Judy Training Center

لما ربنا ينعم علينا بطفل "طبيعي "
والطفل يجيب درجات كويسة بنبقى مبسوطين وكمان لما يبقى مؤدب .
لكن كونه أنه "طبيعي "
دي حاجة تبسط لوحدها لانها نعمه من ربنا
لكن لو ربنا كرمك بطفل عنده حدود معينة
في التعلم والادراك وحتي بأبسط درجاته بيحصل عليها ببطء وممكن ميحصلش خالص.

علموا اولادكم اللطف وتقبل كل زملائه‍م في الفصل. الاطفال اللي عندهم احتياجات إضافية زي كل الناس محتاجين يبقوا مقبولين من اللي حواليهم والتعامل معاهم.
بجد محتاجين ننشر الوعي اللي يخلينا
نقبل اي حد عنده حاجه مختلفه عننا
وده هيخلينا نربي اولادنا انهم يقبلوا اختلاف الاطفال ويقدروا يتعاملوا معاهم ونعرف بأن
كل طفل مميز ومختلف وده جزء من جمال العالم اللي احنا عايشينه👌🏻💙

⛔️ انا مقاطع فيسبوك من انهارده ١٢ بالليل
ولمده ٢٤ ساعه
مفيش بوستات
⛔️ مفيش ماسنجر مفيش اي نشاط على بروفايلي او صفحاتي
من غير ما الغي حسابات
هو توقف لحركة فيسبوك تماما ...
تضامنا مع اهلنا في غزه

من أكثر ما يحزنني على فيسبوك أسئلة الناس عن أطفالهم الصغار بالذات .. واستسهال فرض أن الطفل يعاني من اضطراب ما
البعض يعتبره ADHD أي فرط حركة وتشتت انتباه .. والبعض الآخر يتصور أن الحركة الكثيرة تعني اضطراب في كهرباء الدماغ .. وعندما يكبر الطفل قليلا يبدأ فرض أنه يعاني من صعوبات التعلم 🤔

وللأسف مع عدم تفهم الأهل لطبيعة الأطفال تبدأ رحلة الأسئلة في الجروبات والنصائح الخاطئة بأدوية .. وتبدأ الجولة على الأطباء .. وبعضهم للأسف يعطي أدوية للطفل وهو لا يحتاجها وحقا لا أفهم سبب ذلك .. قالها طبيب أمامي مرة أنه تعلم في الخارج ألا يعطي أدوية بدون داعي ولكن في مصر لا يصح ألا تعطي أدوية وإلا سيفترض الناس أنك طبيب فاشل ولا تعرف العلاج!!!
لذلك يكثر في مصر أن يصف الطبيب العديد من الأدوية للطفل وهو في الواقع لا يحتاج كل هذا 😑
ليس الأمر فقط أطباء غير مؤهلين ولكن هناك ثقافة مجتمعية تحتاج للتغيير 🌻

أؤمن تماما أن هناك أطفالا يعانون من اضطرابات بالفعل .. وهذا يظهر من خلال فحوصات واختبارات والتأكد من التشخيص بالذهاب لأكثر من طبيب

ولكن ليس كل طفل كثير الحركة يعاني من ADHD أو كهربا زيادة كما يدعون .. وليس كل طفل مستواه متدني في الدراسة ذكاؤه ضعيف أو عنده صعوبات تعلم ✋

التعميم خاطيء وكل طفل له حالته الخاصة ولابد من دراسة حالته من عدة جوانب
وسأسوق هنا بعض الجوانب التي يغفل عنها الكثير من الأهل:

1- طبيعة الأطفال (حب الحرية والانطلاق واللعب والحركة)
بوست يعني ايه طفولة هايوضح طبيعة الأطفال أكثر:
https://www.facebook.com/405612079831080/posts/483651978693756/

2- طبيعة البيئة وتأثير الغذاء (الحبسة تؤثر سلبا في سلوك الطفل وتسبب أعراض فرط حركة .. المواد الحافظة في الطعام وكثرة استخدام الشاشات لها أثر سلبي على الحركة والانتباه)

3- طبيعة المرحلة العمرية .. فالطفل الدارج من 1-3 سنوات من ضمن سلوكيات المرحلة نوبات الغضب وعدم السيطرة على الانفعالات .. فلا تستطيع الأم التعامل معه إلا بالضرب ثم تشكو أنه حتى مع الضرب لا يتحسن سلوكه!!

بوست عن تهذيب الطفل الدارج
https://www.facebook.com/compassionate.positive.parenting/photos/a.405631903162431/419376618454626/?type=3

بوست عن التعامل مع نوبات الغضب بعد عمر 6 سنوات
https://www.facebook.com/405612079831080/posts/423085298083758/

3- في السن الصغير كل الأطفال يتعلمون باستخدام حواسهم والحركة تساعدهم على التعلم فيكون النمط السائد "الحركي الحسي"
بوست يوضح أنماط التعلم
https://www.facebook.com/405612079831080/posts/526126847779602/

بوست عن النمط الحركي خصيصا وأمثلة تعليمية
https://www.facebook.com/405612079831080/posts/1287814634944149/

وبوست عن الذكاءات المتعددة
https://www.facebook.com/405612079831080/posts/526127954446158/

4- في السن الأكبر يتطور النمط التعلمي .. قد يكون نمطا سائدا بصري أو سمعي أو حركي حسي .. أو مختلط من نمطين معا .. الطفل البصري السمعي هو ذلك الطفل الذي يمكنه الجلوس بهدوء في الفصل والتركيز والإجابة بسرعة وتحقيق طموحات المعلمات والأم
أما الطفل الحركي الحسي والأطفال ذوي النمط الحركي المختلط مثلا سمعي حركي أو بصري حركي .. فهؤلاء الأكثر عددا وبالفعل لا يمكنهم البقاء ساكنين أثناء التعلم .. والحركة تساعدهم كثيرا على التركيز .. ويحتاجون طرق تعلم تناسبهم وطريقة مختلفة لعرض المعلومات

