زرعتي - Zar3ty

بين الزراعة والفن.. يوم استثنائي لـ "زرعتي" في مدرسة الحرية الرسمية لغات 🌍✨

الفعالية دي كانت مميزة بوجود طلاب المرحلة الإعدادية، اللي شاركونا في زراعة الأرض بأيديهم، وقدموا عرض مسرحي ملهم جسدوا فيه رسالة الأشجار للأرض.

في اليوم ده، اتعلمنا إن الحفاظ على البيئة بيبدأ بخطوة، وإن الوعي هو أول بذرة للنجاح. فخورين بكل طالب شارك وورانا إن التغيير بيبدأ مننا.

شكراً لكل من ساهم في خروج اليوم ده بالشكل الرائع ده.

زرعتي - Zar3ty

لحظات مليئة بالازدهار ✨
بأيدين صغيره نقدر نغير العالم
"الزرعه دي شبهي وبتحس ذيي بالظبط"

النهارده أطفال كتير بقوا عارفين إن الزرع محتاج صبر واهتمام.. زي الحلم بالظبط ومع كل زرعه في حلم جديد بيكبر
شكراً متحف الطفل على الاستضافة 💚
ولسه مكملين مع بعض نزرع الأمل ونكبر خطوة بخطوة 🤩
#زرعتي

💙🌱 شكرا مؤسسة أطفال مصر على كلماتهم الجميلة ودعمهم لمبادرة "زرعتي"
وجودنا معاكم ومع الأطفال كان فرصة رائعة نزرع الأمل والبهجة ونشارك في رحلة وعي جديدة 🤩💚

#زرعتي

مبادرة زرعتي في مركز شباب السيدة زينب 🌱

من منطلق إيماننا إن الأطفال هم رواد التغيير في المستقبل، شاركناهم في رحلة تعليمية عن البيئة وأهمية الزراعة، علشان نغرس فيهم قيم المسؤولية والانتماء لبيئتهم.🌱🫂
الأنشطة اللي اتنفذت اعتمدت على مشاركة الأطفال بشكل تفاعلي، بحيث يفكروا مع بعض ويعبروا عن رؤيتهم لكيفية التعامل مع التحديات البيئية من منظورهم.✨✨

كل بداية عظيمة بدأت بفكرة صغيرة زرعها شخص مؤمن. والنبتة الصغيرة اللي بتتزرع النهارده بتكبر وتبقى شجرة في المستقبل. زي ما الزرع بيبدأ صغير، الأطفال كمان لسه في بداية طريقهم، لكنهم البذرة اللي هتصنع تغيير كبير وتبني المستقبل.🌱✨

كل الشكر لمركز شباب السيدة زينب على دعمه وتعاونه في تنفيذ اليوم.💚

🌱✨ أول خطوة.. بتبدأ من بذرة ✨🌱

أول يوم لينا في مركز شباب السيدة زينب كان مليان طاقة وفرحة من الأطفال.
زرعوا بأيديهم، سَقوا الزرع، واتحركوا في أنشطة مليانة لعب وضحك.
لكن الأجمل إنهم بدأوا يتعلموا دروس عن المسؤولية، الصبر، والالتزام من خلال كل خطوة عملوها 💚

ولأن الزراعة مش بس نشاط عملي،، الأطفال كمان اتكلموا عن مشاكل بيئية حقيقية بتقابلهم في حياتهم، وفكروا سوا في حلول بسيطة وفعّالة يقدروا يطبقوها 🤩
وده أكبر دليل إن جيل النهاردة عنده القدرة يكون صانع للتغيير.

دي كانت بدايتنا في السيدة زينب.. ولسه مكملين بخطوات تانية معاهم عشان نحصد مع بعض ثمار الوعي والتغيير.

💬 شاركونا: إيه أكتر قيمة أو مهارة شايف إن الزراعة ممكن تعلمها للأطفال؟

#زرعتي

🌱✨ زرعتي × صناع الحياة ✨🌱

في "زرعتي" مؤمنين إن كل خطوة صغيرة بتفرق 💚
ومن أجمل خطواتنا الفترة دي كانت شراكتنا مع مؤسسة صناع الحياة - Life Makers Foundation وتنفيذ يوم مميز في مكتبة خالد بن الوليد

اليوم كان مليان حماس وضحك:
- الأطفال زرعوا بإيديهم🌱
- لعبوا واتحركوا واتعلموا بشكل ممتع 🎉
- وعرفوا يعني إيه مسؤولية، صبر، والتزام تجاه البيئة 💚

شكرا صناع الحياة على دعمكم، وشكرا لكل طفل شارك وصنع لحظة حقيقية من التغيير 🤩

وده لأننا مؤمنين إن جيل النهاردة،، هو اللي هيزرع بكرة 💪🏻💚

#زرعتي

زرعتي في حضانة Lovely Kids الفرع التاني 🤩

يوم جديد بأجواء جديدة وضحكات جديدة من تنفيذ مبادرتنا في فرع Lovely Kids Nursery التاني 💚
والأطفال هناك أبدعوا بكل حماس وفضول 🌱
ضحكتهم ونشاطهم كانوا دليل على قد إيه الزراعة ممتعة وسهلة ليهم

شكر كبير لإدارة وفريق عمل الفرع التاني على تعاونهم ودعمهم 💚🙏🏻

مع بعض نقدر نزرع قيم المسؤولية وحب الطبيعة