Kareem turky - OctoOps

ليه المخزن مش بس مكان تخزين 🔻‼️

ناس كتير بتشوف إن المخزن مجرد مكان بنرمي فيه البضاعة وخلاص 🤷🏻
بس الحقيقة إن المخزن في التجارة الإلكترونية واحد من أهم عناصر التشغيل ولو مش معمول صح ممكن يعطل الدنيا كلها من أول استلام الأوردر لحد ما يوصل للعميل

تعالى نشرح الموضوع بشكل بسيط 👇🏻

---- المخزن بيأثر على سرعة تنفيذ الطلبات ----

لما البضاعة تكون مترتبة ومتسجلة كويس وسهل توصلها ده بيفرق في وقت التحضير
الطلب اللي بيتحضّر في 3 دقايق غير اللي بياخد نص ساعة عشان تدور على مقاس أو لون مش محطوط في مكانه

--- تنظيم المخزن بيقلل الأخطاء ---

كل منتج لازم يكون ليه SKU واضح ومكان ثابت
وكل ما الترتيب ده يبقى مضبوط كل ما فرص إنك تبعت طلب غلط أو تنسى قطعة تقل جدًا
والمشكلة هنا مش بس في الغلطة نفسها المشكلة إن الغلطة بتتكرر لو مفيش سيستم واضح تكون ماشي عليه

-- جودة التخزين بتأثر على حالة المنتج --

لو المنتج اتحط في مكان غلط أو اتخزن في بيئة مش مناسبة ممكن يوصل للعميل عليه تراب أو فيه ريحة مش كويسة أو حتى متبهدل من غير قصد وكل ده بيبوظ تجربة العميل حتى لو المنتج نفسه كويس.

- المخزن جزء من تجربة العميل -

أغلب المشاكل اللي بتوصل لخدمة العملاء أصلها من المخزن سواء الأوردر اتأخر أو ناقص أو فيه مشكلة فكل ما شغلك في المخزن كان مضبوط كل ما شكاوى خدمة العملاء قلت وده معناه رضا أعلى وتقييمات أحسن

بالمختصر المفيد

المخزن مش بس مكان للتخزين المخزن هو نقطة الانطلاق لكل حاجة بتحصل بعد ما العميل طلب منتجك لو عرفنا نديره صح هنوفّر وقت ونقلل التكلفة ونخلّي العميل راضي

وبس كده يا سيدي ❤️




#التجارةالالكترونية

بتيجي آخر كل موسم تلاقي فروقات بين السيستم بتاعك وبين ارض الواقع ومش عارف المشكلة فين !

تعالى أقولك ممكن تحل المشكلة دي ازاي 👇🏼

حل المشكلة دي بتطبيق أنواع من الجرد على حسب نوع البيزنس بتاعك وإمكانياتك المتاحة 👌

الانواع بقى يا سيدي كالاتي 👇🏼

- الجرد الدوري ( periodic inventory )

ده بيتم في فترات زمنية محددة مثلا مرة كل شهر او كل ربع سنة او كل سنة

وبيعتمد على إيقاف كل العمليات في وقت الجرد عشان تقدر تقارن الكميات الفعلية باللي على السيستم

وده بيكون مناسب للشركات اللي حجمها صغير او اللي مش محتاجة تحديث للمخزون بشكل يومي

مشكلته انه ممكن يعمل فجوة بين الكمية الفعلية والكمية على نظام التشغيل نظرا للبعد الزمني في الجرد ‼️

- الجرد المستمر (Perpetual Inventory)

هنا بقى ياسيدي بتحدث المخزون مع كل عملية بتحصل في مخزنك سواء بيع او شراء او استرجاع او إرسال اوردرات مع شركات الشحن

وعشان تقدر تعمل ده بسهولة لازم تستخدم تكنولوجيا فيها الباركود او ال RFID

وده بيكون مناسب جدا جدا في التجارة الإلكترونية وأي مستودع في الشركات اللي حجمها كبير ومحتاجة دقة عالية

