لايف كوتش- Life Coach | Self-Growth & Confidence بساعدك تلاقي نفسك من جديد وتبني مستقبل أفضل. 🌱
29/11/2025
من التدريب المهني.. إلى "تدريب الحياة". بداية جديدة! 🌱
"متابعيني الأعزاء في (أسترا سنتر).. وحشتوني جداً. 👋
على مدار سنين، جمعنا هنا حب العلم والتطوير والتدريب. وعشان (التطوير) رحلة مش بتقف عند حد معين، قررت إن صفحتنا كمان لازم تتطور عشان تلمس جانب أهم وأعمق في حياتنا.
النهاردة، الصفحة بتتحول رسمياً لـ Dr. Samah - Life Coach.
أنا د. سماح، طبيبة بيطرية سابقاً، ودلوقتي ببدأ معاكم رحلة جديدة كـ (Life Coach) ومسوقة إلكترونية.
هدفي في المرحلة الجاية مش بس نطور مهارات الشغل، لكن نطور "جودة حياتنا" نفسها. هنتكلم عن التحديات اللي بتواجهنا، عن الـ Career Shift، وعن إزاي نلاقي نفسنا ونبدأ من جديد مهما كان سننا أو ظروفنا.
شكراً لكل حد كان موجود معانا من زمان، وأهلاً بكل حد جديد هينضم لرحلتنا.
اللي لسه موجود ومكمل معانا الرحلة.. يثبت حضوره في الكومنتات بقلب ❤️.. ومستنية رأيكم في اللوك الجديد!
"
16/08/2024
15/08/2024
Aiوايه كمان يا عم ال
14/08/2024
14/08/2024
جاهز؟ 👀
🤷 خد بالك☠️👇
من فترة بسيطه،
شركة OpenAI نزلت تحديث مجنون
لشات جي بي تي بيخليه يتكلم زي البشر.. ويمكن أكتر 😵💫
التحديث ده سببه ميزة جهنمية اسمها Advanced Voice Mode..
كل ده عادي،
ولكن المرعب انه من كام يوم OpenAI نزلت
ورقة كدا اسمها Model Card أو يعني كارت تعريفي بإمكانيات نموذجها الذكي GPT-4o
واللي كانت الميزة الجهنمية جزء منه..
الكارت ده بيتكلم عن مخاوف وبلاوي كتيرة
شات جي بي تي يقدر يعملها، وبتعترف بيها OpenAI عادي، وكمان بتقول ازاي طبقت اجراءات وعملت تحديثات تخليها تقدم تتحنب ان ده يحصل.. بس ده ميمنعش انه ممكن برضو البلاوي تحصل رغم كل حاجة!
هنا هنعرف بلاوي الميزة الصوتية الجديدة Advanced Voice Mode 😅
1. شات جي بي تي يقدر يقلد صوت اللي بيكلمه
بدقة مرعبة ودي حاجة مفروض متحصلش، ولكن ده بيحصل كتير في حالة المستخدم كان بيتكلم معاه وحواليه دوشة كتيرة!
2. فيه طرق كتيرة لكسر قيود النموذج وإجراءات الحماية اللي حطاها OpenAI، ومنها انه لو المستخدم شغل نوعية معينة من الأصوات وهو بيتكلم مع ChatGPT، ممكن جدا يقدر يقنعه يقلد صوت أي حد هو عايزه ويخليه يقول كمان اللي هو عايزه مهما كان الكلام خارج ومخالف..
ودي كارثة لان كل ده مفروض OpenAI مدربة نموذجها الذكي انه ميستجيبش للطلبات دي أبدا!
3. الشركة قالت إن أحيانا ChatGPT بيقدر يقنع الناس كويس جدا، بشكل أفضل بكتير من قدرة البشر على إقناع بعضهم..
