شباب نحو التغيير ـ Youth Toward Change

YTC شباب نحو التغيير

أكيد في ناس كتير عندها أسئلة عن المبادرة دي، وإحنا هنا هنحاول نجاوب عليها

أول سؤال: إيه هو هدف المبادرة؟
الهدف الرئيسي إننا نوعّي الأهالي والمجتمع، وكمان الأخصائيين اللي لسه داخلين المجال، بحقوق وتحديات ذوي الإعاقة. بنساعد الناس إنهم يفهموا عن كل إعاقة ولو حتى بمعلومة بسيطة، عشان نخلق وعي ودعم حقيقي.

تاني سؤال: إيه التغيير اللي إحنا كشباب عايزين نعمله؟
التغيير اللي بنسعى ليه هو إن الأهل يبدأوا يتابعوا تطور أطفالهم من أول يوم. وده هيكون من خلال أنشطة وألعاب تفاعلية تساعدهم يكتشفوا المشاكل بدري ويعرفوا يتصرفوا صح. بنهتم بجميع الأعمار من ذوي الإعاقة، وبنركز على التطور الحركي، اللغوي، وغيره.

ثالث سؤال: هل التوعية هتبقى مجرد فيديوهات زي اللي بنشوفها كل يوم؟
أكيد لا! إحنا بنسعى لتغير الفكر التقليدي اللي بيخلي الأهل يحسوا باليأس. هنقدّم معلومات بطريقة بسيطة وسلسة تناسب كل الأعمار والمستويات، عشان توصل للكل وتكون فعّالة.
وفي الآخر، هدفنا الكبير هو تغيّر نظرة المجتمع والأهالي تجاه ذوي الإعاقة. وبدعمكم كلنا هنمشي سوا نحو التغيير .