ليس العيب في الأطفال 😑 صاحب النمط الحركي ليس مريضا ولا يحتاج لأدوية ولا أقل من زملائه وإنما هو موهوب gifted .. فقط يحتاج طرق تعلم تناسبه ليتألق .. يحتاج معاملة تراعي احتياجاته التعلمية .. يحتاح معلمات متفهمات وأم واعية تقدم له الدعم

وحتى لو كان الطفل يعاني من اضطراب ما فالدواء وحده لا يكفي وإنما يجب أن يصاحب الدواء علاج معرفي سلوكي وتفهم من الأهل لحالة الطفل ودعمه ليحيا في أمان ويتعلم بطريقة تناسبه وتوفير بيئة مناسبة له .. يحتاج من يؤمن به وبقدراته حتى مع وجود اضطراب .. يحتاج لكثييير من الصبر والمثابرة من أهله ومعلميه 💜

فأرجو من كل قلبي أن تسعى كل أم إلى رفع وعيها وتثقيف نفسها تربويا وتعليميا ليمكنها التعامل مع تحديات التربية والتعليم لأبنائها .. ولا تندفع في افتراضات لا أساس لها ولا تجرب الأدوية في أطفالها
وكذلك المعلمات .. قد تكوني العامل المؤثر في حياة طفل من خلالك يتعلم ويرى نفسه قادرا .. فلا تكوني سهما آخر ينغرس فيه باتهامه أنه غير منضبط في الفصل أو مستواه ضعيف وتطلبين من الأم أن تشد عليه ليحفظ مثلا وهذه ليست الوسيلة المناسبة لتعلمه .. فلا يناله من ذلك إلا الكثير من الضرب من والدته ليحفظ كما طلبت المعلمة😒

هذه ليست دعوة لعدم السعي في علاج الأطفال الذين يحتاجون لعلاج ✋ بل دعوة للتأكد قبل تجربة الأدوية في الأطفال العاديين .. هل هم يحتاجونها أصلا؟ 🤔

ازيكم متابعينا الكرام .. سألتكم في بوست سابق عن معنى الطفولة بالنسبة لكم وسعدت بتفاعلكم مع البوست بتعليقاتكم وأفكاركم.. الحقيقة التعليقات كانت متباينة جدًا .. فيه مجموعة جاوبت من منظورها للطفولة .. من وجهة نظر كونه أب أو أم .. وقالوا الطفولة يعني مسئولية .. نعمة .. صبر.. تحمل.. زينة حياة .. ذكريات
فيه ناس شافت الطفولة بعمق أكتر إنها حياة .. مرآة .. عنق الزجاجة.. فيه مجموعة وصفوا الطفولة إنها ضعف واحتياج
مجموعة تانية شافت الطفولة من وجهة نظر مختلفة إن الطفولة فرصة للتأثير في تكوين إنسان وتشكيل شخصيته ..
فيه ناس شافت الطفولة مرار طافح 😂😂😂😂
أحد المعلقين الأفاضل شاف الطفولة ابتلاء وده صدم ناس تانية مع إن الابتلاء يعني اختبار وممكن ربنا يختبرنا بالنعمة والنقمة .. بالخير والشر .. "ونبلوكم بالشر والخير فتنة"
وفيه مجموعة قالت إن الطفولة = براءة .. راحة بال.. تأمل .. شغف.. فطرة.. حب بجد.. إصرار.. فرحة.. حرية
آخر مجموعة دي قدرت توصل لعدد كبير من الخصائص الأساسية لمرحلة الطفولة اللي أوقات بتغيب عننا.. لو سألتم ولادكم فوق 7 سنوات يعني إيه طفولة هايقولوا كلام كتير من اللي موجود في آخر قائمة

أيوه الطفولة حرية وانطلاق وشغف وحب ومتعة وفرحة ..
أيوه الطفل الطبيعي بيكون منطلق وسعيد وبيضحك بصوت عالي وبيتكلم بحماس جدًا ...
الطفل الطبيعي من وجهة نظر التحليل النفسي اسمه الطفل الحر Free child يعني أهم صفة في الطفل ده هي الحرية وعدم التقيد .. يعني لما يخطر على باله شيء يبقى عايز يعمله قوي ولما مايقدرش يزعل ويعيط .. ده اللي احنا بنسميه "زنان" ..
يعني يكون متمسك برأيه ويقول لأ كتير .. ده اللي احنا بنسميه "عنيد" ..
يعني مايهموش العواقب ولا المخاطر .. شجاع .. مقبل على الحياة .. لو شاف شجرة يجري يتسلقها وهو مش عارف ولا مخطط ولا في باله أصلًا هاينزل إزاي .. ده اللي احنا بنسميه "مندفع" ..

الطفل الحر بيحب الهواء الطلق .. بيحب الخروج .. وبيتعصب في الأماكن المغلقة .. هو محتاج مكان واسع ينطلق فيه ويمارس حريته .. عشان كده أول ما تقرروا تروحوا جنينة هايطلع يجرب بدون هدف .. ومش هايستجيب أبدًا لكلمة اوعى تروح بعيد ..
الطفل الحر بيحب يلعب في المية والطين .. بيحب الحيوانات والحشرات والضفادع والدود كمان 😅 .. مش بيقرف .. هو حاسس انه جزء من الطبيعة ومتناغم معاها مش زينا
الطفل الحر لو حبك بيبان عليه وممكن يقولك 😍😍 ولو مش مرتاحالك مش هينافقك
الطفل الحر صادق مش بيعرف الكذب ولا النفاق.. الطفل الحر هو البراءة بعينها .. مش بيعرف يزوق الكلام .. وعشان كده أوقات يحط أهله في مواقف محرجة ..
الطفل الحر بيحب يتشقلب ويتنطط ويتسلق .. عينيه بتلمع من الفرحة والشغف بالحياة .. الطفل الحر على فطرته النقية اللي خلقها ربنا .. لسه مايعرفش ان الدنيا فيها أشرار .. وعشان كده محتاج حمايتنا ورعايتنا ..
الطفل الحر ذكي جدًا وبيحب يسأل كتير .. ويخرج من سؤال يدخل في سؤال وأسئلة وجودية صعبة مش بسيطة.. ده اللي احنا بنسميه "رغاي" ..
الطفل الحر مبدع للغاية .. بيفكر بره الصندوق .. مش بيحب يقلد .. مش بيحب القيود في الابداع .. فبيطلع بره الحدود وهو بيلون .. مش بيمشي على خطوط tracing مظبوط.. بيختار ألوان غير واقعية.. ممكن يرسم البحر أخضر والشجر أزرق !! عادي هو عايز كده 😉😉
الطفل الحر خياله واسع .. ممكن يألف حكايات .. ممكن يتخيل مواقف ماحصلتش .. ممكن ينسج في خياله صديق تخيلي .. ده ممكن يتقال عليه "كذاب" أو "مش طبيعي"