مشكلة النوع ده محتاج إمكانيات مادية عشان تقدر تستخدم التكنولوجيا اللي توصلك للدقة دي ‼️

- الجرد المفاجئ (Cycle Counting)

وده بقى مالوش جدول زمني ولا ميعاد محدد بيحصل بشكل عشوائي ومفاجئ

وبيحصل ديما عشان يكشف الأخطاء او السرقة والتلاعب
وميزته انه انه بيكشف اي مشكلة بدري ومش بيدي فرصة للتلاعب

بس المشكلة بقى انه مش كافي عشان توصل للدقة العالية في الجرد لكنه معمول لغرض معين وهو كشف التلاعب‼️

- الجرد حسب الفئات (ABC Inventory Counting)

وده بقى اعتماده على تصنيف البضايع او المخزون ل ٣ فئات A , B , C
والتصنيف ده بيعتمد على مبدأ Pareto principle

وهاكتبلك المبدء في الكومنتات 👇🏼

المهم ياسيدي التصنيف A هو المنتجات الأهم والأكثر قيمة في المخزون وبيكون تقريبا 20% من اجمالي المخزون
وده بيكون له اولوية قصوى في الجرد وبيتم جرده بشكل متكرر

التصنيف B وده بيكون تقريبا 30% من إجمالي المخزون وبيكون اقل قيمة من التصنيف A
وبيتحرك بتكرار اقل من اول تصنيف

التصنيف C وده بيمثل 50% من اجمالي المخزون وبيتم الجرد عليه بتكرار اقل لأنه اقل أهمية من التصنيفيين A و B

مشكلته انه محتاج تصنيف عالي الدقة عشان تلاقي منه فاعلية حقيقية في الجرد ‼️

واخيراً وليس اخراً 😅👇🏼

- الجرد العشوائي (Random Inventory Check)

وهنا بنختار منتج عشوائي نجرده كل فترة عشان نكشف لو في خطأ تشغيلي او سرقة بتحصل
وممكن ندمجه مع الجرد المفاجئ

ومشكلته انه مش مايحقق الدقة العالية لكن هو له عرض معين وهو كشف الأخطاء التشغيلية والسرقات‼️

وبس كده ياسيدي ❤️

وده جزء صغير من حاجات كتير بنشرحها في كورس اللي تفاصيله في التعليقات 👇🏼❤️




#التجارةالالكترونية

تعرف ايه الفرق بين الـ MVP و MMF و ال MBI !!؟

دي بقى يا سيدي مفاهيم رئيسية بنستخدمها لتحديد الأولويات وإطلاق المنتجات والخدمات

تعالى نشرحها ونفهمها واحدة واحدة

1 - الـ MVP – Minimum Viable Product

ده بقى ياسيدي المنتج اللي بيطلع باقل الإمكانيات الممكنة
بيكون فيه اقل المميزات الاساسية واللي بيقدم من خلالها قيمة للمستخدمين

الهدف من النوع ده هو اختبار المنتج باسرع وقت واقل تكلفة ممكنة
واننا نجمع اراء المستخدمين في المنتج والتحسينات المطلوبة

وده بيستخدم في الشركات الناشئة والمشاريع الجديدة لتقليل المخاطر وضمان وجود طلب على المنتج

2 - الـ MMF – Minimum Marketable Feature

الـ MMF بقى بيركز على ميزة فردية مش المنتج بالكامل بحيث تكون الميزة جاهزة للإطلاق وقابلة للاستخدام من العملاء

الهدف منه هو إطلاق ميزة جديدة تضيف قيمة حقيقية للعملاء دون الحاجة إلى انتظار تطوير ميزات أخرى

وده بيكون في المنتجات القائمة بالفعل وده بعكس الـ MVP

3 - MBI – Minimum Business Increment

هو مفهوم أوسع من MMF وMVP المفهوم ده بيركز على إضافة قيمة كبيرة للمشاريع التجارية مش بس ميزة واحدة أو منتج تجريبي

