رواق المُربي - Riwaq Al-Murabbi

رواق المُربي - Riwaq Al-Murabbi Contact information, map and directions, contact form, opening hours, services, ratings, photos, videos and announcements from رواق المُربي - Riwaq Al-Murabbi, Education, القاهرة, Cairo.

بيئة تعليمية متكاملة تستند إلى القيم وتخاطب الطفل والمعلم ووليّ الأمر، من خلال برامج تربوية تُنمّي الفكر وتُهذّب السلوك وتبني المهارة.
نُعلّم بالتأمّل ونُربّي بالحوار ونُصمّم بالتكامل بين الحاجة والغاية؛ لنُعيد للعلم غايته وللتعلّم أثره الإنساني العميق.

"ابني كلامه كله دبش… حرفيا بيحدف طوب !يعني يقولك الحاجة كده ويرميها في وشك…" 😅وكذا مرة يحرجني مع الناس في الكلام، والمشك...
25/08/2026

"ابني كلامه كله دبش… حرفيا بيحدف طوب !
يعني يقولك الحاجة كده ويرميها في وشك…" 😅

وكذا مرة يحرجني مع الناس في الكلام، والمشكلة؟
إنه بيقول الكلام ده للميس بتاعته والمدرب وخالته بنفس الأسلوب اللي بيتكلم بيه مع صحابه!

ولا حاسس إن في فرق ولا مقام ولا طريقة ولا أي حاجة!
ويرجع يقولي أنا بقول اللي في بالي وخلاص..

دورت كتير على طريقة يعلمها تكون ذوق شوية ولبقة في الكلام مع الناس، بدل ما هو دايس على مشاعر نص الكوكب كده! 🤷‍♀️

لحد ما وقع تحت أيدي كتاب عبقري اسمه..
📖 Emotional Intelligence for Kids: A Practical Guide for Parents

وفهمت إن مهارة الذكاء الاجتماعي عنده ضعيفة.
يعني مش عارف يفهم مشاعر اللي قدامه، ولا فاهم إزاي يفرق بين الأسلوب اللي ينفع مع صاحبه والأسلوب اللي ينفع مع الكبار.

وللأسف، اكتشفت إن المشكلة دي عند أطفال كتير أوي مش ابني بس!

علشان كده عملتلكم تلخيص بصري للطرق العملية اللي في الكتاب وجابت معايا نتيجة..

لو محتاجة الطرق دي، سيبي تعليق بـ ( ذكاء ) وهبعتلك لينك التلخيص جاهز 😍✨

24/08/2026

يا ترى ازاي أعرف إن ابني أو بنتي بيتطور وبيتعلم فعلا؟
سؤال كلنا بنسأله لما بنشترك لأولادنا في كورسات أو أنشطة.
في الفيديو ده بنتكلم عن 7 علامات لازم ناخد بالنا منها ونقيسها صح عشان نطمن على نمو الأطفال وتطورهم.

يا أمهات العالم 🙋🏻‍♀️ إيه أغرب سؤال سمعتيه من ابنك أو بنتك وفضلتي محتارة تردي عليه ازاي؟👀كلنا عارفين أسئلة الولاد اللي س...
23/08/2026

يا أمهات العالم 🙋🏻‍♀️
إيه أغرب سؤال سمعتيه من ابنك أو بنتك وفضلتي محتارة تردي عليه ازاي؟
👀
كلنا عارفين أسئلة الولاد اللي ساعات بتبقى غريبة وساعات كمان محرجة 🤭

خلونا نستفيد من بعض
ولو حد عنده إجابة مناسبة يشاركها معانا
وينقذ الأمهات من المواقف اللي زي كده 😅

مبرووووك لكل المبدعين 🥳النهاردة بكل فخر بنحتفل بتخرج الدفعة الرابعة من برنامج ((معمّر)) في رواق المربي 🤩👏أطفالنا النها...
22/08/2026

مبرووووك لكل المبدعين 🥳
النهاردة بكل فخر بنحتفل بتخرج الدفعة الرابعة من برنامج ((معمّر)) في رواق المربي 🤩👏