الخلاصة إن معظم الشكاوى المتكررة من الأطفال وتصورات الأهل عن مشاكل وهمية عند ولادهم ووصمهم بصفات غير جميلة .. كل ده نابع من عدم وعي الكبار بخصائص مرحلة الطفولة .. طول الوقت بنوجه رسايل لولادنا ماتبقوش أطفال ..
رسايل زي دي:
وطي صوتك .. اقعد كويس .. اوعي تقوم من مكانك .. ماتتحركش من جنبي.. استأذن قبل ما تعمل كذا .. ماتجريش .. كفاية لعب.. لون كويس.. بطل تأليف.. أنا هاوريك تعملها ازاي.. كفاية رغي.. كده وسخت هدومك
بنقولهم بصورة غير مباشرة بطلوا تعيشوا طفولتكم .. طول الوقت معترضين على تصرفاتهم الطفولية الطبيعية .. وبدل ما نقول طفل طبيعي .. نوصم الطفل بمشاكل سلوكية .. ونبعت نسأل استشاريي التربية أو نلف بالطفل على الدكاترة وأخصائي تعديل السلوك .. والحكاية أبسط من ذلك .. هو فقط طفل طبيعي يمارس طفولته .. واحنا الكبار اللي مش فاهمين.. لا هو متأخر ولا سلوكه سيء .. لا هو عصبي ولا عنيد ولا كذاب ولا نكدي ولا رغاي ولا أي كلام من ده

المشكلة دي مش بتكون من الأهل بس .. لا كمان العيلة الكبيرة واخوات الطفل الكبار والأصحاب والمدرسين في الحضانة والمدرسة والمدربين في النادي ومعلمين القرآن .. مش بس المحيطين بالطفل .. ده كمان الناس اللي بيقابلهم في الشارع والمواصلات اللي بيتأففوا من صوته العالي .. وجيرانه اللي زعلانين من صوت خطوت رجليه وهو بيجري في البيت

طيب ان ماكانش الطفل يمارس طفولته وهو صغير هيمارسها امتى ؟!
ان ماكناش احنا ككبار نتفهم احتياجاته ونفهم تصرفاته وسلوكياته في إطارها الصحيح وندعمه عشان يحافظ على الصفات الجميلة اللي فيه الحرية والابداع والشغف والصدق .. لو ماعملناش كده يا ترى هايحصل إيه؟ 🤔🤔🤔

هايحصل تحول للطفل الحر إلى حالة من اتنين .. إما إنه يتحول لطفل متكيف منقاد أو طفل متمرد عنيف
لما بنحرم أولادنا من حقهم الطبيعي في ممارسة طفولتهم عن طريق محاولة السيطرة عليهم وتقييد حريتهم بيختلف رد فعل الطفل حسب شخصيته ..

لو الطفل شخصيته تميل للضعف بعض الشيء مش بيفضل المواجهة .. هايؤثر السلامة ويبدأ يتحول لطفل منقاد متكيف مع الوضع .. بيسمع كلام الكبار .. دايمًا منتظر أوامرهم عشان يعرف يعمل إيه
أول حاجة هايفقدها هي مهارة الابداع .. هيمشي على الخطوط وهايلون من غير ما يطلع بره مش على سبيل الاتقان وإنما لإرضاء الكبار.. هايبقى طفل ساكت .. قاعد معظم الوقت .. ظهره محني .. مش عارف يضحك .. كلامه قليل .. بيرد على قد السؤال .. مالوش حياة إجتماعية ... منطوي ومش بيعرف يعمل أصحاب .. بيتضرب كتير في المدرسة وبيعاني من نبذ الأقران .. هايبطل يتنطط حتى لو راح رحلة هايبقى مش عارف يستمتع .. مش عارف يجري زي بقية الولاد بانطلاق وحيوية ..
المضحك المبكي ان الطفل ده الكبار بيحبوه جدًا لأنه مثال الأدب والأخلاق .. ملتزم.. بيحفظ الكتاب وبيحل زي الكتاب ما بيقول .. بينفذ كلام الميس بحذافيره .. بيربع إيديه في الفصل ..
بيحبوه لأنه بيسمع الكلام وقرر يكون زي ما الكبار عايزين مش زي ما هو عايز .. بيصلي مش عشان يرضي ربنا إنما عشان يرضي الكبار وممكن في الخفاء يغضب ربنا عادي ..
مع الوقت الطفل ده بيعتاد الانقياد وبيفقد مهارات التفكير ومش بيعرف ياخد قرارات ولا بيعرف يتصرف في المواقف الصعبة .. وغالبًا هايعيش عمره كده .. مستني حد يقوده وهو عليه ينفذ .. ولو كان راجل بيكون غير مؤهل لتحمل مسئولية القوامة في بيته وبيعيش طول عمره حاسس إنه مش نفسه وبيعاني من تدني تقدير الذات

مهم كمان نعرف إنه بيكون قاسي على نفسه جدًا .. دايمًا عايز كل حاجة صح و perfect عشان يتجنب النقد .. بيشوف إنجازه في عيون الناس لما يصقفوله بس .. بيلوم نفسه وبيجلدها لو غلط.. وكل ده نتاج إنه ماتسمحش ليه يعيش طفولته بحرية وانطلاق.. الطفل ده وصل لقرار مصيري وهو في سن صغير قوي ممكن 3 سنوات أو 4 سنوات إنه لازم يتخلى عن حريته ويسمع الكلام عشان يفضل محبوب ومقبول من الكبار