وده عايز نموذج عمل واضح والهدف منه تحقيق تأثير ملموس على الإيرادات أو على تجربة العملاء

وده بيستخدم في الشركات الكبيرة اللي عندها عمليات تشغيلية معقدة ومحتاجة تزود ربحية وعائد واضح من كل تحسين بتعمله

وبس كده ياسيدي ❤️

تقدر تدينا امثلة في الكومنتات ؟

خدمة العملاء هي خط الدفاع الأول لشركتك 🤷🏼‍♂️

في محاضرة من محاضرات الكورس كنت بتكلم عن خدمة العملاء ودورهم في زيادة المبيعات وزيادة التسليمات
وإزاي بيكونوا هما عينك اللي بتشوف بيها عملاؤك

خدمة العملاء هو اول إثبات للعميل ان اللي بتقوله تسويقيا صحيح ومش مجرد كلام حلو مكتوب في الإعلان

القسم اللي عميلك بيحتك بيه بشكل مباشر هو خدمة العملاء

لو ماحصلش ربط بين قسم خدمة العملاء وباقي أقسام الشركة في تجارتك الإلكترونية

العميل هايحس انك شركة سايبة ومش هايكون واثق في البراند بتاعك

فخلي بالك من القسم ده في شركتك لأنه ممكن ينقل مبيعات شركتك ونسب تسليمها في مكان تاني خالص

وافتكر ان اللي المفروض أقسام شركتك يدورو حواليه هو الجملة دي

(Cost reduction & customer satisfaction )

لو الأقسام عندك مش شغالة عشان تحقق الجملة دي يبقى انت عندك مشكلة ولازم تحلها ❤️🙏

وده اللي احنا بنشرحه في octoOps

والتفاصيل في التعليقات ❤️

وبس كده ياسيدي ❤️


#خدمةالعملاء

ناس كتير عندها مشاكل في بناء وادارة اوبريشن ناجح في التجارة الإلكترونية
وبيكون في اسئلة كتير زي 👇🏻

- ازاي ادير المخزون واوصل بيه لأفضل فاعلية وربحية ممكنة !؟
- ازاي ادير المخازن بافضل شكل ممكن وفق الامكانيات المتاحة !؟
- زاي اربط بين الاقسام واعمل دايرة كاملة لادارة الطلب والحفاظ علي العميل !؟
- ازاي اتعامل مع شركات الشحن ومشاكلها !؟
- ازاي يكون عندي موظف جديد واخليه يدخل بسرعة في مهام العمل !؟

واسئلة غيرها كتير هانجاوب عليها في كورس مكثف 4 أيام هتعرف فيه كل اللي محتاجه من :

✅ إدارة المخزون بطريقة احترافية
✅ إدارة المخازن بكفاءة عالية
✅ إدارة الطلبات وتفادي الأخطاء الشائعة
✅ التنبؤ بالمبيعات عشان تخطط صح وما تخسرش فلوس على مخزون زايد أو ناقص
✅ التعامل مع شركات الشحن وتحسين عمليات التوصيل
✅ التعامل مع خدمة العملاء وتحسين تجربتهم
✅ زيادة الإنتاجية وتحسين الأداء عشان تشتغل بذكاء وتكسب أكتر

٠ هتفهم التفاصيل اللي بتفرق في الأرباح وبتخلي شغلك منظم بدون مشاكل 🤷🏻
٠ هتتعلم من الواقع ومن خبرات عملية مش مجرد كلام نظري 🫡

كل ده هانتعلمه مع بعض في كورس 🐙 OctoOps
سعر الكورس 5000 جنيه والعدد اللي هانستقبله محدود
الكورس هايكون بعد العيد في شهر ٤ يوم ١٥ ان شاء الله

الحضور اونلاااين
لتفاصيل اكتر وللحجز اللينك في الكومنتات 👇🏻👇🏻