طفلي الأول

البوست الثاني #الفطام
✨ ما بعد الفطام 💪
- مينفعش أبدا التراجع عشان الطفل لا يفقد الثقة فيكى ويشعر بالخوف ويزاد تمسكه بصدرك🔴
- جهزى شوية لعب وانشطة منزليه وافتكري ان سلاحك الأول هو الهاء الطفل وشغل وقته🎆🧨
- كثرى من الخروجات او الزيارات العائلية لانه نادرا لما يطلب الطفل الرضاعة و هو مشغول مع الاطفال🎉
- أهم نقطه اهتمى بطفلك عاطفيا وكثرى من الاحضان واللمسات لانه بيحتاج فى المرحلة دي لحنانك اكثر من اى شىء📌📌
- تحلى بالهدوء وماتقبليش بكاء طفلك بعصبية🙃
- العصائر الطبيعية والسوائل مهمة جدا فى المرحلة دي فانتبيهى وزوديها🍓🍊🥭

✨طيب اتعامل مع احتقان الثدى ازاى ؟!
- الفطام التدريجى بيقلل احتقان الثدى بشكل ملحوظ على عكس الفطام المفاجىء اللى بيكون اثره السلبي عليكى قبل ما يكون على الطفل ✅
- قومى باخراج كمية بسيطة من اللبن عشان تحسي بالراحة وماتكتريش عشان لو تم افراغ الثدى بالكامل سيعاد ملئه مرة اخرى ولكن باخراج كمية بسيطة سيقل انتاجه تدريجيا وهنا يشبه كثيرا عملية الفطام التدريجى 💪
- استعملي مضادات الألتهابات و المسكنات مثل البروفين💊
- استعملى كمادات الثلج عشان يقل الاحتقان❄️
- ورق الكرنب له اثر فعال فى تخفيف احتقان الثدى🍀
- ارتداء حمالة صدر واسعة و مريحة👚
- كثرى من الاعشاب اللى بتقلل ادرار اللبن زي البقدونس و النعناع🌿
- حبوب منع اللبن بتساعد بشكل كبير بس يجب استشارة الطبيب اولا مثل بارلوديل او لاكتوديل💊

كده اتكلمنا عن كل حاجه ليها علاقه بالفطام ربنا يقوي كل أم يارب 🤲



#بيبي #حامل #رضيع #ولادة #نونو

موضوع #الفطام
هنتكلم فيه على مرتين المحاور : ـ
١- يعنى ايه فطام
٢- نفطم البيبي امتى
٣- فوائد الانتظار للسنتين
٤- نفطم البيبي ازاى
٥- ما بعد الفطام
٦- التعامل مع احتقان الث*ي
🟢 ونبدا بأول أربع محاور ✔️✔️
✨ يعنى ايه فطام 👈 حرمان الطفل من ث*ي الأم تماماً
✨ طيب نفطمه امتى ؟!
- الدين بيقول قال تعالى في كتابه الكريم (وَالْوَالِدَاتُ يُرْضِعْنَ أَوْلَادَهُنَّ حَوْلَيْنِ كَامِلَيْنِ ) يعني سنتين📌
- وطبعا زي ما ربنا ميسير لنا كل حاجه قال (لِمَنْ أَرَادَ أَنْ يُتِمَّ الرَّضَاعَةَ) يعنى اللي عاوز يكمل سنتين يكمل براحته طلما مافيش حاجه تمنعك حالة مرضية أو خلافه 💪
- بس مهم متفطميش قبل السنه (وطبعا بنستثني الحالات المرضية) ومتكمليش رضاعة بعد السنتين 🔴
- الحالات المرضية زى 👈 خراج او ورم بالثدى او فشل كبدى او التهابات روماتيزمية بالقلب غير متحكم بها بالعلاج وغيره ❌
✨ فوائد الانتظار للسنتين ؟!
- تعرفي انك كلما ما تفطمي قرب السنتين بيكون افضل للبيبي صحيا ونفسيا ✅
- لبن الأم مليان اجسام مضادة ، يعنى بتدى لابنك يوميا مضاد حيوي ضد معظم الامراض ، يعنى مناعة وغذى وصحة وببلاش😲💜
- الميه بتكون بنسبة 88% في اللبن وكمان بتزيد في الصيف عن الشتا، يعنى اللبن بيروى قبل ما يغذى💦
✨ طيب افطمه ازاى ؟!
- بلاش بلاش بلاش الفطام المفاجئ ❌❌
- الفطام التدريجي افضل شئ نبدأ من بعد السنة تدريجي مع البيبي ولو هنكمل لسنتين يبقى نبدأ من سنة ونص ✅
- بنقلل عدد مرات الرضاعة مرة كل أسبوعين لحد ما نوصل لمرة واحدة في اليوم🤏
- بنقلل رضعات الصبح الاول ثم الليل ونزود الاكل بحيث يكون الطفل شبعان علطول 🩷
- خدي وقتك في الفطام عشانك وعشان طفلك 🕛
- قدمي كوباية لبن دافئ عشان يتعود عليه بعد الفطام🥛
- شوفي بديل لنوم الطفل غير النوم بالرضاعة زي انك تحكى قصة او قراءة قران وخلي الامر بالتدريج عشان متلاقيش صعوبة فى نومه بعد الفطام😴
- طبعا يفضل فصل الربيع او الخريف و ابعدى تماما عن فصل الصيف لتجنب الاصابة بالنزلات المعوية لان لبن الام بيكون وقاية للبيبي من النزلات المعوية وبيساعد في تعويض الفاقد من السوايل بالرضاعة🏞️🌿
- اختارى الوقت المناسب لطفلك بمعنى ميكونش مريض او يعانى من اى سوء فى فترة الفطام🎯