رد الفعل التاني لو الطفل شخصيته قوية وجريء إنه هايتحول من طفل حر إلى طفل متمرد عنيف .. مش بيعرف يتعامل غير بالضرب والعنف .. إيده سابقة عقله .. عصبي طول الوقت .. مش ملتزم بأي قانون أو اتفاق .. ممكن تشوفي سلوكيات انتقامية زي مثلا إنك لو عاقبتيه يروح يضرب أخوه أو يعوره .. لما يروح أي مكان بتقوم خناقات .. ممكن يعذب الحيوانات ويروعها .. بتحسي إنك مربية وحش صغير .. بيكون قاسي على الآخرين حتى المقربين منه خاصة وقت العصبية الشديدة.. ولما بيدخل المدرسة عادة بيكون بلطجي الفصل bully .. قائد شلة المشاغبين .. المدرسين بيستنفذوا كل أساليب العقاب معاه .. بتزهقي إخطارات من المدرسة .. وشوية بيبقى ولي أمر نفسه .. لما بيوصل للمراهقة بتكتر كلمة "ماحدش قادر عليه" وتبدأ مشاكل من نوع آخر ..

الطفل المتمرد رافض لفكرة إن أي حد مهما كان يحد من حريته .. كل اللي بيعمله ده رد فعل لمحاولة الكبار السيطرة عليه والإفراط في فرض القيود.. عادة الطفل ده بيرفض الصلاة وصعب يستجيب بالطرق المعتادة.. لما بيكبر بيكون المدير العنيف والزوج اللي بيضرب زوجته وبيعنف ولاده .. بيكون الدكتور اللي بيشتم طلابه ويهددهم بالدرجات ... الطفل ده اتخذ قرار مصيري إنه عشان يفضل محتفظ بحريته لازم يتمرد على الجميع وممكن ده يوصله للتمرد على الخالق كمان .. اتخذ قرار إنه لازم يبقى قوي لدرجة العنف عشان يقدر يكون صاحب قراره وماحدش يتحكم فيه ويعمل اللي هو عايزه

يعني ببساطة حرمان الطفل من حريته هايحوله للقسوة إما على نفسه (طفل منقاد) أو على الآخرين (طفل عنيف)

طيب ازاي نتجنب التحولات الخطيرة دي اللي ليها أثر طويل المدى وعلاجها صعب؟

اننا نفهم خصائص الطفولة ونحارب عشان ولادنا يعيشوا حياتهم بحرية .. نوفر لهم فرص للانطلاق والمتعة .. نحقق توازن ما بين الأنشطة الممنهجة واللعب الحر اللي بيقرره الأطفال نفسهم .. نبطل أوامر كتير .. نبطل تهديدات .. نبطل نعاقبهم على تصرفات طفولية طبيعية .. نخرجهم في أماكن مفتوحة .. نتفهم مشاعرهم .. لا نندفع ورا وهم ان طفلي مش طبيعي أو عنده اضطراب نفسي أو مرض عضوي .. نوجه لهم رسايل مشجعة ومحفزة إنهم يستمتعوا بطفولتهم اللي مش بيعيشوها غير مرة واحدة وبقية عمرهم مبني على إنهم يعيشوها صح .. نكون أهدى وأكثر وعيًا بكل مرحلة عمرية بيمر بيها أولادنا ودايمًا نثقف نفسنا تربويًا بشكل مسبق قبل دخول ولادنا لكل مرحلة جديدة.. مش بس كده لازم ننشر الثقافة دي في المجتمع كله .. عشان نخلق لولادنا مجتمع صديق للأطفال 😍😍😍😍😍

يا رب رسالتي توصل لكل أب وأم .. ابنك طبيعي وبيعيش طفولته بفطرته.. سيبه يستمتع بيها تحت حمايتك وممكن انت كمان تستمتع معاه وتعيش طفولتك من تاني أو تعيشها لأول مرة لو ماكنتش عشتها

منشور للاباء فقط 🧔🏻👨🏼‍✈️👨🏽‍⚕️👨🏽‍🏫👨🏼‍🔧👨🏽‍💼🕵🏽‍♂️

علشان الآباء من الجنس الآخر
تعليقاتهم لبناتهم ليها تأثير كبير جدا سلبي وايجابي

يعني الأم تفضل تزعق لبنتها طول اليوم وعادي بيتكلموا بعد شوية👩‍👧

لكن انت لو جربت تزعق، 😠
بنتك هتتأثر جدا وتزعل وتبقى مش عايزة تكلمك، وانت تبقى مستغرب، يعني هي كلمتي اللي وقفت في زورها؟🤔

أكيد الموضوع مش كده..
الموضوع يا سيدي هو إنك أول رجل في حياة بنتك،
انت اللي بتحدد التعامل اللي هتتقبله بنتك بعد كده من الجنس الآخر😌

لو انت بتشوفها وحشة وبتعلق دايما تعليقات سلبية على وزنها أو شكلها أو شعرها، فهي هتحط نفسها في قالب إنها هتترفض من الولاد وهتقل ثقتها في نفسها جدا..😔

ولو من النوع اللي بتحب تهزر وتتريق عليها كتير، فحبه بقولك بلاش بيأثرفي النفسية جامد وبنتك مش هتحب تقعد معاك عشان هي في سن مينفعش تتريق عليها..

