My Baby month by month

عندنا مشكله كبيره جدا في تربيه البنات حقيقه ..

البنت اول ما تتولد بيعتبروها عروسه بيلعبوا بيها ..ده يقعد يلعب معاها شويه وده يقعد يلاغي ويتكلم معاها شويه

هما فعلا البنات بيبقواعاملين زي الملايكه وهما صغيرين وخصوصا اما تكون بنت لمضه وبتأخد وتدي في الكلام😍😍

وتلاقي كل الاهتمام بيها ..الفساتين ليها ..التوك واللعب وبتعرف تأخد عقل اللي حواليها وبتعرف تسيطر في البيت حتي علي اخوتها الصغيرين ..

تلاقي البنات طالعين في حفلات المدرسه هما اللي ظاهرين وبيغنوا وبيرقصوا وتلاقيها بتقعد تقول للولد اللي جنبها يعمل ايه ومايعملش ايه ..😃😃

وفي الافراح تلاقي الاهل عاملين يسقفوا وهيا بترقص ومبسوطين بيها اخر انبساط

واول ما تجي اغنيه في التليفزيون تلاقي مامتها تقولها يالا يالولو وري عمو وطنط 😀😀

اول ما بتدخل بفستان جديد ..تلاقي الكل قاعد يقولها ايه الجمال ده ..😍
واه بقي اما تلبس مايوه جديد تلاقي الكل عمال يعاكس فيها ومامتها تقعد تفنن في انواع واشكال المايوهات والتسريحات والسرتتات في شعرها وهيا رايحه البسين

والناس تقعد تلاغي فيها وتقولها تعالي اما اصورك فتلاقي البنت في السن الصغير ده ..منطلقه وجميله ومابتبطلش كلام ورغي وضحك ولعب ❤️

غير الولد تماما ..مابيبقاش هوه واخد الجو زي البنت وبيبقي مهمل تماما

ده غير بقي فساتين الاميرات كلهم اللي بتلبسها ..وبيوت الاميرات اللي بتشتريها ..ولعب الاميرات علي الايباد وصور الاميرات فالبنت تحس انها فعلا اميره ولازم تتعامل كده وبيكون عندها ثقه عاليه في نفسها

تجي بقي عند سن ٩ و ١٠ تلاقي كل ده اختفي فجاءه ...ومين غير مبرر واضح ليها ومين اي استعداد ومقدمات

اللي كانوا بيصقفوا السنه اللي فاتت وهيا بترقص ..تلاقيهم بيزعقولها عشان ماتتحركش من كرسيها

تلاقي مامتها تقولها بحاله من التوتر خلاص مافيش مايوهات ..وتلاقي البيكني اتبدل ببنطلون وبلوزه وساعات مافيش نزول البسين اصلا .. خليكي قاعده هنا

فساتين الاميرات اللي كانت بتلبسها ليل ونهار بقت ممنوعه عشان بقت عريانه ..

بقي باباها اللي كان بيحضنها ويبوسها كل شويه ..بقي مابيقربش منها

كل اللي كان بيلاغي ويضحك ويرغي معاها ويتصور معاها ..مابقاش حد مهتم بيها

البنت حقيقه في الفتره ديه بيحصل لها هزه وبتفقد الثقه بنفسها تماما ...
والموضوع كل يوم بيزيد اكتر واكتر وكأنها بتهيئ لمهمه قوميه الا وهيا الجواز

فكل طاقتها واحلامها بقت بتتحصر علي لعبه علي الايباد او كارتون الاميرات علي اعتقاد ان فارس الاحلام هيجي علي الحصان ويأخدها زي ما بتشوف في الكرتون او فيديوهات تيك توك تتابع البنات اللي نفسها تبقى زيهم .

