Sakina

أهلًا بيك في سكينة 🦋

أنا فاطمة الزهراء… إنسانة زي ناس كتير، بسعى اني أعيش بسكينة، وعاوزة أسيب أثر طيب.

من وأنا صغيرة، بحب أتعلم، أقرأ، وأساعد غيري.
اتخرجت من كلية الطب البيطري، وكملت ماجستير، لكن حياتي مكنتش كلها خطوات واضحة أو سهلة.

مرّيت بمراحل زي أغلبكم…
كنت تايهة، مش فاهمة نفسي، حاسة إني غريبة عني… ومحتاجة دعم وطبطبة وتوجيه من قلب محب، ومن غير حكم.

ومن هنا بدأت رحلتي…
قريت، واتعلمت، ودورت أكتر في تطوير الذات والعلاقات، وإزاي أشارك اللي بدرسه بطريقة تساعد الناس ينمّوا مهاراتهم فعلًا، مش بس يعرفوا معلومات.

درست الكوتشينج والتدريب، وبقيت:
✨ كوتش معتمد في الحياة والعلاقات
✨ مدربة في المهارات الحياتية والنمو الشخصي

ولإني في نص الطريق، قابلت بنات وستات كتير زيي…
قررت أشارك اللي اتعلمته ولسه بتعلمه، وأبني مساحة آمنة
نمشي فيها واحدة واحدة لحد ما نوصل للسلام والاتزان في:
🩷 علاقتنا مع نفسنا
🕊 علاقتنا مع ربنا
💬 علاقتنا مع الآخرين

"سكينة" مش مجرد صفحة… دي حياة
ورا كل كلمة فيها قلب ونوايا طيبة، وقيم عميقة بتحركها:
🌱 التعلُّم
🌱 الصدق
🌱 الرحمة
🌱 التعاطف
🌱 الدعم والمساعدة
🌱 ترك أثر طيب

✨ السكينة بعيونك

قوليلي إنتِ...
إيه معنى السكينة بالنسبالك؟
وإيه شكلها في حياتك؟
لو كان ليها لون، صوت، إحساس… هيكون إيه؟ 🎨💭

🦋 اكتبيلي في تعليق، مستنية أسمع صوتك 💬

لو بتسأل "سكينة" يعني إيه؟

هقولك إن سكينة هي حالة... مش مجرد اسم.
وإن الكل بيدوّر عليها…

ولإنها جوهرة غالية…
كتير جدًا من اللغويين، والعلماء، والمفكرين حاولوا يعرّفوها
ويعبّروا عنها
ويتكلموا عنها بكلمات من القلب

👣 فتعال نبدأ رحلة سوا
ونشوف السكينة بعيونهم

نعرف هما فهموها إزاي؟
واتكلموا عنها بإيه؟

وبعد كده نرجع نبص عليها من جوانا إحنا
ونوصفها بطريقتنا، بصوت قلوبنا،
من خلال ٣ محاور بسيطة:

💚 السكينة في العلاقة مع النفس
🤲 السكينة في العلاقة مع الله
🤝 السكينة في العلاقة مع الآخرين

جاهز تبتدي معانا رحلة السكينة؟


#سكينة

لو حاسة إنك تايهة، مضغوطة...
لو نفسك تحسي إنك مسموعة ومتشافة...
لو قررتي تبدأي رحلتك وتنطلقي🦋

فـ "سكينة" ليكي ♥
مساحتك الآمنة… وطريقك لتحسين نفسك وعلاقاتك،
بخطوات هادية، على قد طاقتك، من غير ضغط، ومن غير أحكام.

هتلاقي هنا:
🌷 جلسات فردية
✨️ كورسات ومناقشات
💬 دعم وتعاطف
📚 وعي وعلم بسيط… من القلب للقلب