Micheal Eldeeb - Life Boost

٥ اختيارات يقولوا إنك فهمت الحياة صح ✅

✅ إنك بقيت أقل هجوماً واندفاعاً . . وأكثر حكمة
✅ أقل تعقيداً . . وأكثر بساطة
✅ أقل كلاماً . . وأكثر تأثيراً
✅ أقل انشغالاً بكلام الناس . . وأكثر اهتماماً بسلامك الداخلي
✅ أقل رغبة في إثبات نفسك . . وأكثر اهتماماً بتطوير نفسك

أفضل طريقة تبني بيها Personal Branding حقيقية هي إنك تكون مؤدب ومحترم . . وأخلاقك تسبق أفعالك . .
ومتقلقش علي الباقي 😊
كل حاجة بعد كدا هتيجي مع الوقت والتعلم والخبرة سواء كانت مهارات . . . علاقاتك . . .أو حتي فرصك

كلنا بلا استثناء بندور على الراحة . . .

والحقيقة مع كل يوم بيمر
وفى معظم المواقف اللي بواجهها
بكتشف أكتر إن مفيش راحة أعظم من إنك تكون نفسك ( أصل مش نسخة ) يعني إيه الكلام دا 🤔
حقيقي في عالم الوهم والزيف . .
مخلص وأمين في عالم الجري والفهلوة . .
جدع وأصيل في عالم الغدر وعدم التقدير . .
متواضع في عالم الفشخرة الكدابة . .

الغريب بقي يا صديقي إن الحاجات دي ممكن متجبلكش تصفيق وتطبيل من الناس لكن كفاية اوي إنها بتديك سلام وراحة جواك فلوس الدنيا مبتعرفش تعملها

سوهاج الجميلة بناسها 😊😍

فى تدريب رحلة تأثير . .

القيادة عمرها ما كانت مناصب لكن هي رحلة نضج وتأثير وتغيير . . علشان كدا اتشرفت اني كنت وسطيكم كل حد في الصور ليه حكاية تأثير عظيمة 🌹🌹
ربنا معاكم وتكونوا فعلاً نقطة نور في مناطقكم 💡

Delta ministries

مش كل سعي وثبات وإنجاز

معناه نجاح . . .

أحياناً تجربة فشل واحدة
قادرة تعلمنا دروس عمرنا ما كنا هنتعلمها
وإحنا فاكرين نفسنا ناجحين وثابتين ومُبهرين

فالحقيقة . . .
أكتر درس اتعلمته الأيام دي عن تجربة
إن تجارب الفشل أوقات كتير
بترجعنا تاني لإنسانيتنا ومحدوديتنا
وتفكرنا إن مهما وصلنا لسه محتاجين
نتعلم . . ونفهم . . ونجتاز . .

يمكن النجاح يخلي الإنسان يثق في نفسه
لكن أحياناً الفشل هو اللي يخليه يفهم نفسه

فبالراحة على نفسنا شوية واحنا بنواجه الحياة
وبلاش نتوهم بالكمال والمثالية 😊

أوقات كتير . .

الأبواب اللي بتتقفل في وشنا بعنف بتكون أرحم بكتير من أبواب مفتوحة بلا راحة

علشان كدا صدقوني مش كل نهاية خسارة . .
في نهايات بتحمي القلب . .
وتخلي الروح ترجع فى سلام من جديد 🌹🌱

يومكم مليان خير 😊

مش كل اللي بيضحك . .
يبقى فرفوش زي ما أنت متخيل 🤔

في ناس كتير عايشين بقلوب مكسورة ونفوس مرهقة
وعادي جداً هتلاقي شكلهم جميل . .
بيكملوا،
وبيضحكوا،
وكأني حياتهم زي الفل . .

ولما تسألهم؟
يردوا بأفضل إجابة مثالية ونموذجية :
“ أنا تمام الحمد لله . . . وكله زي الفل”

بس الحقيقة ؟
جواهم مش تمام 😔
جواهم معارك رهيبة،
تساؤلات كتير،
وأوقات وجع محدش شايفها ولا حاسسها ،

فـ هونوا على بعض👇
يمكن كلمة طيبة،
أو دعم بسيط،
أو حضن معنوي،
ينقذ روح بتحارب في صمت.

يارب ريح القلوب اللي شايلة بدون راحة،
وطمن العقول المُرهقة،
وارزق كل نفس موجوعة سلام يفوق الكلام والواقع 😊🙏

فى علاقات . .

الإنجاز الأعظم فيها
مش إنك تكمل

لكن إنك تعرف تخرج منها
بأقل خسائر ممكنة

لأن مش كل بقاء نجاح
أحياناً النجاة هي الانتصار الحقيقي

علموا أولادكم . . .
ولو إحنا كمان يبقى كويس جداً

إن أخد الحق أخلاق 😊
قبل ما يكون حرفة وشطارة