استشارة في الإدارة

esteshara_fe_eledara
استشارة في الإدارة
·
2-18
عقد العمل.. ميثاق غليظ ولا "حبر على ورق"؟ 📝🚫
ليه في "بيزنس" كتير بيتعامل مع العقد كأنه مجرد إجراء روتيني لتستيف الأوراق،
وأول ما تحصل مشكلة الورقة دي بتفقد قيمتها؟
في عقلية منتشرة بتشوف إن العقد "سلاح ذو حدين" بيستخدموه بس لما يحبوا يضغطوا على الموظف،
لكن وقت المرتبات، الإجازات، أو التأمينات.. العقد بيدخل الدرج ويتقفل عليه!
الأمانة مش "برستيج".. الأمانة "التزام"!
الحقيقة اللي لازم الكل يعرفها: عقد العمل مش مجرد ورقة قانونية، ده "وعد"
والوعد مسؤولية أمام الله قبل القانون. صاحب الشغل اللي بيكسر بنود العقد عشان يوفر قرشين،
هو في الحقيقة بيخسر "سمعة شركته" وبيزرع الخوف في قلوب الموظفين.. والشركة اللي بتتبني على عدم الثقة، بتفضل "هشة" مهما كبرت.
رسالة لكل صاحب عمل وموظف:
الوفاء بالعقود مش "جدعنة" ولا اختيار، ده اختبار حقيقي لأخلاقك ودينك قبل ما يكون التزام مهني.
"يَا أَيُّهَا الَّذِينَ آمَنُوا أَوْفُوا بِالْعُقُودِ"
سؤالي ليكم: من وجهة نظرك.. إيه أكتر بند في عقود العمل بيتم تجاهله في سوق العمل حالياً؟
وهل شايف إن العيب في القانون ولا في النفوس؟ 👇

#تريند #ادارة #مدير #موظف #رمضان

الحلفان الكتير ممكن "يمشّي" الشغل ويقنع الزبون أو المدير بالباطل في الأول،
بس في الحقيقة هو بيمحي البركة وبيهد الثقة على المدى الطويل.
في ناس فاكرة إنها لما تحلف "والله عملت" و"والله ده مجهودي" و"والله أنا خبير في كذا"، إنها كدا بتشطر وبتقوي موقفها..
بس الحقيقة إن المحترف الحقيقي مبيحتاجش يحلف عشان الناس تصدقه.
ليه كتر الحلفان خطر في الشغل؟
دليل ضعف: كتر الحلف بيدي إيحاء إنك مهزوز وبتحاول تعوض نقص الكفاءة بـ "اليمين".
يمحق البركة: النجاح اللي بيجي بـ "تزييف الحقيقة" عمره قصير، ومبيسيبش سمعة طيبة.
فقدان المصداقية: أول ما تقع في غلطة واحدة، كل الحلفان اللي فات بيتحول ضدك.
في عالم المحترفين، "الأرقام، النتائج، هما اللي بيتكلموا عنك
سؤالنا ليك.. هل بتقلق من الشخص اللي بيحلف كتير وهو بيعرض عليك شغل أو بيحكي عن إنجازاته؟ ولا شايف إن ده "عشم" وطبيعي في سوق الشغل بتاعنا؟ 👇

#تريند #ادارة #مدير #موظف #رمضان

النجش في اللغة هو إنك تزود في تمن حاجة وإنت مش هتشتريها بس عشان تغليها على غيرك..
لكن في عالم البيزنس والشركات، فيه نوع تاني أخطر، وهو "النجش الوظيفي".
في ناس فاكرة إنها لما "تلمّع" في زميل أو "تنفخ" في قدرات موظف وهو أصلاً مش كفء، إن دي مجرد مجاملة أو شطارة..
بس الحقيقة إن ده "نجش" صريح، لأنك بكلامك ده بتغلي سعره وقيمته قدام الإدارة بالباطل،
وفي المقابل بتظلم الشخص المجتهد اللي ملوش حد يطبل له.
النتيجة دايمًا كارثية:
الشخص "المنفوخ" بياخد مكان هو مش قده وبيفشل فيه.
الموظف الأكفأ بيجيله إحباط لأنه شاف المحسوبية بتكسب.
كفاءة المكان كله بتقع بسبب "كلمتين مجاملة" مكنوش في محلهم.
"تفتكر الشطارة في الشغل هي 'إنك تعمل الشغل' ولا 'إنك تعرف تفهّم اللي قدامك إنك عملت الشغل'؟"
#تريند #ادارة #مدير #موظف #رمضان