استنو البوست الثاني 📌


#بيبي #حامل #رضيع #ولادة #نونو

بعض أسباب رفض الطفل للاكل

1️⃣ السبب :
قد يكون بسبب تسنين أو مرض كالتهاب بالحلق أو الأذن مثلاً
✅ الحل :
نعطي الطفل أصناف سهلة البلع مثل : الشوربة، الزبادي، بيوريه

2️⃣السبب :
قد يكون بسبب تكرار الوجبات لفترة طويلة وملل الطفل منها، وخوف الأم من التجديد
✅ الحل :
حاولي تنويع وجبات الطفل وتجربة أصناف ووجبات جديدة

3️⃣السبب:
قد يكون الطفل دون عمر السنة أكل من وجبات العائلة
وبالتالي يرفض وجباته المخصصة الخالية من الملح وقليلة البهارات
✅ الحل :
قدمي له من وجباتكم المنزلية بشرط أن تراعي أن تكون مكوناتها صحية قدر الإمكان

4️⃣السبب :
قد يكون بسبب نقص الحديد أو الفيتامينات
✅ الحل :
استشيري الطبيب واعملي التحاليل اللازمة لان نقص الحديد يسبب فقدان شهية للطفل، وعدم الرغبة بالأكل

5️⃣السبب :
قد يكون بسبب عامل نفسي كالانتقال أو تغيير مكان السكن، أو تغيير روتين الطفل أو قدوم طفل جديد
✅الحل :
محاولة عمل روتين ثابت للطفل واحتواءه وتخصيص وقت له في حال قدوم طفل جديد

استنوا البوست الثاني وبقية الأسباب 📌

#بيبي #حامل #رضيع #ولادة #نونو

الجو بدأ يبرّد والبامبرز كل شوية يتملي ويسرب !
بتضطري طبعا تغيري الهدوم كلها وبدأت المعاناه😴

جايالكم بالحل 👌
اول حاجه فكري فيها ان ممكن يكون المقاس صغير او كبير عليه .. غيري المقاس 👉
هتعرفي المقاس المناسب بالتجربة والخبره مع الوقت 💪

لو المقاس مظبوط ومتأكده انه خلاص مش محتاج يتغير..، هتشوفي الهدوم بتتبل منين بالظبط لو من فوق مثلا بعد متلبسيه البامبرز هتتني طرف البامبرز من فوق لجوه ده ممكن يكون سبب👍🏻

👈لو بيسرب من الرجلين 👈 في الغالب المقاس كبير عليه ، عيدي نظر في المقاس تاني او غيري نوع البامبرز 🫡

