Asmaa HaSsan - Psy Mentor

نحترم الاحتمالات… لأن العلم في بدايته كان مجرد احتمالات.
لكن هناك فرق كبير بين احتمال قائم على دليل،
واحتمال يُقدَّم كأنه يقين بلا سند أو مرجعية.
الخطر الحقيقي يبدأ حين يُستخدم “الاحتمال” كذريعة،
ويتحول الإنسان إلى تجربة،
ويُستغل خوفه وضعفه ليصبح تابعًا لا طالبًا للشفاء.
هنا لا يكون ما يحدث علمًا…
بل إساءة استخدام للعلم.
حين يغيب الضمير،
ويحل الغرور محل التواضع العلمي،
يتحول العلاج إلى أذى،
والمعالج إلى خطر.
العلم خُلق ليجبُر… لا ليبتر.
ليحمي الإنسان… لا ليستغله.
ويفصل بين العلم الحقيقي والزائف…الضمير.

الواحد لما بيلاقي طريق بيحبه اتفتح قصاده بيبتدي يوسع خطوته ويمد علشان يوصل لاوسع مساحه من الطريق ده ترضي شغفه وتسعده، وتبتدي عينه تركز مع نقطة النهايه فقط ويفقد وعيه بنفسه وباللي حواليه.
فلما ربنا يلاقينا بنهرول كده وابتدت خطاوينا تكون مش محسوبه يقوم يلحقنا قبل ما نتكعبل ونتكفي على بوزنا ويحط قصادنا حاجز زي المطب بتاع العربيات كده علشان نهدّي السرعه ونبدأ نبص على خطاوينا ونبص حوالينا احنا فين وعدينا على ايه ومكملين في ايه وعايزين نكمل ولا كفايه لحد كده والطريق ده يناسبنا فعلا ولا دخلناه علشان متاح، طب وماذا بعد هنعمل ايه لما نوصل للنهايه وعايز اوصلها بسرعه ليه، طب انا هنا دلوقتي ليه.
وبما ان ربنا دايماً بيحثنا على التفكر والتدبر وبما انه عارف ان الانسان خُلق هلوعاً جزوعاً عَجولا ولازم يبقى له مرشد يفرمله وينبهه.
فبيعمل الفرمله دي بالمطبات. انما مش كل الناس بيكون عندها البصيرة لفهم رسايل ربنا.
فيه انسان ممكن يستقبل الحدث (المطب) على انه حادثه وانه ضحيه للحادثه. شخص تاني يشوفها رساله. شخص يشوفها فرصه. شخص يشوفها تحدي ويقاوح قبل ما يفكر لحد ما يقع على بوزه ويقف غصب عنه وهو متخرشم... وهكذا. وبناءاً عليه شخص هيحس انه ارتاح من الجري وشخص هيحس انه ناقم وغضبان وغيرهم هيحس انه سعيد بسندة ربنا له وغيرهم هيحس انه فاق..... وهكذا.
وفي الاخر ربنا مش هيكتفنا ويلوي دراعنا علشان نفهم ونعرف احنا اللي بنقرر نحمل شعلة الوعي وننور طريقنا وبصيرتنا بيها، ولا نقعد نعيط عالفرص زي طفل غير ناضج، ولا نـ.ولع في نفسنا بالشعله. احنا حصاد ما نفكر فيه وليس ما يحدث لنا.
ياترى انت اي شخص من الشخصيات دي وراضي تكون زي ما انت ولا عايز تبقى شخصيه من الشخصيات التانيه؟

العاطفة قوية ولكن العقل أقوى
العقل قوي ولكن الارادة أقوى
فاذا أردت التحكم في عاطفتك وعقلك فعليك ان تسعى لامتلاك إرادة قوية

بعد ان عاقبته المدرسة بسبب رسمه المتكرر على الجدران
حصل هذا الطفل على وظيفة تزيين جدران المطاعم وهو بعمر 9 سنوات
وظف قدراتك في المكان الذي يقدرها

لما تطلب حاجه ومحدش يجيبهالك اتعلم تجيبها لنفسك
وانا هنا مش بتكلم عن حاجات ماديه

الأسرة هي حجر الاساس في تشكيل وتعديل سلوك الطفل، ومن اهم طرق تعديل سلوك الطفل هي طريقة التعزيز الإيجابي.