السن ده شوفته كتير وتابعته لفتره ...البنت بتقعد ساكته بالساعات ..ماحدش مهتم بيها ولا بيتكلم معاها ولا بتحب ايه ولا بتكره ايه ...كأنه كائن بقي مش موجود ومهمل

وبقت بتعوض فقدان ثقتها في هيا معاها كام وبتتفاخر قدام اصحابها طول الوقت سواء انا عندي ايه وانتم ماعندكوش وساعات موضوع بيقلب بكذب او عاوزه تثبت انها جميله

وفي البيت اهم حاجه بقت عندهم

..خلصت الواجب ولا لسه ..راحت الدرس ولا لأ ولو كمان متفوقه في رياضه ولا حاجه بتبدأ تسيبها عشان تفوق لمذاكرتها وعشان كبرت

البنت اللي بتفقد ثقتها في نفسها في السن ده ...للاسف بتبقي سهله جدا لاي حد وصعب جدا ترجع ثقتها بنفسها

والموضوع فعلا بياخد شهور وساعات سنين
او شايفه اللي هيرجع ثقتها بنفسها انها تتجوز

والحقيقه الموضوع بيزداد بله بعد الجواز ...لأن في اعتقادها ان الشخص ده هوه اللي هيحققلها كل احلامها
هتخرج كل يوم وهتتفسح وهتلبس وهتسافر وهتعيش قصه حب زي اللي بتشوفهم كل يم في الافلام والمسلسلات

بقابلها كل يوم بتبقي كبيره وعندها عيل واتنين وحقيقي ماتعرفش حاجه عن نفسها ..
عاوزه ايه ...!؟ بتحب ايه !؟ بتكره ايه !؟ متجوزه ليه !؟

بتتصدم بواقع غريب ..لا بتبقي سعيده ولا بتخلي ولادها سعداء ولا هيا عارفه نفسها ..فبتطلعه بقي على ولادها اما بالضرب او الزعيق او الشتيمه

وهكذا حلقه مفرغه من التربيه اللاواعيه

لو عندك بنت في السن ده اهتمي بيها اوي ..واعرفي هيا بتحب ايه ونمي مهارتها وحسسيها بالانجاز والثقه بالنفس لان الحقيقه ديه اهم فتره في حياتها كلها ...

ده السن اللي لازم يكون عندها احلام واهداف شغاله عليها
بتتعلم حاجه باحتراف وبتطبقها ..يكون ليها شخصيتها لأن عندها طاقه ووقت عاوزه تستغله

-أهم حاجه ادلها الثقه الكافيه ثم الثقه ثم الثقه
-دوري معاها علي حاجه بتحبها وخليها تعملها سواء تعمل ديكور لاوضتها -تفصل فستان بنفسها-تعمل اكسسورات ليكي وليها
- لو بتحب الرسم ..خليها ترسم رسمه وحطيها في غرفه الضيوف وقولي للناس عليها ان هيا اللي رسمها اول مايدخلوا.
- دايما لازم تقوليلها انتي جميله وكل حاجه فيكي جميله حتي لو تخينه شويه او شعرها مش حلو او اي حاجه من الحاجات ديه
- خليها تتعلم مهاره معينه زي التصوير او التقديم او الرسم او الجرافيك او ازاي ترسم شخصيات كرتون
_ مسكيها ميزانيه البيت في شهر او خليها هيا تجيب طلبات البيت اللي مكتوبه في ورقه مسبقه وانتي دورك في السوبر ماركت هيكون بس المراقبه للامان
-لو بتمارس رياضه معينه كملي فيها ما توقفهاش
-هاتلها قصص واقعدي اقرئي معاها او اطلبي تشاركك الحكايه اللي قرائتها
-خلي باباها ينزل يفطر معاها في يوم لوحدهم

https://www.ida2at.com/montessori-full-guide-child-activities-second-year/

منتسوري: دليلك الكامل لأنشطة طفلك في العام الثاني – إضاءات تواصل دعاء مجدي استعراض أنشطة منتسوري للأطفال. الأنشطة التي يمكن من خلالها تطوير قدراته الحركية وتطوير حواسه ودمجه في الحياة العملية.