لو التسريب متكرر من فوق؛
1️⃣وارد يكون المقاس صغير
2️⃣احكمي البامبرز كويس جدا ووسطنيه ..
3️⃣سبب منتشر .. انه ممكن يكون مش دفيان فبيعمل كتير 👇
وفي الحاله دي .. مهما لبستي قطع من فوق ورجليه مش دفيانه البيبي مش هيقل🤷🏻‍♀️
عشان كده لازم بنطلون بوبره داخليه من تحت + شراب

ونحاول نركز في المواليد (اول سنتين) عالبيجامات والسلوبت البولار هتدفيهم جدا من تحت وفوق .. هتلاحظي انهم بيسربو وربنا يقويك 💪

ممنوع مع بداية دخول الشتاء انك تبدأي potty training البيبي هيتعب لانه ببقعد فترة طويلة على البوتي بدون لبس

دمتم بصحة وسعادة

#بيبي #حامل #رضيع #ولادة #نونو

أفكار فطار صحي سهل وسريع

✨ شوفان بالزبادي
زبادي ، موز ، شوفان مسلوق ، رشة قرفه
ممكن تخلطيهم مع بعض أو كل حاجه لوحدها
وجبة كاملة ✔️✔️

✨ بيض اومليت بالخضار
كوسه مبشورة ، جزر مبشور نشوحهم في زيت زيتون وننزل عليهم بالبيض وممكن نضيف جبنه
وجبة كاملة ✔️✔️

✨ بطاطس بالبيض
بطاطس مسلوقه ، بيض مسلوق ، رشة كمون ، زيت زيتون
فلفل الوان أو خيار
وجبة كاملة ✔️✔️

دمتم بصحة وسعادة
#بيبي #حامل #رضيع #ولادة #نونو

كل أم تجيب ورقة وقلم وتكتب اهم شوية نصايح في حياتك ..

1-الرضاعة الطبيعية أفضل من الصناعي

2-شاور المولود ثالث يوم بعد الولادة(الطبقة البيضاء مفيدة جدا)

3 - يفقد 10% من وزنه في اول اسبوع وبعدين يرجع يزيد ..

4 - مرات البراز حتى 8 مرات ف اليوم خاصة لو يرضع طبيعي ومرات يتبرز مرة واحدة فقط كل 4 ايام ( كله طبيعي )

5 - ينام الايام الاولى 18 ساعة ف اليوم .. لكن مفروض كل ساعتين نصحيه يرضع ..

6 - الحول ف العيون طبيعي ف اول 3 شهور ( بعده عايز كشف )

7 - انتفاخ السرة طبيعي ولا يحتاج اي علاج ويرجع لوحده ..

8 - النومة الصحيحة للمولود على ظهره بزاوية 45 درجة ..

9 - فيتامين د من الولادة حتى عمر العامين ..

10 - مغص المواليد حاجة ثابتة مستحيل تنتهي لعمر 4 شهور ( لازم تمارين للبطن يوميا ودواء غازات والصبر )

11 - تقليم الاظافر بعد عمر الشهر .. لانه في اول شهر اظافره لينة جدا ومعبية اوعية دموية وسهل تنجرح ..

12 - ختان المولود في اول 7 ايام بعد الولادة او بعد الاربعين او بعد 4 شهور ..

13 - الحذاء للطفل ممنوع قبل عمر العام .. لانه رجليه لينة وماتتحملش الضغط ..وعشان يتعلم المشي اسرع ..

14 - الاكل من بعد ال 4 شهور ( بشرط يتحكم ف راسه ووزنه فوق 5 كيلو ) ولازم نبدا بالخضار الاول ثم الفاكهه والمياه تدخل مع الاكل

15 - ماتحاولوش تقعدو الطفل قبل عمر 4 شهور وماتحاولش توقفوه ع رجليه قبل عمر 6 شهور لانه كده يقوسو وخاصة لو الطفل تخين وسمين حيزيد الضغط ع رجليه ..

16 - الضغوطات النفسية والمشاكل الزوجية والعائلية تسبب مشاكل للطفل وللام المرضع ويطلع ع الطفل زي المغص والطفح والبكاء المستمر وقلة النوم ..

17 - المقارنة بين الاطفال اكبر كارثة وكل طفل عنده نمو لوحده .

. دمتم بصحه و سعاده

#بيبي #حامل #رضيع #ولادة #نونو

❄️بنتى بدأت تتعب مع تغير الجو !!

