د. إيمان عيسوى-مشوارى التربوى والقيادى

جيل اكس همزة الوصل بين
الأجداد و الأحفاد
جيل يقدس لمة العيلة،
جيل يحب يجمع بين الاجيال
و يحقق التناغم بينهم
الام الأساس
الأم بتزرع فكرة لمة العيلة و حب الاهل
و تحقيق التوازن
بين اهل الام و أهل الاب
مع تجربة حية وواقعيةز
من قلب الصعيد
جوجو الام الجزائرية
التي تقدس حياة و جو العيلة
و تصر على ان تحقق التوازن ل أولادها
بين اهل ماما ف الجزائر
و أهل بابا
بشارع العيساوية
في مركز اسنا
محافظة الاقصر
قولوا لنا ايه رايكم

لمة العيلة كلها باختلاف الاجيال و كم العطاء و الخبرة و الحب و البهجة و السرور التي ينعم بها الكل

لما نتكلم على فرحة العيد،
و لمة الاهل
حدث بالفعل،
ف عزبة صقر، مركز اسنا، محافظة الاقصر؛
ربنا يديم اللمة و الفرحة
الكل بيتجمع في فطار يوم عرفة،
قرابة أكثر من مائة عام

لقمة هنية تكفى ١٠٠، ببركة النية الصافية
ربك رب قلوب
لما النية تبقى حلوة، الخير بيكتر ، الرزق بيزيد
البركة تحل
بركة اللمة
كل عيد و انتم طيبين

ايام مفترجة
ندعو لبعض؛
بالخير،
الفرح،
البركة،
السعادة،
راحة البال

النضج الكامل

🎥 وأخيرًا… نقفل ملف الطرف التالت

أحيانًا بعض الناس تستخدم ما يُعرف بـ قوة تأثير الأغلبية أو أساليب من علم النفس المظلم

لما يحصل خلاف، يبدأوا يجمعوا ناس حواليهم:
واحد يوافق… وواحد يجامل… وواحد يتعاطف…
لحد ما الطرف التاني يحس إنه وحده في المواجهة.

وده من أكتر الأسئلة اللي بتوصلنا على الخاص:
نعمل إيه لما الناس كلها تتجمع ضدنا؟

في الفيديو الدكتورة بتوضح:
إزاي نفرّق بين الإصلاح الحقيقي… وبين التحيّز والمجاملات.
وإزاي نحافظ على هدوئنا وثقتنا بنفسنا وسط ضغط الأغلبية.

وكمان رسالة مهمة جدًا لكل طرف تالت داخل يصلّح بين الناس:
لو دخلت للإصلاح… كن عادلا.
ما تنحازش لطرف ضد طرف،
لأن الظلم حتى لو كان بكلمة… له حساب. 🤍

مع تحيات مسؤولة الصفحة فوفه ♥️

#تربية

فيديو النهارده بنكمّل دور الطرف التالت وقت المشكلة…

لما حد ييجي يفضفض ويحكي، أول خطوة نعملها إننا نسمع كويس…
لأن نص الحل في الإنصات.

نركّز في الكلام، نحلّل المعاني، ونفهم المشاعر قبل ما نفكر في الرد.

وبعد ما نسمع نسأل سؤال مهم:
إنتِ بتفضفضي علشان تخرّجي طاقة سلبية؟
ولا عايزة حل للمشكلة؟

لو عايزة حل… نعرض أكتر من اختيار، ونسيبلها حرية القرار حسب ظروفها ومشاعرها.

ونحاول سوا نلاقي عذر للطرف التاني…
لأنه مش دايمًا بيكون قاصد أو قادر يقود الموقف صح.

دور الطرف التالت إنه يبسّط المشكلة، يهدّي النفوس، ويوصل لحلول…
مش يعقّد الأمور أكتر.

مع تحيات مسؤولة الصفحة فوفه ♥️

#تربية

فيديو النهارده استكمالًا لحديث الطرف التالت…
الدور الأهم وقت الخلاف بين الزوجين.

الدكتورة بتوضح مهارة أساسية لازم يتحلى بيها أي شخص بيتدخل للإصلاح:
يسمع علشان يفهم… مش يسمع علشان يرد.

لأن أخطر غلطة بنقع فيها إننا نجهّز الرد وإحنا لسه ما فهمناش الكلام!

وده بيخلّي المشكلة تكبر بدل ما تتحل.

الفهم الحقيقي بيبدأ من الإنصات،
ومن إننا ندي نفسنا فرصة نستوعب المشاعر قبل الكلمات.

لو هتكون طرف مصلح…
اتعلم الأول فن الاستماع.

مع تحيات مسؤولة الصفحة فوفه ♥️

#تربية