معـًا للأسرة والطفل

حقيقي بكتب البوست ونفسي كل أم تعرف اد ايه بتعمل حاجات بدون ما تاخد بالها انها كده هتكون ظالمة
كل أم تخلي بالها
👶 لما يكون عندك طفل عدى ٣ سنوات وجبتي بيبي جديد، في شوية نقاط لازم تخلي بالك منها عشان يطلعوا أولادك أسوياء ومتوازنين:

1️⃣ الرضاعة أمام الكبير:
اوعي ترضعي الصغير قدام الكبير لأسباب كتير؛ غيرة و هتلاقي الكبير بدأ يبص على جسمك في كل مرة بيشوفك لاحظي ان الجيل دلوقتي أصعب وفاهم اكتر من الجيل اللي قبله حافظي على ابنك من الفتنة اللي هتكوني انتي سببها

2️⃣ المساواة في المشاعر:
راعي مشاعر الاثنين وساوي بينهم في حبك واهتمامك، وما تدلعيش الصغير زيادة عن اللزوم قدام الكبير، عشان ما تحصلش غيرة أو كراهية.

3️⃣ الفروق الفردية:
افتكري دايمًا إن كل طفل مختلف عن التاني، لو الأول شاطر مش شرط التاني يكون نسخة منه.

4️⃣ صحة الأم:
خلي بالك من صحتك لأنك الأساس، وكل ما تكوني قوية ومتوازنة تقدري تدعمي أولادك أكتر.

5️⃣ دور الأب:
وجود الزوج في حياة أولاده مهم جدًا، لأنه بيكمل الصورة وبيساعد في توازنهم النفسي.
ليه بقول الكلام ده لأن اكتر من أربع أولياء أمور بتابع معاهم بسبب كده وغيره من مشاكل نتكلم عنها في بوست تاني
أخصائية التربية الخاصة
ريهام رفعت

عشان نعرف #الحواس واستخدام كل حاسه كان #نشاط جميل مليان طاقة ولعب كمان استخدمنا كله باللون #الأصفر لتثبيت معرفة وتعميم اللون
أخصائية التربية الخاصة
ريهام رفعت

تنمية المهارات لدى أطفال التوحد مش رفاهية… دي ضرورة حقيقية لبناء مستقبلهم 💙

كل طفل عنده قدرات خاصة ممكن تظهر وتكبر لو اتوفرت له البيئة المناسبة والدعم الصحيح. تدريب الأطفال على المهارات الحياتية والاجتماعية مش بس بيساعدهم يتواصلوا بشكل أفضل، لكنه كمان بيزود ثقتهم بنفسهم ويخليهم أكثر استقلالية مع الوقت.

📌 ليه مهم نركز على تنمية المهارات؟

- بتساعد الطفل يفهم العالم حواليه بشكل أوضح
- بتقوي قدرته على التعبير والتواصل
- بتقلل من السلوكيات الصعبة الناتجة عن عدم الفهم
- بتفتح له فرص أكبر في التعليم والحياة

📌 أهم المهارات اللي محتاجين نشتغل عليها:

- مهارات التواصل (الكلام أو البدائل)
- المهارات الاجتماعية
- مهارات الاعتماد على النفس
- المهارات الحسية والحركية

💡 أهم حاجة نفتكر إن كل طفل مختلف، وخطوته الصغيرة النهارده ممكن تكون إنجاز كبير بكرة.

ابدأ بدعم، استمر بصبر، واحتفل بكل تقدم… مهما كان بسيط 🌱
أخصائية التربية الخاصة
ريهام رفعت

اللهم استخدمني ولا تستبدلني
أخصائية التربية الخاصة
ريهام رفعت

🌱 #التشجيع يصنع التغيير
حين يحصل الطفل على #دعم إيجابي #وحافز #عملي، يبدأ في تخطي العقبات تدريجيًا.
وعدتها بالذهاب للنادي إذا حاولت، وبفضل الله بدأت #تتطور جدا . 🥰🥰
التحفيز المرتبط #بالحب والإخلاص في العمل يفتح أبواب النمو.
ومن يتقِ #الله في عمله، يجد العون في كل محنة
أخصائية التربية الخاصة
ريهام رفعت

ليه أولادنا بتشبط في اي حاجه واحنا عند الناس وتخلي شكلنا وحش ؟
👩‍👧
أم بتحكيلي إن بنتها كل مرة تزور قرايبها تطلب الحلويات اللي هناك رغم إن البيت مليان ؛
💡 قولتلها
قبل الزيارة اتفقي معاها تاخد حاجة صغيرة من البيت، ولما تشوف حاجة عند أصحابها يقولوا "نجربها مع بعض" بدل "عايزة دي دلوقتي". النتيجة إن البنت حسّت إنها مشاركة مش مطالبة، والأم ما اتحرجتش قدام الناس.
✨الموضوع مش حرمان، ده تدريب عملي على ضبط النفس والمشاركة، وكل مرة الطفل يسيطر على نفسه بيكبر عنده إحساس الثقة والاحترام.
شاركيني ب أي موقف مشابه وازاي قدرتي تخرجي من الموقف بشياكة
#معـًا_للأسرة_والطفل
أخصائية التربية الخاصة
ريهام رفعت

انهاردة الجمعة
يلا يامامي طلعي صندوق اللعب والعبي مع أطفالك وبلاش موبايل بقى
جمعة مباركة
أخصائية التربية الخاصة
ريهام رفعت

يلا يامامي طلعي الخريفي واستعدي للصيفي
أخصائية التربية الخاصة
ريهام رفعت

احترموا سرّ أطفالكم ولا تتحدثوا بما يخبروكم به أمام العائلة ؛ فأسرارهم بالنسبة لديهم ليست اقل أهمية وخصوصية من أسراركم
لتكبر الثقة بينكم

أخصائية التربية الخاصة
ريهام رفعت