مع دخول الشتاء الأطفال بيكونوا أكثر عرضة لنزلات البرد والأنفلونزا 🤧
علشان كده مهم اوى نقوي مناعتهم قبل دخول البرد.💪👶

✨ خطوات بسيطة تقوي مناعة طفلك:
1️⃣ التغذية الصحية: وجبات متوازنة غنية بالخضار، الفواكه (خاصة الغنية بفيتامين C زي البرتقال والجوافة).
2️⃣ النوم الكافي: 8–10 ساعات يومياً بيساعد الجسم يقاوم العدوى.
3️⃣ النشاط البدني: اللعب والحركة يومياً بيقوي جهاز المناعة.
4️⃣ شرب المياه: حتى في البرد، الجسم محتاج ترطيب.
5️⃣ غسل اليدين باستمرار: أهم وسيلة للوقاية من انتقال العدوى.
6️⃣ الملابس المناسبة: لبس طبقات تحافظ على دفء الطفل بدون مبالغة.
7️⃣ اللقاحات الموسمية: استشارة الطبيب عن لقاح الأنفلونزا وغيره.

👩‍⚕️ الوقاية خير من العلاج.. حضر طفلك للشتاء من دلوقتي.

دمتم بصحة وسعادة

#بيبي #حامل #رضيع #ولادة #نونو

وصفة سهلة وبسيطه وسريعة
فطائر البطاطس والجزر 😋👶🥕🍟🍽️

3 جزر
3 بطاطس
نساويهم على البخار
ونهرسهم
1.5 كوب نشا ذره
رشة زيت زيتون
نخلطيهم كويس
ندور العجينه ونفردها على رشه دقيق
نشكلها دوائر بالكوبايه
تشكل العين بشاليموه
ونعمل شكل الابتسامه بالمعلقه
على ورق زبده مدهون بزيت زيتون
في الفرن لمده 18 دقيقه على درجه حراره 180
وبالهنا والشفا 😋😋

#بيبي #حامل #رضيع #ولادة #نونو

#الميه والنونو 💦👶

❓امتى أبدا ادخل للبيبي ميه ؟!
✨ اول لما ادخل أكل للبيبي سواء بداتي أكل من الشهر الرابع أو من السادس وطبعا يفضل أننا نبدأ أكل وميه من السادس ودا اللى بتتصح بيه منظمة الصحة العالمية

❓كمية المية ادد ايه ؟!
✨ من عمر ٠ ل٦ شهور ينصح بعدم ادخال الماء للبيبي وكده كده لبن الأم أو اللبن الصناعي بيحتوى على الميه اللى البيبي بيحتجها
✨ من عمر ٦ ل١٢ شهر مش بيحتاج ميه كتير نبدأ ندخل ميه بالتدريج والكميه بتكون من ربع كوبايه (٦٠ مل) لنص كوبايه (١٢٠ مل) ولو عنده امساك أو الجو حار جداا ممكن نزود لحد كوبايه (٢٤٠ مل) ومنزودش عن كده عشان يقدر يرضع ومتحلش الميه مكان لبن الأم أو الصناعي
✨ من عمر ١٢ ل٢٤ شهر جسم الطفل بيحتاج ميه اكتر عشان يسهل عمليه الهضم وميحصلش امساك الكميه بتكون من كوباية ونص (٣٤٠ مل) لحد كوبايتين ونص (٥٦٠ مل) يوميا

❓الميه بتكون ؟!
✔️ ميه عاديه مغليه ونسيبها تبرد ونشرب البيبي
✔️ ميه فلتر ونشرب البيبي
✔️ ميه معدنيه ونشرب البيبي

طيب البيبي مش راضي يشرب ميه خالص ايه الحل ؟!
✨ نجرب بسرنجه
✨ بكوبايه سيليكون
✨ بكوبايه مخرمه من فوق
✨ بمعلقه
✨ ممكن نغير درجه حراره الميه نبردها شويه
✨ ممكن نضيف لها طعم عصرة برتقال او عصر ليمون
✨ ممكن نحط الميه مع الاكل المهروس نزود عليه ٢٠ مل ميه وكده خدت جزء من احتياجاتها وهكذا لحد ما تتقبل الميه بشكل مباشر
متتوتريش حاولى براحه قليل خالص كذا مره
💦😋👶

دمتم بصحة وسعادة

#بيبي #حامل #رضيع #ولادة #نونو