Hager Sameh هاجر سامح

مصطلحات من التاريخ ❤️✨

شوية مفاهيم لازم نعرفهم بما اننا ف اعدادي ❤️

✨✨" الوطن العربي "
ليه تم تسمية الوطن العربي بهذا الاسم ؟ ✨
لان دول الوطن العربي تشترك معاً في لغة واحدة وهى اللغة العربية

🔹 ما هى العوامل المشتركة بينهم؟
يربطها لغة واحدة ومكان واحد وتاريخ مشترك

✨طب احنا في الوطن العربي ده يعنى كلنا ف مكان واحد يعني بنعيش مع بعض في نفس الدوله ال هى الوطن العربي ؟
اكيد لا ، الوطن العربي يضم ٢٢ دولة ممتده في الجناح الآسيوي والجناح الافريقي
يعني الوطن العربي يمتد بين أسيا وافريقيا (١٠دول في. افريقيا : ام الدنيا مصر ، ليبيا، وبلاد المغرب اللي هما تونس الجزائر المغرب ، موريتانيا ، السودان ، الصومال ، جزر القمر )
و (١٢ دولة في آسيا : بلاد الشام اللي هما فلسطين لبنان سوريا الاردن ، ودول الخليج ،
العربي الكويت البحرين قطر الامارات شبه الجزيرة العربية السعودية وسلطه عمان واليمن واللي فيها دجلة والفرات العراق )

🔹 طب ايه هي حدود الوطن العربي ؟
شمالاً: بيحدها البحر المتوسط وجبال طوروس
جنوبا : بحر العرب والمحيط الهندي والصحراء الكبرى
ومن ناحية الشرق : جبال زاجروس ، كردستان ، خليج عمان والخليج العربي
واخيرا من الغرب : المحيط الأطلنطي

✨ أكبر دولة عربية هي الجزائر ✨ اصغر دولة عربية هي البحرين

م/ هاجر سامح

📍 الأماكن والاتجاهات من حولنا – الصف الرابع | الدرس الأول

✨ عشان نفهم الاتجاهات لازم نعتبرها زي البوصلة اللي بتورينا الطريق:

🔹 **الاتجاهات الأصلية (4):

* الشمال ⬆️ (فوق)
* الجنوب ⬇️ (تحت)
* الشرق ➡️ (يمين – منه بتطلع الشمس ☀️)
* الغرب ⬅️ (شمال – فيه بتغرب الشمس 🌅)

🔍 إزاي زمان كانوا بيحددوا الاتجاهات؟
1️⃣ بالشمس 🌞: بتشرق من الشرق، وبمجرد ما تعرف الشرق تقدر تحدد باقي الاتجاهات.
2️⃣ بالنجم القطبي ⭐: مكانه دايمًا في الشمال، ومنه نقدر نحدد باقي الاتجاهات.

🌟 الاتجاهات الفرعية (أولاد الاتجاهات الأصلية 😉):

* بين الشمال والشرق 👉 شمال شرقي
* بين الشمال والغرب 👉 شمال غربي
* بين الجنوب والشرق 👉 جنوب شرقي
* بين الجنوب والغرب 👉 جنوب غربي

💡 كده عندنا 8 اتجاهات: 4 أصلية + 4 فرعية.