08/04/2026
أغلب اللّي مش حافظين القرآن ممكن يتخيلوا إن سورة البقرة أصعب سورة في الحفظ والمراجعة لأنها أكبر سور القرآن.
في حين أغلب اللّي حافظين القرآن
سورة البقرة وهي جزئين ونصف تقريبًا ممكن تكون أسهل عندهم من جزء عم.
ولو إمام بتقف تصلي بالبقرة في الفجر وأنت لسه نايم عادي
في حين لو هتصلي بالتكوير أو الانفطار مثلًا لازم تركز البحار فجرت، ولا سجرت.
ولو هتصلي بالإنشقاق تركز يا أيها الإنسان إنك كادح، ولا ما غرك بربك الكريم
ولهم أجر غير ممنون، ولا فلهم أجر غير ممنون
ولا المطففين إن الأبرار لفي نعيم علىٰ الأرائك، ولا وإن الفجار لفي جحيم.
والأتقىٰ والأشقىٰ في الأعلىٰ والليل
و"خالدين فيها" و "خالدين فيها أبدا" في سورة البينة بقا
البقرة حتىٰ متشابهاتها بتلخبط في الأماكن التانية مش في البقرة
فاحفظوا البقرة لو مش حافظينها، سورة سهلة وجميلة وبركة ورقية وتظل صاحبها يوم القيامة وتشفع له.💗
