️ “قول الحقيقة وأنا مش هزعل”
❌ “إنت كداب!”

11. عند السلوك الحلو بشكل عام
✔️ “أنا مبسوطة منك النهارده”
❌ تجاهل السلوك الإيجابي تمامًا

12. عند التشتت
✔️ “ركز معايا شوية وبعدين نلعب”
❌ “إنت مش مركز خالص!”

13. عند مساعدة الآخرين
✔️ “تصرف جميل إنك ساعدت صاحبك”
❌ تجاهل

14. عند الغضب
✔️ “خد نفس واهدى وأنا معاك”
❌ “اسكت خلاص!”

15. عند الانتظار
✔️ “برافو إنك استنيت دورك”
❌ “استنى بقى!”

هنا بختصار بتقول:
✔️ بنركّز على التعليم مش العقاب
✔️ بنوصف السلوك الصح بدل ما نهاجم الطفل
✔️ بنوازن بين الحزم والاحتواء

وده اللي مخلي الحمد لله سلوكيات أطفالنا كويسة،
وهدفنا نكمل بنفس الأسلوب ونعمّم السلوك الإيجابي على كل الأطفال 👌
انتظرونا في سلوكيات اخر…..تابعونا…

إزاي أعرف طفلي صادق ولا بيكذب؟

في سن صغير، الطفل مش بيكذب بقصد دايمًا
أحيانًا بيكون:
• خايف من العقاب
• بيجرب خياله
• أو عايز يلفت الانتباه

مؤشرات بسيطة:
• بيغيّر كلامه كل شوية
• بيتهرب أو مش عايز يرد
• تفاصيل القصة مش ثابتة

لكن برضه مهم نعرف إن ده مش دليل قاطع

أعمل إيه لو شاكك؟
• اسأله بهدوء ومن غير ضغط
• بلاش تخوفه أو تعاقبه فورًا
• فهمه إن الصراحة أمان
• كافئه لما يقول الحقيقة حتى لو غلط

الأهم:
لو الطفل حس بالأمان، هيقول الحقيقة
لو خاف، هيكذب علشان يحمي نفسه

التربية مش إننا نكشف الكذب…
التربية إننا نبني طفل يقول الحقيقة وهو مطمّن

🌿✨ أجمل لحظات التعلم

في Garden 🌿… الطفل مش بس بيلعب، ده بيتعلم يكتشف، يجرب، ويتفاعل مع العالم حواليه 🌱

من الجري والضحك… للتواصل مع أصحابه… لتفريغ طاقته بشكل صحي وآمن 🤍

اللعب في الهواء الطلق بيساعد على:
• زيادة التركيز والانتباه
• تحسين المزاج وتقليل التوتر
• تنمية المهارات الاجتماعية
• تقوية الجسم والحركة

في Montessori بنؤمن إن التعلم الحقيقي مش بين أربع حيطان…لكن في كل لحظة بيعيشها الطفل

Learning happens everywhere… even in the garden 🌿✨

سيبوا أطفالكم يكبروا بحرية… ويلعبوا بفرحة 🌿✨

مع Montessori Kids 🤍
بنختم العيد بقلوب مليانة فرحة وذكريات جميلة 💙
ونستنى العيد الجاي معاكم 🥰✨

إيد في إيد رايحين نصلي صلاة العيد🤍
ذكريات صغيرة… بتكبر جواهم سنين 💫