انت نفسك إن بنتك تبقى أحسن بنت في الدنيا ده صحيح. ولكن لما تبقى مشغول جدا بوظيفتك اللي صحيح بتأمنلها بيها حياة كريمة، ولكن اهتمامك بيها هو اللي هي محتاجاه جدا دلوقتي والاهتمام ده هيديها مشاعر كتير جدا مش هتعرف تعوضها بعد كده..💔

💙بنتك محتاجة منك:👇🏼👇🏼

1. إنك تحترم مامتها علشان دي أول شراكة زوجية هي بتشوفها في حياتها وهي دي اللي هتبقى أساس حياتها لما تتجوز..😘

2. إنها تبقى متأكدة إنك هتدعمها حتى لو بتختلف معاها في الرأي.. ولكن تبقى متأكدة إن ليها ضهر وسند.🥰

3. إنك تكون قدوتها في التصرفات و ضبط الأعصاب والانفعالات.🤐

4. إنك دايما تشجعها تاخد خطوات وقرارات كبيرة ولو صعبة وتطمنها إنك جنبها.. تقولها إنها متخافش تغلط لأننا بنتعلم من الغلط.😌

5. إنك تعبر لها عن شياكتها وأناقتها وجمالها حتى لو بتلعب في الطين.😜

6. إنك تعزمها بره في مكان حلو علشان إنت فخور إنك مع بنوته قمر زيها😍

7. إنها تحس إنها البرنسيسة بتاعتك الغالية، علشان هي تبقى غالية في نظر نفسها ومتبقاش محتاجة تسمع كلمتين حلوين من أول ولد يضحك عليها وتتدلق عليه علشان هي ناقصها الحب ده💙

لايك و شير للبوست علشان الكل يستفيد..🌷👆🏽👆🏽

*أنواع التوحد*
الاوتيزم السمعي:
1- يتكلم بصورة سريعة (تكرارية).
2- اتصاله البصري مثل فلاشات الكاميرا.
3- ايكولالية بدون فهم.
4- مهارات الكتابة ضعيفة.
5- يضع أذنه على اى شئ ليسمعه مثل الأكواب والحائط ومواسير المياه.
6- يصدر اصواتا من فمه ويسمعها.
7- يتحسس الأشياء كثيرا.
8- التصفيق بجانب الأذن.
9- سد الأذن مع الأنين.
10- يحب إصدار الاصوات داخل الأنفاق والمشي فيها.
11- عندما يصل إلى مرحلة الإشباع يسد آذانه.
12- يحب الجلوس بمفرده فى الظلام.
13- يصدر اصواتا مزعجة بدون داعي.
14- يتعلم الكتابة ببطء شديد.
15- يتعلم القراءة عن طريق الهجاء.
16- يحب المثيرات السمعية.
17- منهم من هم ذو حاسة سمع عالية ومنهم من هم عاديين.
18- ذاكرة سمعية قوية.
19- سريع فى الحفظ للاغاني والقران.
20- يستطيع تقليد رتم او إيقاع موسيقى بدقة.
22- يحتاج إلى تدريب سمعي فى حالات السمع العالية الذات.
23- يصاب بتداخل فى الاصوات الخلفية والمباشرة فى حالات السمع العالية.
24- مهارات الميكانيكية منخفضة لديه.
25- لديه تأخر فى الكلام.
26- كلامه غير مفهوم.
27- يقلد نبرات الصوت وسريع الحفظ.
28- اقل اندماج مع الآخرين.
29- اتصاله البصري بالأشخاص والأشياء ضعيف.
30- يهز جسمه تكرار.
31- طول رد الفعل.
32- يكرر الجمل والمقاطع والكلمات.
الاوتيزم الميكانيكي:
1- لديه مهارات رعاية الذات عالية جدا.
2- يحب فك وتركيب المكعبات.
3- منتظم لأعلى درجة.
4- روتينى.
5- لديه مهارات بصرية عالية.
6- لديه مهارات سمعية مختلفة.
7- علاقته بالأشخاص ضعيفة.
8- ماهر فى القراءة والكتابة.
9- يرسم جيدا.
10- يحب الملمس الخشن او الناعم.
11- يحب تقطيع الزرع.
12- يميل للمثيرات الحسية المثيرات الحسية عالية عنده (الماء مثير عالي).
13- يحب السير حافي على السيراميك او السجاد.
14- يحب الإحساس بالاحتضان او يرفضه على حسب درجة إشباعه.
15- الملابس تمثل له مثير سواء فى درجة خشونتها او مدى ثقلها.
16- لا يطيق لبس الملابس فى بعض الأحيان.
17- يحب التصفيق.
18- يحب الخبط على جسده بشدة.
19- الحك فى جسده.
20- لا يطيق الملامسة مع اى شخص.
21- متقلب المزاج جدا على حسب الجو.
22- حاسة التذوق عنده عالية.
23- يحب الأشياء اللازعه مثل الكيروسيز والبرفانات والملح والشطة.
24- يتذوق اى شئ.
25- حاسة الشم عنده عالية.
26- يحب الأشياء ذات الرائحة النفاذة.
27- لا يحب المصافحة.
28- يلجا دائما إلى بطانية او لحاف ويقوم بلف نفسه داخلها.
29- يحب اللعب بالصلصال والطين الاسوانى والعجين.
30- يحب تلمس الحائط والسيارات طوال طريق سيره.
31- الذاكرة الحسية والبصرية مرتفعة عنده والذاكرة المكانية.
32- يحب تحسس الوجوه للأشخاص.
33- دائم النفخ فى يده او وضعها فى فمه.
34- يتعلم بالطريقة الكلية.
35- يحب ألعاب البازل.
36- يحب ألعاب الكمبيوتر والفيديو كليب.
37- يحب رص الأشياء والرسومات الهندسية الرقيقة.
38- يحب النظافة ووضع الأشياء إلى أماكنها.
39- لا يحب التغير.
40- يرسم خرائط للمكان الذي يتواجد فيه.
41- يجيد ألعاب الحركات الدقيقة.
42- يجيد ألعاب التريكو والغزل والمشغولات اليدوية.
43- الإدراك لديه عال جدا.
44- لا يطلب المساعدة.
45- ينزعج من نزول المطر على جسمه.
46- التعلق بالأشياء.
47- الاهتمام الغير مناسب ببعض الأشياء.
48- مقاومة للتقرب او العناق.
49- يحب المثيرات الفمية اللاذعة.
50- زيادة الإحساس بالمثيرات.
52- نقص الإحساس بالمثيرات.
53- أكثرهم فى التخيل.
54- أكثرهم فى النشاط.
55- أكثرهم مثيرات حسية وحركات تكرارية.
56- أكثرهم اندماجا.
57- يشم جميع الأشياء التي تصل إليه.
58- يميز الأشياء بحاسة اللمس كرفض او قبول.
59- يضايقه هطول المطر.
: الاوتيزم البصري:
1- عينه تتحرك كثيرا وتلقط مثل الكاميرا.
2- لا يركز بصره مع الأشخاص.
3- شديد التركيز للأشياء والصور والألوان.
4- عينه ترى تفاصيل الأشياء بدقة.
5- يثير نفسه حسيا لإدخال مثيرات حسية
أ- الضغط على العين. ب- النظرة الجانبية.
6- يحرك اشياء أمام عينه بطريقة معينه.
7- الطفل الذي ينظر لأصابع يديه.
8- النظر إلى أشعة ضوء الشمس.
9- يحب خيال المرايا العاكسة.
10- يحب بلورات النجف.
11- يحب المياه, يحب المطر, يحب الرمل.
12- يفعل أشياء يدوية بيده ويفعل خيالات بها.
13- يحب الفيديو كليب.
14- لديه مهارات عالية فى التطابق والفرز.
15- جيد فى مهارات الفرز.
16- جيد فى مهارات التصنيف.
17- يحب الخطوط المتعامدة.
18- يحب رص الأشكال والأشياء المنتظمة.
19- يحب تقطيع الورق الملون.
20- يحب العجل او الدراجات.
21- يحب المواصلات العامة.
22- لديه تأخر شديد فى النمو اللغوي.
23- لديه ضعف فى الانتباه السمعي.
24- ماهر فى القراءة.
25- يتعلم القراءة عن طريق الصور وبالطريقة الكلية.
26- النظر من فوق الأشياء المرتفعة.
27- لديه قوة فى الذاكرة المكانية.
28- يقوم برسم خرائط بالنظر لاى مكان يتواجد فيه.
29- يحب البيئة الغير مرتبة.
30- يلفت نظره الأشياء المشجرة وذات الألوان الذاهيه من مفروشات وخلافه.
31- يحب فقاقيع الصابون وألوان الطيف.
32- يحب قفل العين والجلوس فى الظلام عند الوصول إلى مرحلة الإشباع.
33- يقوم بسد أذنيه معظم الأوقات.
34- يقوم بهز الرأس مع فتح العين بشدة يمين وشمال.
35- التصفيق أمام العين.
36- ينجذب لألعاب الكمبيوتر والفيديو كليب.
37- بارع فى الأرقام ويحب النظر إليها.
38- يجيد مهارات الحساب وسريع فى إخراج الناتج.
39- يحفظ فهرس الكتب.
40- شغوف بالكتب والمكتبات.
41- يحفظ النتائج والتواريخ جيدا.
42- بارع فى الباذل والتركيبات.
43- بارع فى الأعمال الهندسية المنظمة.
44- يجيد الحركات الدقيقة ولضم الخرز وخلافه.
45- المهارات الميكانيكية متوسطة عنده.
46- يحب النظر إلى المراوح.
47- يحب لف الأشياء.
48- يهز جسمه تكرارا.
49- مهارات الكتابة لديه متوسطة.
50- غياب التواصل اللفظي.
51- ميل للعدوان.
52- ينظر فى أرجل الأطفال عند الجري.
53- يحب فر الكتب