أطفالنا النهاردة بقوا معمّرين ناجحين ومعاهم مجموعة كبيرة من المهارات:
✅ قادرين يحللوا المشكلة ويصمموا حل هندسي ليها خطوة بخطوة.
✅ بنوا نماذج حقيقية: بيت متكامل، دايرة كهربائية، ذراع هيدروليكية، جسور.
✅ فاهمين الكهرباء والميكانيكا والطاقة من تجربة عملية بإيديهم.
✅ الصبر والالتزام عشان يعملوا مشروع طويل ويكملوه لحد الآخر.
✅ يعرضوا مشاريعهم بثقة ويشرحوا فكرتهم ويدافعوا عن اختياراتهم.

رحلة استمرت 6 شهور من العلم والمهارة والقيمة، واتختمت بمشروع تخرج كل طفل اختاره وصممه بنفسه 🎓

فخورين إننا بنشهد جيل جديد واعي بغاية وجوده وقيمته في الحياة 🤓

مبروك لصُنّاع المستقبل ومبروك لأهاليهم 👏
ومبروك وشكرااااا لأهاليهم اللي عاشوا معاهم الرحلة وشجعوهم ودعموهم في كل خطوة من البداية للتخرج 🎓👏

أكيد شفتي الفيديو ده طول الأسبوع اللي فاتتعالي بقى أحكيلك إيه اللي بيحصلدي اسمها مسابقة الحساب الذهنيالطفل بيتدرب كذا سن...
21/08/2026

أكيد شفتي الفيديو ده طول الأسبوع اللي فات
تعالي بقى أحكيلك إيه اللي بيحصل

دي اسمها مسابقة الحساب الذهني
الطفل بيتدرب كذا سنة على عدّاد خشب قديم اسمه الأباكوس، عدّاد فيه خرز، وكل خرزة ليها قيمة عددية، وبيحسب بيه بإيده.

بعد كده بقى بنبدأ نشوف اللي بيحصل في الفيديو

بعد شهور، بيشيلوا العدّاد من قدامه خالص
والطفل وقتها بيكون حافظ شكله، فبيتخيل صورته في دماغه، وبيحرّك الخرز اللي فيها بصوابعه في الهوا
يعني الحركة اللي الناس بتضحك عليها دي مش رعشة ولا تشنّجات ولا تمثيل
ده حرفيا الطفل بيعمل عمليات منتال بدماغه

طيب السؤال المهم: هل دي حاجة كويسة لابني ولا لأ؟
على فكرة الموضوع ده حصل عليه أبحاث محترمة، مش مجرد آراء

فيه تجربتين كبار اتعملوا عليه وطلعت ب 3 نتايج:

أولا: الأطفال اللي اتدرّبوا بقوا أشطر في الحساب من زمايلهم، والفرق كان واضح في التجربتين، فاللي بيقول إنه نصب الكلام ده مش دقيق.

ثانيا: ظهر تحسّن في الذاكرة البصرية المكانية، يعني قدرة الطفل إنه يشوف صورة في دماغه ويتخيلها وهو شغال عليها.

والحاجة التالتة اللي محدش بيقولها:
إن الذكاء العام ماتحسنش!
التدريب بالشكل ده ماحسنش القدرات الذهنية الأساسية عند الأطفال، ولما عملوا اختبار ذكاء للأطفال بعد خمس سنين، طلعوا زي بعض عادي.
والباحثين نفسهم كتبوا في الدراسات إن المكسب اللي خرجوا بيه «محدود جدًا بالنسبة لطول التدريب وكثافته».