يعني ايه تعزيز ايجابي؟
- يعني اننا نكافيء الطفل بشيء بيحبه بعد السلوك الجيد علشان نشجعه يكرر السلوك الجيد مرات عديده.
طيب التعزيز الايجابي ده بنعمله بتلاقائيه مننا؟
- لأ ... التعزيز الايجابي له شروط علشان يبقى اسلوب ناجح وله نتيجه ايجابية.

اول شرط اننا نكافيء الطفل بعد السلوك الجيد مباشرة منأجلش المكافأة، الا لو احنا متفقين مع الطفل انه لو عمل السلوك ده يومياً خلال اسبوع مثلا هجيبله المكافأة.
ثانياً تنوع المعززات ( المكافآت) علشان الطفل ميحسش بالملل ولا يحصلة اشباع من المعزز فيفقد الحماس والرغبه في الحصول عليه وبالتالي يفقد الرغبه في عمل السلوك اللي بيجلب المعزز.
ثالثاً يكون المعزز مرغوب فيه. يعني نكون مجهزين حاجات الطفل بيحبها وبيهتم بيها علشان يشعر بالسعاده عند الحصول عليها.
رابعاً يكون معزز غير مضر يعني نتجنب المكافأه بالشاشات والاطعمه المضرة.
خامساً يكون المعزز متناسب مع السلوك يعني مجيبش للطفل لعبة غاليه لمجرد أنه شال الطبق مكانه لمره واحده فقط مثلا.

في البوست الجاي هنتعرف على انواع المعززات وهنقول افكار متنوعه تساعدك تعملي لسته تختاري منها بدون حيرة.
سيبي كومنت علشان يوصلك منشوراتي بإستمرار 🌷

طريق التعافي النفسي مقرون بالوعي والمعرفه. وأهم المعارف هي معرفتك بذاتك الحقيقية زي ما هي (لا تشوفها اضعف فتعجز عن اتخاذ الخطوات ولا حتى اقوى فتحملها ما لا تطيق) . ووعيك كمان باحتياجاتك وقدراتك وحدودك وادوارك .... وحاجات تانيه كتير في حياتك كنت مش شايفها او شايفها بصورة غلط نتج عنها سلوكيات غلط سببتلك ضغوط نفسية او خسرتك فرص وعلاقات ندمت عليها.

وعيك بذاتك يعني أنك تتعرف على نفسك من اول وجديد بمحايده بدون تحامل او احكام وتصاحبها وتمضي معاها معاهدة سلااااام😇، يعني مفيش صراعات نفسيه تاني، يعني انت عارف انت مين وبتعمل ايه وعايز ايه لا انت مشتت ولا منساق ولا حاسس باغتراب نفسي.

انك تفهم نفسك صح ومتظلمهاش معاك وانك تبقى مطمئن وواثق في نفسك وماِلك زمام امورك في ايدك.

اللي بيسلك طريق الوعي بيسبق اللي حواليه بخطوة ويمكن بمشوار.
بيشوف اللي غيره مش شايفه وبيفهم الامور بشكل اعمق وحقيقي مش مغلف بمخاوف ورغبات زي ما الاخرين الغير واعيين شايفينها.

الاخرين الغير واعيين بيشبهوا ذاتك القديمه قبل الوعي، ذاتك اللي نشأت عالخوف واللوم والتضحيات وكل الافكار اللي كانت مقيداها سنين لدرجة انها اعتقدت ان القيود دي جزء من جسمك ومكونتش واخد بالك منها او شايفها بس مش عارف تتخلص منها. هما بقى واقفين عند الحته دي.