(منقول للإفادة👆👆)

لازم نعرف الفرق بين الحرمان البيئى والتوحد👌👇👇👇

الحرمان البيئي🙁👇
هو عباره عن البيئة المحيطه التى يعيش فيها الطفل ومن خلالها يكتسب اللغة ويمارس أستخدمها والحرمان البيئى للطفل يعنى أنه لا يجد الإشباع الكافى لاحتياجاته اللغوية فى معرفة الأشياء التى تحيط به ومسمياتها وممارسة الأستخدام السليم بالأساليب اللغوية فى الحياة اليومية وذلك نتيجة الإنشغال الآتي ممن يعيش معهم وعدم إعطائه الوقت الكافى فيكن من أسباب حدوث تأخر فى نمو اللغة.
بالرغم من توافر العوامل الداخلية للطفل👇 (الحسية»العصبية»الحركية»الفكرية»النفسية)
فتكون سليمة ولكن يعوق النمو اللغوى لدى الطفل. 😔

التوحد.🙁

هو إحدى الإضطرابات التابعة لمجموعة من إضطرابات التطور المسماه باللغة الطبية إضطرابات فى الطيف الذاتى
Autism Spectum Disorders
تختلف أعراض التوحد من حالة إلى أخرى .
جميع الاضطرابات الذاتية تؤثر على قدرة الطفل على الإتصال والاختلاط مع المحيطين به وتطوير علاقات متبادلة معهم.
من المؤكد أن يتعرض الطفل لحرمان بيئى أو عدم أخذه لحقه من حنان ورعاية المحيطين به سيؤدى به إلى مشكلات نفسية كثيرة وترسبات قد تلازمه في حياته.
من الصعب يؤدى الحرمان البيئى إلى توحد✋ بمعنى👇👇👇
التوحد بجميع سماته وخصائصة.
لان الطفل المحروم عاطفيا والمهمل من الأهل فيعانى من عزلة أجتماعية أوعدوانية تجاه الأخرين أوصمت اختيارى ولكنه مثلا👇
لايرفرف بيديه أوتكون له نظرة عين جانبية أو يمشى على أطراف أصابعه.
لكن من الممكن ينتج عن الحرمان البيئى صفات يتشارك فيهاهذا الطفل مع أطفال التوحد .
التوحد يدخل فيه الجانب الجينى والتكوينى لكن الحرمان البيئى مكتسب وليس فطرى أو تكوينى أو جينى .✋

تلعب البيئة دور هام وفعال إما أن تنمى هذا ويظهر بشكل واضح وصريح وإما أن تحد منه ويكون بسيط فهنا ينطلق عليه الحرمان البيئى.
ضعف التواصل وحركات تكرارية وقصور فى اللغة والإجتماعيات وغالبافى معظم الاحيان بيكون سببه هو الانعزال الخاص من الاسرة سواء بالسفر أو عدم الاختلاط ومتابعة الطفل للالكترونيات بشكل عام ممايسبب تأخر فى اللغةوالإدراك وفى بعض الحالات فى تأخر الحركة وكل أساليب التواصل ومع التدخل والعمل مع طفل الحرمان البيئى بيكون طفل طبيعى جدا مع الوقت.