اكل الأطفال فمصر ساحة حرب بين الام وأطفالها .. الام عندها دايما قناعه ان عيالها مش بياكلو كويس وبقو جلد علي عظم وحوالين عينيهم اسمر، والاطفال عندهم قناعة ان امهم بتعذبهم مش بتأكلهم.
*النصائح
-خلي وقت الوجبه وقت سعيد كده، وكل الناس مستنياه ومبسوطه، وطبعا علشان نعمل كده يبقي لازم الام حاسه بكده مش بتمثل.
-عدد الوجبات : ثلاث وجبات اساسيه وبينهم وجبتين خفيفتين يوميا (فاكهه مثلا) ..
- نوعية الاكل : تحددها الام (مش الطفل اطلاقا) وتراعي فيه انه يكون متوازن: نشويات و خضار وفاكهه وبروتين ودهون.
- كمية الاكل: الام تحطله كميه مناسبه (تقريبا ربع طبق الكبير، اللحوم او البروتين اد كف يد الطفل والخضار ملعقتين) .. انما الكميه اللي هتتاكل منها فالطفل هو اللي يحددها مش اي حد تاني .. بمعني ان الام تحطله الاكل في طبقه وهوا ياكل اللي يكفيه والنوع اللي يحبه، لكن نراعي ان يكون في الوجبه علي الاقل صنف واحد بيحبه.
-مواعيد الوجبات : يكون وقت ثابت تقريبا كل يوم، بحيث ان كل الاسره تتناول الوجبات مع بعضها (قدر الامكان) ..
- الجوع قبل الاكل: بمعني بلاش ياكل وجبات خفيفه او حاجات مسكره خلال ساعه قبل الوجبه .. وينصح انه يشرب كوب ماء خلال الساعه قبل الاكل لتنشيط حركة الامعاء.
-طريقة تقديم الاكل : يكون شكلها حلو ويحبها، ممكن نعمل شكل او رسمه بالاكل في الطبق اللي هياكل فيه، وخصوصا لو نوع اكل مش بيحبه نهتم جدا بطريقة التقديم.
" بلاش "
-بلاش النقاشات ايا كانت اثناء الاكل، وبلاش التوتر والزعيق.
-بلاش نقول للطفل لازم تاكل ونزن عليه اثناء الاكل.. سيبه براحته حتي لو ما اكلش غير قطمتين عيش او بطاطس وقام .. سيبه وتاني يوم هياكل احسن ان شاء الله... وبعد انتهاء الوجبه ابقي اشرحله بهدوء فايدة الاكل اللي رفضه، ونعرضه عليه في وقت تاني.
- بلاش العقاب لو ما اكلش الوجبه كلها (وكأننا بنكرهه في الاكل)، وبلاش المكافئات لو خلص طبقه (وكأني بعلمه ان الوجبه دي سيئه وبديله رشوة علشان ياكل الوجبه السيئه دي) .. خليه ياكل براحته بدون ضغوط.
- بلاش اكلات تسد النفس في البيت وخصوصا قبل الاكل، زي الشيبسي اللي مليان دهون، والعصاير الجاهزه، والمياه الغازيه ( ممكن نعمل فاكهه فريش او طبق للتحلية في البيت وناكلها بعد الاكل)
- بلاش تحضر وجبه مخصوصه سريعه لطفلك غير الوجبه الاساسيه بناء على طلبه .. الام هيا اللي بتحدد قائمة الاكل مش الطفل اطلاقا.
- بلاش تقدم انواع جديده كتيره مره واحده .. لو فيه جديد يبقي صنف واحد في المره الواحده.
-بلاش تشتيت الانتباه اثناء الاكل .. بمعني بلاش حد يقعد يلعب اثناء الاكل او يتفرج علي التلفزيون او يلعب بالموبايل.
" نقلق امتي "
- لو وزنه اقل من الطبيعي بالنسبة لسنه، وده بيحدده الطبيب.
- لو وزنه قل خلال الشهر الماضي
- لو وزنه ثابت خلال شهرين
- لو فاقد للتركيز او المهارات الاجتماعية اودايما مرهق وتعبان او بيرجع كتير او بيعاني علشان يعمل حمام براز علشان الكميه قليله.

منقول من جروب أطفال

موقع به مقالات عن تغذية الأطفال

تغذية الأطفال Archives - Kids Care Clinic نشر في أغسطس 11, 2017 / / محمد عفيفي أفضل 10 أطعمة لتقوية جهاز مناعة طفلك (أفكار ووصفات) الأكل, تسلسل الأكل تغذية الأطفال إقرأ المزيد

http://ida2at-2033742816.eu-central-1.elb.amazonaws.com/your-guide-to-your-child-s-activities-from-birth-until-the-first-year/

دليلك الكامل لأنشطة طفلك: منذ الميلاد حتى العام الأول – إضاءات دور الأنشطة في العام الأول من عمر طفلك هو دعم تطوّر حواسه وتنمية الوعي وتطوير المهارات الحركية وتطوير اللغة، تعرف على الأنشطة المناسبة لطفلك في كل شهر.