فـ انت لما تختار التعافي النفسي ووعيك يزيد مش هينفع ترجع تفكر بطريقتك القديمه ولا تاخود رأي الاخرين في خطواتك..ليه؟
لان ارائهم مبنيه على مخاوفهم وقيودهم اللي لسه متخلصوش منها زي ما قولتك. ركز معايا

امشي في طريقك زي ما انت بصحبة مرشدك النفسي وبص مكان مانت واقف بص على نفسك بس، متشتتش نفسك بالماضي والاخرين لحد ما توصل لاخر الطريق اللي بدأته

وخليني كمان الفت انتباهك انك ممكن تتشاف في محيطك شخص غريب الاطوار لانك خرجت من القطيع وتركت ما وجدوا عليه ابائهم واجدادهم وتلاقي احد الاخرين بيقولك: مرشد نفسي ايه يابني مانا عملالك محشي وفراخ هتاكولهم وتبقى زي الفل.
واخر يقولك: نفسية؟ وجاتلك النفسية دي من ايه. هو انت بتحس زينا هييبهووخخخييهههه.

هيتم انتقادك ومحاولة سحبك تاني لطريقتهم علشان هما يحسوا بأمان وانهم صح فلا داعي للتغيير .
علشان كده بقولك🤌🏼 ركز مع نفسك مش لازم تقول لحد انك بتتعافي ومش لازم تاخود رأي حد في خطواتك (الا لو كان شخص واعي وهيدعمك)
ومش لازم تقنع اللي حواليك بانهم يتعافوا وقد ايه التعافي جميل🕊.
متدخلش في جدل ولا صراع مع حد، انت مسؤول عن نفسك بس.
ومع الوقت ولما توصل للراحة النفسية والتوافق النفسي هتلاقي اللي استغربوك عايزين من اللي معاك ده وهيسلكوا طريقك علشان يوصلوا للى وصلت اليه.

اللي مش بيتحرك مش بيلاحظ اغلاله. ابدأ بنفسك واتحرك. وأول خطوة تعملها هي انك تختار المرشد النفسي اللي هيصاحبك في رحلة وعيك.
الله ثم نفسك ثم المرشد النفسي✋🏻

التعبير الفني وسيلة بسيطة ومتاحه للجميع بتساعدنا نفهم نفسنا وبتسهل علينا التواصل مع الاخرين من خلال تجسيد افكارنا ومشاعرنا في صورة عمل فني والكلام عنه في جلسة امنه مع معالج فاهمنا ومتقبلنا ومتفاعل معانا بشكل ايجابي
الفن كمان وسيلة تعبير مهمه للاشخاص اللي بيلاقوا صعوبة في التواصل اللفظي او اللي بيعانوا من الوحده والانغلاق على انفسهم فبيكون دور الفن هنا انه بيطور قدرتهم على تقبل وفهم ذاتهم والتعبير عما يدور بداخلهم والقدرة على التواصل الفعال مع الاخرين . وبكده يكون الفن بيخلق بداخل الفرد شعور بتحقيق الذات وتكوين صورة ذهنية واضحه عن نفسه وتطوير احساسه بجوده و دوره.

هالة كاظم قالت حاجه حلوه اوي في حلقتها مع دينا غبور (والحلقه كلها حلوه ❤). هي قالت انها بتحب تجلس في البيت وتدخل المطبخ تعمل كيك و.... وانها وقّفت المحاضرات واكتفت بمساحه محدده من الشغل علشان يتبقى مساحه اخرى لباقي ادوارها ولممارسة هواياتها فقررت تختار لنفسها الفرص اللي تناسبها بس. كأنها بتفصّل فستان على قدها (على تعبيرها).
فتقدر تستمتع بوقت فراغها وتستمتع كمان بشغلها اللي بتحبه من غير ما يضغطها ويجي على مساحة باقي ادوارها في الحياه.
و ده بيشبه مقوله لدكتور مصطفى محمود بيقول فيها : أُفضل أن أعيش حياه صغيره أملكها على أن أعيش حياه كبيره تملكني.
اللي يوصل للنقطه دي هيبقى في سلام مع نفسه. و ده هيحصل لما نكون واضحين مع نفسنا وعارفين نميز بين اللي عايزينه واللي نقدر عليه. ونفهم أدوارنا في الحياه منختزلش حياتنا في دور واحد على حساب باقي الادوار. لما نفهم ده طاقتنا مش هتبقى مستنزفه في اتجاه واحد ولا هتكون مشتته بين كل الاتجاهات لكن هتبقى متوزعه صح حسب الاولويه. وقتها كمان مش كل الابواب المفتوحه هتجذبنا، ومش هنسعى لاقتناص كل الفرص ومش كل اللي فاتنا هيتسمى فرص ضايعه لاننا مش في سباق مع حد احنا بنستثمر في نفسنا ومع ربنا.
مهم نقبل بعدم الكماليه لان الكماليه في جانب معناه اننا جينا على باقي الجوانب وده هيؤدي لخلل في حياتنا وفي نفسيتنا.
فبلاش ندوس على نفسنا علشان بطارية نفسيتنا متخلصش بدري.