اما التوحد لم يتعرف علي سبب مقنع له حتى الآن ولكن المشكلتين لهم نفس الأعراض فى البداية.👌👆
.

وجوهكم هي الأمان في ظلم وقساوة هذه الحياه التي لا ترحم💔

💙

متلازمة داون
(متلازمة الحب💙)

متلازمة داون هي اضطراب خلقي يحدث نتيجة وجود كروموزوم زائد في خلايا الجسم، وهو يتسبب في مستويات متفاوتة من الإعاقة العقلية والإختلال الجسدي.

أنواع متلازمة داون👇

لمتلازمة داون ثلاثة أنواع هي:
»التاثلث الحادي والعشرين:
يتكرر فيه الكروموزوم 21 ثلاث مرّات بدلاً من مرّتين في كلّ خلية، بحيث يُصبح عدد الكروموزومات 47 بدلاً من 56 كروموزماً،
وهذا يشكّل 95% من حالات متلازمة داون

»نوع الإنتقال الكروموزومي:
هنا ينفصل الكروموسوم رقم 21 ويلتصق بكروموزوم آخر ويشكل هذا النوع 4% من حالات متلازمة داون.

» يشكّل 1% من حالات متلازمة داون وفيه يوجد نوعان من الخلايا في جسم المصاب بعضها يحتوي على العدد الطبيعي من الكروموزومات وهي 46 وبعضها يحتوي على 47 كروموزوماً.

اسباب متلازمة داون👇

يتكون جسم الإنسان من خلايا وكل خلية تمتلك في مركزها نواه لتخزين الجينات وهذه الجينات تحمل الرموز المسؤولة عن الخصائص الموروثة وتتجتمع على هيئة ق**ب تُعرف باسم كروموزومات أو صبغيات، وعادةً ما يرثُ الطفل المعلومات الوراثية من الأب والأم على السواء في ما مجموعه 46 كروموزوماً 23 من الأم، ومثلها من الأب.
تحدث متلازمة داون بعد أن تُباشر الخلايا في الانقسام بعد حدوث عملية إخصاب البويضة في الرحم مباشرة فالخلايا الطبيعية تحتوي على 46 كروموزوماً ويحدث خلل في انقسام الكروموزوم رقم 21 عند بعض الأجنّة ممايتسبب في حدوث متلازمةداون بأحد أنواعها👆
.

أبني شقي و بيتنطط على طول و مش بيقعد في مكان وناقص يمشي علي الحيط 🙄
ممكن يكون بيعاني من فرط الحركة ؟😳

أزاي نفرق بين الولد الشقي ال Active
وبين الطفل اللي بيعاني من فرط الحركة (ADHD) ؟🤔

في شرطين من الأساس لازم👌 يكونوا موجودين في الطفل قبل ما يتشخص كمريض فرط حركة 👇

👈 أن يكون فرط الحركة ده ملازم للطفل في مكانين مختلفين من حيث البيئة يعني مثلا في البيت و المدرسة أو الحضانة في البيت و النادي
مينفعش يكون أبنك هادي و طبيعي في البيت و المدرسة بتشتكي من حركته في الفصل ونقول أن عنده فرط حركة 🤨
غالبا هو زهقان منها بس🤷🏻‍
و بالمثل مينفعش يبقى هادي في المدرسة وبيتنطط في البيت و نقول أن عنده فرط حركة ده غالبا بيدلع عليكي أنتي بس 🙈

👈الشرط التاني أن لازم الحركة الزائدة دي تكون مأثرة على تحصيله الدراسي أو تطوره الطبيعي أو قدرته على إنجاز المهام المطلوبة منه 😣🙃
مينفعش أبنك يكون بيطلع من الأوائل و تقولي ده عنده فرط حركة 🧐
لا حضرتك ده معناه إنه ذكي و أ ذكي كمان من أقرانه و مش محتاج التكرار اللي بتعمله المدرسة فبياخد المعلومة و بيشغل نفسه بأي حاجة تانية
(زي مثلا اللعب في ودن زميله بالقلم 🤭
عايز يعمل أي حاجه تانيه)

طيب أبني مش متوفر فيه الشرطين دول ؟🤔 خلاص حضرتك متقلقيش هو شقي شويا..🤫
بس بقي لازم تعملي الحاجات دي👇🤗
لاعبيه رياضة ⛹🏊🏃
أكليه أكل صحي ..🍎🍊🥦🥑🍖🥚
قللي السكريات 🍧🎂🍦 على قد ما تقدري😟 (خصوصا بالليل) و امنعيه يتفرج على كارتون الاكشن و العنف و هو هيبقى زي الفل ☺