وفي النهاية قوليلي رأيك، شايفة التدريب ده مفيد ولا لا؟

إيه العلاقة بين الروبوت وقطعة البيتزا؟ 🤔شكلهم مالهمش أي علاقة ببعض، صح؟بس لو بصّيتي لقطعة البيتزا، هتلاقي إنها على شكل م...
20/08/2026

إيه العلاقة بين الروبوت وقطعة البيتزا؟ 🤔
شكلهم مالهمش أي علاقة ببعض، صح؟
بس لو بصّيتي لقطعة البيتزا، هتلاقي إنها على شكل مثلث، وفي جواه زوايا واتجاهات محددة

وده تقريبًا نفس العالم اللي بيدخله الطفل لما يبدأ يبرمج روبوت ويتحرك قدامه.
ولما يقرر يخليه يوصل لمكان معين، لازم يسأل نفسه:
هيمشي فين؟ هيلف إمتى؟ يلف قد إيه؟
والمسار اللي قدامه شكله عامل إزاي؟

يعني بيتعلم مفاهيم هندسية كبيرة زي الزوايا والاتجاهات والأشكال والعلاقات بين الأماكن 🤓
وده مش مجرد رابط عجيب…

في دراسة على أطفال عمرهم 5 سنوات، بتقول إن الأطفال اللي اتعلموا المفاهيم الهندسية باستخدام البرمجة والروبوتات حققوا تحسن أكبر في فهم وتصنيف الأشكال مقارنة بأطفال اتعلموا نفس المفاهيم تقريبًا من غير روبوتات.
عشان كده عالم الروبوتات هو مش مجرد فك وتركيب، إنما علم ومهارات كتيرة بيكتسبها الطفل خطوة خطوة وبالتطبيق والتجربة.

يا ترى جربتي مع ابنك التعليم بالروبوتات قبل كده؟

كلام يتتاقل بالدهب 🤓تعالوا نشوف المتخصصين قالوا إيه عن تعليم الأطفالوهل فعلا احنا بنعلم أولادنا صح ولا في حاجة ناقصة؟قول...
19/08/2026

كلام يتتاقل بالدهب 🤓
تعالوا نشوف المتخصصين قالوا إيه عن تعليم الأطفال
وهل فعلا احنا بنعلم أولادنا صح ولا في حاجة ناقصة؟

قوليلنا أنهي جملة حسيتي إنها فرقت معاكي؟

يلا نعمل فزورة؟بصوا على الصورة كويس 👀ده كان مشروع لطفل عبقري من أطفال رواق المربيتصميم بيت كامل من أدوات بسيطة زي الكرتو...
17/08/2026

يلا نعمل فزورة؟

بصوا على الصورة كويس 👀
ده كان مشروع لطفل عبقري من أطفال رواق المربي
تصميم بيت كامل من أدوات بسيطة زي الكرتون والخامات اللي موجودة في أي بيت.
تقدروا تقولولنا

لو إنتو -أولياء الأمور- هتصمموا البيت ده بنفسكم
هتكون إيه أصعب مرحلة من مراحل التصميم؟ 🤔
فكروا معانا وقولونا في الكومنتات 🤓

«ولد فاشل ومهمل ومش عايز يذاكر» 😞الجملة دي اتقالت عن ولد اسمه إيشان، عنده ٩ سنينقالهاله مدرسينه وبعدين أهله.كانت درجاته ...
16/08/2026

«ولد فاشل ومهمل ومش عايز يذاكر» 😞

الجملة دي اتقالت عن ولد اسمه إيشان، عنده ٩ سنين
قالهاله مدرسينه وبعدين أهله.
كانت درجاته قليلة ومشتت طول الوقت، وبيتعاقب كل يوم
وفي الآخر أهله قرروا يبعتوه مدرسة داخلية عشان يتحسن في الدراسة.

في المدرسة الجديدة، جه مدرس رسم فتح كراسته وبص فيها كويس، وسأل سؤال أول مرة حد من المدرسين يسأله:
هو الولد ده مش عايز يقرا… ولا مش قادر يقرا؟ 🤔

طلع إن إيشان عنده عسر في القراءة، والحروف بتتلخبط قدام عينيه وهو بيقرا.
يعني ماطلعش كسل ولا قلة تربية ولا عناد 🤷🏻‍♂️

ده جزء من قصة فيلم اسمه Taare Zameen Par، إنتاج ٢٠٠٧،

فيلم ملهم وجميل ومن أهم الأفلام اللي اتعملت عن التعليم والأطفال
واحنا حاسين إن لازم كل أم وأب يشوفوه وهينبسطوا جدا جدا.

