Dr.Yasmin Madeh - المستشارة النفسية د. ياسمين مديح

"جوزي عمره ما بيجيب هدية من نفسه."

كانت فاكرة إنه بخيل في مشاعره.

لحد ما اكتشفت إن في ناس بتعبّر عن الحب بالأفعال مش بالكلام والهدايا.

يمكن المشكلة مش إنه مش بيحب...
يمكن طريقته مختلفة.

📩 اعرفي شخصيته من خلال اختبار تحليل شخصية الزوج.

"أنا ولا الماتش يا حبيبي؟" 👀⚽

إزاي يا حبيبتي تسألي السؤال ده أصلًا؟

الماتش طبعًا 😭

بس استني...

قبل ما تزعلي وتفتكري إنه نسيك أو إن الكورة أهم منك...

افتكري إن الاهتمام مش معناه إن الشخص يسيب كل حاجة عشانك.

كل واحد فينا عنده مساحته وحاجاته اللي بيفصل بيها من ضغط الحياة.

المشكلة مش إنه بيشجع ماتش...
المشكلة لما نبدأ نفسّر كل تصرف على إنه قلة حب.

يمكن هو بيحبك جدًا...
بس طريقته مختلفة عن طريقتك.

وعشان كده فهم شخصية شريك حياتك بيخلّي نص الخلافات تختفي من قبل ما تبدأ 🤍

📩 عايزة تعرفي جوزك بيفكر إزاي وإيه احتياجاته النفسية؟
ابعتي "اختبار" على الخاص واكتشفي تحليل شخصية الزوج.

"أول ما أزعل وأحاول أتكلم... يختفي."

يقفل على نفسه.
يسكت.
ينام.
أو يمسك موبايله.

وأنتِ تفضلي تسألي:
هو بيهرب مني؟
ولا مبقاش مهتم؟

الحقيقة إن كل شخص ليه طريقة مختلفة في التعامل مع الضغط والزعل.

📩 اختبار تحليل شخصية الزوج هيساعدك تفهمي ليه بيتصرف بالشكل ده.
ابعتي "اختبار" على الخاص.

لما الراجل يؤذي ست طيبة… بيبقى فاكر إنها هتسامح كل مرة.

لأنها بتستوعب، وبتلتمس الأعذار، وبتدي فرصة واثنين وعشرة… فيبدأ يصدق إن وجودها مضمون، وإن صبرها مالوش آخر.

لكن اللي ميعرفوش… إن الست الطيبة مش ضعيفة، هي فقط بتدي العلاقة حقها كامل قبل ما تاخد قرارها.

في البداية بتحاول تتكلم، وتفهم، وتصلح. ولو ما لقيتش استجابة، تبدأ تسأل نفسها:
“هو أنا بستحمل ليه؟”
“هو أنا مستاهلة اللي بيحصل ده؟”

وتبدأ من جواها رحلة صعبة… بين حبها ليه، وبين احترامها لنفسها.

كل مرة بيتجاهل وجعها… بيطفي جزء من مشاعرها.

وكل مرة يستهين بدموعها… بيقربها خطوة من الرحيل.

لحد ما ييجي اليوم اللي يسأل فيه:
“إنتِ اتغيرتي ليه؟”

وهو ما ياخدش باله إن التغيير ما حصلش في يوم…
التغيير حصل بعد مئات المواقف اللي عدّت من غير احتواء، وبعد آلاف الكلمات اللي اتكسرت جواها وهي ساكتة.

وأول ما تسترد احترامها لنفسها…
بتبطل تستجدي الاهتمام.
وبتبطل تبرر.
وبتبطل تنتظر.

وأخطر مرحلة مش لما تعيط…
ولا لما تزعل…
ولا حتى لما تعاتب…

أخطر مرحلة… لما تهدأ.

لأن الهدوء أحيانًا بيكون إعلان انتهاء المحاولات، مش انتهاء الحب.

🛑 الخلاصة:

الست الطيبة لا ترحل لأنها توقفت عن الحب…
بل ترحل عندما تكتشف أن حبها وحده لا يكفي لبناء علاقة يحترمها الطرف الآخر.

فلا تراهن أبدًا على صبر إنسانة كانت تمنحك قلبها… لأن القلوب التي تُرهَق، تتعلم في النهاية كيف تنجو بنفسها.

سؤال ليكي👀

إيه الأصعب؟

◻ الخيانة
◻ الإهمال
◻ البرود
◻ الكذب

مستنية أشوف إجاباتكم.

📩 للحجز والاستفسار والتواصل ابعتي رساله علي الخاص وهرد فوراااا❤️

واحدة كتبت:

"أنا مش محتاجة ورد...
أنا محتاجة أحس إني مهمة."

الكلمة بسيطة...
لكن وجعها كبير.

لأن الاحتياج الحقيقي عمره ما كان ماديات وبس.

🤍 للحجز والاستفسار والتواصل عبر الواتساب:
01014217564