#

معظم المشاكل اللي بتواجهنا في تربيه اولادنا .👇

»- طفلك يكذب ؟
الحل : اعطه الامان .
الطفل لا يكذب إلا إذا كان خائف وتحت ضغط التهديد أشعره بالأمان ثم عزز لديه قيمة الصدق.
»- طفلك عنيد ؟
الحل : لا تعانده أثناء عناده فهو يطبق ما يرى
أمنحه مزيد من الحب والحنان..
»-طفلك كثير الحركة ؟
الحل : أشغله بأنشطة حركية وليخفف من تناول الشوكلاته لانها تزيد من حيويته أعطه مسؤوليات.
»- طفلك لا يأكل جيدا ؟
الحل : لا تغصبه أبدا حول تناوله للطعام إلى لعبة او منافسة زيّن له الطعام بالفواكه الملونة .
»- طفلك يضرب اخوانه الصغار ؟
الحل : لا تقارنه باخوانه وليكن حبك لهم بالعدل ولا تظهر ميل قلبك لاحد منهم على الآخر .
»- طفلك مدمن الالعاب الالكترونية؟
الحل : تدرج معه حتى يقلل من ساعات اللعب ولا تحرمه فجأة فيقبل عليها بشغف اكثر من قبل .
»- طفلك يتلفظ بألفاظ غير محببه ؟
الحل : لا تصرخ عليه بل نبّه باللين وأخبره بأن نظافة اللسان من نظافة القلب وحاول معرفة المصدر .
»- طفلك لا يصلي ؟
الحل : نحبّبه في العباده ونكلمه علي قدره الله ونعمه نشعره بأن كل النعم بما فيها النقود التي يشتري بها الالعاب والحلـِوى والحياه بأكملها هي من الله .
»- طفلك سريع الغضب ؟
الحل : لا تعره اهتمام ولا ترد عليه بغضب مماثل وعلمه أن يتوضأ إن غضب وقل له اهدأ ثم نتفاهم .
»- ابنك ضعيف شخصية ؟
الحل :
امنحه ثقة واعطه مسؤوليات أعطه الأمان لا تشعره بضعف شخصيته ادخله في أندية رياضيّة فلها أثر عجيب على النفس والجسم .
»- طفلك ظهرت عليه علامات التالية :
عدم رغبة بالدراسة - صمت مفاجئ
قضم اظافر - خوف من الناس
قد تكون بوادر اعتداء ( انتبهوا )
»- طفلك يتأتئ أثناء النطق؟
امدحه واكثر من تشجيعه ، لا تضحك على ما يقول واعرضه على أخصائي نطق لتدريبه على حسن النطق .
»- طفلك لا يقبل يدك ولا رأسك؟
الحل : بادر أنت بذلك حتى يقلدك إلى أن يعتاد على ذلك .
»- ابنك سرق ؟
الحل : لا تنعته بكلمة سارق .
بل انصحه على انفراد دعه يرجع ما اخذه وابحث عن الأسباب التي ألجأته للسرقة وعالجها أشبع احتياجاته الماديّة والمعنويّة .
»- ابنك ظهرت عليه علامات البلوغ؟ علّمه آداب الطهارة وعزّز ثقته بنفسه ولا تسخر من شكله وصوته وبين له أنه أصبح مسؤلا عن سلوكه .
»- طفلك لديه بوادر صعوبات تعلم؟
الحل : اعرضه على أخصائي موثوق لدى جهة معتمدة فورا لتدارك الصعوبة قبل أن تتضخم .
»- ابنك بدأت تظهر عليه علامات غير سويه؟
الحل : قلل احتكاكه بالبنات بالتدرج اصحبه لمجالس الرجال ،ودرّبه على الخشونة المعتدلة .
وافعل العكس مع البنات إذا ظهرت عليها تصرّفات غير ملائمه لكونها أنثي
»- طفلك يعاند ويبكي أثناء استيقاظه؟
الحل : امسح على رأسه بالهدوء وناده بأحب أسمائه واقرأ آية الكرسي بهدوء بدل الصراخ
»- طفلك بدأ يصرخ في محل الألعاب ؟
الحل : في عينيه حاوره دون انفعال لا ترضخ لطلبه حتى لو سكت حتى لا يعتاد علي هذا الاسلوب .
»- الإكثار من أسلوب مثلا إن نفذت كلامي فسوف أعطيك نقودا أو حلاوة
هذا يعلم الطفل أسلوب الانتهازية ومن بعدها الرشوة الخفية .

#😊

إرشادات خاصه لأهل الطفل المتأخر لغويا🗣
»»👇👇👇
»-عدم ترك الطفل فترات طويلة مهملا أمام التلفاز أو الكمبيوتر بل يفضل تواجده مع الأهل والأم بالذات👩

»عدم تعرض الطفل لأي لغة غير اللغة العربية وذلك لتعرفه علي اللغه المنطوقه وعدم تشتته مع اي لغه ثانيه❌

»-يجب منهم الكلام باستمرار مع الطفل بلغة سهلة وبسيطة وواضحة بجمل لاتزيد عن ثلاثة كلمات للجملة في البدايه 🗣

»-يكون الكلام مع الطفل واضح إلى درجه من البطئ ليعطي فرصة للطفل لمراجعة وفهم المتكلم ومخارج الكلمات والحروف

»-عدم الاستجابة بتلبية طلبات الطفل إذا أشار للشئ باليد لإنها طريقة سهلة ويستعملها الطفل باستمرار لكي يسهل على نفسه ولا يتكلم، يجب على الأم عدم الاستجابة والتظاهر بعدم الفهم لكي تحفز الطفل آن يتكلم.

»- فعلى الأم إعادة الكلمة ثانية بصورة صحيحة وواضحة وسهلة وبسيطة لكي لايتعود على النطق الخاطئ ولكن بطريقة غير مباشرة وعدم الضغط على الطفل .👌

»-اجعلي الممارسات اليومية كالقصــــة لتوسيع الإدراك والتخاطب لدى الطفل 👇
- الاستحمام أو غسل الوجه صباحاً
أثناءه تتحدث الأم مع طفلها عن الفم والعين والأنف وباقي أعضاء الرأس ووظائفها،
أما في الاستحمام فتشير إلى أعضاء الطفل المختلفة.

- الإفطار:-
النطق بأنواع الطعام مع السماح للطفل بإمساكها ووصفها ثانية معكي إن أمكن له في المحاوله.

-الملابس:-
أثناء غسيل الملابس أو اللبس للخروج تحدثي آ لطفلك عن أسماء الملابس المختلفة واسأليه عن رغباته لأختيارالملابس المعينة التي يرغب بها مع إدخال فكرة عن الألوان وملمس الملابس

-الغداء والعشاء:-
كما في الإفطار يفضل جلوس الآسرة كاملة للطعام على المائدة ولو لمرة واحدة يوميا،
في هذه المرة يتعلم الطفل كيف يرتب المائدة مع الأم وتحدثه عن أدوات المائدة ووضعها لكل فرد من أفراد الآسرة،كما يوضع لهذا الطفل طبق خاص به ليتعلم آداب الطعام والاعتماد على النفس دون المساعدة

ـالخروج من المنزل:-
تحدثي للطفل عن وسائل المواصلات المختلفة التي يتنقل بها كالسيارة والباص والطائرة والقطار مع الإشارة إلى الباب وعجلة القيادة والكرسي والإطارات وباقي القطع وتكرار ذلك في كل مرة يخرج فيها الطفل معكي ويفضل أن يخرج يوميا بل يجب ولو لمرة واحدة يوميا.

#
😍😊