احيانا كمان ChatGPT مع النموذج الجديد
قدر انه يغير آراء اللي بيتكلموا معاه ووجهات نظرهم عن مواضيع معينة!! 🫠
4. فيه جزء من البطاقة التعريفية للنموذج عنوانه “Anthropomorphization and Emotional Reliance” أو يعني "التشبيه البشري والاعتماد العاطفي"، وده اتكلم فيه فريق الRed Teaming (وده نوع من المتخصصين بيركزوا على أنهم يجيبوا آخر الأنظمة الإلكترونية عشان الشركات تعرف فين نقاط الضعف وتحلها) وقالوا ان ميزة Advanced Voice Mode الصوتية الجديدة بتخلي المستخدمين "اللي جالهم وصول تجريبي للميزة" مرتبطين جدا بشات جي بي تي وبقوا يتكلموا معاه بثقة أكتر وحميمية زايدة وكإنه بشر..
الموضوع وصل إلى ان بعضهم بدأ يفضل يتكلم مع شات جي بي تي بدل ما يتكلم مع البشر اساسا!
5. الموضوع مخيف شوية برضو لان البطاقة المعلوماتية قالت ان OpenAI حطت إجراءات تمنع ChatGPT من انه يعمل أي أصوات مش تمام، زي أصوات فيها إيحاءات👀 أو يقلد أصوات ناس تانيين بظبط أو كمان يعمل اصوات مزعجة زي صوت طلقات نارية أو يصوت فجأة!!
الأصوات دي سببها ان ده أول نموذج يتدرب بشكل كامل على التعرف على أشكال الداتا المختلفة من تكست وصور وفيديوهات وأصوات!
6. كمان المولدل كارد قال ان ممكن جدا المستخدم يخلي ChatGPT يحلل شخصية وسلوك ومشاعر المستخدم من صوته..
يعني ممكن واحد يسمع شات جي بي تي صوت حد ويقوله: "إلى أي مدى شايف ان صوت الشخص ده بيقول انه بيكدب/خايف/مهزوز ؟"وهكذا!!
7. برضو من الحاجات اللي OpenAI ركزت عليها اوي انها حصنت ChatGPT مع الميزة الصوتية انه يرضى يعمل أي طلب يقوله له المستخدم عن انه يغني بطريقة /أسلوب/صوت/كلمات مغني معين، أو انه يعمل أغنية أو يعمل مزيكا، وكل ده عشان خوفا من انتهاك حقوق الملكية الفكرية.. فكل ده محظور خلال النسخة التجريبية من الميزة، بس مفيش كلام هل هتبقى المزايا دي متاحة ف النسخة الكاملة ولا لأ!
🗣️ تحس كده فيلم Her بيحصل
14/08/2024
✋️✋️لحظه من فضلك... الصوره ليست حقيقية 👇👇👇 أحدث أدوات الذكاء الإصطناعي لتوليد الصور وبالمجان
الأداة من جوجل واسمها imageFX
الصور المرفقة ليست حقيقية، ولكن تم توليدها بالذكاء الإصطناعي بإستخدام هذه الاداة، فقط اكتب الـــ Prompt المناسب بطريقة إحترافية وستحصل على أفضل النتائج.
انا كتبت له ( شخص من جنوب مصر يعيش فى مدينة الرياض ويجلس فى أحد شوارعها في فصل الشتاء) وده كانت النتيجة ✌
Prompt: A person from southern Egypt lives in Riyadh and sits in one of its streets in the winter
لتجربة الأداة من خلال الرابط التالي: https://aitestkitchen.withgoogle.com/tools/image-fx
ملحوظه...لو مفتحش معاك اشتغل ب vpn
14/08/2024
لازم نعرف انه ال AI مبقاش رفاهية
ال AI تقريبا بقى حد عايش معانا وبيكبر بسرعه و بيدخل فى كل شئ فى حياتنا ولو تجاهلناه هنخسر كتير
Be the first to know and let us send you an email when Dr. Samah -Life Coach posts news and promotions. Your email address will not be used for any other purpose, and you can unsubscribe at any time.