تنمية مهارات الطفل بالمنزل

«مروة رخا» تكتب: «لا ترسل طفلك إلى الحضانة» – إضاءات هل يجب على الأطفال أن يذهبوا إلى الحضانة لتنمية إدراكهم ومهاراتهم الاجتماعية؟ مروة رخا لديها إجابة غير متوقعة لهذا السؤال

http://simplyeman.blogspot.com.eg/2016/05/6-12-infants-montessori-activities-from.html?m=1

استخدمي قائمة سلامة الطفل كي تتأكدي من أنك تهيئين منزلك كي يكون آمناً له حين يبدأ بالزحف أو الحبو.

https://arabia.babycenter.com/a2600129/%D9%82%D8%A7%D8%A6%D9%85%D8%A9-%D8%B3%D9%84%D8%A7%D9%85%D8%A9-%D8%B7%D9%81%D9%84%D9%83-%D9%82%D8%A8%D9%84-%D8%A3%D9%86-%D9%8A%D8%A8%D8%AF%D8%A3-%D8%A8%D8%A7%D9%84%D8%B2%D8%AD%D9%81-%D8%A3%D9%88-%D8%A7%D9%84%D8%AD%D8%A8%D9%88

قائمة سلامة طفلك: قبل أن يبدأ بالزحف أو الحبو استخدمي قائمة سلامة الطفل كي تتأكدي من أنك تهيئين منزلك كي يكون آمناً له حين يبدأ بالزحف أو الحبو.

الالعاب المناسبة للاطفال حتى عام ونصف

كل أم وأب بيبقوا عايزين يجيبوا لأطفالهم كل حاجة بيشوفوها قدامهم علشان يحسوا انهم فرحانين, خصوصًا في الألعاب, بس لازم الأول تعرفوا #إزاي تختار الألعاب حسب سن طفلك علشان تنمي ذكاءه وتبقى مناسبه لقدراته وقتها ^_^

1- البيبي من سن يوم لـ3 شهور بيبقى مش بيشوف زينا, بتبقى الرؤية بتاعته لسه مش واضحة وبتكون في مجال قريب جدًا منه يعني ميشوفش حاجة بعيد شويه عنه, علشان كده اختاروا اللعب اللي ألوانها "فاقعه" شويه, وتكون حاجات مرنه مش ناشفه وحجمها كبير شويه علشان متتبلعش, وتبقى بتعمل أصوات علشان تلفت انتباه البيبي.

2- البيبي من سن 4 شهور لـ6 شهور بيبقى خلاص بدأت مهاراته تتطور, وهيبدأ يتعلم يقعد ويحبي, مناسب للأطفال في السن دا السجادة بتاعت الألعاب لأنها بتلفت نظره وبتنمي مهارات الجلوس والحركة, ومناسب جدًا للبيبي في السن دا اللعبه اللي بيكون فيها حلقات بأحجام مختلفه وهو يحاول يدخلهم فوق بعض, بتمني عنده مهارة الذكاء وقوة الملاحظة, وفي كمان المكعبات المطاطيه والألعاب اللي بتعمل أصوات وحركة بردو مناسبه للسن دا.

3- الطفل من سن 7 شهور لـ سنه ودا وقت انطلاق الطفل, وبيبقى عايز يكتشف كل حاجة حواليه, مناسب جدًا للسن دا ألعاب الفك والتركيب والبازل, والألعاب اللي فيها زراير وبتعمل صوت موسيقى, كمان بيفيد تنمية مهاراته الكور اللي بيقدر يدفعها بايده أو رجله, والألعاب اللي بيكون فيها ألواح وأشكال بتركب كل شكل في المكان المخصص ليه على اللوحة ودي بتنمي عند الطفل قوة الملاحظة والذكاء, مناسب له كمان المرجيحه أو الكرسي الهزاز.

آخر حاجة بقى هو تحذير عرفناه من دكتور موثوق وحبينا نشاركوا معاكم, الأطفال في السن دا بيبقى الأفضل تبعدوا عنهم أي ألعاب فيها فرو أو محشيه من جوه, لأنها ممكن تسبب حساسية لصدر الطفل, ودا بسبب الفرو أو الحشوه اللي فيها لأنه ممكن يتطاير وكمان بتكون معرضه أكتر إنها تلم تراب مش باين للعين.