📌📌📌📌📌

بس الفيلم ده مش بيحكي قصة خيالية…
مشكلة عسر القراءة -حسب الدراسات- وصلت في أطفال المرحلة الابتدائية لحوالي ٧٪ من الطلاب
يعني في كل فصل فيه 40 طالب، فيه غالبًا اتنين أو تلاتة عندهم عسر قراءة.
عشان كده لازم نفهم إن مش كل طفل بيتعثر في الدراسة يبقى مهمل

أحيانًا بيكون شايف الدنيا بشكل مختلف، واحنا لسه مافهمناش الطريقة اللي بيتعلم بيها.

قوليلنا في التعليقات شفتي الفيلم قبل كده ولا لا؟ 🤓

يوسف عنده ٨ سنينفي أي مكان فيه زحمة أو تجمعات دايماً يلزق فيا ويستخبى في هدومي ويفضل ساكت خالصوأنا زي أي أم، كنت بضغط عل...
15/08/2026

يوسف عنده ٨ سنين
في أي مكان فيه زحمة أو تجمعات دايماً يلزق فيا ويستخبى في هدومي ويفضل ساكت خالص
وأنا زي أي أم، كنت بضغط عليه بحسن نية وأقوله: روح العب مع الولاد يا حبيبي.. سلم على عمو.. اتكلم يا يوسف..
وكل مرة كنت بقوله كده، كان بيرجع خطوة لورا.

في يوم واحدة صاحبتي بتسألني عنه فرديت بتلقائية قدامه: "معلش أصله خجول شوية".
بصيت لوشه ساعتها وهو بيسمع الكلمة.. وحسيت إني عملت حاجة غلط، كأني اديتله حجة يمسك فيها ويفضل يتكسف زي ما هو.

ومن يومها قررت أغير طريقتي معاه..
ولما حد يسألني عنه بقيت أقول: "يوسف بيحب ياخد وقته الأول قبل ما يشارك مع الولاد".
ومن ساعتها الموضوع اختلف تماما.

📌📌📌📌📌

دي كانت قصة خيالية، لكنها بتحصل مع أمهات كتير..
والتصرف اللي عملته في الآخر يعتبر جزء من التعامل الصحيح مع الطفل الخجول

خلينا متفقين إن الخجل نفسه مش حاجة عيب
بعض الأطفال بتكون طبيعتهم إنهم هاديين وحساسين أكتر من غيرهم، وده بيكون جزء من تركيبتهم العصبية، مش مشكلة أو حاجة نتكسف منها.

وحسب دراسة علمية اتنشرت سنة 2024 الباحثين وصلوا لحقايق مهمة جدا:

1) الطفل لو كان بيقدر يعبر عن فرحته ويهزر وسط صحابه، بس ساعات بيتكسف في الزحمة، بتكون مهاراته الاجتماعية زي الطفل الجريء بالظبط! يعني الخجل لوحده مش مشكلة، المهم يكون مبسوط وبيضحك وبيتفاعل مع اللي حواليه.

2) البيت اللي مليان ضحك وأحضان وكلام حلو وتشجيع على المحاولة بيبني جوّة الطفل "رصيد نفسي" بيقدر يسحب منه لما يخرج للدنيا ويقابل مواقف جديدة وناس جديدة.

الدراسة كمان أكدت على حاجة مهمة..
الطفل مش بيتعلم يتعامل مع الناس لما نرميه وسط الزحمة وخلاص، هو بيبقى محتاج يحس بالاطمئنان من جواه الأول وبعدين يقرر يتكلم ويتعامل.

كل ما فهمنا الطفل أكتر، كل ما قدرنا نوفرله البيئة اللي تناسب طبيعته وشخصيته 💛
هتلاقوا لينك الدراسة في أول كومنت 👇

Address

القاهرة
Cairo

Website

Alerts

Be the first to know and let us send you an email when رواق المُربي - Riwaq Al-Murabbi posts news and promotions. Your email address will not be used for any other purpose, and you can unsubscribe at any time.

Shortcuts

Share

Category