Contact information, map and directions, contact form, opening hours, services, ratings, photos, videos and announcements from Knowledge - Wael Ahmed, Education Website, Cairo.
نشر العلم والتحفيز على تطوير الذات والتعلم المستمر بطريقة سهلة وجودة عالية وفي أقل وقت هو الهدف
قناة اليوتيوب
https://www.youtube.com/channel/UCRbWvLH_7Ddi0aUKykPzRwg
التحكم في حركات المخزن
Warehouse Transactions Control
#اكسل
حذف المكرر
Remove Duplicates
#اكسل
ليستة للاختيار في الاكسل
Drop Down List
#اكسل
فصل البيانات إلى أعمدة في الاكسل
Text to Column
#اكسل
16/11/2025
لو انت مش عارف، أمال مين اللي يعرف ؟!
◀️ إنتاجية ضعيفة وآداء سيء !
◀️ مفيش حد بيقول رأيه، مفيش حد بيعترض، مفيش حد بيقترح !
◀️ الناس بتشتغل علشان تعدي اليوم مش علشان يضيفوا قيمة !
◀️ أفضل ناس عندك بيمشوا !
◀️ مفيش تعاون بين الأقسام وكله بيرمي الغلط على التاني !
⛔ محتاج إيه أوضح من كده تعريف للـ Toxic Workplace ؟!
✅ طيب .. والحل؟
1️⃣ وضح الأدوار والمسؤوليات
لما كل حد يبقى فاهم حدود شغله، الاحتكاك يقل .. والشغل يمشي صح.
2️⃣ اتعود تعمل Brain Storming
وتسمع أفكار كل واحد في الفريق،
أكيد هتطلع بجاجة أفضل من لو فكرت لوحدك.
3️⃣ ابني ثقافة إن الغلط مسموح والتعلم منه واجب،
الخوف بيكسر الإبداع .. والأمان بيطلّع أحسن شغل.
4️⃣ اسمع للفريق قبل ما تحكم
القيادة اللي بتسمع بتصلّح .. واللي بتحكم بتخسر.
5️⃣ اعترف بالمجهود وقدّر الشغل الجيد،
كلمة "شكراً" بتعمل فرق.
6️⃣ زود الشفافية
لما القرارات تكون واضحة، الشائعات تقل .. والالتزام يزيد.
7️⃣ فوض بدل ما تـ micromanage
الثقة بتخلق مسؤولية .. والمسؤولية بتخلق نتائج.
8️⃣ تابع أسباب خروج الناس واصلحها،
الـ Turnover مش رقم .. ده مؤشر.
9️⃣ تخلص من أي حاجة بتعمل الجو السام ده أو بتساعد عليه .. سواء أشخاص أو Procedures.
البيئة السامة مرض بيتعالج ...
بس تجاهله هو اللي بيخليه يكبر !
❓هل عشت التجربة دي قبل كده، و عملت إيه علشان تحل ؟؟
10/11/2025
ليه التغييرات البسيطة بتعمل مشاكل كبيرة ؟!
حلقة جديدة
Bullwhip Effect | ليه التغيرات البسيطة بتعمل مشاكل كبيرة Bullwhip Effect Explainedالسلام عليكمفي حلقة النهارده من كورس CPIM (Certified in Planning and Inventory Management) هنتكلم عن معنىBullwhip Effectوإيه أسبابه ...
02/11/2025
أنا رجعت لرئيس الشركة وقال لي مش هينفع نزودك !
من سنين، وفي أحد الشركات .. كان ليا مدير كان من العلامات في طريقي !
في أول مقابلة ليا معاه قبل العقد، قال لي بعد فترة معينة هتزيد x في المرتب.
والعقد مكانش مكتوب فيه الكلام ده، وللأسف أنا قلت طالما وعدني بكده .. يبقى تمام .. ده منصب كبير، ولا يمكن يخلف وعده !
وطبعا بعد كده، كان الرد الجميل في أول البوست !
📌 وعندي هنا رسالتين
1️⃣ الرسالة الأولى للمدير العظيم
متخليش إنجازاتك أكل حقوق الناس، علشان دي نار !
قال رسول الله صلى الله عليه وسلم
《مَنِ اقْتَطَعَ حَقَّ امْرِئٍ مُسْلِمٍ بيَمِينِهِ، فقَدْ أَوْجَبَ اللَّهُ له النَّارَ، وَحَرَّمَ عليه الجَنَّةَ فَقالَ له رَجُلٌ: وإنْ كانَ شيئًا يَسِيرًا يا رَسُولَ اللهِ؟ قالَ: وإنْ قَضِيبًا مِن أَرَاكٍ.》
والحديث في صحيح مسلم من حديث أبي أمامة الحارثي رضي الله عنه
2️⃣ الرسالة الثانية لأي حد داخل شغل جديد
مفيش حاجة إسمها وعد في الشغل !
في عقد وبنود واضحة
غير كده لا .. مهما كنت الظروف يا عصام.