Asmaa HaSsan - Psy Mentor

هل شعرت يومًا أنك غارق في أفكارك، تنتقد نفسك باستمرار، أو تشعر بعدم الرضا عن قدراتك؟ هذه المشاعر شائعة جدًا، لكن هناك وسيلة مبتكرة تساعد على اكتشاف نفسك والتصالح مع ذاتك: العلاج بالفن.
العلاج بالفن ليس مجرد تلوين أو رسم، بل هو رحلة شخصية تسمح لكل فرد بالتعبير عن مشاعره وأفكاره بطريقة حرة وآمنة. من خلال هذه العملية، يبدأ الشخص في فهم نفسه بشكل أعمق، ويرى نقاط قوته وضعفه بدون أحكام أو قيود.
عندما نبدأ في الرسم أو التلوين أو حتى تشكيل المواد الفنية، نكتشف مشاعر لم نكن نعيها قبل ذلك. قد يظهر الغضب في خطوط قوية أو الحزن في ألوان داكنة، وقد نجد الفرح في الألوان الزاهية والأنماط المتناغمة. هذا التعبير المباشر عن المشاعر يساعد على تخفيف الضغط النفسي ويمنحنا فرصة للتفكير بهدوء في أنفسنا.
إحدى أهم فوائد العلاج بالفن هي تعزيز الوعي الذاتي. فبينما نبدع في عمل فني، نلاحظ أنماط تفكيرنا وسلوكنا، ونتعرف على طرق تعاملنا مع التحديات والمشاكل. هذا الوعي يجعلنا أكثر قدرة على تقبل أخطائنا والاعتراف بقدراتنا، ويزيد من شعورنا بالقيمة الذاتية.
كما أن رؤية عملك الفني مكتملًا يعطي شعورًا بالإنجاز، وهو شعور بسيط لكنه قوي جدًا. كل لوحة، كل تصميم، كل قطعة فنية تنتجها بنفسك تصبح دليلًا ملموسًا على قدراتك ومهاراتك، وتذكيرًا دائمًا بأنك قادر على الإبداع والنجاح.
العلاج بالفن أيضًا يتيح لنا مواجهة الصراعات الداخلية بطريقة آمنة. نرسم ما نشعر به، نلون ما يضايقنا، ونشكل ما يربكنا. حين تتحول هذه المشاعر إلى شكل ملموس، يصبح التعامل معها أسهل، ويصبح تقبل الذات أمرًا ممكنًا وبلا ضغط.
وجود أخصائي العلاج بالفن يجعل الرحلة أكثر فعالية. فهو يوجهك، يشجعك، ويقترح طرقًا وأساليب تساعدك على رؤية نفسك بشكل إيجابي، وتطوير احترام الذات والثقة بالنفس.
في النهاية، العلاج بالفن ليس فقط وسيلة للإبداع، بل هو أداة قوية للتعرف على نفسك، لفهم مشاعرك، ولتقوية تقبل الذات. من خلاله، نكتشف جمال قدراتنا ونتعلم كيف نكون في سلام مع أنفسنا، ونعيش حياة أكثر رضاً وثقة.



#اطفال #مراهقين #امهات