في ناس بتعمل "أثر" يعيش.. وناس بتعمل "شو" يخلص في يومه! 📚✨
في ناس مهووسة إن كل حركة وكل نجاح بسيط يتصور وينزل فوراً عشان "الناس تتكلم عنه"،
وتلاقي الواحد منهم بيسوق لنفسه أكتر ما بيشتغل بجد.
لكن التاريخ حكى لنا عن "عالم وقاضي" من أكبر العقول،
ألف كتب لسه بنتعلم منها لحد النهاردة، بس الغريب إنه طول حياته مكنش حد يعرف إنه مألفها!
كان بيكتب ويشيل في الدرج، ولما سألوه ليه؟ كان خايف إن "حب الظهور" يفسد نيته.
ولما حس إن النهاية قربت، قال لتلميذه:
"لو لقيتني بطلع في الروح وإيدي في إيدك،
ارمي كتبي دي في البحر، ولو قبضت إيدي عليها، انشرها للناس"..
وكأن عمله الصادق هو اللي فرض نفسه وخلد اسمه للأبد. ⚖️
الخلاصة اللي بنتعلمها:
الجودة الحقيقية مابتستخباش: لو شغلك متعوب عليه وبذمة، هيوصل للناس وهيفرض نفسه حتى لو معملتش "زيطة".
الإخلاص سر البركة: دور على إن عملك يكون "صح" و"خالص"، مش بس يكون "منشور".
الـ CV الحقيقي هو أثرك: مش مجرد ورقة مكتوب فيها إنجازات وهمية، ده حقيقة اللي إنت قدمته وفاد الناس فعلاً.
عاوز تعرف احنا بنتكلم عن مين كمل الحلقة للأخر

#تريند #ادارة #مدير #موظف #رمضان

فعلا والله
😂 🤣 😆 😹 😜 😁

#تريند #ادارة #مدير #موظف

منصه مصر الرقميه
زمان كنت بتضطر تاخد إجازة من شغلك وتقف في طوابير عشان تطلع "رقم تأميني"
أو تعرف بقالك كام سنة متأمن عليك؟ الكلام ده خلص! منصة مصر الرقمية وفرت عليك المجهود ده كله.
في الحلقة دي هنعرفك بالخطوات:
✅ إزاي تطلع رقمك التأميني وأنت في بيتك.
✅ إزاي تشيك على مدد اشتراكك وتعرف شركتك مأمنة عليك بكام.
✅ وإيه حكاية "رقم المصنع" اللي بيطلبه الموقع؟ وفر وقتك ومجهودك وشوف الحلقة للآخر.. حقك التأميني هو مستقبلك! ⚖️ #تريند #ادارة #مدير #موظف

حنا متراقبين ولا ايه 😂😂😂😂😂😂😂😂😂😂

#تريند #ادارة #مدير #موظف #اوتي

مش كل ضغط شغل سببه الشغل…
في ضغط تاني بيبدأ لما وجودك نفسه يبقى تقيل على مديرك .
· عمرك حسّيت إنك موجود… بس مش متشاف؟
· إن دورك بيصغر من غير سبب؟
· إن كل حاجة بقيت تتحسب عليك فجأة؟
· إن سقف المطلوب منك عالي أوي… بس الدعم صفر؟
· إن الكلام بقى رسمي زيادة، والراحة اختفت؟
· ليه حاسس إنك بتبرّر نفسك أكتر ما بتشتغل؟
· ليه بقيت تحس إنك لازم “تثبت” نفسك كل يوم؟
· ليه الجو بقى مش آمان، رغم إنك ما غلطتش؟
أحيانًا المشكلة مش في أدائك…
المشكلة إن القرار اتاخد ومديرك قرا فاتحتك وانت آخر من يعلم .
📌 الحلقة دي مش تخويف…
دي قراءة للواقع.
تابع للنهاية،
عشان لو ظهرت معاك 3 او 4 علامات إعرف إن وقت النط من المركب جه ولازم تهرب

#تريند #ادارة #مدير #موظف

😅🤣😆والله فعلا واكتر من كدا
😅🤣😆 ابوحنان مش هايسيب اللي عمل الفيديو ده 😅🤣😆

#تريند #ادارة #مدير #موظف

النهارده وانا خارج من الشغل بعد تعب الاسبوع
😂😆🤣😁😅😂😆🤣😁😅

#تريند #ادارة #مدير #موظف