❓هل مريت بالموقف ده قبل كده ؟
احكوا لنا تجاربكم ..
26/10/2025
لو لغاية دلوقتي لسه متعرفش يعني إيه
▶️ Emotional Intelligence
بالذات لو انت قائد لفريق .. فأنت فايتك كتييير !
اعمل search على الـ topic ده واقرأ فيه، هيفرق كتير في حياتك وفي قيادتك لفريقك.
اقرأ يا حبيبي وكفاية هبد وعك إداري !
تعبتوا الناس معاكوا ! 😀
23/10/2025
هي التشوهات النفسية عند ملايين الناس في الشغل دي من إيه ؟!
في شركات كتير بترقي الشخص إللي شاطر في شغله تخليه مدير ..
بس محدش بيعلمه إزاي يكون مدير !
ونشوف العجب !
◀️ لازم أي حد يتصعد للدور ده يختبر أولا من متخصصين هل عنده سمات المدير .. ولا لا ؟
📌 من متخصصين لو سمحتم .. متخصصين .. هااا .. تمام.
◀️ ولو كان عنده السمات دي، يتم دعمه بكورسات في الإدارة علشان ينميها ويعرف ازاي يدير فريق !
غير كده يبقى إحنا بنظلم الناس اللي شغالة !
لأنه ببساطة مش ذنبهم إن شركتهم مش عارفة تختار لهم مدير بشكل صحيح.
⛔ نفسيات الناس مش مجال للتجربة !⛔
كل واحد شغال وراه أسرة كاملة، وبالتأكيد نفسيته بتنعكس على أسرته.
⚠️ مدير فاشل يقدر يدمر مجتمع !
ودي مش مبالغة.
✅ مش أي شاطر ينفع يبقى مدير !
✅ يا عمنا، مش أي شاطر ينفع يبقى مدير !
✅ يا حاجة، مش أي شاطر ينفع يبقى مدير !
❓تتفق أم لا ؟
21/10/2025
البنطلون بقى شورت يا جماعة !
يحكى أن خياط عنده 3 مساعدين وكل واحد منهم بيشتغل جزء من اليوم كأنها ورديات.
جاء عميل عايز يقصر بنطلونه 10 سم
واستقبله واحد من المساعدين و أخد طلبه وكتب
"مطلوب تقصير 10 سم"
والورقة الجميلة مع البنطلون لغاية ما ييجي دوره وتمام قوي.
بعد شوية جه دوره، و قصر من البنطلون 10 سم، ورجع الورقة زي ما هي في البنطلون وخلصت ورديته ومشي !
وجاء المساعد الثاني واستلم وشاف البنطلون وعليه الورقة والمطلوب، والراجل مقصرش الحقيقة وشال كمان 10 سم !
والثالث عمل نفس الموضوع، والبنطلون بقى شورت !
⛔ Lack of communication ! ⛔
✅ مش كفاية إنك تعلم كل واحد في فريقك ازاي يعمل الـ Task فنيا ..
لكن كمان لازم تعلمهم إزاي يبقى فيه بينهم Communication قوي و Coordination للمهام علشان شطارتهم تنعكس على ال Final Result
وإلا .. كل بنطلوناتك هتبقى شورتات يا مدير !
19/10/2025
متلازمة التفريط في الخبرات !
◀️ سيب الخبرات اللي عندك بمرتبات قليلة !
◀️ مش هادفع جنيه زيادة !
◀️ تسفيه دورهم واستهانة بوجودهم!
◀️ دمر الـ Loyalty عندهم.
◀️ وتحت ضغط ظروف المعيشة والتضحم يضطروا يسيبوا الشركة !
◀️ يشتغلوا في شركات منافسة وفي بعض الأحيان يقوموها من الصفر.
◀️ وطبعا حضرتك كـ Business Owner او CEO مش عامل Salary Benchmark أو بتتجاهله !
فتطلب تعيينات جديدة !
◀️ والجديد بأضعاف اللي كنت هتدفعه للخبرة اللي فرطت فيه
وفي كثير من الأحيان بتكون خبرتهم أقل كتير من اللي مشيوا، بل في بعض الحالات لا مقارنة أصلا !
فالمحصلة ..
فلوس أكثر وخبرة أقل !
وعملت برجالتك منافس قوي ليك في السوق يأكل جزء من التورتة ويضعفك مع الوقت !
❓وسؤالي هنا
فين الـ Vision للي حضرتك بتعمله ده معلش ؟؟!!
16/10/2025
🎙️ تخيّل إن عندك دقيقة واحدة بس، وكل الناس في العالم هتسمعك !
مفيش فاصل، مفيش فلتر، مفيش إعادة.
هتقولهم إيه؟ 🤔
أنا دايمًا بفكر في السؤال ده .. لأن الدقيقة دي بتكشف فعلاً إيه اللي انت شايف إنه "أهم رسالة" ليك.
الدقيقة دي هي " أنت "
شارك رأيك 👇