Reham Gwaily - ICF Life Coach

خواطر يومية..
قال تعالي "وإنْ تَعُدُّوا نِعْمَةَ اللَّهِ لَا تُحْصُوهَا إِنَّ اللَّهَ لَغَفُورٌ رَّحِيمٌ".
اكيد ربنا انعم علينا بنعم ماحدش يقدر يعدها من اول الحاجات اللي ربنا سخرها لنا في الكون و النعم اللي في حياتنا من اشياء لاشخاص لستر كبير ربنا يديمه علينا جميعا و لكن هل لكل انسان ٢٤ قيراط ..في الحقيقة دي مقولة قالها حسين الشربيني في فيلم جري الوحوش عشان يحث الناس علي الرضا و التسامح و لكن المقولة دي لم تذكر في اي اية قرانية او اي حديث شريف و لكن الله تعالي قال "ولله يرزق من يشاء بغير حساب "
و مش معني كلامي ان ربنا ظالم لعباده ..حاشاه ربي و لكن ارزاق الناس مختلفة في الدنيا و مش شرط يكون الناس متساويين في الارزاق لحكمة يعلمها الله و لكن الاكيد ان كل واحد فينا بيمر باختبارات و ابتلاءات مختلفة كما قال تعالي " لَقَدْ خَلَقْنَا الْإِنْسَانَ فِي كَبَد " يعني ماحدش عايش سعادة متناهية طول الوقت و ربنا وعد الصابرين بأجر عظيم كما قال تعالي "إنما يوفى الصابرون أجرهم بغير حساب} (الزمر:10).
فالرضا و التسليم لارادة الله و الثقة في كرم ربنا هو الحل الامثل للوصول للطمأنينة بغض النظر عن موضوع ٢٤ قيراط..
ربنا يديم علينا نعمه و يصرف عنا كل مكروه

٤ اعمدة بتسند اي علاقة 💑💪